بت مسيمس... و الزبير باشـــا..."ملحمة البطولة"

بت مسيمس هي شاعرة.... وفد تغنت ببطولات الزبير باشا رحمة وسوف اقوم بنقل كل ما يقع تحت يدي من اشعار....وبالله الجماهة المستنيرين ايدكم معانا...وفي كل بيت شعر تلقوهو فيهو اجر.. في رمضان دا

بسم الله

قالت بت مسيمس...وهي خائفة على الزبير من رحلته الي مصر والتي تم اسره فيها:-


من قومة الجهل انت العظيم منصور

ادوك الامان خايفين عليك الجور

في الخرتوم نزل ادلى بالبابور

في بربر رسا بالقهوة غفرًا تدور

حلّوله الجمال اتوجه.....العتمور

حلق الريف نزل قال لمصر دستور

في بلد النصارى كم سحت بالبابور

كل صبحًا جديد راكب على الحنطور

واسترلست بت مسيمس تقول:-

في السودان قبيل ما بشبهوك الناس

يا جبل الدهب الصافي ماك نحــــاس

بارود انتصار عند غمرة الكــــبّاس

خليت المجوس الين من القــــــرطاس

عدّى عصرو زين في بلاد النـــــــاس

وفي دار غرب دق للرجالة نحـــــاس

كم قتّل سلاطين خلى دارها يبــــاس

ود رحمة الزبير تمّ الرجـــالة خلاص

*

وعرف عن الزبير باشا انه كات بارابهله ضيوفه وهو في غاية الحفاوة والكرم.....وقالت بت مسيمس قي ذلك:-

يا شلب البرامكة الفي البلد فردة

طلّق ما هرب حالف من الشردة

دا البيكرم نسابتو وبعرف القعدة

طقم الكلفّوه ما اتلفح الفردة

شكراً د . عادل سجيمان
نرجو المواصلة في هذا التوثيق الذي نتمنى أن يكون ملف خاصاً بهذه الشاعره وغيرها من مبدعات السودان اللائي تعداهن التاريخ . ونتمنى من كل الذين يعرفون شيئاً عنها أو أي من الأخريات أن لا يبخل به وها هي الأسافير مفتوحة وشكرنا للريس بكري .
شكراً د. عادل

شكرا يا مجاهد للمداخلة سوف اقوم بنقل كل ما اجده عن شاعرة البطل الزبير باشا ..بت مسيمس

حرضته بت مسيمس لحرب مشايخ الرزيقات الذين نقضوا عهدهم بقولها:
جنك تلات ورقات جيب ردهن
صقور الجو حلقن قوم غدّهن
يا مقنع الكاشفات لاحدهن



*منقول عن مداخلة للاخ سيف الديثن ابراهيم في بوستي " الي الذين حولّهم الزبير باشا من بعاعيت وسحاحير الي بشر"

يا دكتور كيفنك ورمضان كريم

متابعين

اهلا د.طارق

Quote: يا دكتور كيفنك ورمضان كريم

الله اكرم...وكل من يحبو كريم.....

وقالت وهي ترثيه :-


تبكيك دار جعل يا الضل ويا الستره
يا درب الصراط منو البيتخترا
الجود والكرم خلقه الله فيك فطره
فيك معن بن زايد ما يجي قطره
وقالت:
ود رحمه دقر الكنيسة الهام
يا بحر المحيط ما بيقطعوا العوام
تبكيك الغروب من برقو لى دار تام
تبكيك العجم فرتيت نيام نيام
تبكيك العرب من الحجاز للشام
ومن بلد اليمن لى تونس الإسلام

جهد جميل ورائع، بس سؤال عن معنى المفردات بالأبيات :

يا شلب البرامكة الفي البلد فردة ... طلّق ما هرب حالف من الشردة

دا البيكرم نسابتو وبعرف القعدة ... طقـم الكلفّـوه ما اتلفَـح الفــردة

محمد مصطفى الطاهر

Quote: يا شلب البرامكة الفي البلد فردة ... طلّق ما هرب حالف من الشردة دا البيكرم نسابتو وبعرف القعدة ... طقـم الكلفّـوه ما اتلفَـح الفــردة

النضم دا كلو..معناهو الزول دا زول ضكر وجنبن يقلب البيعة

جهد جميل ورائع، بس سؤال عن معنى المفردات بالأبيات :

يا شلب البرامكة الفي البلد فردة ... طلّق ما هرب حالف من الشردة

دا البيكرم نسابتو وبعرف القعدة ... طقـم الكلفّـوه ما اتلفَـح الفــردة

*

تبكيك دار جعل يا الضل ويا الستره
يا درب الصراط منو البيتخترا
الجود والكرم خلقه الله فيك فطره
فيك معن بن زايد ما يجي قطره

