Post: #1
Title: الفنانة شروق ...... تداعيات باكورة الانتاج
Author: معاوية الطيب
Date: 10-04-2006, 07:26 AM
Parent: #0
شروق ابو الناس … بشارات المجئ , لزمن غنائى جميل
محمد الحسن حيدر
__________________________________________
مدخل :-
(شهوة ان نغف الحياة .. كابريق ماء
تبلل فخاره بالندى ,فى نشاف العطش) ... (مريد البرغوتى _ الشهوات)
فى زمن الغربة والارتحال .. تأخذنا منك وتعدو الظلال .. ثم تطول الظلال ,
تطول بطول خراج الروح شعاعا شعاعا ... للهناك الاغبش الاليف الحنين الظليل
الجميل ذو الشموس والالق... ترف هى الكلمات .. كذب هى الكلمات ..
ايها الوطن الجميل .. لك الغناء والتجله
ثم هو الغناء زادنا اليك .. توقفنا حيث تواتر مصطفى سيد احمد وابوعركى
غير بعض البراحات الغنائيه لعقد الجلاد ... وبالرغم من التهاب شركات
الانتاج الفنى باورام المغنين الخبيثه .. يبقى الرهان دوما ان الزمن
القادم سيشهدك يا سودان معافى .. وان عازة ما زالت حبلى بالوعود
احسست بفرح غامر حين علمت قرب صدور باكوره الانتاج الغنائى الخاص للفنانه
شروق ابو الناس ... نعم , هى ذات الشروق من اشجتنا غناء وطربا فى قاهره
المعز طلابا وجالية ومنفيين سياسيين وغير سياسيين وذلك من خلال النشاطات
الطلابيه .. وما ادراك ما حجم الابداع الطلابى بمصر انذاك .. كنا فى مخاض
التشكل الثقافى / الوجدانى ننهل من حبل الوطن السرى القصائد من عاطف خيرى
والصادق الرضى وعثمان العوده , نسمع مصطفى بأذن الدهشه الاولى , يفاجئنا
ماركيز , .. فنقرأ الطيب صالح بواقع اكثر سحرا.. نتداعى ويحى فضل الله ,
تطير عصافيرنا ... فيلمها احمد الطيب زين العابدين بسودانويته الرصينه ..
كانت اوانينا تنضح بكل ما فى الوطن الجميل من جمال ...
كان يوازى هذا الزخم المتفاعل فينا ابداع طلابي مميز فى حفلات الاستقبال
للطلاب الجدد وحفلات التخرج .. والفعاليات الثقافيه المختلفه ...
وكانت هى - شروق - العلامة الفارقه ...
صوتها ياخذك اخذا رفيقا .. رقيقا .. انيقا .. لعوالم من شجن .. وحنان ..
وحنين .
احساس نادر يغمر شهود الصوت بشهود الغائب الحاضر فيهم .. وطنا كان ..
او حبيبه .. شجرا كان .. حجرا كان .. نهرا كان .. طلابا كانوا ..
عشاقا كانوا ..غرباء ومنفيين ...
لك التحيه يا شروق .. والتوفيق كل التوفيق وانت تستكملين عناصر الابداع
بالكتيابى والمعز والموصلى وحمزه سليمان وبذاك المحفور فى قلوبنا ابدا
محجوب شريف .. وكفى بهم من مبدعين وكفى ما بهم من ابداع ...
لا يحزنك قول البعض منا ..
هم لم يسمعوك سيدتى ...
ولكنهم سامعون
_____________________________-
المقال اعلاة مساهمة من الصديق الاديب والشاعر د. محمد الحسن حيدر
|
Post: #2
Title: Re: الفنانة شروق ...... تداعيات باكورة الانتاج
Author: معاوية الطيب
Date: 10-04-2006, 07:44 AM
Parent: #1
شكرا للاخ محمد لمساهمتة الاولى قبل الاشتراك ،،،،
والتحية والتهنئه للفنانة شروق لباكورة انتاجها الاول ،،،،،
ولى عودة
|
Post: #3
Title: Re: الفنانة شروق ...... تداعيات باكورة الانتاج
Author: عصام أحمد
Date: 10-04-2006, 07:47 AM
Parent: #2
رمضان كريم يا معاوية.
شروق دي ليه سانين ليها اقلامكم كده؟؟
صوتهاأكثر من عادي..
