Post: #1
Title: مجموعة ساورا الغنائيه الموسيقية فهل من مرحب
Author: ساورا
Date: 09-23-2006, 04:14 AM
Parent: #0
الساده اعضاء المنبر اصبحت مجموعة ساورا عضو فى البورد و شكرا للأخ بكرى ابوبكر
و لكم التحية
ساورا
|
Post: #2
Title: Re: مجموعة ساورا الغنائيه الموسيقية فهل من مرحب
Author: فرح
Date: 09-23-2006, 04:17 AM
Parent: #1
اتمنى ان اكون اول المرحبين
مرحب بالابداع
شكرا بكرى
|
Post: #3
Title: Re: مجموعة ساورا الغنائيه الموسيقية فهل من مرحب
Author: فتحي البحيري
Date: 09-23-2006, 04:19 AM
Parent: #2
فتني يا فرح
مرحبا ساورا
ساورا كلها في باسويرد واحد
بكري حرام عليك !!
محبة وأهلا
|
Post: #6
Title: Re: مجموعة ساورا الغنائيه الموسيقية فهل من مرحب
Author: ساورا
Date: 09-23-2006, 04:27 AM
Parent: #3
فتحى بحيرى
احمد
فرح تسلموا يا شباب
ساورا
|
Post: #4
Title: Re: مجموعة ساورا الغنائيه الموسيقية فهل من مرحب
Author: احمد معتصم الطيب
Date: 09-23-2006, 04:23 AM
Parent: #2
حبابكم ومرحب بيكم
وكل عام وأنتم بخير رمضان كريم
يتقبل منا ومنكم
|
Post: #5
Title: Re: مجموعة ساورا الغنائيه الموسيقية فهل من مرحب
Author: ساورا
Date: 09-23-2006, 04:24 AM
Parent: #2
فرح
شكرا يا اول المرحبين
ساورا
|
Post: #7
Title: Re: مجموعة ساورا الغنائيه الموسيقية فهل من مرحب
Author: Mahmed Madni
Date: 09-23-2006, 04:27 AM
Parent: #1
مرحباً بساورا..واعتقد أنها لفتة رائعة(دخولهم بباسوورد واحد)
تحياتي لساورا فردا فردا وشكراً بكري
|
Post: #8
Title: Re: مجموعة ساورا الغنائيه الموسيقية فهل من مرحب
Author: محمدين محمد اسحق
Date: 09-23-2006, 04:29 AM
Parent: #7
الف مرحب بالمجموعة في دارها ..
|
Post: #9
Title: Re: مجموعة ساورا الغنائيه الموسيقية فهل من مرحب
Author: طارق عبد اللطيف نقد
Date: 09-23-2006, 05:48 AM
Parent: #1
رمضان كريم
شكرا بكري
ومرحب بالابداع في داره
وانا كنت من المتابعين لميلاد ساورا وايامها الاولي
والبروفات في نادي الفروسية
البورد نور
|
Post: #10
Title: Re: مجموعة ساورا الغنائيه الموسيقية فهل من مرحب
Author: تولوس
Date: 09-23-2006, 06:02 AM
Parent: #9
الف مرحب ساورا
صرح من صروح الابداع الاصيل في بلادي
|
Post: #12
Title: Re: مجموعة ساورا الغنائيه الموسيقية فهل من مرحب
Author: Tumadir
Date: 09-23-2006, 06:06 AM
Parent: #10
مرحبا ساورا
ولكم تحياتى فقد عهدت نشأة هذه الفرقة حينما كان الصادق شيخ الدين من اعضائها المؤسسين فى اوائل التسعينات على ما اذكر.
مرحبا بكم ثانية وارجو ان يطيب لكم المقام وان تتحفونا باعمالكم المبدعة.
|
Post: #11
Title: Re: مجموعة ساورا الغنائيه الموسيقية فهل من مرحب
Author: Tragie Mustafa
Date: 09-23-2006, 06:05 AM
Parent: #9
مرحب بناس ساورا
وياجامعه انت كل زول منكم بيوزن عشره كيف يدوكم باس وارد واحد؟؟؟؟
يا بكري ما تسمع كلام الناس ديل وايدهم عليك الله اكثر من باسو ورد
ديل ناس ظراف جدا وماساهيلن.
ومسؤلين من الخير يا ناس ساورا
انتو بتنا (هناء عبيدي) وين؟؟؟؟
قولوا ليها تراجي بتسلم عليك.
