معتصـم دفــع الله ...

وددت لو كنت معجم للغة العربية لأنظم وأنثر الكلمات والأبيات في حق هذا الفتى النبيل ، ولكنني عجزت فتركت لأحبته الساحة لأقرأ ما يسطر عنه ما يروي ظمأ عشقي له . معتصم دفع الله لله درك عزيزي .

معتصم دفع الله

من خلال مداخلاتي له رجل موهوب جدا وفنان وجرئ اتمنى ان التقى به ..

معتصم دفع الله يدخل للقلوب بدون استئذان
كما النسمة ...ذوق وتهذيب وهمة عالية ..
لذلك صار حبيب الكل هنا ..

عزيزي محمد

معتصم رجل قل ما يوجد به الزمان ، كريم ، نبيل و و و ......الخ . شكراً عزيزي على مرورك الطيب .

الحبيب محمد عبدالرحمن ..
رمضان كريم تصوم وتفطر على خير ..
النسمة تهب من عندكم فترطب حياتنا ..
شكراً لكم لأنكم دوماً في الجوار ..

محبتي وتقديري ..

معتصم دفع الله

من بين صداقاتي التي أعتز وأفخر بها كثيراً , هو المعقولية نفسها والإنصاف عينه والإعتدال في كل شئ رقيق العبارة نزيـه الفكرة عظيم الإحترام لغيره,

أقول هذا الكلام من قبيل التعريف به للذين لا يعرفونه وهذا أقل بكثير من صفات الطيب ابن البلد التي لمستها فيـه

أعرف عدم سعادته بما نقول لكنه الحق لأهل الحق,

ليت نفسي مثله,

شكرا أخ عماد على التقديم الرفيع


أحمـد الشايقي

يا له من رجل نادر في هذا الزمان الأشتر
معتصم من القلائل الذين يلونون حياتك بالجمال، فهو يتعامل معك بالفطرة دون رتوش.
مهذب... نعم
خلوق... ما في شك
إجتماعي... دي ما عايزة أي نقاش
ذوقه عالي... أبصم عليها بالعشرة رغم كيد دكين وبعض فيلة الرياض
رياضي فنان... ودي بشهادة الجميع (المحيرني مع رقته بيلعب قلب دفاع).
.
.
شكراً أخي الحبيب على فتح هذا البوست... ومن لا يشكر الناس لا يشكر الله

الحبيب إسماعيل وراق ..
نحن بنتعلم منكم والله ونستفيد ..
جدتم علينا بصداقتكم فكنتم نعم الأخوان ..
شكراً لطيب أصلك ولحروفكم التي زينت دواخلي ..

Quote: (المحيرني مع رقته بيلعب قلب دفاع).

تعرف يا أبومحمد في دي قصة طويلة ..
وقتها كنت ألعب في خط الوسط ولغياب قلب الدفاع في الفريق آنذاك أشركني المدرب في هذه الخانة فأجدتها تماماً ومن وقتها أصر علي أن ألعب فيها ..
فلقبني زملائي بوزير الدفاع وصار هذا لقبي إلى الآن ..
أعشق كرة القدم جداً وإن كنت غير محظوظاً فيها ..

شكراً جميلاً مره أخرى يا حبيب ..
كن بالف خير وعافية ..

مكرر

أخي الطيب إسماعيل وراق

Quote: يا له من رجل نادر في هذا الزمان الأشتر

هو كذلك عزيزي ، رجل يعيش في زمن غير زمانه ، أصيل ، طيب ، راقي ، وديع ووو....... .

Quote: (المحيرني مع رقته بيلعب قلب دفاع).

وهو رفيقي في هذا الخط الهام من خطوط الملعب ، فنحن نلعب سوياً كقلبي دفاع ، وأسعد كثيراً كلما لعبت بجانبه . فروعته في الكتابة كروعته في المستطيل الأخضر ، يلعب بأناقة شديده وتسطير رائع . شكراً عزيزي ، وأبقى دوماً معنا .

أخي الحبيب الراقي أحمد الشايقي


يسعد صباحك يا سيدي ، ، ،

Quote: من بين صداقاتي التي أعتز وأفخر بها كثيراً

ونعم الصداقة يا أخي ، رجل نعتز به كثيراً ، رجل تجده أينما بحثت عنه ، متفاني الإخلاص ، طيب المعشر ، كريم الأصل نبيل الخلق تسعد كثيراً برؤيته .
شكراً لك عزيزي على مرورك الجميل وكلامك الراقي يا أصيل .

شقيقي أحمد الشايقي ..
مستشارنا الهمام إبن البلد الأصيل ..
وأنا كذلك أفتخر بصداقتي لكم وسعادتي لا تحدها حدود ..
ربنا يديم المحبة بينا ونكون دوماً كما تتمنون ..
شكراً لكلامكم الجميل الذي طوقتم به عنقي ..

محبتي بلا حدود ..

شكراً إنعام على مرورك الكريم ، معتصم دفع الله حباه الله بالكثير من المواهب . وستلتقيه إذا ما شرفتي الرياض .

وددت لو كنت معجم للغة العربية لأنظم وأنثر الكلمات والأبيات في حق هذا الفتى النبيل ، ولكنني عجزت فتركت لأحبته الساحة لأقرأ ما يسطر عنه ما يروي ظمأ عشقي له . معتصم دفع الله لله درك عزيزي .




عماد ...

رميتها لينايعنى ؟؟؟!!!

عايز توريطنا ولا شنو؟؟

عموما الله يسامحك


وكل سنه وانت طيب
ورمضان كريم

عزيزي محمد الشيخ

صباح الخير سيدي ، ، ،،

Quote: عايز توريطنا ولا شنو؟؟

يا أخي ولا توريطة ولا حاجة ، أنا أعلم علم اليقين بأن النوابق من أمثالك قادرين تماماً على إيفاءه حقه في الكتابة ، فعندما عجزت أنا لجأت إلى أمثالك لأنقاذ نفسي من عجزها .

تسلم عزيزي والله لا يورطك في شينه أبداً .

أنا زاتو يا كاردينال إتورطت في نفسي ..
وأقول كما قال محمد المهدي عبدالوهاب ..
كانوا أخوان فى الإنسانية
قعدت معاهم .. وإتفاكرنا
كم لفـّينا .. وكم سافرنا
وكم مازحنا ليالى الصيف
كم غنينا لى الحرية
كم دارينا الحزن الأكبر
بين الصيف .. وجمال المنظر
إلى أن يقول ..
ما أحلاهم ..
شالوا معاى الهم بى الجملة
شكراً يا أخوان الإنسانية يا أصدقاء الجرح والعشق الهلامي ..
شكراً لكل الجمال الفيكم ..
حق عليّ أن أفتخر بكم ..

محبتي بلا حدود ..

شكراً يا انعام حيمورة على رقيق كلماتك ..
ربنا يديم المحبة بيننا ..


لك في القلب معزه خاصة ..

معتصم دفع الله
العمود الفقري لبورداب الرياض
تلقاه باسم طوالي
يخدم الصغير والكبير
يضحك ويبتسم للكل حتى لي صديق الموج ودكين واحمد حنين

عزيزي الخال حمزاوي


يسعد صباحك يا غالي ، وشرفنا كثيراً مرورك الكريم

Quote: العمود الفقري لبورداب الرياض

والدينمو المحرك له ، إنسان بكل ما تحمله هذه الكلمة من معنى ، صادق صدوق .

Quote: يضحك ويبتسم للكل حتى لي صديق الموج ودكين واحمد حنين

أها دي بقى يا خال حكاية أنا وأخوي الكاشف .!!!!!! .

الأخ عماد

رمضان كريم

معتصم
أو رئيس العصابة كما أسميه أنا
هو زينة شباب ( القلقالة ) و ما جاورها ...
و ضمن منظومة عقد فريد بالرياض ..
و يكتمل العقد بأخيه صلاح شتات الزول الذخير
و تمبس عشا البايتات
و الكاردينال ود الشيخ الزول الوجيه
و حميدة المتململ الأممي

ربنا يجمع شملهم بقسمتهم و نصيبهم و رمضان الجاي يكونوا في بيوتهم.

آمين

تحياتي

الريس أبوجهينة ..
سلامات يازول يا رائع
سلامات .. عوّافى
سلامات يا خلاصة الخير الفى الناس
وترياق الزمن المتعافى
جمل الله ايامك بكل الخير ..
والتحية عبرك لكل أفراد العصابة ..
شكراً لجميل كلامك ..

محبتي بلا حدود ..

اشكركم على هذا البوست وحقيقة فلتم ماكنت اود ان اقوله فى هذا الفتى اليافع

كل صفات ابن البلد والطيبه اللى نحن فقدناها ردحا من الزمان خلوق مهذب فعلا يدخل

القلب بدون استئذان تحبه من الوهله الأولى وعندما يفارقك تحس انك تود ان تمسك

به حتى لايبتعد اسال الله لهذا الشاب النجاح والتوفيق وان يبعد عنه كل مايبسؤ اليه

وان يمتعه بالصحه والعافيه فهو نادر الوجود فى زماننا الأغبر هذا الله يحفظوا .

كلماتكم يا حارث أزاحت عني كثير عناء ..
ورطبت دواخلي وأعادت لي جزء من الحياة ..
شكراً لكل الظروف الجمعتني بيكم وعفرتني بأناس مثلكم ..
أصدقاء يعجز اللسان عن وصفكم ..
وشكراً لكل حرف سطرتموه أسعدني ..
متعكم الله بالصحة والعافية ..

محبتي وتقديري ..

تسلم خالنا حمزاوي ..
إنتو الخير والبركة والله ..
أهلنا قالوا الما عندو كبير يشتريلو كبير ..
وإنتو كبارنا وبكم نفاخر ..

كن بألف خير ..

Quote: يضحك ويبتسم للكل حتى لي صديق الموج ودكين واحمد حنين

جدعة ..
الثلاثي دا زكرني حمد والديبة والعوني في الهلال ..
كلهم حلوين ورائعين ..

صديقي أبي عزالدين ..
شكراً لزهورك ..
فعبيرها فاح بطيب أصلكم ..
شكراً لأنك دوماً في الجوار ..

محبتي ..

خلاص أكل راسك برضو يا عماد

الله يستر

معليش غايتو

حب الناس مذاهب زى ما بقولو

ذوقك، مع الإعتذار، عِفِش

عفش دى معناها شنو والله يا عماد ما عارفها

بس طعمها كده حاجة دراش دراش

ياخى ما لقيت إلا ال "سيرباك" ده

سيرباك = Third back

معتصم دفع الله..

ينفع اخصائي تخدير..صوت هاديء..وبال طويل

وبيحب النسكافية

انا غايتو حاجزة ليهو بت اختي وما كنت دايرة

اتخفف واقول الكلام ده لمن يلاقيها..لكن انت عارفين

البوستات الزي دي بترفع اسهم الزول..وتاني بيعمل

روحه ما بعرفني..اها الحاضر يكلم الغايب..الزول ده

خاتين فيهو طوبتنا والداير المشاكل يجي عليهو..

صنفرة يا قول ناذر: تمبس ده ماله يا جماعة ما

برضه كويس ولا عشان طوله اقل من مترين؟؟

Quote: وبيحب النسكافية

يا دكتورة إنتِ بس كتري من النسكافية دا ..
بنت أختك ما بتجيها أي عوجة ..

Quote: وتاني بيعمل روحه ما بعرفني

أفو نحن بنط " بيني وبينك بس ما تكلمي زول "..
بعدين الجماعة ديل ما يهرشوك نفذي وصيتك طوالي ..
ونحن بنجيب ليك قوة دفاع العصابة ..
ولا نامت أعين الجبناء ..

