Post: #1
Title: تزوج بسرعة و اندم على مهلك !!!!!
Author: lana mahdi
Date: 10-09-2006, 08:01 PM
|
Post: #2
Title: Re: تزوج بسرعة و اندم على مهلك !!!!!
Author: عاطف محمد أحمد زكريا
Date: 10-09-2006, 08:19 PM
Parent: #1
Quote: فما رأيكم أيها الأحباب و أيتها الحبيبات؟
هل تنطبق عليك
تزوج بسرعة و اندم على مهلك؟
أم تزوج بسرعة و اندم بسرعة؟
أم تزوج على مهلك و اندم بسرعة؟
أم تزوج على مهلك و اندم على مهلك؟
أم تزوج على مهلك و لا تندم أبداً؟
أم تزوج بسرعة ولا تندم أبداً؟
أم لا تتزوج واندم بسرعة؟
أم لا تتزوج و اندم على مهلك؟
أم لا تتزوج ولا تندم لا بسرعة ولا على مهلك و ريّح دماغك؟
محبتي |
لنا مهدى
تحياتى
كل الحالات اعلاه بتنطبق على الناس الاسوياء
الذين حالفهم الحظ وجعل لهم مطلق الحرية فى ان يتزوجوا بالطريقة التى يفضلونها والاشخاص الذين يقع عليهم اختيار القلب
ولكن
يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية..
اعتقد فى الحالة دى بتزوج فقط (ده اذا تزوج) من باب اداء الواجب ليس الا
وعندها فان الندم اذا كان على مهل او على عجل لا يضفى طعما جديدا للحياة لان حياته اصلا بلا طعم
|
Post: #16
Title: Re: تزوج بسرعة و اندم على مهلك !!!!!
Author: lana mahdi
Date: 10-10-2006, 11:32 AM
Parent: #2
Quote: لنا مهدى
تحياتى
كل الحالات اعلاه بتنطبق على الناس الاسوياء
الذين حالفهم الحظ وجعل لهم مطلق الحرية فى ان يتزوجوا بالطريقة التى يفضلونها والاشخاص الذين يقع عليهم اختيار القلب
ولكن
يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية..
اعتقد فى الحالة دى بتزوج فقط (ده اذا تزوج) من باب اداء الواجب ليس الا
وعندها فان الندم اذا كان على مهل او على عجل لا يضفى طعما جديدا للحياة لان حياته اصلا بلا طعم |
الحبيب عاطف
التقدم في العمر ليس مبرراً للزواج و (خلاص)
العمر هذا إحساس داخلي أكثر من كونه سنين تحصى و تعد
بالله أسرع و إلا لقاربت خريف العمر عزابي يا حبيب
|
Post: #27
Title: Re: تزوج بسرعة و اندم على مهلك !!!!!
Author: عاطف محمد أحمد زكريا
Date: 10-10-2006, 07:08 PM
Parent: #16
Quote: الحبيب عاطف
التقدم في العمر ليس مبرراً للزواج و (خلاص)
العمر هذا إحساس داخلي أكثر من كونه سنين تحصى و تعد
بالله أسرع و إلا لقاربت خريف العمر عزابي يا حبيب |
اتفق معك ولكن ليس هذا ما اعنيه
اقول ليك شنو بس
ياخى قالوا الجمرة بتحرق الواطيها
وتسلمى
|
Post: #3
Title: Re: تزوج بسرعة و اندم على مهلك !!!!!
Author: Sabah Hussein
Date: 10-09-2006, 08:20 PM
Parent: #1
يالنا
انا مع اخـر سطر.وريحـى دماغك
|
Post: #17
Title: Re: تزوج بسرعة و اندم على مهلك !!!!!
Author: lana mahdi
Date: 10-10-2006, 11:40 AM
Parent: #3
Quote: يالنا
انا مع اخـر سطر.وريحـى دماغك |
دة كلام شنو يا الصبوحة؟
أقدمي و لن تندمي (على ضمانة أختك)
محبتي حبيبة
|
Post: #22
Title: Re: تزوج بسرعة و اندم على مهلك !!!!!
