Post: #1
Title: نكتة الباش مهندس .. ولسان حال ابورد
Author: Bakhaf
Date: 09-30-2006, 05:49 AM
مع انه الدنيا رمضان
لكن الوضع بستاهل يجرحوا عشانه الصيام حبه
كل الناس ماسكة القشور وسايبه المواضيع الحقيقية
ندخل على النكته وكل زول وفهمه
قالو في واحد ساكن ليه في حي شعبي
عندو مره سمحة خلاص ( قاطعة )
وعندو صاحبه ، زول بتاع قشرات وناس الحلة بعرفوه بالباش مهندس
اها صاحبه ومرته كانو عاملين علاقة مع بعض - استغفر الله -
والباش مهندس بخلي زولنا يمرق كده ، ويجي لي مرتو في البيت وهو مافي
المهم ناس الحلة ما عجبهم الوضع
قالوا يدو زولنا راسو ويكلموه بالعلاقة البين صاحبه ومرته
يوم وهو داخل علي بيتهم بعد الشغل
وقفوه شباب من الحلة
وقالوا ليه :
والله ما عارفين نقول شنو ؟
ولو الموضوع ما فات حدو ما كان كلمناك لانو عارفنو حساس
صاحبنا
اتوهم وسالهم وهو مخلوع :
في شنو؟ الحاصل شنو ؟
مرتي حصل ليها حاجة
قالوا ليه :
لالا
لكن صحبك الباش مهندس
بخليك كل يوم تمرق الشغل وبجي يقيل مع مرتك هنا في بيتكم من وراك
اها زولنا قبل يمين قبل شمال وكت غلبو قال :
هو زاتو غاشيكم ساكت
ولا باش مهندس ولا حاجة
( كملت )
|
Post: #2
Title: Re: نكتة الباش مهندس .. ولسان حال ابورد
Author: Bakhaf
Date: 10-01-2006, 01:19 AM
Parent: #1
النكته مهداة لفتحي البحيري
|
Post: #3
Title: Re: نكتة الباش مهندس .. ولسان حال ابورد
Author: bayan
Date: 10-01-2006, 02:02 AM
Parent: #2
Quote: هو زاتو غاشيكم ساكت
ولا باش مهندس ولا حاجة |
هاهاهاهاهاهاهاهاهاهاها
كتلتهم عديل كدا يا بخاف
خلي بالك بعد شوية بعيملوك ظلامي...
تاني كوز تاني في الامن وعييييييييييييييك
يحلك الحلة بلة تاني لما تركب الطرورة
|
Post: #4
Title: Re: نكتة الباش مهندس .. ولسان حال ابورد
Author: Bakhaf
Date: 10-01-2006, 02:08 AM
Parent: #3
هم لسع يا يا بيان ما صنفوني
الله يطمنك
|
|