Post: #1
Title: البيض (جنى جداد)
Author: البعيو
Date: 10-11-2006, 05:41 AM
Parent: #0
بألامس علمت أن سعر البيضه فى الخرطوم
1000 جنيه
مش حاجه غريبه
صناعة البيض دى مسأله مافيها تعقيدات وتكنلوجيا
وين المسئولين؟
الله لاكسب الكان السبب
قبل كم سنه
كنت فى سوبامع احد الأخوان فى مزرعته
طبعاً غياب كامل للدوله. فى مكتب تعبان لإدارة المشروع،
المويه قاطعه طول السنه ولمن تجى تكسر الترع وتنساب المياه قافله الطرق
والترع وسخانه كلها قش يمنع انسياب الماء ولو ماعاجبك تأجر ناس يجو يقلعوا القش
واتخيل بقى التكلفه الباهظة والوقت المستغرق وجودة العمل علماً بأن المكتب يتقاضى
رسوم الماء على داير المليم ويفك ليك الغفراء (الخفير)، أول ماتزرع يجى يقفل بوابة الترعة
وتقعد انت يالمورط تلف المشروع لغاية ماتحصله وطبعاً بتدخل فى مواضيع شوف لينا حق الشاى
وقصص عجيبه لادخل لك فيها
وأن تحدثنا عن الأمن فحدث ولا حرج ماتقدر تعتب بعد المغرب يضبحوك فى نص الطريق وتلحق امات طه
طبعاً حي مايو هو اقرب الأحياء لمشروع سوباولمن لايعرف احسن وارخص عشاء فى العاصمة هناك الفراخ بتراب الفلوس والاقاشى على افا من يشيل وكله لطش من سوباوالماعاجبه يشرب من الترعه
المهم نرجع للموضوع مرينا على مزرعة احد الأخوان بعد ماشفنا عربيته واقفه دخلنا المزرعه وقد كانت الساعة حوالى العاشرة صباحاً لقينا صاحبنا فى سابع نومه ويجلس فى السرير الجنبه زول احمرانى سلمنا عليه وجلسنا عرفنا انه دكتور عراقى تابع للمنظمة العربيه للزراعة والبطيخ ولديهم مشروع فى الباقير وعلى حسب الخطط مفروض المشروع يكفى الدول العربيه بيض ولكن بأختصار شديد مشكلة المشروع أكل الفول لأن وجبة افطار العاملين يومياً طبق فول والكلام للدكتور والفول بروتين لمن يدخل المعده كل الدم يحضر للمعده لهضمه والمخ يقعد بلا دم وبالتالى ما بكون شغال ويكون الواحد فى حالة عدم تركيز لفترة وبعدها الصلاة وتوابعها من قطع جمار ونومه فى البرش وبعد داك الزوغان.
تخريمه: معليش الموضوع كله تخريمه
هنا فى السعودية 3 بيضات بريال وعليك الحساب
سلة غذاء العالم
|
Post: #2
Title: Re: البيض (جنى جداد)
Author: ابو جهينة
Date: 10-11-2006, 06:01 AM
Parent: #1
عشا البايتات البعيو
سلام كبير
وينك ؟
أهل السودان أمرهم في الشراء غريب و عجيب.
معروف عن السوداني أنه لا يفاصل في سعر سلعة يريدها بالفعل.
فما دام القروش في جيبو و السلعة أمامه فلا مفر من الشراء.
و دونك الآن السكر. الناس تبكي و تشكي و في نفس الوقت تصوط في كبابي الشاى و فناجين القهوة و جكوك الحلو مر و القمر الدين و العرديب و الليمون . يشربوا و ينقنقوا في السعر.
المصريين عشان ( تعريفة واحدة ) تمت زيادتها لثمن رغيف العيش ، مصر كلها طلعت الشارع. و لسان حالهم يقول : عُض قلبي و لا تعض رغيفي.
كان الله في العون
|
Post: #3
Title: Re: البيض (جنى جداد)
Author: البعيو
Date: 10-11-2006, 07:02 AM
Parent: #1
الريس ابوجهينه
مساك الله بالخير والعافيه
بلد زى السودان ده تكون فيه البيضه 1000
جنيه، والمنقه يحرقوها فى الموسم فى ابوجبيهة
ومواقع الانتاج
فعلاً بلد غريبه
تخريمه:
الله يطرى أخونا كانتونا بالخير إختفاء كامل
|
Post: #4
Title: Re: البيض (جنى جداد)
Author: DKEEN
Date: 10-11-2006, 08:54 AM
Parent: #1
Quote: بألامس علمت أن سعر البيضه فى الخرطوم
1000 جنيه |
يعني بيضين بي الفين جنيه
يعني الفين + 15 الف بنطلون +10 تي شيرت+ 5صندل.. هممممممممممممممممممممم
يعني الواحد هسي يا البعيو بالميت كده بسوى حوالي 32 الف جنية..
نعمة برضو ..
اخيرا قيمتنا ماشة ترتفع ..
|
|