Author: Sabah Hussein
Date: 10-10-2006, 05:07 PM
Parent: #17
والله يالنا
دا كلام مجـرب ما كلام طبيب.
قولتـى لي على ضمانتك مابتقصـرى يالانصاريه. لكن موضـوع العرس ابدا مافيهو ضمانات. والتنظير فيهـو ساهـل على ارض الواقع التنظير بشيلو الهـواء.
والعـرس ذى البطيخه المقفوله يا اما تطلع حـمراء وحلوه او بيضاء ومسيخه.
ماعايزه اكـون محبطه لكن الزواج مسئوليه تاريخيه.والاحباط فـى العرس سلاح ذو حـدين ياإما تكون قـوى جـدا وتحقق نجاحاتك بعيدا عن المؤسسه الزواجيه او تبقى ضعيف وتركن للفشل.
|
Post: #24
Title: Re: تزوج بسرعة و اندم على مهلك !!!!!
Author: lana mahdi
Date: 10-10-2006, 06:46 PM
Parent: #22
Quote: والله يالنا
دا كلام مجـرب ما كلام طبيب.
قولتـى لي على ضمانتك مابتقصـرى يالانصاريه. لكن موضـوع العرس ابدا مافيهو ضمانات. والتنظير فيهـو ساهـل على ارض الواقع التنظير بشيلو الهـواء.
والعـرس ذى البطيخه المقفوله يا اما تطلع حـمراء وحلوه او بيضاء ومسيخه.
ماعايزه اكـون محبطه لكن الزواج مسئوليه تاريخيه.والاحباط فـى العرس سلاح ذو حـدين ياإما تكون قـوى جـدا وتحقق نجاحاتك بعيدا عن المؤسسه الزواجيه او تبقى ضعيف وتركن للفشل. |
الحبيبة الصبوحة
بمناسبة ال(بتيخة المقفولة )أحكي ليكي نكتة:
واحد جا لي والدو قال ليهو يابا داير أعرس أنصحني..
أها الأبو بي حكمة السنين قال لليهو (يا ولدي العرس زي البرميل النصو الفوق عسل و النص التحت زفت)
أها مرت الأيام ..قام الأبو سألو بعد كم شهر:"أها ياولدي لقيت العرس كيف؟؟"
قام الولد قال ليهو "أظن يابوي فتحتا البرميل بالمقلوب"
أها بشجعك على ضمانتي لأني من (أنصاريات )تزوج على مهلك و لن تندم أبداً..
وقلتي كلام مجرب؟
طيب أكيد عارفة إنو مافي تجربتين في الدنيا بتشابهو لأن القياس في الحتة دي ما سليم..
أقدمي و لن تندمي 2
|
Post: #25
Title: Re: تزوج بسرعة و اندم على مهلك !!!!!
Author: Sabah Hussein
Date: 10-10-2006, 06:57 PM
Parent: #24
نكته شكلها بتنطبق علي كدا. انا برضو يظهر فتحت البرميل بالمقلوب. لكن طلعت منو امـوره عـسل الله يخليها لي ويسعدا واشوفها عـروس انشاءالله.قبل ما الكيزان يقصروا عـمرنا.
|
Post: #4
Title: Re: تزوج بسرعة و اندم على مهلك !!!!!
Author: hatim ibrahim
Date: 10-09-2006, 08:39 PM
Parent: #1
.
اخي عاطف
Quote: يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية..
