Post: #1
Title: صحبة النت ام بناي قش ... و جمال هش ..
Author: sudania2000
Date: 10-08-2006, 07:36 PM
Parent: #0
السلام عليكم
اقلام كثيرة نقرا لها هنا
منها من يترسخ في الاذهان
و منهم من تتعوذ بالله من الشيطان
منهم من تتمني ان يكون بقربك في كل مكان
منهم من يراك مطية لقضاء بعض التسلية فيدخل البوست
و يعيسه فسادا و جهلا و بهتان
منهم من تري انك لابد ان تتقرب من نوره
و منه من تلعن بسببه المكان
اذا تطاولت عليك الاقلام
و احسست انك تود المغادرة الي براح اخر
تذكر انك قد تكون شذي عطر لاخر
و بك يذدان البكان
تخيل انك في حافلة مواصلات في السوق العربي
بها كل الالوان و كل طيف من كل بكان
فاذا جاءت المحطة نزلت و مسحت من ذاكرتك كل الالوان
و هذا ما يحدث هنا
ندخل بهدف تبادل المعرفة و النهل من بحور العقول
المحلية و الشاردة .... المغتربة و المهاجرة
و الاخري التي صمدت في السودان
خليط يجعلك تفرح بكل هذا الفيض و كل اطياف الالوان
هل تدخل هنا لتري اين انت؟؟ و اين الناس؟؟ ام تدخل
لرسم فرحة في غريب وحيد طال به الزمان
قد تجد انك هائم و لا تعرف ماذا تريد؟؟
قد تتوه بين كميات الكلام
ولكن بصراحة
اود ان اهمس لكم::
أنا احب هذا البكان
لان فيه كل السودان
و يا بكري لك الشكر
و انشاء الله يوم شكرك ما يجي و مانشوفوا كمان
و رمضان كريم
و عشت يا سودان
|
Post: #2
Title: Re: صحبة النت ام بناي قش ... و جمال هش ..
Author: عبدالرحمن الحلاوي
Date: 10-08-2006, 10:47 PM
Parent: #1
إشرقت من جديد ، في هذا المكان الجميل ، هذه السودانية لتضفي للمكان رونقاً آخر بهذا البوح الرفيع ، في لغة متجذرة في المحلية ، جاءت عبارتك عفو الخاطر ، فكلنا في هذا المكان نحبك من خلال ما يسيل به قلمك من صدق وود . ودمتي
|
Post: #3
Title: Re: صحبة النت ام بناي قش ... و جمال هش ..
Author: عصام أحمد
Date: 10-09-2006, 01:58 AM
Parent: #2
Quote: و رمضان كريم
و عشت يا سودان |
وعشت انتي يا سودانية كمان
تسلمي
و رمضان كريم
|
Post: #4
Title: Re: صحبة النت ام بناي قش ... و جمال هش ..
Author: Tragie Mustafa
Date: 10-09-2006, 02:05 AM
Parent: #1
سودانيه رمضان كريم
| Quote: أنا احب هذا البكان |
وانا ايضا.
Quote:
و يا بكري لك الشكر
و انشاء الله يوم شكرك ما يجي و مانشوفوا كمان
|
رغم تحفظاتي على ديمقراطيته الا اني اشكره ان اتاح لي التعرف باناس كثيرين رائعين هنا.
تراجي.
|
Post: #5
Title: Re: صحبة النت ام بناي قش ... و جمال هش ..
Author: عماد محمود علي
Date: 10-09-2006, 02:21 AM
Parent: #1
| Quote: منهم من تتمني ان يكون بقربك في كل مكان |
أكيد ده أنا .
| Quote: منهم من تري انك لابد ان تتقرب من نوره |
يا ربي ده مو أنا ؟!!!!!
| Quote: و منه من تلعن بسببه المكان |
أعوذ بالله .