أخي الحبيب أبو جهينه


صباحك زين إن شاء الله

رمضان كريم عزيزي وتصوم وتفطر على خير إن شاء الله


معتصم دفع الله رجل ثروة في بلد تفتقد فقيرة ، فتي طيب القلب ، صافي النية ، مبتسم دوماً لا يعرف الغضب طريقاً إلى قلبة .

كل من ذكرتهم هم أخوه له يسعدون بصحبته الميمونه ولقاءه الطيب . دمت عزيزي في أطيب حال .

يكفيه انه دائم الابتسامة ... طيب خلوق ... انيق ...

بس عندو عيب واحد يا عماد ( جكاسي )

Quote: ربنا يجمع شملهم بقسمتهم و نصيبهم و رمضان الجاي يكونوا في بيوتهم.

الريس ابو جهينة ..

غايتو الكاردينال وشتات فات فيهم الفوات ..

لكن الباقيين ممكن .. بس دايرليهم لزة ..



ود الباوقة

Quote: بس عندو عيب واحد يا عماد ( جكاسي )

يا ريس أنا يا دوب مطلع الرخصة ..
تقول يشتغل تكاسي ..
كان في لزة غايتو أعملوها في الكاردينال وشتات ديل ومعاهم تميس كمان ..

يديك العافية يا ريس ودالباوقة ..
وتسلم من كل شر يا رب ..

محبتي ..

أخي العزيز الحارث


سلامات أخي

Quote: كل صفات ابن البلد والطيبه اللى نحن فقدناها ردحا من الزمان خلوق مهذب فعلا يدخل القلب بدون استئذان تحبه من الوهله الأولى

هذا هو معتصم دفع الله عزيزي ، نسمة في موسم الصيف ، مطر في زمن القحط . شكراً لك على كلامك الرقيق ومعتصم يستحق ذلك . إبقى معنا.

أبا عمر

كيفك عزيزي وكيف عمر ووالدته .


شكراً لك على الورد الجميل مثل عمر ، ومعتصم يستحق أن نزرع له بساتين من الورود . شكراً على مرورك الجميل .

أخي الكريم أبو ذر بابكر

Quote: سيرباك = Third back

يا أخوي الفريق من غير دفاع ، ليس البيت الواقف ( بيت من غير بوابة ) .

ومن حسن حظي أنني ألف إستوبر ، ودماً ما أجاورة في التمارين وأتعلم ( رغم كبري ) منه فن التعامل مع المهاجمين ، أنت مدعو لمشاهدته يوم الجمعة القادمة إن شاء الله , والبسأل ما بتوه من الميدان . شكراً عزيزي .

أختي الدكتورة رشا سالم


رمضان كريم والبحبه كله كريم

Quote: انا غايتو حاجزة ليهو بت اختي وما كنت دايرة اتخفف واقول الكلام ده لمن يلاقيها..لكن انت عارفين البوستات الزي دي بترفع اسهم الزول..وتاني بيعمل روحه ما بعرفني..اها الحاضر يكلم الغايب..الزول ده خاتين فيهو طوبتنا والداير المشاكل يجي عليهو..

يعني شنو يا رشا ؟ الزول ده أنا بزازي لي فيهو زمن علشان بنت خالتي ، تجي إنت تهددي كده وتجري الكرت براحة !!! أنا غايتو ما بتنازل عنه ، بس علشان خاطرك الغالي خلينا نرميها قرعة قبل ما يدخل طرف ثالث ، أها قلتي شنو ؟ بس من غير مشاكل أنا زول غلبان تب .

الرجل الجميل ود الباوقة


يسعدني مرورك يا غالي .

Quote: بس عندو عيب واحد يا عماد ( جكاسي )

أها كده طيرت منو بنت خالت الدكتورة رشا الفضائح لجومها شنو هسه !!! بس كده كويس علشان الدكتورة تنسحب ويفضى لينا الجو ونديهو بنت خالتي من غير منافسة .

يا ود الباوقة يا أخي الجماعة ديل مالم ما كويسين ، لسه صغار وما فات عليهم شيء ، بس تمبس فعلاً محتاج لزه ولزه قوية كمان .

Quote: ياخى ما لقيت إلا ال "سيرباك" ده

أنا زاتو قلت كده يا مطر ..
بعدين عفش معناها " الكلام داخل البوست على مسؤلية صاحبه "
غايتو إنت يا ريس العصابة أشوف فيك يوم يا ظالم ..
وبعدين أعمل حسابك آخر الشهر مثلث الشر كلو جايي هناك ..
يعني العصابة أمامك والبحر خلفك " شوف ليك طريقة ساي خارج بيها نفسك "..

قال سيرباك قال ..

Quote: خاتين فيهو طوبتنا والداير المشاكل يجي عليهو..

أنا يا رشا بتي بجي عليهو
والحقيقة هو جاء علينا
والله محسية شرط
الله يحميها من عين دكين
حتى كلمت الحجة ام العيال قالت سجمي رشا دي مالقت الا معتصم
شمار
معتصم مرتبط معانا ومحسية وترطن كمان
يعني غسلوا ايديكم
ولو ما مصدقه ممكن تسألي صديق الموج
وعليك الله ما تقولي لي صديق الموج دا منو
أنا ذاتي ما بعرفوا بس الظروف بيجمع

اهااااااااااا ؟؟؟

ده الكلام الانا خايفة منه وعامله حسابه !

لا تقول لي محسية لا موزمبيقية..هو ذاته اليوم

داك ةبعضمة لسانه قال بيكره اللغات السواحلية..

وجنو وجن الناس تتكلم وهو يكون بره الشبكة

اها بتكم دي لعوامل اثنية ما بتنفع معاهو..

وانا بت اختي مكملة السماحة والظرافة وما بتعرف

غير العربي..! قلتوا شنو بعد كده؟

ويا حمزاوي انتا مشروعك الانتخابي فشل قمت علي

المشاريع بتاعت العرس؟ يا زول انا بخسركم عديل في

معتصم ده والبوست ده بيولع نيران بعد شوية

كان ما دفنتوا الكلام ده وعملتوا نايمين

من راجل بت اختي ده..

نشفتوا ريقنا في رمضان البارد ده.. الله ينشف

ريق الياباكم..

Quote: ويا حمزاوي انتا مشروعك الانتخابي فشل قمت علي

طابور خامس اظهري وعليك الامان
يسقط ترهاقا وحكومة السلطنة الزرقاء
يعيش وزير المالية واسماعيل وراق
ومن اسباب فشل برنامج صديق الموج الانتخابي
المدعو احمد حنين

Quote: أنا يا رشا بتي بجي عليهو

أها شفتي يا رشا جنس الختأ ده .

Quote: الله يحميها من عين دكين

والله يا دكين غايتو حكايتك حكاية مع الجماعة ديل !!!! .

Quote: حتى كلمت الحجة ام العيال قالت سجمي رشا دي مالقت الا معتصم

وبعدين بقي !!!!!!!!!! دخلوا فيها الكبار . خلاص بنت خالتي بارت تب .

Quote: معتصم مرتبط معانا ومحسية وترطن كمان يعني غسلوا ايديكم

أها يادكتورة مش القرعة كان أرحم .

Quote: ولو ما مصدقه ممكن تسألي صديق الموج

النسألو أنا : أها صحي الكلام ده يا صديق ؟ ولا صاحبك بتبلى ساكت !!!!.

Quote: أها كده طيرت منو بنت خالت الدكتورة رشا الفضائح لجومها شنو هسه !!! بس كده كويس علشان الدكتورة تنسحب ويفضى لينا الجو ونديهو بنت خالتي من غير منافسة .

انا قصدي اطيركم منو انتو الاتنين .. لكن يظهر عليك انت مكلت قوي ..

رشا طبعا خلاص طارت بي جلدها عقبال انت كمان ...

الا طيري الا طيري فغني يا عصافيري ...

شكرا اخي عماد ..



ود الباوقة

Quote: يا زول انا بخسركم عديل في معتصم ده والبوست ده بيولع نيران بعد شوية

والله وباضت ليك في قفص يا معتصم يا أخوي !!! النار مولعة ذي نار دارفور .

يا دكتورة أها ماقلتي لي رايك شنو في القرعة ؟!!! هسه بعد شوية بجي طرف رابع .

يا عماد..

القرعة وشختك بختك والكرتلة دي بيعملوها الناس

لمن يكونوا متشاكلين في حنبوكة ولا حلاوة حربة..

موضوع الشكلة هنا زول طول خشم الباب(عيني باردة)

عشان كده احسن ليكم تتخارجوا من القصة دي

من غير خساير مادية كفاكم الخساير المعنوية

حقا تحرسه ولا بجي

حقك تقاوي وتقلعه..

ولا نامت اعين الجبناء

وما تخافي يابت اختي العريس جاييك جاييك

معتصم دفع الله اخ عزيز اعتز به
ذوق وتهذيب وهمة عالية

وأنا كمان يا سرورة أعتز بخوتك ..
ربنا يوفقك ويعدل طريقك ..
شكراً لكل الجمال الفيك ..

محبتي بلا حدود ..

شاب ناصع بياض القلب ،
نقي الدواخل ...
باسم دوما ....
يسبق قلبه يداه بالترحيب
...صاحب كلمة وموقف ...
حلو التواصل ...
من منا لا يحب معتصم ود دفع ..

التحية لك وللاخ العزيز / معتصم دفع الله
وكل سنة والجميع بالف خير

Quote: انا غايتو حاجزة ليهو بت اختي وما كنت دايرة

الحضور الكريم رمضان كريم وتصوموا وتفطرو علي خير...



هوي يادكتورة رشا سالم انا عارف انكم ناس حلوين وسمحيين عشان كده ما عاوزيين مشاكل ونزاعاتفي الموضوع ده انا ومعتصم اتفقنا من زمان علي مكان العروس وهي خارج محيط النيلين والهوي كما تعلمين شرق

والله يا تولوس أنا بحب كسلا وناس كسلا ..
ولي فيها ذكريات حلوة ورائعة ..
وأعتز بصداقاتي فيها ..
عميق شكري وتقديري يا صديق ..
متعك الله بالصحة والعافية ..

كده يا تولوس ورطوني المهم بعد دا أصطفي مع أختنا دكتورة رشا ..

محبتي ..

ود الباوقة يا راقي

Quote: انا قصدي اطيركم منو انتو الاتنين .. لكن يظهر عليك انت مكلت قوي ..

غايتو جنس حساده !!! أها إنت خاتي ليهو منو كان الله هون !!! غايتو انا طيراني صعب بالحيل . والراجل بلاقيهو يوم الجمعة إن شاء الله وبعرف شغلي معاه هناك .

الأخت العزيزة سارة حمزة


ونحن أكثر إعتزاز وسعادة بوجودك هنا معنا . كوني بخير .

معتصم دفع الله يدخل للقلوب بدون استئذان

كما النسمة ...ذوق وتهذيب وهمة عالية ..

الله يحفظه ويديه الفى مراده

تحياتى

جمل الله أيامك يا دكتورة ..
شكراً لرقيق كلماتك ..
وكل سنة وأنتِ بألف خير ..

محبتي ..

Agab AL-Faya

وانت بألف خير وعافية , ورمضان كريم وشهر مبارك عليك .

الزعيم تولوس


رمضان كريم عزيزي ، وكل سنة وأنت بألف عافية .

