Post: #1
Title: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-04-2006, 04:12 AM
Parent: #0
طرحت اللجنة الفنية للتصرف في مرافق القطاع العام الفلل الرئاسية (40 فيلا) للبيع في عطاء على أساس فندق خمس نجوم على مساحة (60) ألف متر مربع. وحدد بيان مدفوع القيمة في عدد من الصحف بتوقيع عبد الرحمن نور الدين مصطفى، رئيس اللجنة الفنية للتصرف في مرافق القطاع العام، شروط العطاء بأن تدار على أساس فندق خمس نجوم وتقدم العطاءات ابتداءاً من 30 سبتمبر وحتى 28 اكتوبر الجاري.
وتورد (السوداني) ان الفلل الرئاسية تملكها وزارة الشؤون الهندسية وقامت بتنفيذها شركة مان للإنشاءات وهي شراكة لبنانية اماراتية وشيدت في مساحة (60) ألف متر مربع على شارع النيل شرق معرض الخرطوم الدولي واكتمل المشروع وتم افتتاحه بالتزامن مع انعقاد القمة الأفريقية بالخرطوم في مارس الماضي، كما استضافت وفود القمة العربية التي انعقدت كذلك بالخرطوم. وتبلغ تكلفة المشروع حوالي (30) مليون دولار سوى قيمة الأرض.
اها ..دايرة لى فيلا رئاسية..
ويعلم الله لا دايرة اتاجر بيها ولا ابيعها..دايراها لى روحى ..وماعندى التكتح لكن من يوم الليلة حادعو فى صلاتى انو ليلة القدر تجينى عشان اقول متمنية لى فيلا رئاسية
|
Post: #2
Title: Re: دايــرة لى فيـلا رئاسيـة..اسـوى شنـو؟!
Author: فاروق حامد محمد
Date: 10-04-2006, 04:17 AM
Parent: #1
انضمي للمؤتمر الوطني جناح (الجاز)
|
Post: #9
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-05-2006, 04:03 AM
Parent: #2
| Quote: انضمي للمؤتمر الوطني جناح (الجاز) |
انت فى دة يافاروق..اظرف حاجة امبارح بالليل اتصل بى قيادى سياسى (معارض) قرأ البوست وقال لى من بين ضحكاته
عرسى المتعافى تتحلى المشكلة
|
Post: #3
Title: Re: دايــرة لى فيـلا رئاسيـة..اسـوى شنـو؟!
Author: Dr.Mohammed Ali Elmusharaf
Date: 10-04-2006, 04:26 AM
Parent: #1
| Quote: انضمي للمؤتمر الوطني جناح (الجاز) |
عريس من المؤتمر الوطني جناح (الجاز)
|
Post: #4
Title: Re: دايــرة لى فيـلا رئاسيـة..اسـوى شنـو؟!
Author: عوض الله الفولانى
Date: 10-04-2006, 08:15 AM
Parent: #3
ألأخت صبــــوحة
رمضان كريم
أنا اتبرعت ليك بالفيلا دى ادونى ليها
الحكومة ( ملح سأأأأأأأى )
و كمان مفروشة و جاهزة .. أها رايك شنو ؟؟
ابشرى بالخير يا زولة ولله ما بتغلى عليك .
الفولانى
|
Post: #11
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-05-2006, 04:08 AM
Parent: #4
Quote: ابشرى بالخير يا زولة ولله ما بتغلى عليك .
الفولانى |
والله يا فولانى فترنا من (احلام اليقظة) دى.. دايرة لى فيلا رئاسية وكان دة كلامكم حأنزل العطاء جنبا الى جنب اسامة داوؤد..
|
Post: #10
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-05-2006, 04:04 AM
Parent: #3
| Quote: عريس من المؤتمر الوطني جناح (الجاز) |
وكان (حرقنى) اسوى شنو؟
|
Post: #5
Title: Re: دايــرة لى فيـلا رئاسيـة..اسـوى شنـو؟!
Author: Yasir Elsharif
Date: 10-04-2006, 08:28 AM
Parent: #1
سلامات يا صباح
ولماذا تريد الحكومة أن تبيع هذه الفلل الرئاسية؟؟ طيب ماذا ستفعل الحكومة عندما تجيء وفود رؤساء في مؤتمرات مرة أخرى؟؟ تبني فلل جديدة؟؟!!!
المسألة من بدايتها كان المقصود بها أن تطرح يوما للبيع ويستفيد منها بعض اللصوص..