Quote: و يا بكري لك الشكر
و انشاء الله يوم شكرك ما يجي |
آآآآآآآآآآميييييييييييييييييييين ، وتسلم يا أبو بكر .
|
Post: #6
Title: Re: صحبة النت ام بناي قش ... و جمال هش ..
Author: singawi
Date: 10-09-2006, 02:34 AM
Parent: #1
سودانية
سلام الله عليك ورحمته وبركاته
القومة ليك
علاقة البورد .. الفاتت الكي بورد .. جمعتنا بأحباب سكنوا الدواخل وعمروها وأنبتوا سبعة سنابل ، في كل سنبلة مئة نعمة . ولكن ولأننا بشر توجد بعض النماذج مجرد التعرف عليها مشكلة . ونماذج قد تختلف معك ولكن تجبرك على احترامها . ونماذج أخرى من النوع الذي تسلمي عليه فيرد التحية بمثلها ويمضي كل في سبيله . وقلمك عندي يحتل مرتبة الانتباه والمتابعة بحيث لايمكن أن ألمحه في بوست خاص أو في مشاركة في بوست لآخر دون المرور والتزود لأنه يحمل ما ينفع الناس ويمكث في الأرض .
تحياتي
|
Post: #7
Title: Re: صحبة النت ام بناي قش ... و جمال هش ..
Author: alsngaq
Date: 10-09-2006, 06:32 AM
Parent: #1
سودانية 2000
سلام ورمضان كريم
وربنا يكضب الشينة ما عارف لغتك فى البوست بتخوف
ما عارف اخوك شاعر بنبرة وداع فى البوست دا؟؟؟
تعرفي يا سودانية المنبر دا زي لحم الراس لامي ساااي من طرف
مثقفين لأبعد درجة وفي اول لفة تتفاجئ بازدواجية تصدمك للابد
وتشكك فى مصطلح المثقف نفسه. ياهو دا المنبر وياهو دا المثقف السوداني
عشان كده مسألة النيك نيم زي سودانية 2000 دي مهمة
جدا لانو بالجد الناس مقامات . ابقي
عشرة على سودانية 2000 دا وما بتجيك عوجه تب
تحياتي
|
Post: #8
Title: Re: صحبة النت ام بناي قش ... و جمال هش ..
Author: أبوبكر حامد الأمين
Date: 10-09-2006, 07:52 AM
Parent: #1
| Quote: أنا احب هذا البكان |
والبكان بحبك كمان ... على وزن الشمعدان بحبك كمان.
ياسودانية شهادتى فيك مجروحة .. ربنا إحفظط واسترك من شر خلقو .. بركة شهر رمضان الفضيل.
|
Post: #9
Title: Re: صحبة النت ام بناي قش ... و جمال هش ..
Author: عبد المنعم سليمان
Date: 10-09-2006, 08:38 AM
Parent: #1
البكان
كلمه جميله وتعكس اريحيه وطيبه و بساطه ..
بكانك وين يا سودانيه .. الله ينور بكانك يا رب
منعم
البكان : الخرطوم
|
Post: #10
Title: Re: صحبة النت ام بناي قش ... و جمال هش ..
Author: Adrob abubakr
Date: 10-09-2006, 09:31 AM
Parent: #1
Quote: ولكن بصراحة
اود ان اهمس لكم::
أنا احب هذا البكان
لان فيه كل السودان |
|
Post: #11
Title: Re: صحبة النت ام بناي قش ... و جمال هش ..