اعتقد فى الحالة دى بتزوج فقط (ده اذا تزوج) من باب اداء الواجب ليس الا |
شكلك كده قاصدني عديييييييييييل كده بس ما عاوز تقول اسمي
شكرا الأخت لنا على هذه الوصايا القيمة
وشكرا للخلفية ( الزرقاء ) الرائعة فاللون محبب جدا عندي
دائما لما تجي سيرة الزواج بتذكر لي نكتة باااااايخة لكن بتضحكني شديد
قالوا واحد من أهلنا الحلفاويين متمسك بدينو شديد ( دي المفارقة الأولى في النكتة ) ..الفروض كلها في الجامع ...يصوم ويزكي .. ويحب اعمال الخير ... الخ
المهم ابوهو كل مرة شابكوا .. يا مهمد صالح انت لازم تتزوج وتكمل نص دينك ..
تحت الضغط قام صاحبنا اقتنع .. واتزوج
وبعد الزواج قلب 180 درجة
بقى زول بتاع عربدة شديدة
يوم كده أبوهو لقاهو بعد نص الليل في حالة كده ما ياها
قال ليهو : يا مهمد صالح نحن قلنا ليك تكمل نص دينك تقوم تطلع من النص الأولاني ...
نحن بس نقبض قوي في النص الأولاني ده .. طالما الشغلانة غلبتنا
تحياتي .. ورمضان كريم
|
Post: #26
Title: Re: تزوج بسرعة و اندم على مهلك !!!!!
Author: عاطف محمد أحمد زكريا
Date: 10-10-2006, 06:59 PM
Parent: #4
Quote: شكلك كده قاصدني عديييييييييييل كده بس ما عاوز تقول اسمي
|
عزيزى حاتم والله كنت قايل روحى براى
ما عارف اعزيك ولا اعزى نفسى
طلعنا زملان وقالوا المصائب بتلم المصابين
والله يجازى اللى كان السبب
لك مودتى
|
Post: #32
Title: Re: تزوج بسرعة و اندم على مهلك !!!!!
Author: lana mahdi
Date: 10-11-2006, 10:57 AM
Parent: #4
Quote: اخي عاطف
Quote: Quote: يسوى شنو الزول كان شايل رماد قلبه الحرق حتى قارب خريف العمر ان يغور فى ستين داهية..
اعتقد فى الحالة دى بتزوج فقط (ده اذا تزوج) من باب اداء الواجب ليس الا |
شكلك كده قاصدني عديييييييييييل كده بس ما عاوز تقول اسمي
شكرا الأخت لنا على هذه الوصايا القيمة
وشكرا للخلفية ( الزرقاء ) الرائعة فاللون محبب جدا عندي |
الحبيب حاتم
شكراً يا هلالابي
الحبيب عاطف دة وصاياه ممتازة في حالة قصدتو ل(إستشارات)وكدة
Quote: دائما لما تجي سيرة الزواج بتذكر لي نكتة باااااايخة لكن بتضحكني شديد
قالوا واحد من أهلنا الحلفاويين متمسك بدينو شديد ( دي المفارقة الأولى في النكتة ) ..الفروض كلها في الجامع ...يصوم ويزكي .. ويحب اعمال الخير ... الخ
المهم ابوهو كل مرة شابكوا .. يا مهمد صالح انت لازم تتزوج وتكمل نص دينك ..
تحت الضغط قام صاحبنا اقتنع .. واتزوج
وبعد الزواج قلب 180 درجة
بقى زول بتاع عربدة شديدة
يوم كده أبوهو لقاهو بعد نص الليل في حالة كده ما ياها
قال ليهو : يا مهمد صالح نحن قلنا ليك تكمل نص دينك تقوم تطلع من النص الأولاني ...
نحن بس نقبض قوي في النص الأولاني ده .. طالما الشغلانة غلبتنا
تحياتي .. ورمضان كريم |
غايتو دة الزواج كان معاهو بالساحق و الماحق
يا زول البيقولوهو عن المرأة و النكد والنقة و و و ودي إشاعات ساكت بيطلقها (البعض) ممن يحسدون ال(عزابة) ولا يودون لهم الخير يلا إتوكل و ما ح تندم.
ورمضان كريم
|
Post: #5
Title: Re: تزوج بسرعة و اندم على مهلك !!!!!