تراجي.
|
Post: #13
Title: Re: مجموعة ساورا الغنائيه الموسيقية فهل من مرحب
Author: حسن الجيلى سعيد
Date: 09-23-2006, 06:14 AM
Parent: #1
مجموعة ساورا
اهلا اهلا اهلا ...رمضان كريم وحبابكم عشرة
طيب سؤول بسيط الحا ارد على منو فيكم...شفتو .... ياريس حلها
حقيقة اضافة جديدة فى سودانيز اونلاين نعتز بيها
|
Post: #14
Title: Re: مجموعة ساورا الغنائيه الموسيقية فهل من مرحب
Author: شهاب الفاتح عثمان
Date: 09-23-2006, 06:36 AM
Parent: #13
مرحبا بساورا
القلوب ميه و اليد واحدةو قوية.
|
Post: #15
Title: Re: مجموعة ساورا الغنائيه الموسيقية فهل من مرحب
Author: فيصل عباس
Date: 09-23-2006, 07:45 AM
Parent: #1
يشهد الله
الفرح ماليهو حد
شكرا لبكري
وشكرا جزيلا لتماسكم (لي اسع)
ياخوانا سعيد بيكم هنا وبس
|
Post: #16
Title: Re: مجموعة ساورا الغنائيه الموسيقية فهل من مرحب
Author: أبو ساندرا
Date: 09-23-2006, 08:27 AM
Parent: #1
تأتوا متأخرين
خيرم من الغياب
مليون مرحب
وبخصص
جمال عبدالرحمن
غبراهيم الماحي
ربيع عبدالماجد
الهادي جمعة
طارق ابوعبيدة
واى واحد/ة خت/ت لبنة ومدماك في ساورا
مشروع غنائي ملتزم ومنضبط
وتجريب واعي
|
Post: #17
Title: Re: مجموعة ساورا الغنائيه الموسيقية فهل من مرحب
Author: معتصم الطاهر
Date: 09-23-2006, 08:45 AM
Parent: #1
ساورا
اضافة هنا وهناك
|
Post: #18
Title: Re: مجموعة ساورا الغنائيه الموسيقية فهل من مرحب
Author: Adil Isaac
Date: 09-23-2006, 09:47 AM
Parent: #17
مرحبا ساورا
|
Post: #19
Title: Re: مجموعة ساورا الغنائيه الموسيقية فهل من مرحب
Author: صديق عبد الهادي
Date: 09-23-2006, 10:00 AM
Parent: #1
الاعزاء في ساورا
سلام
شرفتم و الف مرحب.
صديق عبد الهادي.
|
Post: #20
Title: Re: مجموعة ساورا الغنائيه الموسيقية فهل من مرحب
Author: ناذر محمد الخليفة
Date: 09-23-2006, 10:05 AM
Parent: #1
الف مرحب ساورا
صرح من صروح الابداع الاصيل في بلادي
والتحية أزجها لزميلتي في معهد الموسيقى لمياء التي سمعت خبر إنضمامها للمجموعة مؤخراً ..
|
Post: #22
Title: Re: مجموعة ساورا الغنائيه الموسيقية فهل من مرحب
Author: رشا سالم
Date: 09-23-2006, 01:11 PM
Parent: #20
المكان : مدينة ود مدني الرائعة...مسرح الجزيرة..حفل
تحييه فرقة ساورا الغنائية..
الزمان : منتصف التسعينات او بعدها بقليل..
الأحساس : فيض من براءة البرالمة وفرحة الاندياح في عوالم
واسعة وجديدة...
الاصدقاء : عبدو شبو ,هبة.ماضي,تجو,سلوي,مجدي,عبير
واكبر حضور كان للفرح الجميل وبعض دموع من قلوب صافية
وحزن نبيل وكلمات تنساب من حناجر الرسل مباشرة الي
عمق الروح..
حباب الجمال.
|
Post: #21
Title: Re: مجموعة ساورا الغنائيه الموسيقية فهل من مرحب
Author: Elmosley
Date: 09-23-2006, 12:54 PM
Parent: #1
انتم علي الرحب والسعة يامبدعين
|
Post: #23
Title: Re: مجموعة ساورا الغنائيه الموسيقية فهل من مرحب
Author: أيمن عادل أمين
Date: 09-23-2006, 01:39 PM
Parent: #1
يامرحب بالأعزاء / محمد النذير / أشرف / لمياء / ربيع / السر / هشام ....
وبقية المجموعه
تحياتى
أيمن
|
Post: #24
Title: Re: مجموعة ساورا الغنائيه الموسيقية فهل من مرحب
Author: الرفاعي عبدالعاطي حجر
Date: 09-23-2006, 01:54 PM
Parent: #1
Quote: ربيع عبدالماجد
الهادي جمعة
طارق ابوعبيدة |
مرحب بساورا ومليون مرحب بالمبدع الاصيل والفنان المطبوع ربيع ابو ساورا تحياتي لك والأسرة , ومرحب ببقية العقد النضيد.
|
Post: #25
Title: Re: مجموعة ساورا الغنائيه الموسيقية فهل من مرحب
Author: ابوبكر عبد الرازق
Date: 09-23-2006, 02:45 PM
Parent: #1
مرحب ساورا
انا معجب جدا بالمجموعه ومتابع لاعمالها لاشك انتم اضافه حقيقيه للاغنيه
والغناء الجماعى ,المجموعه محتاجه لانها تختار اعمالها باكثر من مزاج واحد
,وبالمناسبه اغنية دارام بادر بتتغى بى طريقه تانيه فيها نفس الغناء بتاع باديه كردفان اوضح اتمنى تفتشوها.
