هل وصلتك عشرات الايميلات اليوم؟

هل وصلتك عشرات الايميلات اليوم؟


10-02-2006, 12:25 PM


  » http://sudaneseonline.com/cgi-bin/sdb/2bb.cgi?seq=msg&board=60&msg=1159788341&rn=0


Post: #1
Title: هل وصلتك عشرات الايميلات اليوم؟
Author: النصرى أمين
Date: 10-02-2006, 12:25 PM

هل وصلتك عشرات الايميلات اليوم؟

هل امتلا صندوق بريدك بالرسائل من اخوه واخوات سودانيين؟
ﻻ تعرفهم وﻻ يعرفوك؟


اذا كانت اﻻجابه بنعم














































انا برضو






























ـــــــــــــــــــــــــــ
اعتقد ان هناك خطا (او تهكير تم لاحدى المواقع السودانيه)
ﻻن كل الرسائل originated من (او مرت عبر) سيرفر الموقع المعنى






نرجو منهم معالجه اﻻمر

Post: #2
Title: Re: هل وصلتك عشرات الايميلات اليوم؟
Author: Hussein Mallasi
Date: 10-02-2006, 12:33 PM
Parent: #1

نعم .. زي تلاتين رسالة كدا؛ و في بريدي
الذي استعمله كعنوان في عدة مواقع.

Post: #3
Title: Re: هل وصلتك عشرات الايميلات اليوم؟
Author: النصرى أمين
Date: 10-02-2006, 12:55 PM
Parent: #1

ملاسى
اذا اﻻيميل بتاعك سعه ٢ رطل
فعليك بحراسته وتفريغه كل ساعه

واذا كنت مع ناس ٢ كيلو
(مثلى) فيمكنك
التفريغ كل يوم

وربنا يهدى الجماعه ديل ويصلحو الشغلانه بسرعه

Post: #4
Title: Re: هل وصلتك عشرات الايميلات اليوم؟
Author: ناذر محمد الخليفة
Date: 10-02-2006, 01:00 PM
Parent: #3

النصري سلامات ..

فعلا دا الحاصل واعتقد حصل إختراق لي موقع السودان دوت كوم لانو معظم الرسائل جاية من هناك أو مرت عبر السيرفر بتاع الموقع ولقيت رسالة من واحد مرسل لي رسالة زعلان جدا مني عشان رسلت ليهو 70 رسالة في ساعتين ، رسلت ليهو وإعتذرت وقلت ليهو ما مني الشغلة دي .. بعد شوية جاتني أكتر من مية رسالة من نفس الزول بتقول لي ولا يهمك يا زول الظاهر الموضوع عام ومنتشر ، وانما أشيل واشطف في الإيميل بتاعي وقدر ما اقول أنتهيت بلقاهو تاني إتملا !!

Post: #5
Title: Re: هل وصلتك عشرات الايميلات اليوم؟
Author: النصرى أمين
Date: 10-02-2006, 01:24 PM
Parent: #1

سلام ناذر
ندعو جميع "الضحايا" عدم الرد على الرسائل
والصهينه فى الوقت الحاضر ﻻن اى يرد على مصدر الرساله
سيصل للجميع ويزيد الموقف سوء


























بوصفى المنسق العام لدرء الهجوم اطالب الجميع بالتحلى
بالصبر ونحن بصدد التفاكر حول كيفيه التعامل مع العدوان الغاشم

Post: #6
Title: Re: هل وصلتك عشرات الايميلات اليوم؟
Author: ASAAD IBRAHIM
Date: 10-02-2006, 01:28 PM
Parent: #5

النصري ... رمضان كريم يا حبيب

تعرف الليلة من الصباح لقيت الايميل بتاعي لمن مدفق بالجنبات

والغريبة اغلب الناس بتسأل الحاصل شنو " الناس الفي الايميلات"

كلو ساهل ما يقوموا يهكروا لينا الايميل

مع السلامة

Post: #7
Title: Re: هل وصلتك عشرات الايميلات اليوم؟
Author: Hussein Mallasi
Date: 10-02-2006, 01:33 PM
Parent: #6

Quote: بوصفى المنسق العام لدرء الهجوم اطالب الجميع بالتحلى
بالصبر ونحن بصدد التفاكر حول كيفيه التعامل مع العدوان الغاشم


Post: #8
Title: Re: هل وصلتك عشرات الايميلات اليوم؟
Author: Dr.Mohammed Ali Elmusharaf
Date: 10-02-2006, 01:56 PM
Parent: #1

انا غايتو جاني بس الكلام السمح ده من الزول الرائع معتز


خالص التحايا..

والأعزاء جميعا..

سلامات وعوافى ورمضان كريم ...

