Post: #1
Title: يا ناس قناة النيل الأزرق متين تطلوا علينا هنا و نرتاح من الورم الإسمو الفضائية السودانية ده !!
Author: ABDELMAGID ABDELMAGID
Date: 09-24-2006, 10:45 PM
Parent: #0
كل ما اتصل بالأهل فى السودان و خاصة هذه الأيام ... يدور الحديث عن البرامج التلفزيونية بالفضائية السودانية و مدى فقرها ... و دائما ما تكون نصيحتهم ياخى ( سيبك !!! ) من الفضائية السودانيه دى ( افتح !! ) قناة النيل الأزرق !!! و كان ردى دائما يا جماعه قناة النيل الزرق دى ما بتصلنا هنا !!! نسو شنو ؟؟؟
عشان كده فتحت البوست ده مناشدة للمسؤولين بقناة النيل الأزرق بان يعمموا مدى تغطيتها لتصلنا هنا فى أمريكا و ( نسبل !!! ) الفضائية السودانية و نخليا بعد أن أصبحت حكرا و مرتعا للظلاميين من جماعات الدجل و الهوس !!!
عبدالماجد
|
Post: #2
Title: Re: يا ناس قناة النيل الأزرق متين تطلوا علينا هنا و نرتاح من الورم الإسمو الفضائية السودانية د
Author: ABDELMAGID ABDELMAGID
Date: 09-25-2006, 11:16 PM
Parent: #1
أحسن حاجه عملتوا يا ناس التلفزيون فى رمضان ده !!! انو وقفتو برنامج ( ايقاع الصباح !! ) و ارتحنا من ( وجع الوش !!! ) و ( الود !!) بتاع ( الإنترنت اياه !!! )
|
Post: #3
Title: Re: يا ناس قناة النيل الأزرق متين تطلوا علينا هنا و نرتاح من الورم الإسمو الفضائية السودانية د
Author: ABDELMAGID ABDELMAGID
Date: 09-25-2006, 11:31 PM
Parent: #2
طيب وقت بتقدروا يا ناس التلفزيون تقدموا سهرات على مستوى سهرة الأستاذ شرحبيل أحمد و التى كانت و للشهادة و التاريخ أكثر من رائعة ... طيب ( قرطوا !!! ) على كده !!!!!
كسره :
بس ما تكرروا السهره الجميله كل يوم ( قدموا غيرا و مع مبدع اخر ) عشان ما تمسخ و تبقى زى فيلم ( صائد التماسيح !!! ) الذى حفظناه عن ظهر قلب  ...
عبدالماجد
|
Post: #4
Title: Re: يا ناس قناة النيل الأزرق متين تطلوا علينا هنا و نرتاح من الورم الإسمو الفضائية السودانية د
Author: ABDELMAGID ABDELMAGID
Date: 09-26-2006, 11:34 PM
Parent: #3
ما تخافوا من الله يا ناس التلفزيون !!!! بعد ما استحملنا ( مجذوب الخليفه !!! ) و هو يكذب على مدى ساعه و نص عبر برنامج الخط الكان ( بارد !!! ) عليه و ساخن على اخرين !!! كمان فى انصاص الليالى تجيبوا لينا زول ( اكفن !!! ) ليو فى جنازه ؟؟؟ الحمد لله ( الوليدات !!! ) ناموا عشان ما اشوفوا جنس ( الزوالات !!! ) دى ...
أكرر النداء .... الحقونا يا ناس قناة النيل الأزرق ... الوضع لا يحتمل !!!! خزعبلات !! و كمان جابتلا هلاويس !!! قال حبابكم عشره و العلاج بالعسل قال !!!!
عبدالماجد
|
|