Author: sudania2000
Date: 10-10-2006, 07:10 PM
Parent: #10
صباحاتكم بهدؤ صباح رمضان
لا صخب لا لقيمات لا شاي
صباحات ام درمان و صباحكم زين
و ناس كتار بجروا في طلب العيش
رغم رهق الصيف و العطش و الشظف
و رغم كل اهانات الزمان
و الحكام و اهل السلطان
زحمة تلفك بتأمل غريب
يا ربي دا مالو شايل الهم
و ياربي دي مالها عجوزة و ماشل براها
ديي شيلها ثقيل يا ريت كنت معاها
و اطفال ينكوشوا في كوشة مليانة بخيرات رمضان
ناس لا بتخاف الله لا ساعية لي رضاهو كمان
تدفق الاكل بكميات و اشكال
ناس تحنس في سيد الدكان
يديها فرصة حتي العيد قريب
رهق يملا النفس حسرة
علي ما ال اليه السودان
نرجع لهذا البكان
ابحث و اقرا اضحك و ابكي
و سبحان من اضحك و ابكي في ذات المكان
اليس هو الذي اسري بعبده بغير الزمان
سبحانه و تعالي
ليته يغفر لنا و يرحمنا و يتقبل منا رمضان
و ليته يعتق رقابنا و رقاب ابائنا من النار
و ليته يجمعني بكم كل يوم فرحة بكم في هذا المكان
***************************************
عماد بلا تفاصيل اجدك تحمل ذات الالون
تتفرد و تجتاح و تزعل من هذا و ذاك
تراجي دميقراطية شنو يا بتي
خلينا ننسي دي حكوة ام ضبيبينة
قد لا تصلح لنا كما يخبرنا الحكام
شعب السودان بقولوا بالسوط بمشي احسن
وهم لا يدرون ان الشعب نسي الفكرة و
اصبح بحوجة الي ما هو اكبر و اشمل
الدميقراطية لا تكفي
نحتاج معها حرية صحافة
نحتاج معها لقمة نظيفة
نحتاج الاكبر من هذا و ذاك
احترام انسان السودان
تسلموا
لاحقا اعود لبقية العقد الجميل
و لكل المتداخلون الفين سلام
و سلام مربع لكل السودان
|
Post: #12
Title: Re: صحبة النت ام بناي قش ... و جمال هش ..
Author: sudania2000
Date: 10-10-2006, 07:20 PM
Parent: #11
صدقا اقول
محبطة حتي الثمالة
و مرتوية مع الابري و الليمون بكميات من الاحباط
افتقد بوصلتي
و لا اجد طريقي
احس بان الدرب راح
و شليل فات زمانو
و زمان الفال
الدنيا بلا طعم هنا
المكان الذي احب
صراخ و صخب بلا عمل و لا جديد
تداخلات تصيبني بالغثيان
من منكم يرمي الفتاة بحجر
الجميع سواء في الغث و الفجور في الخصومة
و كلنا غدر
غدر بحبه الي الوطن
يوم ان رسم خطاه قبل خطي الوطن
ايها المتالق فرحا
ايها المتفجر صلفا
ايها المتحجر تعسفا
ايتها الاجمل فكرا
الاكثر هدؤا
الاشد فجورا
الفكر لا يروقه الصراخ
الفكر و الفهم تبادل معرفي
وفيه الاختلاف مباح
اركنوا الي صوت عقل واحد
هو ان نكون هدفا
ان نجمع اطرافنا طرفا طرفا
لنكون وعدا عملا منجزا
وجمالا ادب فن
وفكرا
و
و لكل المتداخلون الفين سلام
و سلام مربع لكل السودان
|
Post: #13
Title: Re: صحبة النت ام بناي قش ... و جمال هش ..
Author: sudania2000
Date: 10-15-2006, 12:47 PM
Parent: #11
البداية دائما جميلة
الفكرة و الاندهاش
شوية مجاملة ع شوية اعجاب
نرجع الي الباب
الماسنجريات قد لا تفيد
صحبة قد لا تصلح ليوم وحيد
الاندهاشة الاولي
سلامات ممكن جات
الاندهاشة الثانية
معقولة انت كدة
طيب البتكتبوا في البورد دا شنو
كلام ساي
وكل زول شايلو رسمة في راسوا
و الفيك بدربو
لا الحقيقة حقيقة
و لا الاعجاب اعجاب
و كلو في الاخر
يصب في صحبة النت ام بناي قش
و جمال هش
لا تحترق الا قبل الخريف
و لا تعيش الا خلف الصريف
عذرا سادتي
ارجو عدم مراسلتي
فقد اصابني الغثيان
و اقفلت كل الشبابيك
فالامر كله كذب و بهتان
و لعبة يجيدها بعض الصبيان
ان تكون صادقا فذلك ضرب من الجنون
ان تكون هادئا فذلك نوع من الهذيان
لا عليكم فلامر كله سيان
بالداخل و الخارج
في النت او في ارض الواقع
السودان اصبح لا يشبه السودان
و كل شوية نحكي كان زمان
ج نعيش الواقع نحن متين
مع
كان زمان
وكان زمان
سلام مربع لكل اهل السودان
|
Post: #14
Title: Re: صحبة النت ام بناي قش ... و جمال هش ..
