( يا غنانا المشتهنو )

المفتتح:

رمضان كريم وكل عام وجميعنا في عافية ورضا

الشحتفة:

ربكة ؟ ضيق ؟

خنقة سفر براني , نوح ؟

ذكرة أسى وسكة دمع

شرقَة حلِق؟

رحلة شبق جواني

لي سيد الوهج

ست البريق؟

فتحة بابي تلقاني

مَرحَبْ بالوجع واللين

ويا ..... ( غنانا المشتهنو )


رقاع الدعوة :

ذكرى ورضا
ناس متوهطا
جبل الغنا
السايله الهنا
موية خريفك خضرا
وتحت الضرا
ناسِكْ كما نُسكَ الحلا
وناسِكْ كما كان البلد
سمحه وولد
رحمك خصوبه , ترياقك مَدَدْ.

و

م

د

د

Quote: تخير الكلام غطاءا للصمت بلون وردة .. وتخيرنا للكلام وفاءا بقلب طفله ملكة سبأ: سلام كفك عناية النور رحلة أماسي الغد يوم الغياب طوَّل بلت مناديلا شهقن نجوم الوعد كايسات قناديلا كفك عناية النور نورك أناجيلا أخضر ضراع النيل دندن تراتيلا مرويه طبعك فيك هادي وهديل قمري بِركَة نخيلك نيــل .. رَشَة ترابك ند قوماكا نمشيلا ذكرى وذِكِر فرهد فرع الغمام أبيض .. خيط الخريف ممتَدْ كفك عناية النور ليل الكفاف اسود مديلو طاقة ضي تطلع مراكب الريد تهتف وتدعيلك يشرح غنا الطنبور صدر الهموم الني تبري وبريق في يد مادات كفوفك مد شايلنو للأيام ساعة الوصول لى عد دخري وذخيرة رد شيلة القوادم فال فالك محل يسري حال المسالك عال أخت البنات انتي واخت الرجال الجد كبر التجارب نور كل العمر فرحه حر القلوب عصفور طهر الزمان انسان ذاتيتو منفتحه خال العزيزة أنا خل العزاز وحنان وزن الكلام طابع قولة السلام عسجد سلم علي من قام ليل القعاد ينهَد

بركة الجيت....

وجبت معاك خضرة جروف النيل مع الموجة الصباحية

تماضر : العيد في مواعيدو والفرح أخدَرْ

يا الطالع الشدره
جيب لي معاك قمرة
ترسل خيوط النور
لي عزة الإحساس
ولفا يهز الناس
يملا المكان بالضي


ومنـــك نستعيــر

Quote: كنت قطرة في خيال غيمة بتمر واندلقت علي سقف شوق انحدر والعاشقين نايمين على ضو القمر لمن وقعت على طرف توب البحر زاد احتمال زخ المطر وفضلت أكبر في تجاويف التمرد و..السفر وحضني موج من غير مفر ساهمت في المد والجزر شلت هم الإنسياب والإنهمار بين التواريخ والقدر وعزفت للينبوغ مساربو واغنياتو الفي السحر واتنومست فكرة وجودي البادية من زمن التبخر والتعلق في نسيج ليف الشجر شوفوني حسه بقيت شنو؟ أنا كنت بس..... قطرة مطــر .

Quote: حس صفقة ونِغيم طنبور وصوت دليب شاشاي خفَ الفرح عصفور حفَ الدواخل نور كل العمر قوقاي عين الضلام بالخز

نعم يا الملكة:

عين الضلام بالخز...

كيتا في السوادالكج : نفرش بياض الروح ..

وبرجع ليك...

شدر الغنا الوارف
رايدِك , بحبك.
صوت الأسى/ الخلفيه/
شان قَصَدِكْ تَحِني
موج الشِعِر مدد الغنا الرايعْ
و..احبك..
نعلات المشي الكداري
شان نلقاكي
والقدم الوِرِمْ ساسيق
مخروط القوالِب
والقلِبْ بكاي
مجهجه في دروب يمكنْ
و ما ممكن
و بس تسمح ظروف!