ومن البداية لماذا فلل رئاسية من أصلو؟؟ الفنادق مش كفاية؟؟
بالمناسبة هذه الفلل لا ترقى إلى المستوى الذي أشاعوه عنها.. لقد رأيتها وقلت لمن كان معي في العربة أن هذه داخليات أم فلل رئاسية؟؟ لا ترقى حتى إلى مستويات شقق التمليك العادية.. وصدقي أو لا تصدقي فقد قلت له يجي يوم يطرحوها فيهو للبيع.. وقد حدث الآن ما توقعت!!!
لك الله يا وطني المنهوب..
ياسر
|
Post: #8
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-05-2006, 03:59 AM
Parent: #5
| Quote: بالمناسبة هذه الفلل لا ترقى إلى المستوى الذي أشاعوه عنها.. لقد رأيتها وقلت لمن كان معي في العربة أن هذه داخليات أم فلل رئاسية؟؟ لا ترقى حتى إلى مستويات شقق التمليك العادية.. وصدقي أو لا تصدقي فقد قلت له يجي يوم يطرحوها فيهو للبيع.. وقد حدث الآن ما توقعت!!! |
ياسر سلامــــــات
ترقى او لا ترقى انا دايراها..اخير انت شفتها بعينك والله انا سمع ساى خلانى اقول دايراها
|
Post: #6
Title: Re: دايــرة لى فيـلا رئاسيـة..اسـوى شنـو؟!
Author: Tabaldina
Date: 10-04-2006, 08:37 AM
Parent: #1
..
.
اكتبي لى شيكين
واحد بقيمة 600 الف دولار باسم الشئون الهندسية
والتانى بقيمة 50 الف دولار باسمى ..
وان شاء الله خلال اسبوعين تكونى سكنت !!
ما احسن ليك فلل مخطط ( أراك ) الواحد بمليار و150 مليون
قلت شنو!!؟
رمضان كريم يا شئون الرئاسة
|
Post: #12
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-05-2006, 04:11 AM
Parent: #6
Quote: اكتبي لى شيكين
واحد بقيمة 600 الف دولار باسم الشئون الهندسية
والتانى بقيمة 50 الف دولار باسمى ..
وان شاء الله خلال اسبوعين تكونى سكنت !! |
قلت اكتب ليك شنو؟..ما سمعتك..
انا كان عندى القروش دى كلها بطلب رأيكم ولا بشاوركم
..| Quote: خلال اسبوعين تكونى سكنت |
اسكن شنو؟..الا يكون كوبــر
|
Post: #7
Title: Re: دايــرة لى فيـلا رئاسيـة..اسـوى شنـو؟!
Author: abubakr
Date: 10-04-2006, 12:14 PM
Parent: #1
المباني لا تبدو الا متوسطة المستوي وقيمتها ليست مهما ضخمت كبيرة ولكن " المهم" مساحة الارض التي شيدت عليها هذه المباني وموقعها ولقد دابت السلطات في بلادنا علي استباحة الاراضي وجعلها سلعة وهذه مصيبة ..
ابوبكر(معماري-مخطط-مدير مشاريع عقارية )
|
Post: #13
Title: Re: دايــرة لى فيـلا رئاسيـة..اسـوى شنـو؟!
Author: المسافر
Date: 10-05-2006, 04:21 AM
Parent: #7
بنتنا صبوحة
أدخلي الغابة
|
Post: #14
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-05-2006, 04:34 AM
Parent: #13
ياتو غابة..الجماعة كملو كل الغابات والميادين..ثم انو ما عندنا فى الجزيرة اي غابة
تعرف يا مسافر..حلول الاخوان الفوق ديل اسهل من حلك دة
|
Post: #15
Title: Re: دايــرة لى فيـلا رئاسيـة..اسـوى شنـو؟!
Author: عاطف محمد أحمد زكريا
Date: 10-05-2006, 07:28 PM
Quote: ياتو غابة..الجماعة كملو كل الغابات والميادين..ثم انو ما عندنا فى الجزيرة اي غابة
تعرف يا مسافر..حلول الاخوان الفوق ديل اسهل من حلك دة |
وحتى كان لقيتى الغابة بكرة وحملتى السلاح بكرة بدخلوا معاك فى مفاوضات ومساومات واتفاق سلام وفى الاخر يدوك منصب شرفى لا يؤهلك باى حال من الاحوال لامتلاك اى نوع من الفلل الرئاسية
اها لو قلنا الحل التانى بتاع انك تتزوجى واحد من المؤتمر الوطنى ....