Quote: الموضوع ده انا ومعتصم اتفقنا من زمان علي مكان العروس وهي خارج محيط النيلين والهوي كما تعلمين شرق

يا زعيم نحن نقول نطفي النار إنت تزيدها جاز ، الراجل ده خلاص كلمته معانا ما فيها رجعة وما خارج مننا تب ، والدكتورة التشوف ليها نسيب تاني أحسن ليها حتى القرعة ما بندورها . والجبخانة جاهزة .

الاخ عماد
كنت شغال دورة سيسكو فى عمائر الخالدية
وشايف ليك شاب فى ال ديجى نت
قلت ادخل اشوف ممكن يكون عندهم عرض
قلت ليه اسمعنى ما عندكم عروض
قام قال لى انا شايفك وين
قلت ليه فى سوادنيز ووقتها لم اكن معلق صورتى
وكانى بعرفو من زمان..
مشيت معاه الغرفة ومن يومها افترقنا
وفى عيونا دموع اللقاء...

بقول ليكم رمضان كريم

الحبيب الفنان معتصم دفع الله يكفي أنه معتصم بحجمه في كل النفوس التي عرفته وألفته بل وأحبته.
التحية له
ولعلاء تمبس
ولك أخي عماد
ولكل الجميلين في المنبر

كسار تلج درجـة أولى "1"


يدخل إلى القلوب بسرعة البرق ..

ولا يخرج منها إلى وهو مطمئن بامتلاكه لها ..


ورمضان كريم لكم جميعاً ..

وليد

احسن الله عزاءكم

Quote: كسار تلج درجـة أولى "1" يدخل إلى القلوب بسرعة البرق .. ولا يخرج منها إلى وهو مطمئن بامتلاكه لها ..

لا حولاااااااااااا

عليك جنس شيل حال لكن


عماد


رمضان كريم عليك وعلى ضيوفك في البوست

معتصم انسان جميل واصيل ونقي ومتزن التفكير

تتجسد فيه معاني الانسانية والعطاء والوفاء

له منى كل الاحترام والتقدير

شفتي كشف الحال دا يا انعام ..

دا من ذوقك وأصلك الطيب ..
جمل الله أيامك بكل الخير ..

محبتي ..

ولي يا صديقي ..

مصنعكم شغال ولا قفلتوهو ؟

يعلم الله حجم المعزة الفي القلب يا مجاهد ..
متعك الله بالصحة والعافية ..
وحقق كل أمانيك ..

كن بخير يا صديق ..

الأخت الفضلى مهيرة

Quote: معتصم دفع الله يدخل للقلوب بدون استئذان

ولا يخرج منها أبداً . وردة تعطر الحياة بعبيقها . شكراً عزيزتي .

الاخوانك عماد,حمزاوي,ودالباوقة وتولوس

انا ماشة الشغل ومن هناك بمشي البطحاء اتعاقدت

علي صفقة بتاعت سلاح من واحد افغاني..قال لي بجيب ليك

اتنين كلاشينكوف وكم قنبله عنقودية كده ..والسعر تبع

التخفيضات بمناسبة الشهر الكريم والبريده كله كريم..

اها كان جيت ولقيتك لازلتم تخوضون في هذا الحديث,الله

قال بقولكم.. بجيكم بكرة في عزومة ناس ابو حمودي

وبرش من طرف..وزي ما قال المثل العجيب :

المي حار ما لعب قعوي (قعوي يعني frogs)

أخي العزيز Abuguta

Quote: مشيت معاه الغرفة ومن يومها افترقنا وفى عيونا دموع اللقاء...

الله يجمعكم في ساعات خير إن شاء الله ، ودموع الرجال غالية يا غالي . ومعتصم رجل يستحق إن نسكب الدموع ينابيع عندما نفارقه ، والله نسأله أن لا يفرقنا منه . لك ودي , وكل عام وأنت بخير .

عزيزي مجاهد عبد الرحمن


رمضان كريم يا سيدي ، ، ،،

Quote: الحبيب الفنان معتصم دفع الله يكفي أنه معتصم بحجمه في كل النفوس التي عرفته وألفته بل وأحبته.

رجل عصامي ، إنسان نبيل ، يحب الخير للجميع ، يحمل في طياته أسمى وأجمل معاني الوفاء والإخلاص . إنه ملاك في الأرض .

عزيزتي الدكتورة رشـا

Quote: قال بقولكم.. بجيكم بكرة في عزومة ناس ابو حمودي وبرش من طرف..وزي ما قال المثل العجيب : المي حار ما لعب قعوي (قعوي يعني frogs)

أنا غايتو الحمد لله ناس أبو حمودي ما عزموني يعني ما ماشي ، وإنت أوعك تتراجعي رشي على طول من طرف من الباب إلى الشباك وما تخلي فيها أضان حايمة ، وبعدين تجي الشرطة وتمسكك وننفرد نحن بي معتصم ، ياسلاااااااااااااااااام . بس أوعك تغيري رأيك وكان عايزة أنا كمان بجيب ليك أر . بي . جي .

أخي الفاضل وليــد 399


إن شاء الله البركة فيكم وعظم الله أجركم , وجعلها آخر الأحزان ، وحمد لله على السلامة . ورمضان كريم


يعني صاحبك ده لازم تفضحوه . الثلج مالو ياوليد ، الراجل صاحب همه بحب العمل الصعب علشان يريح الآخرين ، تقوموا تشيلوا حسه عاد دي صحبه دي . !!!!!! وتسلم عزيزي .

Quote: اها كان جيت ولقيتك لازلتم تخوضون في هذا الحديث,الله قال بقولكم..

يا دكتورة ياخي في اجاويد وفي صفقات مغرية ومرضية ... وممكن نعوضكم يعني بعريس قيافة وجميل لو اتفقنا ممكن اجي اتقدم نيابة عنه او ابعث احدهم ليتقدم نيابة عني ..

المهم ياعماد ياخي خليك واسطة بينا وشوف لينا حل للموضوع ده...

وده كمان انزار نهائي وشديد اللهجة لكل من تسول له نفسه ...
تمبس برضو محجوز

الزعيم تولوس

Quote: المهم ياعماد ياخي خليك واسطة بينا وشوف لينا حل للموضوع ده...

يا زعيم واسطة شنو البعملها أنا ؟ أنا زاتي بقاتل علشان بنت خالتي تقولي وساطة ، بس عندي الحل البريح الكل ، كل واحد يجيب صورة البنية بتاعته ونخلي معتصم يختار ، أها رايك شنو ؟ رغم إني عارف معتصم كويس جداً .

Quote: تمبس برضو محجوز

تولوس


رمضان كريم عليك

هو البوست ده مش لى معتصم ؟؟؟


كان كده ده حرير سوق ساااااااااااكت للجماعة ديل

كان معتصم كان تمبس خميتونا وقعدتوا

انعمام العزيزة كل عام وانتي بخير

طبعا بالنسبة لي معتصم في اتفاق جنتل مان
اما تمبس ما بنشاورو عليه ان يقبل بالامر الواقع فقط.. والناس القافلين عليهم خلي اليشوفو ليهم مكان تاني ...

انتو هسه قايمين على رشا دي مالكم؟؟؟

لغاية ما خليتوها ماشه تشيل سلاح عليكم

هوي يا رشا ما تشتغلي بيهم

انا بقيف معاك في موضوع بتكم دي

ومعتصم ده خلى على بقنعوا ليك بيها

بس انتي خليك باااااااارده وما تشتغلي بيهم

اي شناكب اي عناكب كلمونا

بنجي نصفق ونشجعكم

الكريمة إنعام بت عبد الحفيظ


يسعد مساءك ، ورمضان كريم ، ، ،،

Quote: انتو هسه قايمين على رشا دي مالكم؟؟؟

معقولة يا إنعام نقوم على رشا ؟ لا أبداً بس هي مجرد إختلاف والخلاف لا يفسد للود قضية .

Quote: ومعتصم ده خلى على بقنعوا ليك بيها

ما تخليك حقانية يا إنعام أحسن ، قبل ما الفأس تقع في الرأس .

Quote: بنجي نصفق ونشجعكم

طيب يا إنعام وراك والزمن طويل .

أبوقوتة ..
قنبلة الود الموقوعة ..
كما قال إبن عمي شتات ..
الحبان نتحسس خطاهم ..
وساعة مجيهم ..
ما أسعدني بتلك اللحظات وما أجملها ..
ربنا يديم المحبة بيننا يا أبوحميد ..

كن بألف خير يا صديق ..

ولك أرق تحياتي أستاذنا عجب الفيا ..
متعك الله بالصحة والعافية ..

محبتي وشكري العميق ..

التحية ليك يا عمدة ..
وكل سنة وانت طيب ..
والتحيةموصولة لكل من بالجوار هنا ..

وددت لو كنت معجم للغة العربية لأنظم وأنثر الكلمات والأبيات في حق هذا الفتى النبيل ، ولكنني عجزت فتركت لأحبته الساحة لأقرأ ما يسطر عنه ما يروي ظمأ عشقي له . معتصم دفع الله لله درك عزيزي .


و انا مثلك يا عماد

معجبة

و تعجز اللغة

تحياتي لهذا الامير الاخضر وعدا الزاهي فكر المتجدد القا

و كل عام و انتم احلي

عزيزتي الدكتور ســودانيـــة 2000

Quote: و انا مثلك يا عماد معجبة و تعجز اللغة

معقولة يا دكتورة ، ده إنت سيدة الكتابة تعجزي !!!!!! ، والأخ معتصم عزيزتي يبادلك الإعجاب فهو من المتابعين الحريصين على ما تسطيره في هذا البورد . وعبر هذا البوست إنقل لك وافر تحياته وإعجابه , وتسلمي يا ستي . أها الإحباط راح ولا لسه؟ أمس شلت ليك جنس فاتحة ودعوة ، غايتو بس ربنا يستجيب .

وأنت بألف خير يا دكتورة سودانية ..
شكراً لكل الجمال الفيك ..
ولكلماتك الطيبات ..

محبتي بلا حدود ..

عزيزي الكريم صلاح شتات





وأنت أبو الوفاء يا شتات ، وكل عام وأنت بألف خير يا راقي . ودمتم أخي .

معتصم دفع الله
لابسف لا بسجر لا بشرب لا بتاع قمار لابسوي الشينة..
يعني ده عند حبوباتنا الاول عديل كده..





معتصم زي ماقال وليد 399 كسارة تلج كاتر بلر ..
بحب الجكس ده زي الكورة واحد..
لذا تجدني اختلف معه كونه يضع الجكس مع الكورة في سرج واحد..
والكورة مقاما اكبر من كده..





معتصم حبيب وخصالو سمحة بس البوست ده ماكان في ليهو داعي..
معتصم كمان عايز ليهو شُكر؟؟

رمضان كريم للجميع

وخاصه صاحب البوست

ويا جماعه بوستات زي دي مهمة برضوه

عشان ما نكون بنتسابق للشتيمه بس وقت يجي الكلام

الطيب نقصر.

معتصم شاب مهذب مداخلاته مسؤله

دوما يبحث عن الايجابيه

يدخل لاي بوست مثل النسمه الهادئه

لا يقل الا الخير....

رغم انه غير سياسي لكن وطنيته لا تخفى على احد

ورغم مجاملاته

لم تمنعه من قول الحق في بوست صلاح غريبه

وتوقيعه باسم بورداب الرياض....

ويا معتصم

ربنا يحفظك لشبابك ويغطي عليك من العين

ودكين ذكر لك افضل صفات

لا بيدخن ولا بيسف ولا بيسكر....

وفعلا انت ود الهناء....

ويا دكتور رشا كدي ادونا فرقه معاكم

كلنا عندنا بنات اخوات...

