Post: #1
Title: إسمعوا معي - عاطف أنيس - شكراً
Author: معاوية كرفس
Date: 09-28-2006, 06:57 PM
Parent: #0
.
الثانية والنصف من صباح الجمعة 29/9/2006
يا صديق وينك ؟
ما تطوِّل الغيبة
|
Post: #2
Title: Re: إسمعوا معي - عاطف أنيس - شكراً
Author: Alsa7afa_30
Date: 09-28-2006, 07:20 PM
Parent: #1
|
Post: #3
Title: Re: إسمعوا معي - عاطف أنيس - شكراً
Author: sumah
Date: 09-28-2006, 07:53 PM
Parent: #1
معاوية كرفس ..
نسمع معاك وندردش شوية ..
ماذا تعنى لك كلمة نيالا ..
تحياتنا للمبدع عاطف أنيس ..
ونواصل..
شكراً ..
|
Post: #4
Title: Re: إسمعوا معي - عاطف أنيس - شكراً
Author: معاوية كرفس
Date: 09-28-2006, 08:36 PM
Parent: #1
.
الاستاذ الفنان/إسماعيل محمد الحسن (sumah)
عاطف فنان مبدع حقيقي
بس قدرنا إنو هو
قاعد في بلد الإنسان
عشان يعيش فيها مجرد يعيش
لازم يكون ترس معشق علي طول
فوين نلقاهو نحنا.
___________________________
| Quote: ماذا تعنى لك كلمة نيالا .. |
نيالا ...
مسقط رأسي ومرتع طفولتي وصباي
و عشان ما تسرح ، ياهو الفي بالك
.
|
Post: #5
Title: Re: إسمعوا معي - عاطف أنيس - شكراً
Author: Tumadir
Date: 09-28-2006, 09:18 PM
Parent: #4
نسمع عاطف أنيس
وليه ما نسمع
وهو نحن عندنا زيو كم؟؟
له تحياتى ولاسرته الجميلة
ولموسيقاه الرفيعة
والمودة
وكل رمضان وانت عزال يا كرفس,
اسماعيل محمد الحسن ..ياهو الفضل
الزول يشوفك من اسفير لى اسفير ...
"كأنك ما عرفتنا يوم ....."
|
Post: #6
Title: Re: إسمعوا معي - عاطف أنيس - شكراً
Author: Luay Elhashimi
Date: 09-28-2006, 10:11 PM
Parent: #1
شكرا لخط الاستواء ...وللمبدع انيس..
|
Post: #7
Title: Re: إسمعوا معي - عاطف أنيس - شكراً
Author: معاوية كرفس
Date: 09-29-2006, 06:15 AM
Parent: #1
.
شكراً عزيزي Alsa7afa_30
للإستماع
.
|
Post: #8
Title: Re: إسمعوا معي - عاطف أنيس - شكراً
Author: Elmosley
Date: 09-29-2006, 09:46 AM
Parent: #1
عاطف فنان جاد ملتزم في وقت اصبح يتحول فيه الفنانون الى مداح
ليس بوازع الدين الحنيف
ولكن بتأثير المال
فله التحية
|
Post: #9
Title: Re: إسمعوا معي - عاطف أنيس - شكراً
Author: Inaam Saad
Date: 09-29-2006, 11:08 AM
Parent: #8
شكرا كتير يامعاوية
كل سنة وانت طيب
وعاطف أنيس الفنان الجميل طيب منتمي للإنسان
واضح في "الزمن الطشاش"
وكل مبدعي بلدنا طيبين
وتاني شكرا يا معاوية
|
Post: #10
Title: Re: إسمعوا معي - عاطف أنيس - شكراً
Author: معاوية كرفس
Date: 09-29-2006, 12:18 PM
Parent: #1
.
Tumadir
| Quote: وكل رمضان وانت عزال يا كرفس, |
هي فكرة قديمة ويبدو إنك انتبهتي ليها
أنا ومجمل أصدقائي مستمعين جيدين وعندما
نعلم بنزول كاسيت جيد نسعي لإستماعه وكثيراً
ما يكون الدافع أغنية واحدة في هذا الكاسيت
غض النظر عن الفنان .