قد يعنى كثير للبعض وغير كذلك للبعض الاخر ولكنها مناسبة اى كان نوعها يتلقى فيها الناس الدعاوى والامنيات والسلام...

لذا ارجو ان تعطوا المناسبة وقفة تليق بقديستها وان تشاركونا حتمية السؤال المستتر باصرار :- الى اى قبيلة وجدانية ينتمى هذا النوع من الفرح؟!

ونحن لانزال نتتبع الظلال ؛ولانقوى على اثارة الرياح التى تجلب المتاعب ضمن مذاهب هى للوقف والصورة والتقيم ؛..

قد ياتى العيد شفهى ليس اكثر ويعطى السعادة الحق التى ربما ؛نعم ربما استطاعت تلك الابتسامه تطويع الماء فى الانتساب الجبرى للمسارات المشدوهة بحمى الشفاة تفارق بعضها لترسم لوحة البشارة والشكر..

حين تتعلق البسمة التى فارقتنا ؛ والتى تباغت النيل بتجميد الاحزان وتدريج الفرح الى حيث اقامتنا فى ركيزة التعمق؛ وتجديد النتائج بايجابيات مناوئة ..عندما ترك الضحكة العميقة تلك البصمة فى مياهنا الاقليمية ؛وتنشد العلاقة متانتها فى استراحة شوق خارجه من معمعة...



وكل عام وتحقق الامانى معه صحه وتوفيق يرادفانها الى يوم ما...



معتز تروتسكى

التحايا النواضر...

Post: #9
Title: Re: هل وصلتك عشرات الايميلات اليوم؟
Author: ناذر محمد الخليفة
Date: 10-02-2006, 02:38 PM
Parent: #1

إنتهيت قبل شوية من شطف أكثر من 50 إيميل من بريدي ومن نفس السيرفر !!
يبدو إنو المشكلة حا تتواصل كم يوم كدة !!

Post: #10
Title: Re: هل وصلتك عشرات الايميلات اليوم؟
Author: ABDELMAGID ABDELMAGID
Date: 10-02-2006, 02:49 PM
Parent: #9

Quote: إنتهيت قبل شوية من شطف أكثر من 50 إيميل من بريدي ومن نفس السيرفر !!
خمسين شنو !!!!
أنا لحدى هسع كانس لى أكتر من 960 e-mail و برضو من نفس ال server
عبدالماجد

Post: #11
Title: Re: هل وصلتك عشرات الايميلات اليوم؟
Author: عثمان حسن الزبير
Date: 10-02-2006, 03:19 PM
Parent: #9

كل التحايا النصري
وضيوفو بما فيهم ملاسي الحريف اللعاب

أنا غايتو الرسالة دي بس من الذول الشليق ده جاتني أكتر من 100 مرة غير باقي الرسائل


Quote: الاخ عبد الصاير ..
رمضان كريم
انا نفسي لا أدري ما يحدث ؟؟ لقد وجدت في إيميلي أكثر من 50 رسالة مريبة ، حسب ما فهمته ان هنالك منتدى سوداني إسمه السودان دوت كم تعرض لعملية إختراق أو ما شابه ..
على العموم انا في غاية الاسف ولا يد لي فيما يحدث

ناذر خليفة


العزيز الدكتور محمد علي

رسالة الجميل معتز دي ما عندها علاقة بالرسائل الجاية من الموقع المهكور دي مرسلة لي أحبابو الرائعين ....

Post: #12
Title: Re: هل وصلتك عشرات الايميلات اليوم؟
Author: Dr.Mohammed Ali Elmusharaf
Date: 10-02-2006, 03:28 PM
Parent: #11

الحبيب عثمان
Quote: رسالة الجميل معتز دي ما عندها علاقة بالرسائل الجاية من الموقع المهكور دي مرسلة لي أحبابو الرائعين ....


فعلا معاك الرسالة ما ليها علاقة بالرسائل الحايمة.....بس داير اقول انو رسائل الاميل ذي العرس قسمة ونصيب ناس تجيها رسائل هكر وناس تجيها رسائل من ناس جميلة ذي معتز ده.
معزتي لك
محمد علي المشرف مختار

Post: #13
Title: Re: هل وصلتك عشرات الايميلات اليوم؟
Author: ناذر محمد الخليفة
Date: 10-02-2006, 05:34 PM
Parent: #1

عثمان الزبير ..

إنت قاعد تتجسس على بريدي ولا شنو

ولا إنت والزول داك شخصية واحدة ..