ويا معتصم بورقها تجيبك انجلترا كمان

وما تخاف ما سياسيه زي خالتها

جنها فضائيات عربيه....وفيديو كليبات المطاميس ديلك,قلت شنو؟؟؟؟

...احلى الامنيات لك وربنا يوفقك.

تراجي.

يا سلاااااااااااااااااام الأستاذ تراجي مصطفي

يا هلا ومرحبا نورك طغى على المنطقه .

عزيزتي الخالة تراجي :

زيارتك في حد زاتها وسام شرف لنا . وكل سنة وأنت طيبة يا صاحبة القلب الطيب ،

أيتها المرأة الحديدية ( تاتشر ) السياسية المحنكة . أهلاً .

Quote: كلنا عندنا بنات اخوات... ويا معتصم بورقها تجيبك انجلترا كمان

يا خالة ما كنا كويسيين الخطأ لزومو شنو؟ الراجل محجوز لي بنت خالتي .

Quote: جنها فضائيات عربيه....وفيديو كليبات المطاميس ديلك,قلت شنو؟؟؟؟

والراجل ما بحب الفضائيات خالص ولا الفيديو كليب ، بس بحب الكورة وبت خالتي رياضية ماصلة ، ضاعت عليك يا خالة .

شكراً على مرورك الكريم يا شجرة الصندل .

تسلمي أختي تراجي ..
وشكراً لكلماتك الطيبات ..
هذا هو شعب السودان مهما إختلفنا نكون أخوان ..
السياسة بمفهومها الموجود في البورد أختلف معاها تماماً ..
وأعتبر أن الطريق المسلوك هنا يجب تصحيح مساره وتنظيمه ..
من منا لا يمارس السياسة ؟
أتداخل فقط في الأمور السياسية من منظور وطني بحت وليس تنظيمي ..
وأبحث عنها في أماكن أخرى أكثر عملاً ..


بعدين الله يجازي محنك ضحكتيني ..
الجنسية الإنجليزية ما ناباها لكن السودانية والله ما بنبدله ..
وقولي لي بنت أختك تغير رأيها شوية في حكاية القنوات العربية دي والفيديو كليب لأنو أنا عندي فيها رأي ..
بعد داك مافي مانع ..

متعك الله بالصحة والعافية ..
شكراً لا تكفي ..
محبتي بلا حدود ..

عزيزي دكين ، ،

دكين لي متين ، دكين لي متين .

Quote: يعني ده عند حبوباتنا الاول عديل كده..

يا راجل !!!!!!!!! .

Quote: بحب الجكس ده زي الكورة واحد..

يعني إنت مقصر يا جكاس !!!! .

Quote: لذا تجدني اختلف معه كونه يضع الجكس مع الكورة في سرج واحد.. والكورة مقاما اكبر من كده..

هوووووي يا دكين كورة شنو البجيبوها مع الجكس ، ده كلام زعل ساكت الظاهر يا أخوي واخد ليك شاكوش قوي ، شاكوش مرزبه عديل كده ، قال كورة قال . على منو يا صاحب المقام إنت .

Quote: معتصم حبيب وخصالو سمحة بس البوست ده ماكان في ليهو داعي.. معتصم كمان عايز ليهو شُكر؟؟

إن شاء الله يوم شكره ما يجي ، والبوست ده ما للشكر يا بتاع الكورة إنت ، ده علشان حاجة تاني خالص . ح يجي يوم وتعرفها . قال كورة قال .

كتر ألف خير الحبيب عماد محمود ..
لأنو بي بوستو دا أسعدني بطلتكم علينا ..

جمل الله أيامك يا دكين ..
وزوجك ببنية الحلال ..
عشان تفك بورتك دي وتبطل الجقلبة ..

كيف أحدثكم عن هذا الصــلاح ..

إنه روحي ..



لك كل حدائق الورود ..

رايق .. زى موية القُلة .. ومفيد كمائها ..

معطاء كنخلة وعطاؤها من كل ما فيها... و شامخ مثلها ..
فواح كرند .. وفوق عليه بأنه كل الزمان فائح ...
عذب كطفل
و راسخ كتبلدية

وصديقى ...

Quote: تمبس برضو محجوز

تولوس ... تمبس دا نحن عافيين منو لله والرسول .. ربنا يسهل ليهو طريقو


شتات والكاردينال .. ما تنسونا من صالح الدعاء ..



ود الباوقة

ود الباوقة كيفنك ياخي ...
انتو بس تمبس ده ابعدو منو عشان ما عارفين تلموا فيه...الزوول ده حقنا تب ومافي اي كلام تاني ..

الأخ النبيل معتصم الطاهر ، الرجل الطاهر


سلامات يا عزيزي ورمضان كريم ، وشهرك مبارك إن شاء الله .

Quote: معطاء كنخلة وعطاؤها من كل ما فيها... و شامخ مثلها .. فواح كرند .. وفوق عليه بأنه كل الزمان فائح ... عذب كطفل و راسخ كتبلدية

أوجزت وكفيت يا أصيل ، معتصم رجل من الزمن الماضي . وهنيئاً لك بصداقته ، وإن شاء الله الصداقة تدوم .

سمي الحبيب معتصم الطاهر ..
ونحن نجي جنبكم وين ..
يالله على تلك الأيام واللحظات ما أروعها ..
ما أسعدني بها وبكم ..
شكراً لأنكم من يجمل حياتنا بكل جميل ..

محبتي بلا حدود ..

ايتها الصداقة لولاك لكان المرء وحيدا وبفضلك يستطيع المرء ان يضاعف نفسه وان يحيا في نفوس الاخرين .. فولتير
الحمد لله الذي جعل لي أصدقاء مثلكم أحياء بهم وأعيش على حبهم ..
منذ رأيت هذا البوست شعرت بخوف ورهبة وحاولت أن أهرب منه ..
فقلت إحتمال يكون دا معتصم تاني تتحدثون عنه ..
فوالله ما أنا إلا أنـــتم ..
يقول الإمام الشافعي ..
لما عفوت ولم احقد على أحد *** أرحت نفسي من هم العداوات
اني أحيي عدوي عند رؤيتـه *** لادفع الشــر عـني بـالتحيــات
وأظهر البشر للانسان أبغضه *** كما ان قد حشى قلبي محبات
الناس داء وداء الناس قربهم *** وفي اعتـزالـهم قطـع المـودات
لا أقدر أن أوصف حبي لكم يا أصدقاء الجرح والعشق الهلامي ..
شكراً صديقي عماد لا تكفي فقد طوقتني بجميل الكلام ..
وحقيقي أجد نفسي عاجزاً عن الكتابة وحروفي أيضاً عاجزة أن توفيكم حقكم ..
وسعيد أيما سعادة بكم ..
لكم مني كل الحب كل التقدير ..
وأتمنى أن أكون عند حسن الظن بي دائماً ..

الكلمات تابي عن الخروج خوفا من التقصير في وصفه

أخي حسام يوسف


يسعد صباحك بكل خير

Quote: الكلمات تابي عن الخروج خوفا من التقصير في وصفه

أها شفت كيفن الراجل ده وصفه صعب ، علشان كده أنا تركت المساحة شاسعة علشان نقعد أنا وإنت نقرأ ما يكتبه عنه عظماء الكتابة هنا . وشكراً لمرورك سيدي .

صديقي حسام يوسف ..
تسلم يا حبيب ربنا يديم المحبة البينا ..

كن بخير ..

سلامات
وعوافي
معتصم مريق بالطيبة .. وروحو سمحة ..
بعدين يادكين سيب حقدك دا ..معتصم ما محتاج يتكسر في الجكس ..
تندلق في مساءاته الجكسويات الحسناوات بلا جهد يبذله ولا كبكبة ..
وانت في انبراشاتك الاسفيرية خير دليل علي سعيك الدؤوب نحو عوالم البهاء والجمال ..
يارجل معتصم حرم الجكسوية تشوفو علي طول تقدم اوراقا ..
زولك واثق من نفسو ..
انا المزعلني في الدنيا دي بس ..البنية السالتني منك ..
اكان لي مراد اختها في قزازة بيبسي واقفلا واديها الموية بالله شوف الغبيانة البتسال من دكين وجنبها ودرملية ..
الناس مزاجات فعلا ...
والله ياعماد اي كلمة نكتبا في معتصم تظل دون مقامه ..
فقط لانملك له في هذه الدنيا غير انو نديهو الكتير من محبتنا..
كل عام وجميعكم بالف خير ..

ود رميلة الرجل الحساس الفنان


رمضان كريم يا غالي وتصوم وتفطر على خير ، ، ،،

Quote: بعدين يادكين سيب حقدك دا ..معتصم ما محتاج يتكسر في الجكس .. تندلق في مساءاته الجكسويات الحسناوات بلا جهد يبذله ولا كبكبة .. وانت في انبراشاتك الاسفيرية خير دليل علي سعيك الدؤوب نحو عوالم البهاء والجمال ..

شوفت دكين ده كيفن حاسد يا ودر الرميلة . أها يا دكين جاك الموت يا تارك الصلاة . خليتك لي ودر الرميلة الينجضك .

Quote: انا المزعلني في الدنيا دي بس ..البنية السالتني منك .. اكان لي مراد اختها في قزازة بيبسي واقفلا واديها الموية بالله شوف الغبيانة البتسال من دكين وجنبها ودرملية .. الناس مزاجات فعلا ...

لا وقال شنو ! قال كورة قال ، أها ود رميلة جابها من الآخر يا بتاع الكورة إنت !!!!! . معليش يا ود رميلة الناس فعلاً مزاجات .

شكراً على مرورك الكريم وفعلاً معتصم رجل نعجز عن إيفاءه حقه . ولكن ............... . وكل سنة وأنت بألف خير .

صديقي ود رملية ..
ياخي إنتو كتبتوا ونظمتوا ونثرتوا ..
كلامكم دا وسام على صدري جملتم به دواخلي واسعدتوني ..
ربنا يديم المحبة بينا ويسعدك ويهنيك ..

أما الوغد دكين دا ما عليك منه ..
هترشتو دي مردوده عليه ..
صاحبي نعمل معاهو شنو ..


لك محبتي وتقديري ..

مع أنني بعيد عن المنبر لظروف خاصة، إلا أن الحديث عن معتصم شدني، وأجبرني على المشاركة..
معتصم كابتن كباتن الرابطةالرياضية للسودانيين بالخارج (الصالحية)، وقد تشرفت بأن أكون سكرتيرها العام، وكان الزمن عصيبًا، وهذا يطول شرحه، إلا أن انحياز معتصم وأمثاله من الشباب الواعي للرابطة كان سببًا في صمودها واستمراريتها، حتى أصبحت محور العمل العام في الرياض.
معتصم لاعبًا لم ينل أي بطاقة ملونة، كان ولا يزال بلسمًًا، نشاوره في الأمر ونستنير برأيه، لرجاحة عقله، وحسن أدبه..
نموذج للشباب الذي يطمئنك بأن (الجاي أحلى)
تمنياتي له بالصحة والسعادة هو ومن يحب، والكلام عن معتصم يمكن أن أضعه في كتاب، وعيبه الوحيد أنه يغيب، ويأتي كالربيع مرة واحدة في العام..
دمتم حلوين وأوفياء
أبوحسن

يا عمــاد
( تكسير التـــلج ) .. في نهار رمضان أو بالليل رمضان ممكن يفطرك عادي جدا ..
بعدين الزول ده .. شهادتي فيهو مجروحة لعدة اسباب :
1- قبل يومين ( حرق الشوربة ) بتاعت الفطور.. ولا هماهو شئ ..
2- تاني يوم في رمضان .. انا كنت بتكلم في التلفون .. قلت ليهو يا معتصم خلي بالك ( للبصل الفي النار ده ) .. قام لما جيت لقيت البصل ( خاطف ) لونين .. بيد أنه اسووووود .. يعني زي النوعية دي .. بيرجعوهو بي ( خبيزو )
وبي دي كلوووو .. وفي رمضان الدخل لينا العضم ده .. الزول ده
( ود أمي وأبوي ) ..
نرجع للنقطة المهمة جدا ..
رشــا سالم.. أنت بت خالتك دي .. ( اتنين والا شنـــو ) ؟؟ مش قلتي لي حاجزاها ليك ؟؟
تولوس اللذيذ .. يوم ( الخميس ) كان جيت بنحسم الموضوع ده
ود الباوقـــة.. جزاك الله خير .. علي الدعوة دي .. جهز معاك العمة الما خمج وابقى مارق .. بعد كده عايزين نفرز عيشتنـــا..
.
.
ملحوظة:
-اعذروني .. لاني لا اجيد الحديث عن نفسي

عزيزي وأخي الحبيب تمبس


صباحك سعيد .