..
|
Post: #4
Title: Re: الفنانة شروق ...... تداعيات باكورة الانتاج
Author: Sayed Bekab
Date: 10-04-2006, 10:02 AM
Parent: #1
Salaam and good luck for Shroug, but she is not that great as far as singeing, yes I will have to admit that she is good looking, well dressed, but I would say her voice is less than normal
Enjoy her if you are one of her fans
|
Post: #5
Title: Re: الفنانة شروق ...... تداعيات باكورة الانتاج
Author: Elmosley
Date: 10-04-2006, 11:50 AM
Parent: #1
معك حق ياعزيزي فقد لفتت نظري في مصر
وهي ستثبت لغير المقتنعين بانها فنانه بحق
وما يحيرني هو ان البعض يشجع المقلدين
ولا يشجع فنانة اجتهدت لتأتي الي المستمعين باغنيات جديدة
ياخي أدوها أجر الاجتهاد
|
Post: #6
Title: Re: الفنانة شروق ...... تداعيات باكورة الانتاج
Author: عمر الفاروق
Date: 10-04-2006, 02:02 PM
Parent: #1
تاني رجعنا للموال ده ..؟؟؟
الدنيا رمضان يا ناس ..
عموماً لسة ماف جديد والحال في حالو فشروق ما تزال لا تكتمنا الخبر وتعرج بنا في عيش معاي الحب وتعود لي الفرمالة الخليجية ليلة عمر (طبعا اكيد ما عمر الفاروق) ..
كل ذلك يتم بصورة عادية وبصوت عادي فما الجديد الان ؟؟؟؟؟
توقعنا ان يكون قد حل الغروب وجاء الهدوء على الشواطئ ولكن يبدو ان هناك من يحاول ان يخرج لنا الشروق حتى في المساء !!!!!!!
كل عام وانتم بخير ورمضان كريم ..
تخريمة :
مرت لحظات وكماااااان ساعااااااااااات (ومعاها شهور كمان)مرت وحياتك منتظرين..
ولو وشوش صوت الاستريو في شارع الدكاترة تسبقنا الاشواق قبل الاضنين ..
ونعاين الشارع ونلاقي بوستر لي شروق ودعايتين ..
والصوت العادي يجهجهنا ويبيع شريطو ولو بي الدين ..
شوووووووووووووف وين روحتنا ويييييييييييييين
شوووووووووووف ..
|
Post: #7
Title: Re: الفنانة شروق ...... تداعيات باكورة الانتاج
Author: nadus2000
Date: 10-05-2006, 07:22 AM
Parent: #6
أرحب جدا بالصديق محمد حيدر المشرف، والذي بلا شك سيكون إضافة حقيقية للمنبر
|
Post: #8
Title: Re: الفنانة شروق ...... تداعيات باكورة الانتاج
Author: Elmosley
Date: 10-06-2006, 01:59 AM
Parent: #6
عمر صاحبي
ياخي انت مالك كده
الناس سابوك تنضم زي ماعايز ماتسيبم ينضموا كمان
علي فكره امبارح اتصل بي المهندس الموسيقي الفنان صابر والذي بذل جهد المقل
وقال انه تم المكساج الاخير لكل الاغنيات وتبقت اغنية بحب الليل ستنتهي اليوم
وارجانا في الساحه بره وبجيك هناك في سعوديتك دي راس
اها شن قولك
الصبر الصبر
|
Post: #9
Title: Re: الفنانة شروق ...... تداعيات باكورة الانتاج
Author: Dr. Moiz Bakhiet
Date: 10-06-2006, 05:06 AM
Parent: #8
الاديب والشاعر د. محمد الحسن حيدر
مرحباً بك في هذا الفضاء الرحب وجهاً مشرقاً وإحساساً نبيلاً..