Author: نصار
Date: 10-09-2006, 08:40 PM
Parent: #1
العزيزة لنا
الله لا جاب ندم
الحكاية كلها تكمن في الفروقات الدقيقة جدا بين الرجل المرأة بجوانبها المادية و المعنوية
دي حاجة ممكن تكون دفعا للعلاقة و تمتين لها او تكون قنابل تفجرها خالص خالص
الله يهدي سري الجميع
|
Post: #6
Title: Re: تزوج بسرعة و اندم على مهلك !!!!!
Author: فاروق حامد محمد
Date: 10-09-2006, 08:58 PM
Parent: #5
لنا!!!!!!!!!!!!!
بكل تداوينا فلم يشف ما بنا
................على أن (بعد) الدار خير من (القرب)
............ وحتى اذا قلب البعد والقرب فالأمر سيان
وصدق صلاح عبدالصبور ...:
سأم ..... سأم ...سأم
نفخ الأراجيل سأم
الخ القصيدة
|
Post: #7
Title: Re: تزوج بسرعة و اندم على مهلك !!!!!
Author: عبدالرحمن الحلاوي
Date: 10-09-2006, 10:47 PM
Parent: #6
الزواج شراكة خاضعة لمجريات الحياة الراتبة بكل فصولها ، ولكن يبقى فن إدارة الفصول هو الفيصل ! .. الراتبة والراتب لا يلتقيان فالراتب يغير الراتبة وهو الأصل لكل حبيب
|
Post: #34
Title: Re: تزوج بسرعة و اندم على مهلك !!!!!
Author: lana mahdi
Date: 10-14-2006, 12:00 PM
Parent: #5
Quote: العزيزة لنا
الله لا جاب ندم
الحكاية كلها تكمن في الفروقات الدقيقة جدا بين الرجل المرأة بجوانبها المادية و المعنوية
دي حاجة ممكن تكون دفعا للعلاقة و تمتين لها او تكون قنابل تفجرها خالص خالص
الله يهدي سري الجميع |
الحبيب نصار
تحية و تقدير
كلامك حكمة يا حبيب
كل تجربة وكل زيجة لا تشبه الأخرى
قالت لي صديقتي(يوميات زواجي مثل فن إدارة الأزمات)
ضحكتُ لطرافة التشبيه ثم سرعان ما قطبتُ لمعاناتها!
والله لا جاب ندم
|
Post: #8
Title: Re: تزوج بسرعة و اندم على مهلك !!!!!
Author: فارس موسى
Date: 10-10-2006, 00:30 AM
Parent: #1
Quote:
قال ليهو : يا مهمد صالح نحن قلنا ليك تكمل نص دينك تقوم تطلع من النص الأولان
الحكمه العميقه جدا فى تعليق الوالد دا هنا، مسألة التغيير،ال180 درجه
الزواج لو ما عمل تغيير ولو بنسبة 5/100 فيهو حاجه غلت !( ما مجرب وماشى بكرعينويجرب)
يلا بعد داك شوف او شوفى التغيير بوسيتف ولا نيغتيف، والمعيار الإحساس بالسعاده او نقيضها .
الجواب من عنوانو باين!!!
الكلام من ضهرو ظاهر !!
اسخف حاجه إنو مافى ضمانه ،لا بتلقى زوجه ب warranty
ولا زوج بتاريخ سريان ودوام حلاوتو وكرمو وشهامتو .
والله كريم .
لكن ما شركتى لينا يا لنا !!!
انا متخارج .
كل سنه وإنت وخطيبتى والباقيات اكتر نضجا ووعيا وإحساسا بمسؤلية الحب الملقاه على
عواتقكن الرهيفه .
|
Post: #9
Title: Re: تزوج بسرعة و اندم على مهلك !!!!!
Author: فارس موسى
Date: 10-10-2006, 00:36 AM
Parent: #1
المداخله اعلاه جات كده وقلت اخليها
شفت سيرة البحر اقصد العرس بتعمل فينا شنو؟
دعواتك لينا إمكن بعد شهرين لو ربنا مد فى العمير .