Quote: ( ود أمي وأبوي ) ..

يسلموا أمك وأبوك الجابو رجل مثلك .

يا أخوي الفضائح لزومها شنو ؟ ولا عائز تطير الجكس البتنافس فيهو ده منو ؟

Quote: رشــا سالم.. أنت بت خالتك دي .. ( اتنين والا شنـــو ) ؟؟ مش قلتي لي حاجزاها ليك ؟؟

شفت كيف يا تمبس !! ده إسمو بيع عديل كده الراجل سوقو حار شديد . البنية ما صدقت دخلت المزاد ونست الوعد ، أها شوف ليك حل .

بعدين شنو يا أخوي ماقلنا ليك تعال التمارين ، عارفنك بقيت بتجليها واقفه وكشك كان شاتوه بيعدي ، بس ما مشكلة أنا ومعتصم بنقيف ليك صمامي أمان . أها قلت شنو ؟ ح نشوفك يوم الجمعة إن شاء الله ؟ في إنتظارك عزيزي .

انت البحر الما خلاني أعيش فرادي ..
كنت معايا ..
شلنا الهم بالجملة ..
وكم مازحنا ليالي الصيف ..
وحزن الغربة ..

عفواً ..
فأنت قلتها يا شقيقي لا أجيد الكلام عن نفسي ..

شكراً تامبا يا إبن أمي وأبوي ..

الرجل الحاضر الغائب حسين حسن


رمضان كريم يا أخوي ، شنو الغيبات دي ، مالك مزعلنك ولا شنو ؟

Quote: نموذج للشباب الذي يطمئنك بأن (الجاي أحلى)

لأن روحه أحلى ومرحة لا تعرف اليأس ، دائم التفاؤل . حسن المعشر ، صادق اللسان طيب القلب . إنه معتصم دفع الله .

Quote: والكلام عن معتصم يمكن أن أضعه في كتاب، وعيبه الوحيد أنه يغيب، ويأتي كالربيع مرة واحدة في العام..

يترك فينا غيابه الأسى والحرن , ويعود فيمطرنا برزاز كلماته وتسطيراته العزبة وينبت فينا الفرحة من جديد .

Quote: دمتم حلوين وأوفياء

وانت كذلك يا سيدي ، بس ما تطول الغياب تاني . والبركة بالرجعة .

صديقي الصحفي والرياضي المطبوع حسين حسن حسين ..
شكراً لجميل حرفك وكلماتك التي أثلجت صدري ..
حقيقي يا حسين معرفتكم كنز والواحد سعيد بيكم شديد ..
أشهد أن قيادتكم للرابطة ومجهوداتكم كانت الدافع لنا للعمل معكم ..
فكان نتاج مجودكم رابطة قوية ساهمت كثيراً في دعم العمل الرياضي والإجتماعي والثقافي بالرياض ..
وأذكر تلك الفترة التي عملنا فيها بلجنة الثقافة بالرابطة وتلك البرامج والخطط التي ساهمت كثيراً في جذب الكثير من الجمهور والأعضاء للصالحية ..
التحية لكم وأنتم تساهمون في هذا العمل الكبير وجمع السودانيين وتوحيدهم ..

شكراً أخي حسين لا تكفي ..
ولك مني كل التحايا والحب ..

كان أول من وقعت عليه عيناى و أنا أدلف
داخلا لأول لمة بورداب أحضرها و أنا عضوا
فى هذا البراح العامر ...
إحتوانى ترحيبه الدافىء فاتحا شهيتى على مصراعيها
لمعرفة كل الناس الفى الدنيا !!
أحسست بأنى تأخرت كثيرا فى التعرف عليه و بقية الرفاق ،
تمنياتى من القلب له ... و لكم جميعا .

أخي مصدق

Quote: إحتوانى ترحيبه الدافىء فاتحا شهيتى على مصراعيها لمعرفة كل الناس الفى الدنيا !!

هذا هو معتصم ، الرجل الأنيق الطيب القلب ، رجل الخير والمحبة .

Quote: أحسست بأنى تأخرت كثيرا فى التعرف عليه و بقية الرفاق ،

هو شخص يعوضك بحبه كل ما فاتك من زمن لم تلتقيه فيه ، أنه رجل المحبة والإخلاص .

Quote: تمنياتى من القلب له ... و لكم جميعا .

ولك عزيزي , ورمضان كريم يا حبيب .

مصدق حسين الفنان ..
وأنا أذكر ذلك اليوم ..
وحتى كلفناك أنا وتمبس بنقل الكراسي معنا ..
ومن ديك الحاجة دي بقت مخصصة ليك ..
سعادتنا بك لا توصف يا مصدق ..
ربنا يديم المحبة البينا ويسعدك يا رب ..

إحترامي وتقديري ..

ما بكم ترفضون شهادتي

عزيزي أحمد عبد الله


رمضان كريم وتصوم وتفطر على خير ، ، ،

Quote: ما بكم ترفضون شهادتي

يا سيدي أهلاً وسهلاً بك وبشهادتك ، أها أدلو دلوك يا عزيزي . مرحباً .

أخي وصديقي يا أحمد عبدالله ..


دع الصورة تحكي ..
وكل اللحظات الجميلة ..

شكرا لك اخي محمد عبد الرحمن

Quote: معتصم دفع الله يدخل للقلوب بدون استئذان كما النسمة ...ذوق وتهذيب وهمة عالية .. لذلك صار حبيب الكل هنا ..

تحياتي اخي عماد وهنئيا لك بهذا الاخ الفريد
ولا عجب ان يكون بهذا الجمال فالارض الخيره دوما تخرج خيرا
فالتحية للاخ الحبيب معتصم دفع الله وعبره للاخ الصديق محمد دفع الله
ورمضان كريم للجميع .

أخي الحبيب نيازي مصطفى


صباح الفل والياسمين عزيزي ، ،،،

Quote: ولا عجب ان يكون بهذا الجمال فالارض الخيره دوما تخرج خيرا

صدقت أخي فهذا الرجل الجميل لا تخرج منه سوى الكلمات الطيبة الراقية كرقيه ، رجل من زمن الحب والنقاء .

والتحية لك عزيزي وتصوم وتفطر على خير ، ، ، ،.

الحبيب نيازي إبن العم ..
كيفك والشوق كميات ..
والله دائماً في البال وحتى محمد دفع الله بيسأل عنك ..
شكراً لرقيق كلماتك ودا من طيب أصلك ..

دم بخير ..

الحبيب نيازي إبن العم ..
كيفك والشوق كميات ..
والله دائماً في البال وحتى محمد دفع الله بيسأل عنك ..
شكراً لرقيق كلماتك ودا من طيب أصلك ..

دم بخير ..

يادفاع سيرباكو طارق

يادرون جبناهو في آآآآآآآآآخر دقايق
والحكم عداهو سارق !!



مو

تلقى هسي راسك طقش القلقالة

غايتو مرة مرة ادي كلام المطر دا نظرة عشان صحتك

Quote: معتصم دفع الله لابسف لا بسجر لا بشرب لا بتاع قمار لابسوي الشينة

والراس الكبير ده


يتلفت بيهو

بس ؟؟؟؟؟؟؟

garjah


صباح الخير ، ورمضان كريم

Quote: والراس الكبير ده يتلفت بيهو بس ؟؟؟؟؟؟؟

لا أبداً يخت فيهو النظارة !!

Quote: والراس الكبير ده يتلفت بيهو بس ؟؟؟؟؟؟؟

بضرب بيهو هــد يا قرجة ..
ما تقول أخوك لاعب كورة بس بيني وبينك كده الكبر حصل وبقينا نجليها ثابتة ..

كيفك يا حبيب ..
الشوق كميات وزمان ما سمعنا صوتك ..
يديك العافية ..

محبتي ..

أختي الفاضلة ملكة سبأ


أهلاً بك يا ملكة يا بنت الملوك ، ، ، ،


رمضان كريم وتصومي وتفطري على خير ، ، ،


الظاهر عليك يا أختي هلالابيه موت ، بس معليش علشان خاطر ( طارق ) السد المنيع .

معتصم دفع الله شيبه طارق أحمد آدم في فنه وسلاسة لعبه وصمام أمان من الطراز الأول . بس الحظ لم يحالفه للحاق بالركب الأول . تحياتي لك ، كوني بألف خير .

يا جماعة مسعولين من الخير ..

رشا سالم بس الكمدة بالرمدة .. من ديك وعيك .. عقبال للباقيين ان شاء الله .

عماد يا اخوي انت سويت شنو ...



ود الباوقة

عزيزي الأنيق ود الباوقة


صباحك عسل إن شاء الله ، ،، ،


يا أخوي الدكتورة شايفها في البطحاء واقفه ليها مع واحد باكستاني ، بقولوا تاجر سلاح ، غايتو الله يكدب الشينة بس ، الظاهر البنية الشرر بتطاير من عينيها ، غايتو أحذرك يا ود الباوقة أوعك تمشي العزومة بتاعت أبو حمودي ديك ، الماشي فيها مفقود أها أنا غايتو حذرتك ، ولا عذر لمن أنذر ، شيل شيلتك .

Quote: أوعك تمشي العزومة بتاعت أبو حمودي ديك

ابو حمودي دا منو ؟؟؟؟

اوع يكون احمد حنين ؟؟؟


فتك بي عافية ..



ود الباوقة

والله يا ود الباوقة أنا زاتي ما عرفتو ، قلت يمكن تكون إنت عارفو ،

غايتو ده كلام البنية ، أها شوف :ـ

Quote: اها كان جيت ولقيتك لازلتم تخوضون في هذا الحديث,الله قال بقولكم.. بجيكم بكرة في عزومة ناس ابو حمودي وبرش من طرف..

أها لو عرفتو كلمني علشان ما أمش الحكاية في قطع رقبة .

ود الباوقة وعماد..جاكم السم القدر غداكم

تولوس قدم عروض انسحابية ونحنا حنتفاوض معاهو..

وحمزاوي باع القضية وفي مقولة اخري اتلقي مكالمة هاتفية

من معتصم شخصيا ابلغه فيها اعتزاره عن بتهم وانه ما داير

يعرس رطانية لانه ثقافته الماني بث!

اهااااااااا ما فضل غيركم انتوا الاتنين..

السلاح خلاص اشتريته وختيت جزء فوق راس التلاجة وحبة قنابل

عنقودية جوه حوض الخضار مع الطماطم .. باقي زمان ومكان

المعركة.وعزومة ناس ابو حمودي انا ذاتي ما عازمني فيها

وقلت اجي بس ابيدكم واتخارج لكن طلعتوا ما معزومين..