شروق أبو الناس هي بالحق إضافة حقيقية للأغنية وللعطاء وللإبداع وللجمال
شروق مطربة جادة تشق طريقها بقوة نحو قمم عالية لا يطولها أصحاب النظر القصير بصوتها العذب الرائع والمتفرد
هي إنسانة تتمتع بإحساس فني عالي وبقدرات إبداعية هائلة
مثقفة
ذكية
لبقة
مهذبة
جميلة الدواخل والشكل والمظهر
تحترم الآخرين
وسوف يكون لها شأن عظيم دون شك إن شاء الله مصحوبة برضى الوالدين ودعوات محبيها وبدعم الصادقين من ذوي المواهب وأصحاب الكلمة واللحن والتوزيع الموسيقي وأصحاب النظرة الثاقبة العميقة مثل فنانا العظيم الموصلي والرائعين على نسقه الجميل
وأنا على يقين بأن محاولات تثبيط الهمم التي تتعرض لها هي عبارة عن أمصال تزيدها مناعة في طريق وصولها لمبتغاها بإذن الله وأن حسادها سيزدادون كلما زاد ألقها وبريقها
وشروق تدرك بوعي كامل ضريبة النجاح وتنأى بنفسها عن الترهات وصغائر النفوس
بالتأكيد مسألة التذوق هي مسألة تختلف بين الناس لكن ما سمعته اليوم بالأستديو في دبي من أشهر الموسيقيين والملحنين وحتى المغنيين عن صوت شروق يجعلني سعيداً بأن ما تنبأته لها سيكون حقيقة واقعة ولو كره الحاسدون
التحية لمطربة الزمن الجميل والعصور الساطعة شروق أبو الناس وهي تعيد صياغة وجداننا وتجدد الفرح في دمائنا
وتصنع أبعاداً جديدة للأغنية السودانية والعربية وتجعلنا نبتسم
ونصاحب طلوع الشمس
ولا نهرب من ظلام المدينة
لك احترامي أيتها المرأة السامية والنبيلة
|
Post: #10
Title: Re: الفنانة شروق ...... تداعيات باكورة الانتاج
Author: عمر الفاروق
Date: 10-07-2006, 02:57 AM
Parent: #9
الموسيقار الموصلي:
Quote: وبجيك هناك في سعوديتك دي راس
اها شن قولك |
والله ده كلام جميل وكان كلامنا عن شروق بيجيبك السعودية اها شروق التشيل شيلتها معاي 
لكن يا استاذ ما شايف الشغلانة طوولت الحال في حالو وطبعاً طوالي الموضوع إتعلق في شماعة الخطى الحثيثة وشروق تصعد خطوة خطوة نحو القمة وتتأنى في تقديم اعمالها !!!
مع إنو ده ما كان كلامكم في الاول وإنو الزولة دي ماشة بي سرعة الصاروخ والبرق والصوت وقلتو لينا أدوها شهر شهرين وبتكون مع ناس ماجدة الرومي في سرج واحد ..
وده الخلاني اقول مرت ساعات وشهور و و و و ..
تفائل البروف خيراً بعد لقاء موزيك بلس وربما انتابه شعور ان بعد هذه الحلقة ربما تحصل ضجة في الخليج العربي لهذه الفنانة الرقم وربما ذهب لأبعد من ذلك (وهو حق مشروع) وتخيل شروق بعد هذه الحلقة في روتانا (مش حا تأدر تغمض عينيك ) !!!
لكن كما توقعنا فلا تزال شروق في دائرة معرفة صغيرة لا تتجاوز الدكتور معز والموسيقار الموصلي وبعض من الشعراء وهذا ما يعني فشل (المشروع الحضاري )..
ارفعوا الراية البيضاء يا استاذ ويا بروف والغلط ما مشكلة لكن التمادي فيهو هو المشكلة ..
| Quote: بالتأكيد مسألة التذوق هي مسألة تختلف بين الناس لكن ما سمعته اليوم بالأستديو في دبي من أشهر الموسيقيين والملحنين وحتى المغنيين عن صوت شروق يجعلني سعيداً بأن ما تنبأته لها سيكون حقيقة واقعة ولو كره الحاسدون |
أسة يا بروف قوووووووووووول نحن صدقنا الكلام ده ..عليك الله انت بتصدقوا؟؟؟
زكرتني نكتة الخروف والله
تخريمة :
زي ما قلت ليك يا موصلي انا كل ما اسمع بي صابر قسم الله ليهو بصمات في الشريط ده اتأكد بانو الشريط ده لو في شي بينجحو شغل صابر لأنو بالجد حا يطلع لينا شروق الشريط غير شروق التلفزيون فصابر فناااااااااااااااااااااااااان ..
لكن اتمنى ان يحتفظ لنا صابر بتسجيل صوت شروق قبل وبعد المكساج والمنتاج و و و حتى نقارن فيوماً ما سنحتاجه ..
|
Post: #11
Title: Re: الفنانة شروق ...... تداعيات باكورة الانتاج
Author: Elmosley
Date: 10-07-2006, 06:04 AM
Parent: #10
Quote: ????????? ???????:تخريمة :
زي ما قلت ليك يا موصلي انا كل ما اسمع بي صابر قسم الله ليهو بصمات في الشريط ده اتأكد بانو الشريط ده لو في شي بينجحو شغل صابر لأنو بالجد حا يطلع لينا شروق الشريط غير شروق التلفزيون فصابر فناااااااااااااااااااااااااان ..
