آه ادعينا وقلنا تانى ماحنشتاق فى عمرنا وقبل ماتمر ليلة واحده بحرارة الشوق غمرنا كم كم لهينا وقلنا يمكن ندفن الحب فى سهرنا الحياة صعبت علينا وبى اثر فقدك شعرنا شفت كيف حبك حياتنا انت يالحبك حياتنا
وكـيف بدون حـبك نكون وين حـنهـرب منو ويــن
Post: #3 Title: Re: ذاد الشجـــــــــون Author: صباح احمد Date: 10-03-2006, 10:27 AM Parent: #2
ماافتكرت الحظ يساعد عمرى يورق من جديد من بعد فرقتنا ديك مين كان بيفتكرك تعود كنت بحتاج ليك بشدة وانت عنى بعيد مافى عيشه بلاك بتبقى ومافى نشوه ومافى ريد
شفت كيف حبك بيعمل يشغل الوجدان ويعذب آه وبرضو بتقول عنى خادعك وانى بتلاعب وبكذب ليك حق دنياك خالية لابتشيل هم لابتتعب كنت تتعلم تجامل لو فؤادك مرة جرب
انو مايدق دقة واحده الا ويتفجر حنين يفتح قلوبنا ديار محبة ديار حياة للعائدين
Post: #4 Title: Re: ذاد الشجـــــــــون (Re: صباح احمد) Author: عبدالله شمس الدين مصطفى Date: 10-03-2006, 12:04 PM Parent: #1
يقينى راسخ بأن ذاد الشجون هى محطة لم يتجاوزها ود اللّمين حتى الآن, فقد شارف فيها مرتبة الكمال الفنى و إستيفاء كل عناصره. ذاك (النفس) الصوفى الحار. أغنية (ألياذة)..
Post: #5 Title: بمناسبة عيد الفطر ،أعاده الله علينا وعليكم بالخير Author: ابي عزالدين البشري Date: 10-23-2006, 02:00 AM Parent: #1
واكرر اختي صباح ما زكره الاخ انفا بان رائعة محمد الامين ذاد الشجون وغانيه الوطنية هي من اروع ابداعات هذا الشعب المشرئب وهي ما كنت استمع اليها دائما اثناء تسفاري او احساسي بحوجة الي الاستمخاء فعند مراجعتي لمكتبات الاغاني في هذه الرائعة سودانيز اون لاين ما تصدقي كم كان احباطي عندما رايت المطرب محمد وردي علي راس القمة ورائعنا محمد الامين بزيلها بامكانك ان ترتجعي ذلك بالرجوع الي زر الاغاني السودانية رجل في قامة ودالامين يتزيل قائمة المطربين في هذا المنبر الاصيل وقبل كل شئ اهنئ العيد لاستاذنا المبدع المتواضع الموسيقار الفنان الاسطورة الرقم واحد دائما العندليب محمد الامين متعه الله بالصحة والعافية والعمل الصالح ونحن في انتظار الجديد المفيد اكبر من قامة ذاد الشجون ان امكن ولكي ايتها السنيورة صباح صبحك الله بالخير كما يقولها الكويتيين وعيدك ممزوج بنكهة ذاذ الشجون وفي انتظار نشاطك الصحفي المتنوع ولقاءاتك الغريبة المريبة من داخل الميدان واقول مرة اخري
كنت تتعلم تجامل لو فؤادك مرة جرب انو مايدق دقة واحده الا ويتفجر حنين يفتح قلوبنا ديار محبة ديار حياة للعائدين
بين , كنت و, بحتاج ليك دي في كمية بتاعة مزيكة خرافية بيوزعوها عازفين الكمنجات علي تلاتة دفعات اول شحنة يدوك ليها بمجرد م وداللمين ينتهي من قولة..كنتا... الشحنة التانية مع بداية فتحت خشم ود اللمين لـ بحتاج..نفس العزفة او النغمة يكروها تاني لكن تحس بيها حنينة أكتر في تأكيدا للماضي في ..كنتا..دي لمن ينتهي من ....بحتاج ليك دي, تكون جات مع نهاية الدفعة التانية بعد داك ينتظروه لغاية مايقول بشدا ..ويدوك الشوتة الاخيرة و رغم إنها نغمة مختلفة من اول نغمتين بعد ..كنتا..لكن مريحة ..خاصة بعد م وداللمين يشحنك بكمية من الانفعالات ...بـ شدا..و يفاجأك بـ وإنت عني بعيد, وفعلا تحس بأنو الحتة دي دايرا ليها نغمة زي تربط بينهم ...
آه ادعينا وقلنا تانى ماحنشتاق فى عمرنا وقبل ماتمر ليلة واحده بحرارة الشوق غمرنا كم كم لهينا وقلنا يمكن ندفن الحب فى سهرنا الحياة صعبت علينا وبى اثر فقدك شعرنا شفت كيف حبك حياتنا انت يالحبك حياتنا
القمة اللحنيه تكمن ف هذا المقطع.. الله يديك طولة العمر ياباشكاتب وشكرا اخت صباح
Post: #11 Title: Re: ذاد الشجـــــــــون Author: معتصم دفع الله Date: 10-24-2006, 05:58 PM Parent: #1
صباح كل سنة وأنت طيبة .. تعرفي الأغنية دي بتعمل فينا فعل السحر .. بتودينا لي عوالم لا يعلم بها إلا الله .. وتتجلى فيها مقدرة أبو الأمين الموسيقية والتطريبية .. ومنذ رأيت البوست دا معلق معاي .. وأنا جاي الآن ومعاي الأغنية لكن جيت لقيت أخونا الهادي ما قصر ونزله .. كل سنة وأنت طيب يا هادي ..