لك التحية يا سجيمان على هذه الروعة....
بس جماعة العنصرية لسة ما ظهروا ... حا يجوك كروش كروش زي ما قال حميد

جهد جميل ورائع، بس سؤال عن معنى المفردات بالأبيات :

يا شلب البرامكة الفي البلد فردة ... طلّق ما هرب حالف من الشردة

دا البيكرم نسابتو وبعرف القعدة ... طقـم الكلفّـوه ما اتلفَـح الفــردة

عبد اللطيف عبد الحفيظ حمد

Quote: بس جماعة العنصرية لسة ما ظهروا

ديل يا عبد الحفيظ اخوي الشغلانة دي قاعدين ياكلو من وراها عيش

ود رحمه دقر الكنيسة الهام
يا بحر المحيط ما بيقطعوا العوام
تبكيك الغروب من برقو لى دار تام
تبكيك العجم فرتيت نيام نيام
تبكيك العرب من الحجاز للشام
ومن بلد اليمن لى تونس الإسلام



تسلم يا دكتور عادل ..

المجد الخالد والتكريم لكافة رموز السودان ..

المجد الخالد للسلطان الزبير باشا رحمه يرحمه الله ..


جاد

إنتو يا اخوانا ما عارفين بتكتبوا في شنو؟؟!

واحد من العرب الشوام سألني من معاني كلمات الأبيات دي، وما عارف أشرحها ليو، داير مساعدة...

طيور زي إنتو ولا شنو؟؟ تنقلوا الكلام ساي زي البوم!!

يا محمد مصطفى الطاهر......

وقت الحكاية جابت ليها طيور

Quote: يا شلب البرامكة الفي البلد فردة ... طلّق ما هرب حالف من الشردة

شلب يعني الزول الامير الكبير الراس القدامي

البرامكة نسبة الي البرامكة في عصر هارون الرشيد.. ومقصود هنا انو كريم لانه كان مشهور عن البرامكة الكرم.....

الفي البلد فردة... يعني واحد ما عندو زول تاني بيشبهو..فردة واحدة بس

طلّق ما هرب..حلف طلاق.....حالف من الشردة برضو حلف يمينا ان لايشرد ابدا مهما حدث

Quote: دا البيكرم نسابتو وبعرف القعدة ... طقـم الكلفّـوه ما اتلفَـح الفــردة

البيكرم نسابتو.. يعزهم ويكرمهم....وبعرف القعدة ..والمقصود هنا القعدة في مجالس الحكم والراي....اي صاحب راي سديد وهو المعنى المقصود الاقرب...طقّم الكلفوهو.... اي لبس طقم من لباس الحرب....ما تلفح ..ما لبس كما تلبس لنساء التوب السوداني...اتلفحت بالتوب يعني لبسته بالطريقة المعروفة..الفردة نوع من التياب السودانية التي تتلفح بها النساء وهي صناعة يدويه غزلا ونسيجا واشتهرت بها مدينة شندي..في صناعة الفرد..


اها قصرت معاك؟؟؟؟

هاهاهاهاهاهاهاهاها،

أمانة ما قصرت تب يا سجيمان!!


إنتو ما يطلعوا منكم حاجة إلا يسكوكم..


تسلم يا سجيمان!!

Quote: تسلم يا سجيمان

الله يسلمك

جاد كتب:-

Quote: المجد الخالد للسلطان الزبير باشا رحمه يرحمه الله ..

*

يا دكتور

انت ماك خايف ?الناس ديل يودوك محكمة نورنبيرغ
كيفن تمجد النازية ?
هسع يجوك يقولوا الزبير دا كتلو 6 مليون من اصل 3 مليون



غايتو بنجبلك العامود في لاهاي اصلي قريب منها

سلاااااااااااااااااااااام د. (سيجيمان ) و ضيوفه الكرام.