لكن اتمنى ان يحتفظ لنا صابر بتسجيل صوت شروق قبل وبعد المكساج والمنتاج و و و حتى نقارن فيوماً ما سنحتاجه .. |
صابر فناااان ومتحمس جدا لمشروع شروق
عمر اخوي
ليه الاوركسترا مكونه من مختلف الالات عشان تتكامل
ولاول مره اسمع بانو في واحد عايز التسجيل قبل المكساج
اما بخصوص السعوديه فهي المره دي في البال باذن الكريم
عمر
(شجعوا شروق واذروها فهي فنانه جديده واتتكم بالجديد)
وساحتكم تنضح بالمقلدين
|
Post: #12
Title: Re: الفنانة شروق ...... تداعيات باكورة الانتاج
Author: Elmosley
Date: 10-07-2006, 06:05 AM
Parent: #9
تحياتي يابروف ومن القلب
|
Post: #13
Title: Re: الفنانة شروق ...... تداعيات باكورة الانتاج
Author: abubakr
Date: 10-07-2006, 08:18 AM
Parent: #1
الاعزاء.. رمضان كريم ..
اعطوا اذان ودواخل الجمع المستمع مهلة وفرصة لحين ان يستمع اليها فالذي اتي منها من خلال ما اذيع هنا وفي غير مكان وفضائية لم يكن كافيا ليجعل منها صوتا متفردا ينطلق من اول محاولة كحال الاصوات التي اخذت مواقعها في الصف الاولي من اول وصلة استماع سواء في السودان (كل فناني الصف الاول الاحياء والذين ذهبو وبقيت ابداعتهم) وغير بلاد ؟؟ مهما كتبتم من مجلدات عن روعة صوتها وابداعها وتفردها فالمحك هو اذن المستمع وتقبله لصوتها وليست هناك قوة في الارض تفرض صوتا غنائيا علي وجدان البشر غير الصوت نفسه ؟؟ الاشياء التقريرية هي فقط القابلة للمحسنات من دعاية واضافات تقنية و تسويق ومهرجانات دعائية اما الوجدان فلا يحتاج لكل ذلك اما يقبل او يرفض فاعطو الوجدان فرصة ليستمع اليها دون رتوش وخالصة له ... ان الضخ الاعلامي سلبا وايجابا ياخذ من رصيد هذا الصوت عند الذي لم يستمع اليه وهو الجمع الغالب فلا يكفي ان المختصيين قبلو الصوت ولا يكفي كذلك القليل الذي استمع اليها فلم تنال رضاه فكلا هما ليس وجدان الجمع الذي لم يستمع اليها ... رفقا بها ورفقا بوجدان الجمع والايام بينها وبينه ...
مودتي
ابوبكر
|
Post: #14
Title: Re: الفنانة شروق ...... تداعيات باكورة الانتاج
Author: عمر الفاروق
Date: 10-07-2006, 01:34 PM
Parent: #1
الموسيقار الموصلي:
| Quote: وساحتكم تنضح بالمقلدين |
طيب كلامك صاح ومقبول لكن يبقى السؤال قائم :
هل الأفضل مقلد ذو صوت جميل وتطريب عالي أم الأفضل مغني يأتي بجديد بصوت محدود وتطريب منعدم ؟؟؟
دي المعادلة يا استاذ ولو وزنتها حا نقفل الملف ده دون رجعة ..
تحياتي ..
تخريمة :
الأخ ابو بكر كلامك جميل وجبتها من اخرتها ..
|
Post: #15
Title: Re: الفنانة شروق ...... تداعيات باكورة الانتاج
Author: على محمد على بشير
Date: 10-07-2006, 02:34 PM
Parent: #14
Quote:
(شجعوا شروق واذروها فهي فنانه جديده واتتكم بالجديد)
وساحتكم تنضح بالمقلدين |
وقلوبنا مع شروق ابو الناس
ونتمنى لها النجاح
|
Post: #17
Title: Re: الفنانة شروق ...... تداعيات باكورة الانتاج
Author: Elmosley
Date: 10-14-2006, 10:14 AM
Parent: #15
ونعدك بان تكون بشير خير للناس بصوت شروق
شكرا ياعلي
لعلك بخير يامعاويه
|
Post: #16
Title: Re: الفنانة شروق ...... تداعيات باكورة الانتاج
Author: Elmosley
Date: 10-14-2006, 10:12 AM
Parent: #14
علي فكره اذا سلمنا جدلا بمحدودية صوتها وعدم وجود تطريب كما تقول
فان الصوت المحدود يمكن ان يتسع بالممارسة واتمرين كذلك التطريب
وشروق جاده جدا
لذا فهي خير الف مرة من المرددين غير المفيدين البتة
تري اين انت يامعاوية؟
|
|