لحظة مجيئك

جيتينى فى الزمن المحدد
قبل ماينكتم صوت الغنى
أه قبل مــــا...
يخبو صهيل الخيول
شديتى لفرسى السروج
وأطلقت لعنانى الخيال
وسابقت بيك فى مهرجان
الأغنيةوقلت "
" فى لحظة فيوض الله
شال أدى الخلق سمتك
وخصانى من روحك نبوءة
ياتو شعب أقولو عنك
لمن تجى البنت النبية
تشعل أقمار المدينة
تضوى ساحتها الحزينة
وتنشد الأطفال حكاوى
كان ياماكان
كان البرتغال أخضر وحلوكانى
كان عشا الفقرا النبق
وكان الليل والنيل والقمر
وكان الكتاب مفتوح
لصفحة أكتتابنا
لسورة الزمان .

جيتينى فى السفر الطويل
وشراعى متعب
من هبوب الكلام المستحيل
وبقيتى لحروفى المراسى
وضويتى لسفنى الطريق
ورسيت
وملانى اليقين
وحسيت الوجود
وحبيت الآلــه
لحظة سكنتــك.