Author: د.محمد حسن
Date: 10-15-2006, 04:32 PM
Parent: #1
(و هذا ما يحدث هنا
ندخل بهدف تبادل المعرفة و النهل من بحور العقول
المحلية و الشاردة .... المغتربة و المهاجرة
و الاخري التي صمدت في السودان)
عين الكلام
|
Post: #15
Title: Re: صحبة النت ام بناي قش ... و جمال هش ..
Author: شهاب الفاتح عثمان
Date: 10-15-2006, 05:19 PM
Parent: #14
خواطر رمضانية جليلة
و في انتظار العيدية يا سودانية..
|
Post: #19
Title: Re: صحبة النت ام بناي قش ... و جمال هش ..
Author: sudania2000
Date: 10-15-2006, 06:41 PM
Parent: #15
الكريم شهاب الفاتح عثمان
عيديتك علبة كعك مسكر
ربنا يديك الفي مرادك و يسعدك في الدارين
|
Post: #18
Title: Re: صحبة النت ام بناي قش ... و جمال هش ..
Author: sudania2000
Date: 10-15-2006, 06:30 PM
Parent: #14
د.محمد حسن سلامات
اتفق معاك و
ولكن تصيبنا الكثير من الشذرات
انا اصبحت لا اقوي علي مثلها
و في طريقي الي الخروج
|
Post: #20
Title: Re: صحبة النت ام بناي قش ... و جمال هش ..
Author: شول اشوانق دينق
Date: 10-15-2006, 07:16 PM
Parent: #18
Quote: ولكن تصيبنا الكثير من الشذرات
انا اصبحت لا اقوي علي مثلها |
كيف الكلام ده يا سودانية؟؟؟
بعد الكلام الجميل والقوي القلتيها في بداية البوست المفروض الكلام الاخير ده يكون مافي!!!
| Quote: و في طريقي الي الخروج |
نتمني غير ذلك يا سودانية2000
عاطر التحايا
شول اشوانق
|
Post: #16
Title: Re: صحبة النت ام بناي قش ... و جمال هش ..
Author: شول اشوانق دينق
Date: 10-15-2006, 05:51 PM
Parent: #1
سودانية 2000
لكي كل الود والإحترام.
شول اشوانق
|
Post: #17
Title: Re: صحبة النت ام بناي قش ... و جمال هش ..
Author: sudania2000
Date: 10-15-2006, 06:23 PM
Parent: #16
شول اشوانق دينق
سلامات
اشكرك
دبرسة اتمني الا تزعج احد هنا
|
Post: #21
Title: Re: صحبة النت ام بناي قش ... و جمال هش ..
Author: معتصم دفع الله
Date: 10-16-2006, 03:21 AM
Parent: #1
صباحك زين يا سودانية ..
وللوطن ..
وكل عام وأنتِ طيبة ..
|
Post: #22
Title: Re: صحبة النت ام بناي قش ... و جمال هش ..
Author: sudania2000
Date: 11-06-2006, 04:13 PM
Parent: #21
الراقي الوجيه معتصم دفع الله
تسلم ايها الرجل النخلة
سلمت من كل شر
وكل عام وانت الحب
تحياتي
|
|