سؤال غتيت يا لنا
يا ربى احسن الراجل الليبرالى ولا المحافظ
ولا السودانى ؟؟؟؟؟؟؟
!!!!!!!!!!!!!!!!!!!!!!
تصبحى اكتر سعاده بتوقيت اكثر المنافى حرقه
|
Post: #10
Title: Re: تزوج بسرعة و اندم على مهلك !!!!!
Author: خالد الأيوبي
Date: 10-10-2006, 00:37 AM
Parent: #1
الأســتاذة لنا
مع إن الموضوع لا يعنيني و الحمد لله ، إلا أنني دخلت لســببين
أن أسلم و أقول رمضان كريم
و أن (أقبض علي) صديقي الضائع مني فارس موسي الذي رأيته يدخل هنا قبل قليل. إقرأ ماسنجرك يا فارس
|
Post: #11
Title: Re: تزوج بسرعة و اندم على مهلك !!!!!
Author: saif massad ali
Date: 10-10-2006, 05:59 AM
Parent: #10
تزوجت بسرعة لم ولن اندم ابدا
|
Post: #12
Title: Re: تزوج بسرعة و اندم على مهلك !!!!!
Author: Ibrahim Algrefwi
Date: 10-10-2006, 06:12 AM
Parent: #1
لنا ولكم سلام ...
قبل فترة كده كنت بونس مع عماً لينا كده في موضوع العرس ده.
قال لي :ما ناوي ؟
قلت ليه :والله مشغول شويه كده
قال لي : غايتو لوعرست حتندم لو ماعرست حتندم ...
|
Post: #13
Title: Re: تزوج بسرعة و اندم على مهلك !!!!!
Author: جلال ناصر
Date: 10-10-2006, 07:18 AM
Parent: #1
العزيزه لنا
رمضان كريم
فاتحه سيره العرس فى رمضان مالك
ومن لم يستطع فعليه بالصوم ونحن فى شهر الصوم ذاتوا
لم اتزوج بسرعه ولم اندم على مهلى
والزواج كالقبر اما حفره من حفر النار او روضه من رياض الجنه
لاتفيد فيه العجله ولا المهله
وارجى الراجيك شقاى الضقتوا كلوا بجيك (محدمود تاور)
تصومى وتفطرى على خير
|
Post: #14
Title: Re: تزوج بسرعة و اندم على مهلك !!!!!
Author: عبدالمنعم خيرالله
Date: 10-10-2006, 07:57 AM
Parent: #13
الحبيبة لنا سلام وطابت اوقاتك
انت عارفه مسالة الندم ده حاجة متقدمة جدا
وكده خلينا منها نجييها بعدين ,لانو المسالة
مبدا الزواج زاتو يتم كيف لانو زمان ناس الانقاذ حاصرونا
وضيقوا فرص العمل علينا ولما طلعنا بره ولقينا الشغل
بقينا نصرف على القاعدين جوه لان الانقاذ افقرتم وفى الحالتين
ما فى زواج عشان كده كده خلى النتزوع اولا بعدين مسالة الندم
ده ليها الف حلال
وليك الود
|
Post: #15
Title: Re: تزوج بسرعة و اندم على مهلك !!!!!
Author: بهاء بكري
Date: 10-10-2006, 10:19 AM
Parent: #1
الاميرة لنا .... سلام
القصة كلها استبدال مشاكل بسيطة باخري اكثر تعقيدا
|
Post: #18
Title: Re: تزوج بسرعة و اندم على مهلك !!!!!
Author: khaleel
Date: 10-10-2006, 02:51 PM
Parent: #15
لنا مهدي
نحن مع ابوك البرعي
صون عشرتها واكرمها
ومن نعماك لا تحرمها
التوافق والتفاهم والاحترام
والحب ياتي اخيرا
|
Post: #19
Title: Re: تزوج بسرعة و اندم على مهلك !!!!!
