المفاجأة
ما كان قادر يوريها حبو الشديد ليها ..
وكلما يلاقيها يقول:- خلاص الليلة حا أكلمها ..
وأول ما يبدأ الكلام ...
.
.
ينهزم
.
ما قادر..
ما قادر..
..
.
ودائما...
يبرر لنفسو بعد الفشل ويقول:-
يمكن السبب إنها ما ترضي بي !!
أو....أو ...
المهم..
.
في النهاية قرر إنو تاني ما يلاقيها.. وينساها..
ديمة يمشي في أمسياتو ويقعد في كوم بتاع رملة كبير في طرف الحي
ويقعد يسرح فترة طويلة..
ساعة.. و ساعتين.. وتلاتة.., يتونس بالسيجارة ويكمل علبتو ويرجع ينوم
وفي يوم ..
وفي أثناء سرحانو واتكايتو ,
حس بي زول في الضلام جاي ناحيتو...
ده ..ده منو ده يا ربي؟؟..دي بت!!
لكن..!!!
البت دي الجابها بيجاي شنو؟؟
.
.
دي هي.. بي شحما ولحما!!!!!
.
.
.
سلمت عليهو بي إسمو بي صوت هامس ووقفت بعيد تتلفت بي خوف..
نط من إتكايتو ,وقام عليها ماد إيدو و..
وإتلاقت الإيدين لأول مرة من زمن بعيد
آآ..آآ..إزيك يا ...
وما حس بي نفسو وهو ماسك يدها مدة طويلة.. وما قادر يفكها
لحدي ما سحبت يدها براحة ..
وبدت تتكلم:- أنا جيت هنا عشان أقابلك.
فتح صاحبنا خشمو زي الأبله: تقابليني أنا؟؟!!
ليه؟ ..
لكن لحق روحو سريع وقال ليها:- إنشاء الله خير؟
وبدت تحكي........وحكت الحكاية كلها...
من أولا ولي آخرا..
قالت ليهو إنها عارفة حبو ليها!!
لأن صديقو فلان وراها من زمان ..!!
وهي كانت منتظراهو يجي يتكلم معاها..وإنتظرت..
وانتظرت ..
.
.
.
سنين..!!
.
.
وهو ما جا!!
ولأنو ود عمها جاي يتقدم ليها ..
وأبوها بيديهو ..!!
لازم كانت تلاقيهو ..
عشان يجي ويخطبها..
لأنها ما ممكن تحب غيروا ولا بعدو..
و
.
.
.
.
وسكتت.
.
.اتلفت صاحبنا يمين وشمال
قرص يدو الشمال باليمين..
وفجأة قال ليها:- أديني كف
إتخلعت ..!!
أديك كف؟؟!!!
قال ليها بي بسرعة :- أنا عاوز أعرف نفسي صاحي وللا نايم.
حي وللا ميت؟؟!؟
عاينت ليهو قلقانة..لكن صاحبنا قال ليها تاني :- الكف ما كافي..
أنا لازم أرجع البيت سريع..
أشوف روحي نايم في السرير وللا لا؟
لو لقيت نفسي نايم في السرير معني كده أنا حلمان.
ولو لقيت روحي مافي السرير معناها دي الحقيقة..
والزولة القدامي دي هي انتي بي شحمك ولحمك..
أنتظريني هنا أجري جري وأجيك ..
خمسة دقايق وبس..كويس؟؟
حنت عليهو..
قالت ليهو:- كويس أجري وتعال..لكن دي الحقيقة!!!!
.
.
جري صاحبنا.
.
.
ووصل البيت
وقبل ما يدخل الأوضة بتاعتو..
غمض عيونو ..
وفتح الباب..
ودخل..
ومشي لحدي ما وصل السرير بتاعو..
ولمست كرعينو طرف السرير..
وفي سرو إتمني ما يلقي نفسو راقد في سريرو..
وعد من واحد لعشرة..
واحد..
إتنين ..
تلاتة..
أربعة..
خمسة ..
ستة ..
سبعة ..
تمانية ..
تسعة......
.
.
.
.
.
.
عشرة
و
.
.
و.
.
وفتح عينيهو
.
.
و.
.
..
.
وكانت المفاجأة.
عصام أحمد