بعيدا عن الترّهات و الأباطيل التي حيكت في حقّ المجاهد الاسلامي الكبير: الزبير رحمة،
علي لسان و مداد أقلام سايبيريّة مغرضة و حاقدة علي هذه الشخصيّة الاسلاميّة السودانيّة
العظيمة، يكفي الزبير باشا رحمة فخرا انّه قام بنشر الاسلام علي نطاق واسغ في سهول و أدغال
جنوب السودان الحبيب. ( أرجو الآ تستعجبون من استعمالي لعبارة: سهول علي اقليم
جغرافي ، طبوغرافي و مناخي واقع في نطاق جنوب السودان المشهور بمناخه الاستوائي
ذي الأمطار الغزيرة علي مدار فصلي الصيف و الخريف. فقد قمت بزيارة اقليم راجا،
و قضيت ثلاثة أيّام في مدينة راجا في منزل مضيفنا: الصول: خليفة، رحمه الله، من أبناء
الجريف غرب، في عام 1972م. اجتزنا مدينة ديم زبير، ذهابا و ايابا، و صلينا في مسجدها العتيق.
و راعني أنّ طبيعة التربة و الحيوانات: أعني ماعز و الضأن، في اقليم راجا، يشبه مثيلاتها في
جنوب غرب السودان ). يوجد عشرات الألوف من المسلمين في منطقة راجا، و بشكل مكثّف في
مدينة: ديم زبير، من أبناء دلك الأقليم الحبيب الذين يرجع اعتناقهم و أهليهم للاسلام
للسلطنة الاسلاميّة الني أنشأها المجاهد الاسلامي : الزبير باشا رحمة في اقليم شرق بحر الغزال
بجنوب السودان. و راعني أيضا أنّ المواظنين المسلمين: The indigenous people , في مدينة
ديم زبير، يشبهون في سحنتهم و ملامحهم الفيزيائيّة نسبة كبيرة ممّن يطلف عليهم تعبير:
عرب السودان. و اتّضح لي من سياق الحديث الذي دار بيني و مؤذّن مسجد ديم زبير، أنّ هنالك
تداخل و تمازج عرقي، وتعايش سلمي بينهم و العرب الرحّل في منطقة جنوب دارفور. و لفت انتباهي أنّ المسلمين في ديم زبير يتحدّثون العربيّة ن بلسان مبين، كما يتحدّثها عامّة الناس في أقاليم السودان المختلفة.
فاتني القول ان أخوالي و بعض أقربائي الحميمين يشتغلون بالتجارة في أقليم بحر الغزال.
و كنت حينذاك طالبا في المرحلة الثانويّة العليا، حضرت في رحلة سياحيّة للأقليم الجنوبي
، و تحديدا: محافظني بحر الغزال و الاستوائيّة. و كنت حينذالك أرافق قريبي: اسماعيل حامد علي،
في رحلته التجاريّة تلك التي أخذتنا لاقليم راجا، شرقي بحر الغزال.
ما قدّمه المجاهد الزبير باشا رحمة من خدمة للاسلام لم يسبقه فيها أيّ سوداني علي مدار التاريخ.
فحقّ لنا، كسودانيين، أن نفخر بالزبير باشا و نسمي أهم شوارع العاصمة الخرطوم باسمه.
و ليتناسي بعض أخوتنا أعضاء المنبر من أقليم دارفور أحقادهم علي الزبير باشا الذي جرّد
جيشه، المتكوّن في معظمه من مسلمي اقليم بحر الغزال، ليغزو به سلطنة دارفور بعد فشلت
رجاءاّته، المتمثّلة في الرسائل العديدة الموثّقة التي تبادلها مع سلطان دارفور
اّنذاك: ابراهيم قرض، في اقناعه لارغام قطّاع الطرق من أبناء دارفور من اعتراض طريق قوافله التجاريّة لأواسط و شمال السودان و نهبها.

طارق الفزاري
ود زينب

http://www3.0zz0.com/2006/10/10/09/15393509.jpg

شكرا يا طارق الفزاري لتسليطك الضوء علي احد ابطال السودان

عيون الحرية

Quote: غايتو بنجبلك العامود في لاهاي اصلي قريب منها

طيب...عليك الله ما تنسو ام رقيقة...في برد لاهاي داك

يا دكتور سجيمان

رمضان كريم وتصوم وتفطر على خير


ديل يا عبد الحفيظ اخوي الشغلانة دي قاعدين ياكلو من وراها عيش


مشكور على ما جئت به وأوجزت حيث جئت بالمفيد.(لكن أنا متأكد إنو
انت ما شغال بأي واحد منهم).

أبوفتحية

الزبير باشا....وبت مسيمس

**بقلم : د. محاسن

عبد القادر حاج الصافي

اشتهرت كذلك في فترة الحكم التركي حتى نهاية القرن التاسع عشر الشاعرة (بت مسيمس) من قبيلة المسلمية الذين يعيشون في الجزيرة والتي تغنت ببطولة الزبير ود رحمة، وسجلت بشعرها ايام العرب في ذلك العهد كحرب العقال التي وقعت في العام 1277هـ تقريباً بين قبيلتي الكبابيش وحمر.



**بتريد اللطام :http://www.halaween.net/newHala/tempImages/BTREED-ALTAM..wma
كلمات بت مسيمس تغنى بها بادى محمد الطيب

منقول