المصيبة انا ختيت رقم تلفوني في الرسالة دي ومن بعد شراب المويات إتصلوا بي قريب العشرة تنفار بيسألوني الحاصل شنو الظاهر رقم تلفوني هوالرقم الوحيد الظاهر

صنفرة :

حقو الواحد يملي شروطو بما إنو هو الوحيد المتورط لحدي هسي أقوم أشبر ليك العالمين دي كلها واقول ليهم دا منبر سودانيز أون لاين العمل المشاكل

Post: #14
Title: Re: هل وصلتك عشرات الايميلات اليوم؟
Author: عبد المنعم سيد احمد
Date: 10-02-2006, 05:57 PM
Parent: #13

رمضان كريم
وصلتنى رسالتك عبر الايميل
ردا على رسالتى المرسلة لك
بخصوص كتاب الراحل
الخاتم عدلان
لم استطع قراءة سطرا واحدا
فقد وصلت بحروف غير واضحة
اتمنى ان تخابرنى عبر
الماسنجر..

Post: #15
Title: Re: هل وصلتك عشرات الايميلات اليوم؟
Author: ناذر محمد الخليفة
Date: 10-02-2006, 06:12 PM
Parent: #1

بالمناسبة يا شباب ..

لو عندكم وكت حاولوا ما تمسحوا الرسائل دي .. أقروها في الـ لوال !! في رسائل كدة الظاهر زاغت من الإنبوكس بتاع الجماعة وما عندها علاقة بالحاصل وفيها كلام جميل خالص وممتع شديد !!

شنكل :

بس قبل ما تقروهو أقروا المعوذتين وأسألوا الله السلامة .. وتاكدوا إنكم حا تقضوا وكت ممتع جداً !!

Post: #16
Title: Re: هل وصلتك عشرات الايميلات اليوم؟
Author: عمر ادريس محمد
Date: 10-02-2006, 06:18 PM
Parent: #1

Quote: هل وصلتك عشرات الايميلات اليوم؟


نعم يالنصرى

وانت بصفتك اعلاة

طلبتك بالله تدرء منى

واحد اسمو

رؤوف 11

الله لاكسبو

كل دقيقتين برسل لى رسالة


وبالمناسبة رمضان كريم

Post: #17
Title: Re: هل وصلتك عشرات الايميلات اليوم؟
Author: النصرى أمين
Date: 10-02-2006, 07:00 PM
Parent: #1

سلام يا اسعد

كيفك يا دفعه وكيف مع اﻻمتحانات

Quote: كلو ساهل ما يقوموا يهكروا لينا الايميل
اعمل ليك باسوورد
من العينه دى



sud_1911RfRmmYYYi

Post: #18
Title: Re: هل وصلتك عشرات الايميلات اليوم؟
Author: النصرى أمين
Date: 10-02-2006, 07:18 PM
Parent: #1

دكتور المشرف
ويينك يازول
من ديك وعيك
رمضان كريم

العريس عثمان الزبير
اخونا عبدالصابر ده شكله من النوع الزعيل شديد
عشان كده لحقوه باعتزار قبل ما يطرشق


اﻻخ عبدالمنعم
معزره لعدم وضوح اﻻيميل وهى مشكله فى بريد
القوقل
بعثت لك برد باﻻنجليزى اتمنى ان يصلك وبه رقم التلفون

اﻻخ ناذر
كم تكلفه تغيير رقم الجوال?
اتمنى ما تكون غاليه


اﻻخ عمر
والله بصراحه انا ماعارف المشكله وين وان كانت كل الشبهات
تحوم حول موقع السودان ..كدى نديها نصنه وبرضو نقول
لروؤف حن شويه يا يا الما بتحن

Post: #19
Title: Re: هل وصلتك عشرات الايميلات اليوم؟
Author: النصرى أمين
Date: 10-02-2006, 07:26 PM
Parent: #1

تم توقيف موقع السودان
و عرض الرساله التاليه فى الواجهه

This Account Has Been Suspended
Please contact the billing/support department as soon as possible

يبدو ان المشكله فى طريقها للحل

Post: #20
Title: Re: هل وصلتك عشرات الايميلات اليوم؟
Author: يوسف الولى
Date: 10-02-2006, 07:36 PM
Parent: #1

فى حاجه اسمها الفلتر فى الايميل ممكن ينظف ليك الايميل كل ساعه لو عاوز
ممكن تعمل حظر برضو لى ى ايميل تحسن انو ما مضمون

Post: #21
Title: Re: هل وصلتك عشرات الايميلات اليوم؟
Author: Dr.Mohammed Ali Elmusharaf
Date: 10-02-2006, 11:56 PM
Parent: #1

أخي الحبيب النصري

Quote: دكتور المشرف
ويينك يازول
من ديك وعيك
رمضان كريم


لو بتذكر اخر مرة نتكلم في التلفون كان رمضان الفات.....شوف السنة بقت تدور سريع كيف!!!
سلامي للاسرة الكريمة وكل عام وانت وهم بخير
احترامي
محمد علي المشرف مختار

Post: #22
Title: Re: هل وصلتك عشرات الايميلات اليوم؟
Author: انعام حيمورة
Date: 10-03-2006, 02:32 AM
Parent: #1

ايو انا برضو بعاني من القصة دي من امبارح وفكرت أسال لكن قلت امكن براي ..

