Post: #1
Title: البشير يتراجع !!! ويقبل بالتدخل الاجنبى تحت مسمى مبادره جديده !!!!!!!
Author: السنجك
Date: 10-04-2006, 08:29 AM
Parent: #0
بعد لقاء عمرو موسى بالبشير (والواضح ان عمرو موسى جاء من طرف مبارك للضغط على البشير) اعلن سكرتير البشير محجوب بدرى
بان القوات التى ستدخل دارفور ستكون معظمها من تونس والجزائر والمغرب ومصر وليبيا او اى قوه صديقه اخرى وستكون تحت امرة الاتحاد الافريقى وستدعم لوجستيا وماديا من الامم المتحده
ووضح عمرو موسى ذلك بقوله بعد الاجتماع
ان البشير سيطرح مبادره جديده لدعم القوات الحاليه بقوات من الامم المتحده !!!
وواضح من هذه التصريحات ان البشير بدأ يتراجع تحت مسمى مبادره جديده من الواضح ان عمرو موسى اتى بها من القاهره لان البشر وقبل ساعات من لقاءه من عمرو موسى قال انه لاطريق ثالث !!
ومن ضمن تصريحات عمرو موسى مايستشف منها ان البشير ومن اليوم سيسكت عن التصعيد
وقد التقط وزير الخارجيه الفرنسى ماترسب ورحب بالحوار بين السودان والامم المتحده
والواضح انه تم تنسيق بين المصريين وجهات دوليه لايجاد مخرج لنظام الانقاذ فمصر لن تجد اضعف من هذا النظام لتملى شروطها عليه خاصه فى حالته هذه من الهلهله
السنجك
|
Post: #2
Title: Re: البشير يتراجع !!! ويقبل بالتدخل الاجنبى تحت مسمى مبادره جديده !!!!!!!
Author: ABDELMAGID ABDELMAGID
Date: 10-04-2006, 12:19 PM
Parent: #1
| Quote: البشير يتراجع !!! ويقبل بالتدخل الاجنبى !!!!!!! |
يعنى ( حرمن !!! ) عليه !!!! 
|
Post: #3
Title: Re: البشير يتراجع !!! ويقبل بالتدخل الاجنبى تحت مسمى مبادره جديده !!!!!!!
Author: السنجك
Date: 10-05-2006, 00:29 AM
Parent: #2
اعبد الماجد
فى دى دايرين فتوى الاثنين والامنو فيهن؟؟!!!
السنجك
|
Post: #4
Title: Reيااخوانا البشير وكرتى بكضبوا فى رمضان !!!!!!!!!
Author: السنجك
Date: 10-05-2006, 07:52 AM
Parent: #3
البشير بعد الطلاقات والحرامات ومهاجمة الامم المتحده صرح بان التعاون والتشاور بين السودان والامم المتحده والاتحاد الافريقى هو الطريق الوحيد لتسوية مشكلة دارفور واحلال السلام
يابشير ياخى امبارح دا خونت الامم المتحده وانها مطيه لامريكا واسع تقبل بمستشارين اجانب خواجات بعد حلفت طلاقات وحرامات انه جندى اجنبى واحد ماتطأ رجله دارفور بل انا سمعتك باضانى دى قلت والله قوات الامم المتحده الفى الجنوب واحد منهم مايشوف مجرد شوف دارفور !!!!
واسمعوا كرتى قال ان الخطه المشتركه(التى تسمح للامم المتحده بمد القوات الافريقيه بدعم لوجستى من ضمنه مجموعات مستشارين من دول غربيه وطواقم فنيه) استجابه لما ظل ينادى به السودان
ياراجل !!! حرام عليك تكذب فى نهار رمضان وتصريحات رئيسك اول امس لم تبرد بعد والتى قال فيها انه لاطريق ثالث ام قبول القوات او المواجهه وهو اختار المواجهه
ياخوى انت صيامك راح عليك ...بعدين رئيسك نسوانه راحن عليه ومحتاج لكفاره للحليفه بالله بالكذب ورمضانه راح عليه لانه كذب نهارا جهارا فى رمضان ونحن شهود عليه يوم القيامه والقوات داخله داخله !!!!!
السنجك
|
Post: #5
Title: Re: Reيااخوانا البشير وكرتى بكضبوا فى رمضان !!!!!!!!!
Author: محمد عادل
Date: 10-05-2006, 08:12 AM
Parent: #4
| Quote: البشير بعد الطلاقات والحرامات |
ياحبيب طلاقات شنو
انت شوفو بس فى الصورة مع عمرو موسى قاعد مهذب بسمع فى الكلام
حسه خافير سولانا فرض عليهم حظر الطيران
|
Post: #6
Title: Re: Reيااخوانا البشير وكرتى بكضبوا فى رمضان !!!!!!!!!
Author: Tragie Mustafa
Date: 10-05-2006, 08:54 AM
Parent: #5
انت في البشير براه يا السنجك اخوي
ولا في قطبي المهدي الشنه حمله على علي عثمان
عندما تحدث عن طريق ثالث وقامت قيامتهم
وشتموه ووصفوه بالعاماله و الخيانه والآن اسمع ان هنالك طريق ثالث!!!
مسكين علي عثمان بقى مهمش معانا اظنه داخل حكومته دي؟
تم التعديل لاسم قطبي المهدي.
تراجي.
|
Post: #7
Title: Re: البشير يتراجع !!! ويقبل بالتدخل الاجنبى تحت مسمى مبادره جديده !!!!!!!
Author: Dr.Mohammed Ali Elmusharaf
Date: 10-05-2006, 10:54 AM
Parent: #1
Quote: ولا في بدر الدين مدثر الشنه حمله على علي عثمان
|
ياتراجي
بدرالدين مدثر بتاع البعث الذي توفي الي رحمة ربه ولا واحد تاني....ولا انا اختلطت علي الاسماء
رمضان كريم
محمد علي المشرف
|
Post: #8
Title: Re: البشير يتراجع !!! ويقبل بالتدخل الاجنبى تحت مسمى مبادره جديده !!!!!!!
Author: Tragie Mustafa
Date: 10-05-2006, 11:08 AM
Parent: #7
هنالك يا قطبي ...... بقلم عادل الباز
د.محمد علي المشرف شكرا لتعديلك وفعلا المقصود قطبي المهدي
وليس المرحوم بدر الدين مدثر ربنا يسامحه لاقحامه لفكر البعث
في فكرنا السياسي السوداني.
تراجي.
|
Post: #9
Title: Re: البشير يتراجع !!! ويقبل بالتدخل الاجنبى تحت مسمى مبادره جديده !!!!!!!
Author: Dr.Mohammed Ali Elmusharaf
Date: 10-05-2006, 01:58 PM
Parent: #8
Quote: د.محمد علي المشرف شكرا لتعديلك وفعلا المقصود قطبي المهدي
وليس المرحوم بدر الدين مدثر ربنا يسامحه لاقحامه لفكر البعث
في فكرنا السياسي السوداني.
تراجي. |
شكرا استاذة تراجي انا بس ما متابع وما عارف المات من الحي من شعب ال 36 مليون سياسي
محمد علي المشرف مختار
|
|