غايتو الاستخبارات بتاعتي لسه شغالة وبعرف تحركاتكم وبصلكم

ومعتصم ده بعرس بت اختي يعني بعرسها..وتحيوا وتشوفوا

يا دكتورة هسه كده أول عرفينا أبو حمودي ده يطلع منو؟ هسه أنا وود الباوقة قاعدين ذي الأطرش في الزفة !!! ما عرفناه تب .

وبعديــــن :ـ




أها الراجل ده شايفاهو !!! إنت ما قلتي ليهو بديك بت أختي !!! مالك نطيتي . أها شفت يا معتصم جنس ده ؟ إنت برضو الدور جاي عليك علشان كده أحسن ليك بنت خالتي .

Quote: ود الباوقة وعماد..جاكم السم القدر غداكم

قصدك السم القدر فطوركم انت نسيتي رمضان ولا شنو ...


ناس ابو حمودي انا ذاتي ما عازمني فيها

وقلت اجي بس ابيدكم واتخارج لكن طلعتوا ما معزومين

والله ناس ابو احمودي ديل عزاز علينا بس ما عزمونا مالهم السنة دي يا ربي ...

Quote: ومعتصم ده بعرس بت اختي يعني بعرسها..وتحيوا وتشوفوا

الشغلانة دي يا دكتورة الظاهر حا نسويها قرعة في العيد وربنا يقوي النصيب ..


ود الباوقة

أخي الفاضل ود الباوقة

Quote: الشغلانة دي يا دكتورة الظاهر حا نسويها قرعة في العيد وربنا يقوي النصيب ..

والله يا ود الباوقة الاقتراح ده أنا إقترحته عليها قبل أن تبدأ الحرب الباردة ولكنها رفضت ، وهسه أنا كمان رافض تب ، ومعتصم ميا زولنا يعني زولنا . أها بس إنت إنسحب وخلي لي الدكتورة دي إنا بجيب ليك خبرها .

القلقالة بس ؟
وما جاورها كمان ..
ربنا يخليكم لينا ويحبب خلقه فينا ..
ويديكم العافية بقدر ما أسعدتونا ..

محبتي وتقديري ..

عماد و الاخوة الاعزاء كل عام و انتم بخير

Quote: ولكنني عجزت فتركت لأحبته الساحة لأقرأ ما يسطر عنه ما يروي ظمأ عشقي له

معتصم برضو كل عام و انت بخير

وأنت بألف خير يا حمد ..



لكم سعيد أنا بكم ..

دم بخير يا صديقي ..

Quote: معتصم دفع الله يدخل للقلوب بدون استئذان كما النسمة ...ذوق وتهذيب وهمة عالية .. لذلك صار حبيب الكل هنا .. í .

و أزيــد ... إنســان ودود و محتــرم عندما تتعرف عليه تحس و كانــك تعرف هذا الفتى منذ عهد

بعيــد فهذا يدل على سماحة خلقه و طيبه نفسه و حلاوة معشره ... بالإضافة إلى انه يتمتع بفن و

اسلوب راقي في فن التعامل مع الآخــرين ... فنتمنى لك طول العمر أيها الفتى المرهف معتصم..

و تصوم و تفطر على خيــر و كـل عــام و انت بألف خيــر...

مع محبتـــي

هيثـــــــم القـــوز...

جمل الله أيامك يا هيثم ..
وأسعدك في الدنيا والآخرة ..
شكراً لكلماتك الطيبات ودا من طيب أصلك ..

تصوم وتفطر على خير ..

محبتي وتقديري ..

غايتو انا هدي كلمتكم

ولا عذر لمن .... (وش شرير)









تامبا عشان نوقف حالك بس

سجمي وسجمي منكم يا ناس البورد ده..

محنتوني وخليتوني امشي واتلفت !

انا اقالع في معتصم لبت اختي اجي القي

ملكة سبا دي قلعت مني تمبس...؟

عاد شكيتكم وشكيتكم..

هوي يادكتورة انت وملكة سباء وود الباوقة اخوي

تصريحاتكم بمثابة اعلان حرب عديل كده والبادي اظلم (وش يحمل ملامح شارون)

Quote: هوي يادكتورة انت وملكة سباء وود الباوقة اخوي تصريحاتكم بمثابة اعلان حرب عديل كده والبادي اظلم (وش يحمل ملامح شارون)

يعيش يعيش تولوس يعش يعيش

أختي الفاضلة ملك سـبأ


يختي محجوز دي ما معانا هسه نحن الحين بنقاتل في معتصم تجي إنت براحة كده تجري تمبس ، هسه بس خلينا نخلص من موضوع معتصم ده وبنجيك راجعين ، الزول ده زولنا تب وهسي بعد ما رشا نطت منه الجو خلى لينا بيهو تجي إنت تخربي الصفقة علينا. ( عيون حمراء ذي جمرة النار ) .

عماد كل سنة وانت طيب جد عرفت تختار بوست ناجح

معتصم ..ييييييييييييييييييييا ووووووووود ..

الجماعة ما خلو لينا حرف ولا كلمة ولا تعبير نقولوا

وكله حقيقة ..

ويادكتورة رشا جد بنت اختك محظوظه ...

اما تعليق تمبس ماعارفة بس إذا حقيقة على الاقل يكف العين عنك

حقيقي ما قدرت اختار الحروف التناسب قدرك

الله يحفظك ويسعدك ...


مودتي ،،،

Quote: غايتو أحذرك يا ود الباوقة أوعك تمشي العزومة بتاعت أبو حمودي ديك

Quote: يا دكتورة هسه كده أول عرفينا أبو حمودي ده يطلع منو؟ هسه أنا وود الباوقة قاعدين ذي الأطرش في الزفة !!! ما عرفناه تب .

Quote: ناس ابو حمودي انا ذاتي ما عازمني فيها وقلت اجي بس ابيدكم واتخارج لكن طلعتوا ما معزومين

غايتو تحيروا عديل كده
كل ما أدخل هنا أقرأ المكتوب عن صديقنا معتصم أقول كدة واتخارج
حاسي زي حا أجلط في كلامي
لكن وكت الكلام دخل الحوش ومحيتو لي حمودي عديل كده قلت بعد ما في طريقة
أولاً أنا عاذر الدكتورة والأخ الفاضل وزوق جداً عماد
لكن ود الباوقة ده كان ريس على شنو !
ثانياً : الناس الحلوين ديل كانوا حضوراً في إفطارنا اليوم وزادوه بهاء وكل ما يقوم واحديقول طالع شياطين الدنيا تطلع في راسي
والله إنتو ما حاسين لمه زي دي ممكن تعمل في الزول شنو
صلاح شتات / حميدة / معتصم / تمبس / أحمد حنين / دكين / وليد طه وأم رغد /ود الشيخ / الطيب جميل
بعدين يا رشا وعماد :
يا هو ده حمودي

الاخ المحترم ابو حمودي..

ياخ انا عارفاك وعارفه حمودي ..المتلومين عماد وود الباوقة..

كل ما اقول ليهم العزومة عند ابوحمودي يقولوا لي :ابو حمودي منو؟

عموما كنا دايرين نجي الفطور لكن كرامتنا وجعتنا في اخر دقيقة

لك العتبي يا ابو حمودي وربنا يحفظه ليك...

الدكتورة رشـــا :


صباحك فل إن شاء الله ، ، ، ،

Quote: ياخ انا عارفاك وعارفه حمودي ..المتلومين عماد وود الباوقة

..

Quote: عموما كنا دايرين نجي الفطور لكن كرامتنا وجعتنا في اخر دقيقة

شفت كيف يا أبو حمــودي ما قلت ليك ، أها اللوم راكبك راكبك .

أها شد حيلك كده وسويلنا عزومة كاربة كده أحسن من بتاعت الجماعة ديل أنا والدكتورة وود الباوقة برانا ، وإلآّ ما ديرين .

أخي الحبيب عمران حسن

عمرك الله في الدارين ، رمضان كريم وتصوم وتفطر على خير ، ، ،

Quote: والله إنتو ما حاسين لمه زي دي ممكن تعمل في الزول شنو صلاح شتات / حميدة / معتصم / تمبس / أحمد حنين / دكين / وليد طه وأم رغد /ود الشيخ / الطيب جميل

يا أبو حمودي بصراحة كده إتلومت ، يعني عازم الجماعة ديل بس وخليتني أنا والدكتورة وصاحبك ود الباوقة بره الصورة !!! يعني نحن الغرقنا المركب !!!! أنا كده خليني بس الدكتورة وود الباوقة إتلومت فيهم لوماً كبيراً تب ومافي شيتاً ببرد حشاهم إلا عزومة كده كاربة مافيها صحن فول تب .





تســلم يا حمـــودي بس إبــــوك إتلـــوم تـب .

Quote: الناس الحلوين ديل كانوا حضوراً في إفطارنا اليوم وزادوه بهاء وكل ما يقوم واحديقول طالع شياطين الدنيا تطلع في راسي والله إنتو ما حاسين لمه زي دي ممكن تعمل في الزول شنو صلاح شتات / حميدة / معتصم / تمبس / أحمد حنين / دكين / وليد طه وأم رغد /ود الشيخ / الطيب جميل

عمـران .. والشنين كانوا وووووووووووين

ونحن لاقنك وين يا عمران ياخ ..
كل لحظة تمر وما نكون فيها مع بعض بتكون حزينة ..
ربنا يديم المحبة بينا ويخلي ليك محمد ..

كن بخير يا صديق ..
فالكلام في حضرتكم لا ينتهي ..

الأخت الكريمة خالـــدة

Quote: عماد كل سنة وانت طيب جد عرفت تختار بوست ناجح

وإنت بألف خير وصحة وعافية ومن العائدين إن شاء الله ، الله يخليك ده من أصلك .

Quote: ويادكتورة رشا جد بنت اختك محظوظه ...

أااااهاااا ، بدينا الخطأ يا خالدة !!!! يعني شنو يعني ، خلاص عملتي معتصم نسيبها . لما تشوف حلمة أذنها ، ده بعد السماء عن الأرض ، قالت محظوظة قالت .

تسلمي يا خالدة ..
قلتوا الكتير وأسعدتوني به وما قصرتوا ..
جمل الله حياتكم وأسعدكم بكل الخير ..

شكراً جميلاً يا غالية ..

محبتي ..

مووووووووووووووو

والله يامعتصم خايفة قدر ما اكتب اتلوم فيك

لانو كان كنبت من هنا لغاية القلقاله مابنتهى الكلام

عماد رمضان كريم ليك وليهو

غايتو اخترت الرجل الصاح فى المكان الصاح

مودتى

الاخ/ معتصم دفع الله
أهلا للتكريم بهذا البوست
كان جسر التواصل الذي عبرت به لمجموعة بورداب الرياض الرائعة 0
يمشي بين الناس بالخير ويلملم القواسم المشتركة بينهم مهما تباينت رؤاهم ( للحد من هجير الغربة القاسية)0
يتحلي بالقيم السودانية الاصيلة بالتالي يكون سفيرا شعبيا لوطنه 0
حفظه الله واياك الاخ/ عماد 0

Quote: لكن ود الباوقة ده كان ريس على شنو !

لوووووووووووووووووول يا عماد ابو احمودي طلع اخونا عمران . والله انا كنت قايلوا احمد حنين ..