والفكرة القديمة هي أن أشرك أعضاء سودانيز اونلاين
وقرائها هذا الإهتمام .
عاطف يا تماضر حالة خاصة (بالنسبة لنا)
| Quote: وهو نحن عندنا زيو كم؟؟ |
نحن بدينا معاهو خطوة خطوة من الكلاكلة
وجامعة السودان والأهلية ومسرح النيلين
وكل امسيات الخرطوم وشوارعا الواسعة
قرينا معاهو الشعر وحضرنا بروفات التلحين
والتوزيع مع فرقة مصطفي . لا وكمان مشينا
معاهو الحفلات الخاصة (متطفلين ) تحت دعوي
أصدقاء الفنان (طبعاً دي جديدة لنج من إنتاجنا نحن ديل )
لذلك هو حالة خاصة لدينا .
سوف اسعي دوماً لاشراككم كل ما
يحرك فيني من الغناء غض النظر عن الفنان
وطبعاً شكراً بتاعت عاطف دي فوق البيعة ساكت .
لك كل الود
.
|
Post: #11
Title: Re: إسمعوا معي - عاطف أنيس - شكراً
Author: معاوية كرفس
Date: 09-29-2006, 04:46 PM
Parent: #1
.
أستاذ/ Elmosley
Quote: عاطف فنان جاد ملتزم في وقت اصبح يتحول فيه الفنانون الى مداح
ليس بوازع الدين الحنيف
ولكن بتأثير المال |
ديل أصبحوا بتاجروا يا أستاذ حتي
بالرسول (ص) ويقولوا شفناهو
دخل استديو الإذاعة وبيستعد
عشان يقدم برنامج .
إتخيل ! ! !
عارفك ما بتحتاج للوصية
تحياتي لعاطف
.
|
Post: #12
Title: Re: إسمعوا معي - عاطف أنيس - شكراً
Author: ناذر محمد الخليفة
Date: 09-29-2006, 05:36 PM
Parent: #1
تحياتي يا معاوية ..
Quote: عاطف فنان جاد ملتزم في وقت اصبح يتحول فيه الفنانون الى مداح
ليس بوازع الدين الحنيف
ولكن بتأثير المال
|
|
Post: #13
Title: Re: إسمعوا معي - عاطف أنيس - شكراً
Author: صلاح محمد صالح عثمان
Date: 09-29-2006, 05:49 PM
Parent: #1
شكرا الأخ/
معاوية لهذا الإختيار الموفق
أمتلك لهذا المبدع شريط واحد
لا أدرى إذا كان هنالك شريط آخر
|
Post: #14
Title: Re: إسمعوا معي - عاطف أنيس - شكراً
Author: Ibrahim Algrefwi
Date: 09-30-2006, 08:08 AM
Parent: #13
طولنا قامة الحب سوا ....
يا سلام ياكرفس ياحبيب ، عاطف دة راجل ممتع وبدي الغُني قيم شديدة النقاء .
شُكراً لكل القلنا عن باكر سوا...
________
________
الشعر "البيور" ده ...
شعر ميرغني الماحي يا كرفس ؟
|
Post: #15
Title: Re: إسمعوا معي - عاطف أنيس - شكراً
Author: فتحي البحيري
Date: 09-30-2006, 08:15 AM
Parent: #14
هوووووف
المنبر برا مولع نار
تحيات يا كرفس
مناديل ورق أقش العرق !!!
قرمبوز ... سفة!!
يااااااااااااااااااااه
دي غنية أروع من الحياة ذاتا
وشكرا لخط الاستوا
|
Post: #16
Title: Re: إسمعوا معي - عاطف أنيس - شكراً
Author: Ibrahim Algrefwi
Date: 09-30-2006, 08:36 AM
Parent: #1
اللهم اني صائم لي زمن طويل جداً جداً ، فَفُك عنا خيطك 
|
Post: #17
Title: Re: إسمعوا معي - عاطف أنيس - شكراً
Author: معاوية كرفس
Date: 09-30-2006, 10:11 AM
Parent: #1
.