Author: smart_ana2001
Date: 10-10-2006, 03:23 PM
Parent: #18
lana mahdi
رمضان كريم
تزوج على اقل من مهلك...............استفتى قلبك و عقلك برضوا
حاول تعرف كل حاجه عن الاخر............الحجات اللى بيحبها , الحجات اللى ما بيحبها, الاكل , الالوان , لو فى طريقه اعمل اختبار مستوى الذكاء. علاقاته مع اهله و الاصدقاء
اى حاجه..... كل كبيره و صغيره
و ان شاء الله ما ح تندم. و لو ندمت ما ح تندم شديد
|
Post: #20
Title: Re: تزوج بسرعة و اندم على مهلك !!!!!
Author: نهال كرار
Date: 10-10-2006, 03:33 PM
Parent: #1
| Quote: أم لا تتزوج ولا تندم لا بسرعة ولا على مهلك و ريّح دماغك؟ |
|
Post: #21
Title: Re: تزوج بسرعة و اندم على مهلك !!!!!
Author: محمد عادل
Date: 10-10-2006, 04:43 PM
Parent: #20
ياميرة
الشى المهم
تكون انصارية كاربة
تقول ليها
يمين يمين شمال شمال
|
Post: #23
Title: Re: تزوج بسرعة و اندم على مهلك !!!!!
Author: أحمد الشايقي
Date: 10-10-2006, 06:28 PM
Parent: #1
الاميرة لنا,
أنا مع رأي الأخت صباح,
Quote: لكن موضـوع العرس ابدا مافيهو ضمانات. والتنظير فيهـو ساهـل على ارض الواقع التنظير بشيلو الهـواء.
والعـرس ذى البطيخه المقفوله يا اما تطلع حـمراء وحلوه او بيضاء ومسيخه. |
كل حالة بظروفها والساتر الله
تحياتي
أحمـد الشايقي
|
Post: #28
Title: Re: تزوج بسرعة و اندم على مهلك !!!!!
Author: sudania2000
Date: 10-11-2006, 02:29 AM
Parent: #23
لنوية
الحكمة جاءت في السطر الاخير لانه
عد زمن الدهشة وتكلست المشاعر
و
تحياتي
|
Post: #29
Title: Re: تزوج بسرعة و اندم على مهلك !!!!!
Author: alsngaq
Date: 10-11-2006, 04:46 AM
Parent: #1
| Quote: أم لا تتزوج ولا تندم لا بسرعة ولا على مهلك و ريّح دماغك؟ |
كتلتيها عددديل يا لنا
ورمضان كريم
تحياتي
|
Post: #30
Title: Re: تزوج بسرعة و اندم على مهلك !!!!!
Author: مريم بنت الحسين
Date: 10-11-2006, 07:16 AM
Parent: #1
| Quote: أم تزوج بسرعة ولا تندم أبداً؟ |
لنوية.. انا معترضة على لا.. لأنها بتعني إنه الندم وراك وراك يختي إنتي دايرة تشجعي ولا تطفّشي.. ؟
كان غيّرتيها لي لن بختراها هي من بين التوافيق العملتيها دي...
محبتي
*تخريمة.. يعقوب في السودان ولا شنو؟ 
بنت الحسين
|
Post: #31
Title: Re: تزوج بسرعة و اندم على مهلك !!!!!
Author: محمد الأمين موسى
Date: 10-11-2006, 07:33 AM
Parent: #30
الفاضلة لنا.. أنا تحايلت على المقولة فندمت على مهلي (أنا في الأربعينات) قبل أن أتزوج بسرعة!
|
Post: #33
Title: Re: تزوج بسرعة و اندم على مهلك !!!!!
Author: Mustafa Mahmoud
Date: 10-11-2006, 11:56 AM
Parent: #31
from ustaz nazzar to ustazha lana
الزواج
المأذُونْ..
هو الطاهي الذي
يُحوِّلُ علاقاتِ الحُبِّ الجميلةْ
إلى أسماكٍ مُثَلَّجَةْ...
|
|
|