يا سبب سايب
نَسيبْ جرح الأسى الخايب

مقاييس الوزِنْ فَرَقَنْ
ستات البنات مرَقَن
واخوان الرِجال بى فوقْ
طَلْعَة صباح الشوقْ
شابك الأمل في يدْ
عبرَن بلابل الوعدْ
طبعَن جبين الوَدْ
بي قُبلَة صَباح العَدْ
بس عِدِي وانطلقي
طلقَة جنون الرَدْ
إذنِكْ بفعل الصَحْ
صاحي ومنعنش جَدْ
حارِسْ قفاكي الريحْ
روح العطر فواح
مهمن يطول السد
برقت سما الوعدين
غسلت بكا النيلين
شان المحبة أساس
ملكت قلوب الناس
طبعت على خدك
ختم الوصول لي الحد

Quote: خيت الرجال الجد وأخت البنات الصاح إحساس مدفيني ومطولني .. وموصلني .. نجما في سماهو عمز

جورج ....

عودا حميدا مستطاب ... يا حلو المقال

العزيز عبد الرحمن سوركتي .


يأأأأأأه: طال الغياب

لعلك على خير صحة وعافية..

كرهنا السواد: في زول شاف لي أمل لابس أسود؟

قلنانشخبت هنا يمكن!

لو كنت باعرف أغير لون الكتابة دا يمين كان سويتو أخدر

مرورك إضافة وحافز .. لندندن معا

مودة وشكرا.

وجياتنا ما تنهد!!

جورج بنيوتي؟؟؟




ياااااااااااااااااااه


سألت عنك جورجئذٍ !!

فلم يجيبني سوي الغياب

فياسعدي بالقدوم

ما أجمل سويعات الأياب




يااااااااااااااااااااااااااه

حكــواتـــي المدينــــــــــة( فرطلوجيــــا!)

جورج بنيوتي

Quote: لو كنت باعرف أغير لون الكتابة دا يمين كان سويتو أخدر

مالو اللون الاحمر يا جورج ..
اللون الاحمر لون الثورة المكبوتة..
اللون حلتنا وكل بيوتا..
الشوق حار ..
احمر قرن شطة دنقابا..
كان ترضا كان تابا..
يا غنانا المشتهنو ..
( وبيه ريدك قوليا.. سيد ريدى يالساده..)

جورج

يا الفى علاك بعيد
وسماك سابع دور

و

ينعم صباحك خير
ويسعد مساك النور


دائما دائما

القوافى قوافل، والشوق والله يا جورج اكتر من الهم الفينا ده

بس الزمن بقى معجعج بى غبار لئيم
والواطا حردانة نجيلة الكلام الأخضر

ويا حليل رياضنا الغنا

وإنت ياكا المشتهنك
بى نضار الكلمة فيك
وفضة الحرف المجرتق
جاى منك

حبيب نورة..

رجعت مراكب الشوق كايسات قناديلا.

تحياتي..

ضاقت طرق اللهث خلف ما تنبته أفدنة الخير

وضاع السدى

قلت أفتح بابي لي فالا ضكر.

يمكن..؟

وممكن!

حبي وامتناني الدائمين.

سمعة:

أحمر أخضر كلو تمام: توب البكادا كرهنا جد.

كيفك والباقيين.

ريت الأيام تنعاد.

شوقنا ليكم كتير. سلم علي الأحباب

وادونا أخباركم..

مودة وحبا.

أبا ذر:

Quote: بس الزمن بقى معجعج بى غبار لئيم والواطا حردانة نجيلة الكلام الأخضر

لا يمكن وما ممكن!!

يازول أنا شايفك اليومين ديل: ذئاب وحمى مالك آ خوي؟؟

قبل أيام شفت فلم لي كيفن كوستنر رغم النهاية عبرتوا جد ممتازة

بعدين : كان الفوق دا رأي المطر ... تصور كيف يكون حالي: وحال بساتين البلد

أنا وزعت رقاع الدعوة وراجيكم.

حبا ومودة.