الأخ/ صلاح محمد صالح عثمان
نعم عاطف أنتج كاسيت واحد
يحمل نفس الإسم ( شكراً)
وبه من الأغنيات:
شكراً - العزيزة - الطائر - الشاغلين فؤادي
دق المطر - في الضواحي - ولي المساء
وحسب معلوماتي أنه وقبل أكثر من عام
كان هناك تفكير لإنتاج كاسيت آخر
لا أعلم إلي أين وصل .
|
Post: #18
Title: Re: إسمعوا معي - عاطف أنيس - شكراً
Author: عمر ادريس محمد
Date: 09-30-2006, 11:39 AM
Parent: #1
ياسلام
كل الأماسى الكنتى فيها
عاطف ياكرفس
زول فنان
شكرا ليك
|
Post: #19
Title: Re: إسمعوا معي - عاطف أنيس - شكراً
Author: معاوية كرفس
Date: 09-30-2006, 12:15 PM
Parent: #1
.
الأعزاء:
Luay Elhashimi
Inaam Saad
ناذر محمد الخليفة
Ibrahim Algrefwi
فتحي البحيري
عمر ادريس محمد
كان نلحق العمر البروح
قبال ملاقات الرشاش
__________________
ليكم كلكم
SAVE AS
__________________
فعلاً يا قرمبوز Quote: الشعر "البيور" ده ...
شعر ميرغني الماحي |
.
|
Post: #20
Title: Re: إسمعوا معي - عاطف أنيس - شكراً
Author: عاصم محمد شريف
Date: 09-30-2006, 02:28 PM
Parent: #19
العزيز كرفس
والله يا معاوية كلما نتلاقى ..ما بيكون فى ذاكرة عاطف الا تلك الايام ..حتى مرات بيجينى احساس انه ما داير الزمن يتحرك ..وحتى الناس ..دايرهم زاتهم ..والمشاوير ذاتها ..مساسقة بين الخرطوم ..الجامعة ..الق... البروفة ....وبالليل الكلاكلة بيت ناس متوكل..سبعة ونص ...اللفة ..ويوم الجمعة ..ناس مجدى بحر ...الكشتينة ..التركين ...الشاى ...واسامة ايللى.....و
الزول ده كويس لكنه مدروش ..ومشتاق لى غادة والفة ..وليكم كلكم ...
ما اظنه شاف البوست ده ...اسه بديه سلك..
قف ..نفتقدكم بشدة
ولا نامت اعين الجبناء
|
Post: #21
Title: Re: إسمعوا معي - عاطف أنيس - شكراً
Author: معاوية كرفس
Date: 10-01-2006, 03:08 PM
Parent: #1
.
عزيزي / عاصم كتة
| Quote: والله يا معاوية كلما نتلاقى ..ما بيكون فى ذاكرة عاطف الا تلك الايام ..حتى مرات بيجينى احساس انه ما داير الزمن يتحرك ..وحتى الناس ..دايرهم زاتهم ..والمشاوير ذاتها ..مساسقة بين الخرطوم ..الجامعة ..الق... البروفة ....وبالليل الكلاكلة بيت ناس متوكل..سبعة ونص ...اللفة ..ويوم الجمعة ..ناس مجدى بحر ...الكشتينة ..التركين ...الشاى ...واسامة ايللى.....و |
هو يا عاصم نحن في شنو جميل في حياتنا .. ؟؟
كتير بفكر إنو لو ماكان اتلاقينا
أو بالأصح لو ما كان لاقيت
الناس ديل بكامل تفاصيلم
كان شنو .... ؟؟
تعرف كتير كنت بطلع من أبو آدم
وأشاقق لغاية القبة الكميتراب
عشان اقعد معاهو في أوضتو الطرفانية ديك
ولامن يعاين لي ويعرف الحاصل براهو
يمسك عودو وبدون ما أطلب منو
يبدا يغني ما بان عليك سفر العمر
قول ليهو يا عاصم أعصر علي عودك
سنّو شديد ونقّر بيهو في الزمن الطشاش
نحن لسع مترجنك
طولنا ما سمعنا ....