فى مثل مصرى بقول
يا واخد القردعلى ماله بكرة يروح المال ويفضل القرد على حاله...وتبقى اتورطى فى الزواج من شخص ربما لا يكون مناسبا(وغالب الظن يكون راجل مرة) اصله الجماعة ديل حافظين مثنى وثلاث ورباع دى صمت
فكرة الانضمام للمؤتمر الوطنى غير مضمونة العواقب ...الكيمان اتقسمت من بدرى والنسب زاتهااتوزعت
وما تنسى لو بكرة الشعب صحى اول شئ بفتش على حقوقه المسروقة وبقلعوا منك الفلة وتكونى اكلتى نيم
غايتو مشكلتك كبيرة وما عندك غير حل واحد وهو انك تقومى بانقلاب وتصادرى كل الفلل والممتلكات واليخت الرئاسى زاته واختارى منها البعجبك
بس ما تنسى تدينا الكوميشن
تخريمةوانتى صايمة
قولى
اللهم بابك وقفت
وباصفيائك وانبيائك توسلت
وبنبيك المصطفى(ص) تشفعت
اللهم ان الناس اذا سألوا الملوك والعرب والعجم اعطوهم
وانا اسأل وجهك الكريم فى ان تجعل احدى فلل الرئاسة من نصيبى
وبرضه ما تنسى الكوميشن
|
Post: #18
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-08-2006, 05:00 AM
Parent: #15
Quote: غايتو مشكلتك كبيرة وما عندك غير حل واحد وهو انك تقومى بانقلاب وتصادرى كل الفلل والممتلكات واليخت الرئاسى زاته واختارى منها البعجبك
بس ما تنسى تدينا الكوميشن |
اخير ياعاطف اعمل بوصية العرس ولا الانضمام للمؤتمر الوطني لانو شكلك داير تودينى التوج
آل انقلاب آل 
|
Post: #16
Title: Re: دايــرة لى فيـلا رئاسيـة..اسـوى شنـو؟!
Author: فاروق حامد محمد
Date: 10-05-2006, 07:31 PM
Quote: انت فى دة يافاروق..اظرف حاجة امبارح بالليل اتصل بى قيادى سياسى (معارض) قرأ البوست وقال لى من بين ضحكاته
عرسى المتعافى تتحلى المشكلة |
يا صباح القيادي ده عايز يورطك في المتعافي
لأنه اسمه ما مكتوب مع جماعة لاهاي ....
أحسن حاجة يا تشوفي عمر يا علي ...... ليه ؟؟؟؟؟
لأنه أول ما تعرسي بجاي...... حيجوا ياخدوهم لاهاي
ويقلعوا الفيللا وا أسفاي .. وكمان عربيتك الهاي هاي
اسمعي : أوعى يكون الفلل دي بانيها عبدالرحيم البناي
والله كنت عايز أرشحه ليك لكن.....
خفت عليك من ريالة المعوقين
|
Post: #19
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-08-2006, 05:03 AM
Parent: #16
Quote: يا صباح القيادي ده عايز يورطك في المتعافي
لأنه اسمه ما مكتوب مع جماعة لاهاي .... |
طالما كدة معناتا ما داير يورطنى
|
Post: #17
Title: Re: دايــرة لى فيـلا رئاسيـة..اسـوى شنـو؟!
Author: abubakr
Date: 10-05-2006, 07:37 PM
Parent: #1
خياراتك صعبة يابتي .. اهو يا تزوجي بعاتي من دوول او تتقمصي حالة عسكرية وتركبي حمار حديد وتستولي علي البلاد وحروبها وال1706 وكلاهما مر ... الصبر وشبر في الجنة بعد عمر طويل ولا فدان يصادرو منك بعدين ..اصبري
|
Post: #20
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-08-2006, 05:08 AM
Parent: #17
امبارح فى جريدة الاضواء فى الصفحة الاخيرة كتبت الزميلة لبنى احمد حسين عن(البياعين) واتكلمت عن بيع الفلل الرئاسية النفسي فيها دى وشاتت الحكومة شوتة شديدة خلاص وانتقدت سياستها الرامية لتصحيح الخطأ _من بناء الفلل_ بخطأ تانى _هو بيعها_ وختمت مقالتها بالدعوة لى بتحقيق امنيتى فى امتلاك واحدة من الفلل الاربعين فى ليلة القدر وتطرقت لاقتراحاتكم لى للوصول لحلمى
|
Post: #21
Title: Re: دايــرة لى فيـلا رئاسيـة..اسـوى شنـو؟!
Author: abubakr
Date: 10-08-2006, 06:57 AM
Parent: #20
الصبر يابتي .. شن عرفنا لو المباني دي ما حتقع .. خليك في المضمون البجيك من عند المولي كتري دعواتك في ليلة القدر .. وبعدين ديل الاربعيين طيب علي بابا وينو ..؟؟
|
Post: #22
Title: Re: دايــرة لى فيـلا رئاسيـة..اسـوى شنـو؟!