كمية من الرسائل غريبة ...

قاعدة امسح بس .. الله يهون

Post: #23
Title: Re: هل وصلتك عشرات الايميلات اليوم؟
Author: gamal elsadig
Date: 10-03-2006, 02:45 AM
Parent: #22

..
الاشقاء الاماجد :

رمضان كريم

فعلا حاجة غريبة ...

رسائل بالكوم ...



...




.

Post: #25
Title: Re: هل وصلتك عشرات الايميلات اليوم؟
Author: عصام أحمد
Date: 10-03-2006, 02:47 AM
Parent: #23

أنا بتجيني رسائل الآن من سودانت.نت

فيها فيروسات ومن الويب ماستر مباشرة!!!

Post: #24
Title: Re: هل وصلتك عشرات الايميلات اليوم؟
Author: بدرالدين شنا
Date: 10-03-2006, 02:46 AM
Parent: #1

Quote: فعلا دا الحاصل واعتقد حصل إختراق لي موقع السودان دوت كوم
دوت كوم براكم أنا ما معاكم يا ناذر

Post: #26
Title: Re: هل وصلتك عشرات الايميلات اليوم؟
Author: Dia
Date: 10-03-2006, 02:55 AM
Parent: #24


الاخوة الاعزاء


هذا حدث معى حيث وصلتنى المئات من الرسائل ولازالت تتوالى حتى امس مساء حيث اننى حضرت اليوم ووجدت عدد كبير منها ز

وخلونا نشوف هل سيتواصل الامر ام سيقف وارجو افادتنا باى معلومات اخرى يمكن المشاركة فيها معا

Post: #27
Title: Re: هل وصلتك عشرات الايميلات اليوم؟
Author: عصام دهب
Date: 10-03-2006, 03:22 AM
Parent: #26

أنا أقترح الدعوة لجمعية عمومية طارئة للمتضررين ..
و تنبثق منها لجنة تمهيدية ..
عشان تدعو الجمعية العمومية العادية ..
لإنتخاب لجنة تنفيذية ..
و بدورها تنعقد اللجنة التنفيذية ..
لإختيار المكتب التنفيذي ..
و لما يجي دور إنتخاب الأمين العام ..
الموضوع دا بيكون إتحلا براهو ..
و تقوم اللجنة دي تنبثق منها لجان كتيرة ..
عشان الكتيرة غلبت باقير الطير في الكلام ..

Post: #28
Title: Re: هل وصلتك عشرات الايميلات اليوم؟
Author: النصرى أمين
Date: 10-03-2006, 10:40 AM
Parent: #1

اﻻخوه واﻻخوات
يوسف الولى
انعام حيموره
جمال الصادق
عصام احمد
بدرالدين شنا
ضياء
عصام دهب

شكرا على المرور
والله الواحد بشعر بمواساتكم
فى المصيبه المشتركه
لنصبر ونرى ماذا سيحدث

Post: #29
Title: Re: هل وصلتك عشرات الايميلات اليوم؟
Author: doma
Date: 10-03-2006, 10:50 AM
Parent: #28

لوووووووووووووووووول بري سمعنا وسلمنا ايميلي فاضي معشعش فيه العنكبوت

Post: #30
Title: Re: هل وصلتك عشرات الايميلات اليوم؟
Author: Tabaldina
Date: 10-04-2006, 02:08 AM
Parent: #1

..
.
هى بالله الحالة عامة ..

اللذيذة يا النصري الناس الزعلانة دى
الواحد يرسل ليك يا زول الايميلات دى جاية من ووين والحاصل شنو!!؟؟
زعلانيين بالجد ..

على العموم لا زلنا نستقبل المزيد من ايميلاتكم
ونحن بصدد قرأتها جميعاً والرد عليكم بلا فرز ..

واحد ايميلو مدفق؛

Post: #31
Title: Re: هل وصلتك عشرات الايميلات اليوم؟
Author: النصرى أمين
Date: 10-04-2006, 12:22 PM
Parent: #1

اﻻخت دومه
اﻻخ تبلدينا

شكرا ليكم على المرور
والحمد لله المشكله يبدو انها اتحلت

الشئ الطلعت بيهو من التجربه دى
انو الكثيرين مننا انفعاليين
وما عندهم صبر يحل اﻻبرى