تحذير عن رسائل ايميل

الاخوة و الاخوات الكرام..
هناك من فتح ايميلي وغير بعض بيانات الماسنجر..
وعليه اي شخص يستلم مني رسالة فيها اي كلام فارغ..
يعرف هذا الهاكر
وانا ما مسؤولة عنها..
اذا عايزة اكتب اي كلام لزول بكتبه في البورد
لاني احارب حروبي قبال,,,
اللهم هل بلغت فاشهد

رمضان كريم وتصوموا وتفطروا على خير .

Quote: الهاكر

التكاثر


لماذا انت بالذات


قابلة للهكر في كل المرات ؟


هذه طريقة ملتوية للضرب تحت الحزام ..

رمضان كريم

Quote: لماذا انت بالذات

عشان مهمة جدا ومكرهاكم...

لو ما كدي ما متعذبين كدي...

Quote: هذه طريقة ملتوية للضرب تحت الحزام ..

يلا بالله تعال اقيف في الخط دا
ارفع يدينك يلا امشي عديل..
قلت ليك عديل مالك بتتلولو
اها
ارفع يدك الشمال
ختها في نخرتك
يا زول حاسب
ما تطبز عينك..
اها قول كه في القناع دا...
اللهم اهديهم.
آمين

بكري الشاب اللطيف مكمل الاخلاق..
البحبو كلو كريم...
تصوم وتفطر على الف خير انت ومن تحب...
تحيات زاريا

اللهم هذا شهر كريم فاكفينا شر الحروب فيه
يا إلهي أسألك أن تهدي كل من يريد الحروب
ويحب الحروب ويفتخر بالحروب يا الله ببركة
هذا الشهر الكريم أسألك أن تهدينا وتهدي
نفوسنا وتهديئها وتجعلها تنعم بالسكون.
اللهم أكفي وأكفي المؤمنين شر الحروب واكفيهم
شر كل من يتفاخر بأنه يريد الحروب.

ابوفتحية

Quote: هناك من فتح ايميلي وغير بعض بيانات الماسنجر

أنهم أعداء النجاح يا دكتورة ، أعانك الله .

اخي الكريم عماد
شكرا ليك على كلامك الطيب..
ورمضان كريم...

الأخت الدكتوره رمضان كريم


ومزيد من النجاح انشاء الله وفقك الله وسدد خطاك

ابوختم

ابو ختم العطبراوي
شكرا ليك كثيرا ورمضان كريم
تحياتي لام ختم..

الأخت/بيان رمضان كريم

يا دكتورة الله يكون في عونك من ناس البورد الى الهكرز.

الاخ عبده
الله اكرم وتصوم تفطر على خير مع من تحب

شكرا لك وجيتك مقدرة..

د/ نجاة
كل عام وأنت بألف خير
مـشـــتــــــــــــاقين
قدر عطش أم بارح ، ويا ريتني لو ما سافرت.
التحذير ده له ما بعده.. لا أفترض البراءة.. كنت عايز أسأل لكن بعد رمضان..
اقترح في رمضان ترفعي لينا قدح ونسة دمه خفيف أو شعر..
تصومي على خير..

يمة

غايتو الله يكون في عونك
رمضان كريم
وتصومي وتفطري علي خير
ومبارك عليكم وعلي جميع
الأهل في البلد ديك

الرسول اها بتين بتجي مارقة
من البلد ديييك؟؟؟

Quote: يلا بالله تعال اقيف في الخط دا

خط ستة؟

Quote: ارفع يدينك يلا امشي عديل.. قلت ليك عديل مالك بتتلولو

Quote: خايف من الفهد اها ارفع يدك الشمال ختها في نخرتك يا زول حاسب ما تطبز عينك..

نخرتي ياتا الفوق ولّ التحت

هو فضل فيها عين ما مطبوظة؟

Quote: اها قول كه في القناع دا... اللهم اهديهم.

سقط القناع..والزندمن حالة المعري

يازولة انت بقيتي في تيم

المستشفي العسكري؟


والله يادكتورة كان شفت ليك بحث في مجال
تخصصك اخير لك من حرب القبايل الانتي فيها

دي..

الله يهديك ..ويهدينا

وبرضو رمضان كريم

العزيزة/ بيان

رمضان كريم و كل عام و أنت و الاسرة بخير و عافية

سؤالي لك كيف يعرف الشخص منا بان هنالك شخص او اشخاص قد سرقوا حاجات منه من شانها ان تسيء له و للآخرين اذا ما تم استخدامها الاستخدام الخطأ ؟ يعني كيف تعرفتي علي حادثة السرقة هذه... حتي يستفيد الناس من ذلك في المستقبل؟

سلامي لك مجددا .