___________________
أهو جات كدا
.
|
Post: #22
Title: Re: إسمعوا معي - عاطف أنيس - شكراً
Author: تولوس
Date: 10-02-2006, 07:18 AM
Parent: #21
شكرا لك اخي معاوية وشكرا لعاطف انيس كل هذا الجمال
|
Post: #23
Title: Re: إسمعوا معي - عاطف أنيس - شكراً
Author: الق هاشم
Date: 10-02-2006, 09:59 AM
Parent: #1
شكرا لكل هذا الجمال....
وتحيه بشذي الورود
اهديها
الفنان الانسان عاطف انيس
ولك يا معاويه
باقه
من الامنيات الطيبه.....
وشكرا ....
|
Post: #24
Title: Re: إسمعوا معي - عاطف أنيس - شكراً
Author: osly2
Date: 10-02-2006, 10:03 AM
Parent: #23
شكرا كرفس
على هذا الجمال
|
Post: #25
Title: Re: إسمعوا معي - عاطف أنيس - شكراً
Author: منعمشوف
Date: 10-02-2006, 11:07 AM
Parent: #24
وكت ضغطت على (رد) لأكتب كلاماً يُجارى نَضِمكم السمح
فى حق عاطف .. غَلبنى .. وخَنَقَت أصابعى عَبرَة.
تُشكر يا كرفس على الهدية الأنيقة
وتحياتى لك ولضيوف البوست السِمِّعين
ولعاطف أنيس الفنان كل الود.
هناك أغنية جديدة كتبها له خطاب حسن أحمد
كان نزلتها لينا يا كرفس ! تكون زوول شحمااان
|
Post: #26
Title: Re: إسمعوا معي - عاطف أنيس - شكراً
Author: صلاح شعيب
Date: 10-03-2006, 01:25 AM
Parent: #25
الزميل معاوية
إنطلاقا من ما قال به الموصلي,
أعتقد أن الفنان عاطف أنيس
وحده يستطيع أن يجدد في اللحن
السوداني من جيل الشباب, فمن
اللحن واضح أن هناك محاولة صلبة
للتمايز عن جملة الالحان التي
أنتجتها العبقرية السودانية.
لاحظت أن الجمل اللحنية واللزانات
ومحاولات التعبير الصوتي
تتقاطع أو قل تتحاور مع
تجارب عركي ومصطفي ومحمد الامين
والموصلي وأحمد ربشة وشاويش
وغيرهم, وأعتقد أن هذا يعتبر
من الوعي الكبير لعاطف في
أن يضيف لمن سبقوه وفي ذات الوقت
يحتفظ بخصوصيته,
وأعتقد إنه كلما تقدم
في العمر وجد نفسه أكثر إمكانية
لانجاز بصمته.
وشكرا لك
ولعاطف
|
Post: #27
Title: Re: إسمعوا معي - عاطف أنيس - شكراً
Author: hatim
Date: 10-04-2006, 05:41 PM
Parent: #26
Quote: نحن بدينا معاهو خطوة خطوة من الكلاكلة
وجامعة السودان والأهلية ومسرح النيلين
وكل امسيات الخرطوم وشوارعا الواسعة
قرينا معاهو الشعر وحضرنا بروفات التلحين
والتوزيع مع فرقة مصطفي . لا وكمان مشينا
معاهو الحفلات الخاصة (متطفلين )...... |
لك التحية الاخ معاوية...
وموصول أيضا للشفيف للمبدع عاطف أنيس ..لقد حمله الزمان بعيدا عنا..عاصرنا بعض حفلاته من النصف الأخير من التسعينات بجامعات السودان والنيلين والاهلية عندما كان يدندن بأغاني الراحل مصطفى (شوك الشوق )و ( ويا قمحاتنا حا لبلب )...أتمنى أن تكون الايام حبلى بالإبداع مثل تلكم التي ولفناها ونتمنى تقديم المزيد ..
أكرر التحية لك ولعاطف..
|
Post: #28
Title: Re: إسمعوا معي - عاطف أنيس - شكراً
Author: محمد عبدالرحمن
Date: 10-04-2006, 05:59 PM
Parent: #27
ياهندسة ...
كل سنة وانت طيب ...
ياخوى (غنيوتك ) دى ابت تفتح معاى خالص ...
مشفرة للزملاء بس ..ولا الحاصل شنو ...