Author: فاروق حامد محمد
Date: 10-08-2006, 07:19 AM
Parent: #21
Quote: Quote: يا صباح القيادي ده عايز يورطك في المتعافي
لأنه اسمه ما مكتوب مع جماعة لاهاي .... |
Quote: طالما كدة معناتا ما داير يورطنى
|
معنى كده انك اخترتي .... ولكن هناك محاكم غير لاهاي
ألف مبروك وربنا يتمم على خير
|
Post: #23
Title: Re: دايــرة لى فيـلا رئاسيـة..اسـوى شنـو؟!
Author: محمد الامين محمد
Date: 10-08-2006, 08:05 AM
Parent: #1
خليكي واضحه شويه عاوزها في بند السلطه ولا الثروه ولا نفصل ليك بند جديد
|
Post: #24
Title: Re: دايــرة لى فيـلا رئاسيـة..اسـوى شنـو؟!
Author: صباح احمد
Date: 10-08-2006, 08:08 AM
Parent: #23
| Quote: خليكي واضحه شويه عاوزها في بند السلطه ولا الثروه ولا نفصل ليك بند جديد |
اليريحك ياود الامين بس فى النهاية ما تطلعنى بى قد القفة
|
Post: #25
Title: Re: دايــرة لى فيـلا رئاسيـة..اسـوى شنـو؟!
Author: بابكر حامد احمد
Date: 10-08-2006, 08:16 AM
Parent: #23
أنا عندي ليك فكرتين الكويسه معاك سويها ... يا امه تتزوجي واحد وتوديهو للجهاد ويستشهد وتبقي من نسوان الشهداء وتقومي تقعدي في الصف القدامي عشان العين تقع عليك ويستخلفك واحد من الهوامير ... يا امه تمشي تهبي نفسك لي عمر البشير وتكوني من بابك أمراة وهبت نفسها لي البشير ....
|
Post: #26
Title: Re: دايــرة لى فيـلا رئاسيـة..اسـوى شنـو؟!
Author: abubakr
Date: 10-08-2006, 09:13 AM
Parent: #1
| Quote: أنا عندي ليك فكرتين الكويسه معاك سويها ... يا امه تتزوجي واحد وتوديهو للجهاد ويستشهد وتبقي من نسوان الشهداء وتقومي تقعدي في الصف القدامي عشان العين تقع عليك ويستخلفك واحد من الهوامير ... يا امه تمشي تهبي نفسك لي عمر البشير وتكوني من بابك أمراة وهبت نفسها لي البشير .... |
لاحول ولا قوة الا بالله العلي العظيم .. ما كانت فيلا رئاسية دي ؟؟. أنا مهندس معماري عجوز ببنيت الاف البيوت والعمائر وما عندي فيلا ولا بطيخ فيا بتي اصبري اهو الجماعة ديل عايزين يودوك سقر بسبب الفيللا الرئاسية دي يعني يا ارملة يا من ملكت ايمانهم يا يتلعبط فيكي بعاتي .. الدنيا كلها قدامك وانسي حكاية الفيللا دي والزمي الجابرة ..
|
Post: #27
Title: Re: دايــرة لى فيـلا رئاسيـة..اسـوى شنـو؟! (Re: صباح احمد)
Author: عبدالله شمس الدين مصطفى
Date: 10-08-2006, 10:25 AM
Parent: #1
بالله يا أبوبكر فى واحد (بيهب) نفسه للردى أو ل(المتردية), و بعدين الأخت صباح يبدو لى عاوزا الفيلا فى الدنيا ما فى الآخرة, صحىإنتى ما تطلبى يحولوها ليك هناك بعدين, بعد خرف طبعاً و عمر مديد إنشاءالله
|
Post: #28
Title: Re: Re: دايــرة لى فيـلا رئاسيـة..اسـوى شنـو؟! (Re: صباح احمد)
Author: Tragie Mustafa
Date: 10-08-2006, 10:57 AM
Parent: #27
صباح
يا صحفياتنا مالكن جنينتن؟؟؟؟؟
يوم ناديه عثمان تكتب لينا عايزه ابقى نفيديه...
واليوم صباح احمد دايره لي فيلا رئاسيه....
يا بنات قولوا بسم الله
ودي احلام شعب كامل في الكرامه والعيش الكريم لا تختزلوها في احلام محدوده شخصيه.
وربنا يحقق احلام الجميع.
تراجي.
|
Post: #29
Title: Re: Re: دايــرة لى فيـلا رئاسيـة..اسـوى شنـو؟! (Re: صباح احمد)
Author: abubakr
Date: 10-08-2006, 11:31 AM
Parent: #27
ما فيكم شاعر كدة يهب بتنا صباح ابيات شعر جميلة وكثيرة وفيهاامال و الق و بهرجة واحلام بغد مشرق وضاء عشان تنسي حكاية الفلل الردية دي ...
|
|