العزيزة الفاضلة دكتورة بيان
كل سنة وانت والأسرة طيبين وتقبل الله منا ومنكم صالح الاعمال
والسلام عليكم ورحمة الله وبركاته

العزيز ابن كنبة خالد

سلام كتير.. شكرا لك ورمضان كريم وتصوم وتفطر على خير

العزيز برير
سلام
ورمضان كريم
من قبل حدث ان دخل احدهم الى ايميلي وارسل رسائل تافهة المعنى والمحتوى
الى كل الناس في القائمة..فيهم زملاء عمل وطلابي وافراد من الاسرة
سبب لي حرج كبير...
في الايام المنصرمة كلما ارجع اجد بيانات متغيرة في الماسنجر..
مثل الاسم. حدث هذا اكثر من مرة..

فوجدت ان اكتب هذا التحذير.. وهو تحذير خالي من الغرض
غير اخلاء ذمة..
كعادة البعض الغير موضوعين عملو بيها موضوع
عشان بس دي بيان..
انا بقيت بالجد اتحير من خلايق الله دي..
هل هناك في هذا البوست غير تحذير بسرقة ايميل؟
سبحان الله....
جد انا بقيت مكروهة لدرجة بوست ذي دا يشك في اغراضو..

مودتي لك

كل سنة وانت طيبة والاسرة الكريمة

شوفي يا بيان يا أختي


أقري آية الكرسي 99 مرة


آخر خمس آيات من الكهف تبدأ من (ان الذين آمنوا وعملوا الصالحات كانت

لهم جنات الفردوس نزلا) 77 مرة


وجعلنا من بين أيديهم سدا ومن خلفهم سدا فأغشيناهم فهم لايبصرون 55 مرة


الاخلاص والمعوذتين 33 مرة . وذلك يكفيك شر العين والحسد من الرجال والنسوان


وان شاء الله مايجيك هاكر الى الأبد

Quote: وان شاء الله مايجيك هاكر الى الأبد

اتمنى ذلك والله..

وشكرا ليك كثير على المداخلة
وجيتك لبوستاتي تعني لي الكثير

كل سنة وانت اسرتك بخير..

Quote: والله يادكتورة كان شفت ليك بحث في مجال تخصصك اخير لك من حرب القبايل الانتي فيها

لو اديتوني فرصة اعمل كدا ما عندي مانع
لكن اليوم كلو بس قاعدة اوضح وادافع عن نفسي
شوف اسع البوست .. اي زول ايميلو يسرق بيكتب ذيو
ليه انت افتكرت دا حق حرب؟
هل في اي عبارة توريك الكلام دا؟
لانك رافض تدخل في مخك انه بوست برئ ولانك بتكرهني وعندك رأي فوقي
طوالي جيت كتبت كلام ما صاح منك
ليه انت وسط الناس الدخلت دي كلها فهمت البوست دا
انه حرب؟
مرات كثيرة بتجيني قصة ما تكتح دي..
وربنا يهيدكم وينضف قلبكم من الغل على
عشان تفهمو الحاجات في مقامها بدون رتوش وحبال معلقة
انا ابسط مما تتخيل وما خبيثة..

Quote: الرسول اها بتين بتجي مارقة من البلد ديييك؟؟؟

ماي سون ان لو
كيفك ورمضان كريم
وانت وين ما ظاهر..
الرجوع بعد العروس تتخرج..
مودتي

يا كرمبا إنتي....نا-نانانانا
نا-نانانانا




(وشح متمسح بالفازلين)

فاروق حامد


عايز تغطس حجرها

Quote: كل سنة وانت طيبة والاسرة الكريمة شوفي يا بيان يا أختي أقري آية الكرسي 99 مرة آخر خمس آيات من الكهف تبدأ من (ان الذين آمنوا وعملوا الصالحات كانت لهم جنات الفردوس نزلا) 77 مرة وجعلنا من بين أيديهم سدا ومن خلفهم سدا فأغشيناهم فهم لايبصرون 55 مرة الاخلاص والمعوذتين 33 مرة . وذلك يكفيك شر العين والحسد من الرجال والنسوان وان شاء الله مايجيك هاكر الى الأبد

مالك عليها عايز توديها التوج

Quote: (وشح متمسح بالفازلين)

الكرمبا كان راجل خت الالف؟


( جمجمة وعضمتين)

ابي
سلامات يا اديب.. نحن بالاكثر ياخي..

كلام ذي دا بيطلعك من الجنة وسقطها
وتبقي ظلامي رغم انك مستنير لطيف بس..
حاسب..

كان نفسي اعمل بوست حلو لناس الدوحة الاحترموني واكرموني مستنيرينهم وضلاميهم الوحيد معتز
وبوست دمه خفيف وجميل لرمضان

ولكن مارة بحالة والذي نفسه بغير جمال ديك

مافي مشكلة ننتظر العيد..

( جمجمة وعضمتين)

صاح. لكن نسيتي أبو العظام يا كرمبا.

صاحبك متخرد أحيانا
أو كما (أقول)