اجدعا فى الماسنجر يمكن الله يفتح علينا ونسمعها ...
مع العلم انو الزول دا انا بحبو من زمااان ..
من زمن كان بجيبوهو يغنى فى احتفالات الجيم دال بالعود ...
يلا فتك بعافية ..وتحياتى لمن بطرفك ...
ودى
|
Post: #29
Title: Re: إسمعوا معي - عاطف أنيس - شكراً
Author: محمد عبد الله شريف
Date: 10-04-2006, 09:49 PM
Parent: #28
شــكرآ كرفـس لهذا الألـق الـتريان
وعـاطف ـمن عند المشاوير الزكرهـا عـاصم ـ لي هسـع مـبارينه
كلما الظروف حـنت..
شـكرآ لـ الاستاذ الانسان مرغني الماحي ولـ عاطف وليك
لـخط الأسـتواء
|
Post: #30
Title: Re: إسمعوا معي - عاطف أنيس - شكراً
Author: عصام أحمد
Date: 10-07-2006, 06:16 PM
Parent: #29
سمعنا معاك وإرتحنا مع عاطف انيس ومعاك يا معاوية..
يا سلاااام ياخ!
حاجة جميلة..
تسلم يا معاوية وشكرا يا عاطف.
|
Post: #31
Title: Re: إسمعوا معي - عاطف أنيس - شكراً
Author: معاوية كرفس
Date: 10-08-2006, 02:52 AM
Parent: #1
.
الأعزاء:
تولوس
الق هاشم
osly2
منعمشوف
صلاح شعيب
hatim
محمد عبد الله شريف
عصام أحمد
شكراً لكل القلنا
عن باكر سوي
العزيز/ محمد عبدالرحمن
حاول نزلا في جهازك من الرابط الاتي
SAVE AS
و لو فشلتا رسل لي ايميلك في المسنجر
لك ولهم كل الود
.
|
Post: #32
Title: Re: إسمعوا معي - عاطف أنيس - شكراً
Author: أبو ساندرا
Date: 10-08-2006, 02:40 PM
Parent: #1
تعرف يا كرفس
الولد عاطف ده دفر بابنا ذات مساء حافل بالغناء
جلبه لنا كغيمة الصديق العزيز ميرغني الماحي
وهو شاعر { شكرآ }
وميرغني تطور من نسيب بعد ماتزوجت شقيقتي الصغرى بدرية
إلى صديق عكليت بقى لي في رقبة حبي
من اليوم داك وعيك
صار عاطف انيس فرمالة مجالسنا
نبتكر المناسبات ويومآ بلا مناسبة نغني
وفي 19 يوليو 2000 غنى ومعه شرف فرح { شرف الأهلية }
بحضور أسامة معاوية الطيب
وفاضت العيون وعلا الهتاف
يوم عرسو فاجأ عاطف انيس الحضور عندما صعد إلى خشبة المسرح
متأبطآ غادة محمد موسى التي صارت عروسه عصر ذلك اليوم
صعدا المسرح متشابكي الأصابع والضلوع
وغنو { شكرآ }
إلتفينا حول المسرح وشلناها غنا
يوم مازال في الذاكرة
وسيظل
وشوك الشوق ل :
عاطف ، غادة ، ميرغني الماحي ، ميرغني عطاالمنان وبناتو القمر
و
شكرآ لخط الإستواء
|
Post: #33
Title: Re: إسمعوا معي - عاطف أنيس - شكراً
Author: Ibrahim Algrefwi
Date: 10-10-2006, 05:46 AM
Parent: #1
شُكراً لكل القلنا عن باكر سوا
|
Post: #34
Title: Re: إسمعوا معي - عاطف أنيس - شكراً
Author: GamarBoBa
Date: 10-10-2006, 06:20 AM
Parent: #33
رااااااائعة
كرفس تشكر...يا هندسة....
وين عاطف في الدنيا اختفي...
اذكر عوده والغربي ودقة الحرس حتي اللحظة...ومأكلنه حق حق عداد في الرابطة كمان
له التحية..راجل مبالغ فيه.
ولو قرا البوست ده المفروض يشد حيله يسمعنا غنا جديد..في زمن نحن محتاجين غناه.
|
|