ود الباوقة

ود الباوقة يا حبيب

صباح الخير عزيزي ، ، ،،

Quote: لوووووووووووووووووول يا عماد ابو احمودي طلع اخونا عمران . والله انا كنت قايلوا احمد حنين

الله يجازي شيطانك يادكتورة!!!! عملتيها فينا وفشلتينا

أخي الكريم محمد الحسن

Quote: يتحلي بالقيم السودانية الاصيلة بالتالي يكون سفيرا شعبيا لوطنه

هذا هو معتصم ، رجل صعب أن نوفيه حقه فكل الكلمات وإن صغناها عقوداً من لؤلؤ لنوشحه بها لا يمكن أن توفيه حقه ، شكراً عزيزي على زيارتك الجميلة وحفظك الله وإيانا .

الحبيب محمد الحسن
جمل الله أيامك بكل الخير ..
ما تم هنا من جهود هي بفضل وقفتكم وروحكم السمحة ..
لذلك كان بورداب الرياض وكانت كل الأعمال الجميلة التي تمت ..
تسلم كتير وربنا يديك الصحة والعافية ..

شكري ومحبتي ..

أختي العزيزة نجـود حسن


رمضان كريم وتصومي وتفطري على خير ، ، ، ،

Quote: والله يامعتصم خايفة قدر ما اكتب اتلوم فيك

يا ستي الله لا جاب لوم ، مرورك هنا براه يعتبر عن إمتنناك لمعتصم ، وأحياناً يأبى التعبير أن يتخذ موقعة من السطور . شكراً على مرورك الكريم وتسلمي إن شاء الله .

Quote: غايتو اخترت الرجل الصاح فى المكان الصاح

ده بس من أصلك يا ستي وهو تعبير جميل لمعزتك لمعتصم .

كيفك يا نجود ..
مشتاقون بالكوم والله ..
هسي عليك الله ما اتلومتي بكلامك السمح دا ..
الفات القلقالة ووصل سنار عند ناس أحمد عبدالله ..
تحيات كتااااار ..

وخالص محبتي ..

والله يا معتصم كسير تلج وفي رمضانLoooooooooooooooooL

بختك يا عم...

انا كنت فاكر مافي زول بكسر ليك التلج ..غير تمبس!!!

ما عايز اضيف اكتر من الكلام المكتوب اعلاه ..

عشان دا براه بكبر رأسك بصل من الرياض للقلقالة

تحياتي لك يا شفيف ..

ولكن بورداب الرياض الاستلموا البوست كله!!!!!!!!!!

شكرا عماد لهذا الوفاء ..فما يعرف قدر الكرام الا كريم,,,

تحياتي وودي للجميع وخصوصا ناس الرياض فانتم تمثلون المجتمع المثالي

لسودانيزاونلاين علي ارض الواقع خارج نطاق الوطن,,,

مـعتصـــم رجـــل ابيض وانيـق الدواخــل

مـسـنجم مع امـزجــة الناس وكـأنة وتر معـبأ باشـجانهـم

رجـل خـلوق وشــفيف حــد النزف.

شـكـرا عمـاد لفتحتك نافـذة البوح النبيل هـذي للرجـل الكميل

معتصـــم....فــهــــو يـسـتــحـــق.

Quote: انا اقالع في معتصم لبت اختي اجي القي ملكة سبا دي قلعت مني تمبس...؟

اه عقبال لي شتات ود الشيخ .. شدو حيلكم .. كان فاتكم المولد دا صباحكم اصبح ..



ود الباوقة

أنا أحب معتصم دفع الله ..


و كمان فوق البيعة تمبس و ودالباوقة
و.. لا عزاء لرشا و ملكة سبأ ..

أخي النبيل عماد عبد الله


يسعد صباحك بكل خير ، ،،،

Quote: أنا أحب معتصم دفع الله

وكلنا نحب هذا الرجل الطيب القلب ، فهو رجل يجبرك على حبه ، والمحبة لك محبٍ له , وتسلم .

ونحن يا عماد عبدالله نبادلك الحب بالحب ..
والله يعلم ما في القلوب ..

جمل الله أيامك بكل الخير ..

محبتي ..

أخي الفاضل الخير


سلامات يا رجل يا اصيل

Quote: شـكـرا عمـاد لفتحتك نافـذة البوح النبيل هـذي للرجـل الكميل

معتصم رجل يجبرك إن تفتح له قلبك ناهيك عن نافذة صغيرة لا تليق بمقامة السامي ، فشكراً لك عزيزي على مرورك الكريم . وتصوم وتفطر على خير .

شكراً أخي الخير على الكلام الطيب ..
حقيقي الواحد سعيد بيكم جداً وبمعرفتكم ..
ربنا يديم المحبة بيننا يا حبيب ..

كن بخير ..
وكل سنة وأنت طيب ..

أخي الكريم العزيز إيهاب الطيب

Quote: شكرا عماد لهذا الوفاء ..فما يعرف قدر الكرام الا كريم,,,

شكراً عزيزي على هذه الكلمات الطيبة ، وده من أصلك يا سيدي والكرم يخليك يمشي وين بس يا أصيل .

والله يا إيهاب أنا زاتو قايل كده ..
لكن أهو الحمد لله أدانا أصحاب وأحباب مثلكم ..
يجملون حياتنا ويسعدوننا بصحبتهم ..
شكراً لكل اللحظات السعيدة التي إلتقينا فيها ..
وشكراً للوطن الذي جمعنا في لحظات أنس وصفاء ..

أها ما قلت لي الإجازة الجاية متين ؟
رد الله غربتك وغربة الجميع لوطن معافى وسليم ..

كن بخير يا صديق ..

مُعتصم دفع الله
قامة سامقة









لا املك ما يوفيه حقه
دمت عزيزاً مُعتصم

الاخ عماد ،، وجميع مَـنْ بالجوار ،، سلام ورمضان كريم ،،

وشكراً على الاختيار الذي صادف أهله ، فالمعتصم ، جدير بالثناء
وأهلٌ للحمد الإخواني ، بما يقابل به الأخلاّء وغير الأخلاّء من جميل اللقاء ، وحُسنِ البِـشْر ، والإستعداد الصدوق لأداء الفرض والواجب والمندوب ، كواحدٍ من أؤلئك الذين حبَّـبـّهم الله إلى خلقِه ؛ أحاسن الناس أخلاقاً ، الموطّئون أكنافاً ، الذين يألـَـفون ويؤلَـفون . وهو بهذه الصفة ، " خيط شـلـّة " ، للمجموعة التى تزرع الجميل والمفيد بين أنفسٍ شتّى يضجّ بها المقام بفيافي " نجد " ، وتحتمل تلك المجموعة،في سبيل ذلك ، الكثير من المشـقـَّات ..

و ال " معتصم " كأنّه المعنيُّ في أبياتٍ لأبي الطيِّب المتنبي:
تملّك الحمدَ ، حتى ما لمفتخرٍ ،،، في الحمدِ حاءٌ ولاميمٌ ولادالُ
لا يُدرك المجدَ إلآ سـيـِّدٌ فَطِنٌ ،،، لما يشقُّ على السـّادات ، فَـعَّـال
لولا المشقة ، ساد النّاس كُلّهمُ ،،، الجودُ يُفقِـرُ ، والإقدامُ قـتــَّال

والمعتصم ، كذلك ، كأنّه المعني بأبيات أبي تمـّام :

تراه إذا ما جئتَه متهلـِّلاً ،،، كأنّك مُعطِــيه الذي أنتَ ســائله
ولو لم يكن في كفـِّه غيرَ روحِه ،،، لجادَ بها ، فليتـَّقِ الله ســـائله


تخريمة بوردابية !
----------------

بس يا معتصم ، أعمل حساب الحالة الفي " المقطع الوردي " :

الشــايل همــوم الناس ، همـُّو العندو ، غالبو يشيــلو !

أخي الحبيب محمد أبو جودة


رمضان كريم ، وتصوم وتفطر على خير ، ، ، ،

Quote: و ال " معتصم " كأنّه المعنيُّ في أبياتٍ لأبي الطيِّب المتنبي: تملّك الحمدَ ، حتى ما لمفتخرٍ ،،، في الحمدِ حاءٌ ولاميمٌ ولادالُ لا يُدرك المجدَ إلآ سـيـِّدٌ فَطِنٌ ،،، لما يشقُّ على السـّادات ، فَـعَّـال لولا المشقة ، ساد النّاس كُلّهمُ ،،، الجودُ يُفقِـرُ ، والإقدامُ قـتــَّال والمعتصم ، كذلك ، كأنّه المعني بأبيات أبي تمـّام : تراه إذا ما جئتَه متهلـِّلاً ،،، كأنّك مُعطِــيه الذي أنتَ ســائله ولو لم يكن في كفـِّه غيرَ روحِه ،،، لجادَ بها ، فليتـَّقِ الله ســـائله

يا سيدي يا سيدي ، ما شاء الله ، يا حافظ يا حفيظ .

يا أبوجودة والله الكلام دا كتير ..
وأنا هسي حيلي إنهد من شيل جمايلكم علينا ..
ربنا يقدرنا ونكون عند حسن الظن دائماً ..
ويديم المحبة بينا ..
من فوائد الدنيا علينا صحبة الأخيار ..
وأنتم نعم الصحبة ونعم الأخوان ..
جمل الله أيامك بكل الخير وأسعدك في الدنيا والآخرة ..

Quote: الشــايل همــوم الناس ، همـُّو العندو ، غالبو يشيــلو !

آآآآآآآآآآآآآخ يا محمد ..
ما أكثرها الهموم وما أصعبها ..

تسلم كتير يا حبيب ..
محبتي وتقديري ..

أخي الكريم وليد طه


شكراً على مرورك الطيب ، وتسلم إن شاء الله .

أخي وحبيبي يا وليد طه ..




يديك العافية ..

صدق المثل
الشكر لي معتصم دفع الله والفخر لي بدرالدين شنا

أخي بدر الدين

Quote: الشكر لي معتصم دفع الله والفخر لي بدرالدين شنا

والفخر لنا بمرورك الطيب يا سيدي .

إعلان هااااااااااااااااااااااااااام

انا الدكتورة رشا وبكامل قواي العقلية وشخصيتي الاعتبارية

اعلن لكل المتداخلين في هذا البوست إنه: ده طرفي من معتصم دفع الله !

وذلك لأن الأخوة تولوس وعماد وود الباوقة وحمزاوي( الخال المزعوم)

قد قاموا بأرسال كمية من التهديدات لشخصي الضعيف.. وقد آثرت السلامة

فليعلم غائبكم وحاضركم اننا في حل من هذا المعتصم وابنة اختنا ( لاها هينة

ولا ها لينة ليكم) واننا من هذا البنبر ايضا نعلن تمسكنا بالمدعو

تمبس ولا تراجع عنه مهما كانت قوة التهديد والوعيد..

والزارعنا غير الله..........

Quote: فليعلم غائبكم وحاضركم اننا في حل من هذا المعتصم

الله أكبر ، الله أكبر ، جاء الحق .

Quote: واننا من هذا البنبر ايضا نعلن تمسكنا بالمدعو تمبس ولا تراجع عنه مهما كانت قوة التهديد والوعيد

وين وين تلقوا ده ، ده خلاص جانا والله أده . يا دكتورة الراجل زعلان زعلاً ما شفت زيو تب ، إنت قلتي بنت أختك لي معتصم من هنا وهو كنصل الموضوع من هنا . وجانا براه عارفنا بنحبه وبنريده وما ناساً بنط من كلامنا. هسه الراجل خلاص حجزنا ليهو بنت عمتي . ما في طريقة تاني شكوفي ود الباوقة كان عنده زولاً يديكي ليهو لي بنت أختك دي .

الحقيقة ..
كل الحب لبدرالدين حــلا ..



كن بخير يا قريبي ..
وكل سنة وأنت أجمل ..

