هل نقول مبروك للزميله تراجي بمناسبه توقيع اتفاق الشرق

ماعارف اقول مبروك ام لا لترجي ربما نشاهدها غدا مساعد رئيس الجمهوريه لمراقبه البوردات في طوكر او القاش

اجل المباركه
حتى موث اخر انسان من الشمال النيلى

الحاجة الكويسة في الشرق..
فصيل واحد البيفاوض.
....
أدروب م طماع.

كتب صديقي جدادة العدة اوسلي2

Quote: اجل المباركه حتى موت آخر انسان من الشمال النيلي

شايف يا عمر ادريس قريبك وتقول لي في معسكر واحد!!!!

ده حسه بني آدم يقعدوا معاه في معسكر واحد!!!!

ابراء و استبراء يايابا.

ده( معسكر باعشر) اظنه

حاشيه:

للاجيال الصغيره (طه باعشر) من اوائل اطباء الطب النفسي في السودان

وقد صار مضرب مثل لك ما له علاقة بالجنون.

تراجي.

تراجي يا عزيزي لا تعشق الاتفاقيات
والحلول السلمية فهذا يحرمها من كثير من الهوايات
المفضلة
فهي تريدها نار موقدة تاكل الاخضر واليابس

____________________________
بالمناسبة اين فنان التعري ود التيرة (كودي)

وبعدين رجع صديقي الختمي ليصفي حساباته معي باثر رجعي

لمناصرة تراجي لحق خالد كودي في التعبير بالطريقه التي يراها

فكتب :

Quote: تراجي يا عزيز لا تعشق الاتفاقيات والحلول السلميه فهذا يحرمها من كثير من الهوايات المفضله فهي تريدها نار موقده تأكل الاخضر و اليابس

وختم مداخلاته ب

Quote: بالمناسبه اين فنان التعري ود التيره( كودي)

ربما احترمتك يا اخي

لو وضحت غضبك باسلوب شريف وفي غير هذا البوست

اما ان تدعي بان تراجي عاشقه وللحروب

والموت بعض هواياتها فهذه كثيره منك

واعلم انك لا تعرفني اكثر من اخوة كثيرين هنا

وادعائك عن هواياتي وعشقي ماهو الا كذبا مبين

فربنا يهيدك بحق هذا الشهر

وحقي منك خليته للما نام ولا ذاق طعام

ومرحب بك لتصفية الحسابات في بوست منفصل.

فاتتك بوستات في غيابك يا صديقي ساحضر لينكاتها لك هنا

عندما اجد متسعا لذلك

منها (تيس ستي مريم)

تراجي.

Quote: وبعدين رجع صديقي الختمي ليصفي حساباته معي باثر رجعي

شفتي يا تراجي ده عيبك الوحيد
الصداقة محفوظة يا ستي والود قائم
وهذا لا يمنع انتقادك والوقوف عكس
اطروحاتك ....

Quote: ومرحب بك لتصفية الحسابات في بوست منفصل.

بالواضح كده الموضوع
ما فيه اي نوع من تصفية الحسابات .. لانه اساسا لاتوجد
اي حسابات معلقة

يعني ما شايفاك باركت لي في ابوجا عشان تبارك لي في اسمرا؟؟؟؟؟

لكن تحرشك فات الحد

الزول ده عنه عقده اسمها تراجي مصطفى

العاجبني لك انها فاقعه مرارتك.

وشايف بوستك ضم كل من لهم ثأرات مع تراجي

عقبال شلة الآنس ما تنضمه لكم.

تراجي.

Quote: عقبال شلة الآنس ما تنضمه لكم. تراجي.

ذي منو؟

في ابوجا ماعرفتك تبع اي جناح عشان كده ما قلت ليك مبروك جناح موقعين ولا رافضين ولا منشقين لكن في ظني جناح ام جكو

محمد الامين

ادعيت سيادتك انه ليس هنالك اجنحه لاهل الشرق

ماهو رايك في هذا الجناح؟؟؟؟

دكتور محمد شريف يدعو جبهة الخلاص للاتحاد مع جبهة الشرق...