Quote: انا اقالع في معتصم لبت اختي اجي القي ملكة سبا دي قلعت مني تمبس...؟

هلا هلا على الجد يارشا

ونصيحة اخت حاولى تكثفي جهودك مع معتصم الايام دي

تمبس (نائم)

Quote: هلا هلا على الجد يارشا ونصيحة اخت حاولى تكثفي جهودك مع معتصم الايام دي تمبس (نائم)

لا لمينا في تمر الشام ولا بلح اليمن ،

Quote: ونصيحة اخت حاولى تكثفي جهودك مع معتصم الايام دي تمبس (نائم)

دا نايم نومة اهل الكهف وانا خايفو لما يصحى يكون قد بلغ ارزل العمر ..

لكن ابشر الجميع نحن كمان معتصم دا ما ديرنو يعرس كلو كلو . وهو بيني وبينكن قال ما داير عرس لما سالتو ليه يا شفيف ..

قال لو ماعرس صلاح شتات هو ما حا يعرس عشان كدت شوفليكن زول غيرو ..

وصلاح شتات قال رافض مبدأ العرس من اساسو .. اها اتخارجن بدون شوشرة


ود الباوقة

عزيزي ود الباوقة


يسعد صباحك يا سيدي ، ، ،،

Quote: لكن ابشر الجميع نحن كمان معتصم دا ما ديرنو يعرس كلو كلو

يا أخوي السياسة دي ما بتمشي معاي ، الود ولدنا ونحن عارفين مصلحته وين ، سياسة التطفيش دي قولها للدكتورة بس أنا ما بتشتغل معاي خالص ، الولد نحن معرسين ليهو يعني معرسين ليهو غصباً عليه . أها كمان شتات ذاتو ح يدخل معاه في نفس اليوم سوى أن رضى أو أبى .

Quote: يا ود الباوقه ... يااخى انت لايص فى البوست دا كدا مالك فى شنو يازول ...؟

يا ابورزقة صاحبك ود الباوقة دافعين ليه بالعملة الصعبة عشان يعمل الدعاية الكاربة للجوز التحت دا



دعاية محنت الكاردينال ود الشيخ

وشتات تعابيره تصرخ : برىء ياااابيه


قال شوشرة قال

ماحانطلع إلا بالطبل البلدي ياود الباوقة

يا ود الباوقه ...
يااخى انت لايص فى البوست دا كدا مالك
فى شنو يازول ...؟

[

Quote: يا ابورزقة صاحبك ود الباوقة دافعين ليه بالعملة الصعبة عشان يعمل الدعاية الكاربة للجوز التحت دا

وبعدا يا ود الشيخ تقول لي لايص .. شوف التهم دي كلها عشانكم انتو الجوز ..



ود الباوقة

Quote: يا ود الباوقه ... يااخى انت لايص فى البوست دا كدا مالك فى شنو يازول ...؟

اه يا ود الشيخ عشان ما تزعل نفسك طلعت من البوست ..

العفو العافية يا شباب ...



ود الباوقة

أخي الحبيب النبيل ود الباوقة


صباحك زين يا سيدي ، ، ،،

Quote: اه يا ود الشيخ عشان ما تزعل نفسك طلعت من البوست

أول مره في حياتي أشوف لي واحد بيمشي يخلي بيتو !!!! يعني ماشي تسكن في فندق !!!!

ود الباوقة خروجك من هنا صدمة للأخ معتصم قبل أن تكون صدمة كبرى لي ، ابقي أخي الدار دارك واالمطرح مطرحك . والشاي جاهز كمان .

معتصم دفع الله..ياصديقى
لا يليق ُ بك ِ غير الشعر ...
وفواتح ُ الكتب النبيلة ..
ومواسم الربيع ..
والسوسن .. !
فبين شعاع الشمس ..
والقمر الجميل ..
لم تزل لك ِ .. انشودة ،
و " صفصافة " .. ترقص ُ معك ِ الفرح
وتغنى معك الاغنيات.. والامنيات.


فكن نبضا لنحيا بك

صديقي الجميل بشرى سليمان ..
أنتم من يفتحون لنا أبواب الربيع ..
لندخل بها على كل جميل ..
نتنسم عبير كلماتكم شعراً ولحناً ..
وتعزفون لنا سيمفونية الحياة ..
وتعيدون لنا بعض رحيق ..

دم بخير يا صديقي ..

تعرفت الى الأخ معتصم من خلال كتاباته في هذا المنبر.....

وأقول له.....


لكم أرجعتنا لماضي طرق الأبواب بلا مقدمات

وتركتنا ننبض على دمعات الشـــــــــوق وحيـرة الزمـان

وأبقيت لناالدمـوع رفيقة التفكيــــــــــــر

ودرنا في مدارات الحزن والشوق والحنين

وتبعثر الصمت الملفوف أنيناً

على صفحات المنبر بوحاً يداوى الذكريات

salma subhi

لكما التحية... عماد ومعتصم

الأخت النبيلة الفاضلة سلمى صبحي


رمضان كريم وتصومي وتفطري على خير سيدتي ، ، ،،

يسعدني كثيراً مرورك الجميل ، فقد إفتقدناك كثيراً جداً وعودتك بمثابة عودة الروح للجسد ،

Quote: لكما التحية... عماد ومعتصم

ولك مني ومن صديقي آسمى آيات التحايا القلبية الصادقة ، ونتمنى عدم حجب قلمك النير عنا سيدتي . كوني بخير .

ما أجملها من عرفه يا سلمى ..
وما أسعدني بها ..
حقيقي الواحد تشرف بمعرفة الكثيرين هنا ..
فكانت نعم العشرة ونعم الصحبة الحلوة ..
شكراً لرقيق كلماتك ..
وربنا يديم المحبة بيننا ..

محبتي وتقديري ..

ثم تانيا

شايفة حركتك دي جرست الشباب ولجأ أغلبهم للتخفي تحت صورة ود الطالب

ولا هو الحاصل شنو

الأحباب جميعاً ..

جمل الله أيامكم ..
سعيد بوجودكم هنا وبكلماتكم التي رطبت دواخلي ..
وعذراً لعدم تمكني من الرد عليكم فالوقت عندي ضيق ..
وأعدكم بالعودة لكم جميعاً فرداً فرداً ..
شكراً لا تكفي ..

محبتي لكم جميعاً بلا حدود ..

رمضان كريم
شكرا عماد
مع اني ما بحب مثل البوستات دي
لأن اهلنا قالوا الشكروا قداموا نبذوا
لكن معتصم حاله نادرة في هذاالزمن الاغبر
الذي قل ان تجد فيه الصديق الصدوق
والانسان المهذب المتفاني الذي يحب الخير للجميع
عرفته في الرابطه الرياضيه ثيرباك المتمه
ذكرني شيخ ادريس كباشي الله يرحمه
خفيف وحريف ويجيد اعاب الهواء
ولايحب الكروت الملونه
وعرفته في سودانيزاونلاين
اخواخوان هاش باش والبسمه لاتفارق محياه
واكثر ما يكون متوجس وقلق عندما تكون هناك
مشكله ولا خلاف بين البورداب ويسعي حتى تنتهي
بس عيبه الوحيد 00000000

عزيزي طارق


شهر مبارك وفقك الله في صيامه وقيامه

Quote: بس عيبه الوحيد 00000000

كسار ثلج !!!!!

أخيراً فزت كما توقعت ( بصفقة الأخ النبيل معتصم ) وكانت ( صفعة ) للدكتورة رشا سالم . ويا دكتورة الحكاية سياسة وديمقراطية مش عنترية . يعني خلي روحك رياضية وباركي لي زواج بنت خالتي من معتصم .

ولا عزاء لتولوس وود الباوقة وملكة سبأ ، هنيئاً لنا به .

معتصم دفع الله
هو معتصم دفع الله
قمة الادب و الترفع و التهذيب
معاون و متعاون
حد النخاع
لك التحية يا معتصم
و الود و التقدير

شكرا عماد

غادة

الأسـتاذة الفاضلة/ غــادة عبـد العـزيـــز



يسـعدك صباحك بكل خير ، ، ، ،،


أخي وصديقي معتصم هو فعلاً إنسان في قمة الأدب والإحترام ، شخص يجبرك على إحترامة وتقديرة ، شخص متفاني في كل شيء ، صريح ، لا يقبل أنصاف الحلول . لك منه ومني آسمى آيات التهاني والتبريكات بالشهر الفضيل . وكل عام وانت بألف خير وتقبلي تحياته . وشكراً على مرورك الكريم .

ما عندي كلام معاكم لا انت يا معتصم ولا عماد الطابور الخامس..

بس قلت اكون المشارك رقم 200

ما تفرحوا ساي..

لا خلاس يا يا دكتورة نحن العندنا ليك كلام ..
تنطي في كلامك وتجي تشاكلينا كمان ولله قوة عين ..

عموماً الفيكم اتعرفت ..
بجيبكم الدرب يوم ..
والعرس أها دا طرفنا منه ..

الله يخليك يا غادة ويسلمك ..
شكراً للطفك ورقيق كلماتك ..
سعيد بهذه الخوة والمعرفة الطيبة ..
ربنا يديم المحبة بيننا ..

محبتي بلا حدود ..

الكلام دا كتير علينا يا طارق نقد ..
جمل الله أيامك بكل الخير ..
زكرتني أيام حلوة وجميلة في رحاب رابطة الصالحية ولا زالت ..
إلتقينا فيها على المحبة والخوة وعلى كل ما هو جميل ..
فكان التنافس بينا والندية ..
ولا زلت أذكر قصتي مع الصديق الحبوب صديق الجيو في إحدى منافسات الرابطة ..
قبل مباراة الكلاكلة والمتمة قابلت صديق وقلت ليهو الليلة بنسيك إسمك ..
وكانت دي عادتنا دوماً نتناكف في حب وإحترام تام ..
رد علي قال الليلة بنرجعك القلقالة راكب لوري ..
وكان أن فزنا على الكلاكلة وصعدنا للدور التاني ..
وبينما أنا ماري في الملعب وجدت محفظة في الأرض وحينما فتحتها كانت لصديق الجيو ..
فبحثت عنه بين الموجودين وكان وقتها زعلان جداً من الهزيمة وسألته وين محفظتك يا صديق ..
فتش في جيبه ولم يجد محفظته وقال لي ضاعت ..
فقلت ليهو ما قلت ليك بنسيك اسمك خذ دي اقامتك ومحفظتك ..
فضحكنا طويلاً ..

بعدين تعال هنا عايز تجيب لي مشاكل مالك ياخ ..
أمانة في زمتك دي الكلام دا صحيح ..

سؤال يا جماعة الخير ... هو ( صوم ) دا نازل انتخابات ولا بفتشلو في عروس !!

مش ياهو معتصم الطويل .. اب نضم كتير .. !!

الببحب الجكس زي عيونو .. والله يسألني !!


بعيدا عن الغيرة ...


والله تستاهل يا اخوي ...

اريتو حالنا .. يا شتات !!

رشا ...

معتصم يا بتي ... مقتول في جماعة السودان ... !!


دا اعجاب ولا مظاهرات ؟؟

حتى أنت يا بروتس ..
أمانة في زمتك دي يا سمرية الكلام دا حاصل ..
ياخي أنا زول مسكين ساي ..

Quote: معتصم يا بتي ... مقتول في جماعة السودان ... !!

بعدين دا تنظيم جديد والله شنو ؟
كدي نشوف شروطه قبل ما ننضم ليهو ساي ..

والله يا سمرية الشوق كميات ..
وليك وحشة شديدة ..

محبتي ..