عشان تعرف بس ما كل الناس موافقين على الاتفاق.

تراجي.

لحركة الوطنية لشرق السودان
إتفاق أسمرا دون طموحات شعوب شرق السودان



14 أكتوبر 2006
لندن – الخرطوم – بورتسودان – كسلا – القضارف

صرح المهندس / أمين محمد طاهر عضو القيادة العليا وأمين الاتصال التنظيمي والسياسي بالحركة الوطنية لشرق السودان ..
" ان إتفاق أسمرا لا يشكل إلا خطوة جزئية في اتجاه الحل السياسي الشامل لمشكل شرق السودان وأن ما تم وفقه لن يؤدي إلا إلي تهميش قطاعات مهمة من الرأي الشعبي السياسي والاجتماعي العام في شرق السودان بحيث يقصيها ويعزلها على نحوِ شبيه بما حدث في دارفور بفعل عدم إشراك حركات سياسية ذات حضور على الأرض ، وفيما بين الناس فيه ، وعلى رأس تلك حركة تحرير السودان – جناح الأستاذ / عبد الواحد محمد نور ، وحركة العدل والمساواة بقيادة دكتور / خليل إبراهيم ، والتي إنضمت ، فيما بعد لكيان أوسع اشتمل على تنظيمات سياسية أخرى ، وعرف بإسم جبهة الخلاص الوطني ، وذلك فضلا عن مجموعة ال 19 المنشقة عن حركة تحرير السودان – جناح السيد مساعد رئيس جمهورية السودان مني اركوي مناوى " ..

وأضاف المهندس / أمين محمد طاهر ..
" ان الحركة الوطنية لشرق السودان قد رحبت ، فيما سبق ، بالاتفاق الأمني الذي تم بين الحكومة السودانية وجبهة الشرق رغم تحفظاتها الأساسية على جوانب رئيسة إشتمل عليها . ثم أوضح ان ما عنته الحركة الوطنية لشرق السودان ب ( الخطوة الجزئية ) إنما قصد به ذاك الشق الإيجابي من الاتفاق الأمني والذي نجم عنه وقف العمليات العسكرية في شرق السودان ، ومن ثم نزيف الدماء العزيزة لأبناء شعوب شرق السودان ، فضلاً عن شئ من اٌلإنجازات غير الموفيه الا ببضعة طموحات فى مجالي قسمة السلطة والثروة .. "

واختتم المهندس / أمين محمد طاهر حديثه ..
" إن ما توصلت إليه الحكومة السودانية مع جبهة الشرق لم يدهشنا ، ولم يشكل لنا أي مفاجأة إذ أننا بتحليلنا لنفسية – الفئة الحاكمة – ندرك جيدا أنها لاعبة عتيقة على حبال المصلحة ، والمرواغة السياسية ، الشيء الذي يدفعنا الى إثبات أن خياراتنا المستقبلية تظل مفتوحة بشأن رؤى ، وأساليب نضالنا السياسي القادم ، لاشك بالوعد ، والخير لجماع أهلنا في شرق السودان الحبيب ، بل وفي الوطن السوداني جميعه .. "

المكتب الإعلامي
الحركة الوطنية لشرق السودان
http://www.sudaneast.org.uk

????

تراجي الفهم قسمة قلت ليك ماعارفتك تبع اي جناح من جنحين ابوجا ولم ادعي اصلا

*

ادروب نسينا نقول ليك مبروك

شكرا ليك أخي محمد الأمين
ويا ريتك لو تخفف من تصيد سقطات أخوانك في دارفور حتي يعم السلام كل السودان إنشاء الله!



لك التحية والتقدير

ادروب تسلم ياسيدي اخواني ناس دارفور ماعندي اي مشكله معهم بل العكس علي الرحب والسعه اما تراجي فهي من عندكم من الشرق وليس من عندنا