ولكم كل الإعجاب رغم وجعى العنيد .....
ابوبكر
|
Post: #26
Title: Re: مجموعة ساورا الغنائيه الموسيقية فهل من مرحب
Author: yumna guta
Date: 09-23-2006, 03:33 PM
سلام و ترحيب حار جدا لساورا
تحية جانبية للاخ الهادى جمعة
|
Post: #27
Title: شكرا لكل المتداخلين
Author: ساورا
Date: 09-24-2006, 00:30 AM
Parent: #1
شكرا لكل الساده المتداخلين على الترحيب المتدفق كالشلال
ساورا
|
Post: #28
Title: Re: شكرا لكل المتداخلين
Author: osama elkhawad
Date: 09-24-2006, 00:33 AM
Parent: #27
مرحبا بساورا
هل يمكن ان تقدموا لنا اعضاء الفرقة ،و آلاتهم التي يعزفونها.
و مختصر عن اهم الاعمال الموسيقية،
وتاريخ نشوء الفرقة .
مرحبا بكم ،
و حبابكم عشرة.
المشاء
|
Post: #29
Title: Re: مجموعة ساورا الغنائيه الموسيقية فهل من مرحب
Author: الق هاشم
Date: 09-24-2006, 00:55 AM
Parent: #1
وجودكم امل ودنيا جميله نحلق فيها لنغسل الرتابه ونصنع ابتسامه علي شفاة الحياري اسكر بصوتكم واذوب بالحانكم مرحبا بكم ييننا لحنا وحرفا وشجن.....بكم نكون كما نود ....
احييكم جميعا يا ساورا وما تطولوا وكنت ابحث عنكم لابثكم اشعاري لنغني سويا اغنيات لخلاص هذا لوطن ..
احبكم جدا جدا..........
اسال عنكم كل حرف من بوادر زخم الغربه ودوما انتم في البال وسؤالي الشديد عنكم فردافردا...خاصه معتصم محمد احمد اخر الاخبار انه بفرنسا....
كونوا هنا وانتم دوما في البال ....
احبكم وكفي
|
Post: #30
Title: Re: مجموعة ساورا الغنائيه الموسيقية فهل من مرحب
Author: سفيان بشير نابرى
Date: 09-24-2006, 01:07 AM
Parent: #1
الف ال ف مر حب بالفرقة الجميلة
الف مرحب بروح الغناء الف مرحب بالاصدقاء
الهادي جمعة/ ربيع عبد الماجد/ هشام كمال
السر/ جعفر/ لمياء / محمد النزير/ أشرف
سفيان عبد الرحمن .
مرحب بساو را التي انتظرها في كل مساء
من مساءات وطني مر حباً بهم مغنيين يعرفون
أن الفن قضية وأن الغناء مشروع.
الف مرحب.
|
Post: #34
Title: Re: مجموعة ساورا الغنائيه الموسيقية فهل من مرحب
Author: Inaam Saad
Date: 09-24-2006, 02:33 AM
Parent: #30
حبابكم الف
ساورا
من تؤمن بان
| Quote: الفن قضية وأن الغناء مشروع |
وكم
"راهنت عليك بتحدي"
لكم التحية و عبر اغنياتكم الثرة التحية لمبدعي وطننا
"مشتاق انساها مواعيدك
مشتاق للدقوا نحاساتك
للشهداء الغنوا اناشيدك
الضخوا الدم جوة وريدك
يا بنية معطشة حلق النيل
من وين لا وين السكة اسف
اديني زمن وردة و منديل
اديني مفاتيح الانهار
اسقيني وطن عسلك ونخيل
وشليل يا حليوة شليل ما راح
شليل ما راح الرايح الليل" خالد عبدالله
عثمان بشرى: "يا توما من وجعي العنيد قد ازهرت شجرة حديد"
جمال حسن سعيد يشكو ان: "الشارع الخالي وضجة
والباب الجاب الريح ماانسد
عاش الفن وطني اصيل ومتميز
وعشتم
انعام علي عبدالله
|
Post: #31
Title: Re: مجموعة ساورا الغنائيه الموسيقية فهل من مرحب
Author: محمد أبوالعزائم أبوالريش
Date: 09-24-2006, 01:36 AM
Parent: #1
مرحب ونورتونا
|
Post: #32
Title: Re: مجموعة ساورا الغنائيه الموسيقية فهل من مرحب
Author: خالد العبيد
Date: 09-24-2006, 01:36 AM
Parent: #1
اهلين بي الناس الغنايين
مرحب بيكم
وحقيقة ذي ما قال محمد مدني جميل ان تدخلوا بي باسوورد واحد
تحياتي ليكم واحد واحده
|
Post: #33
Title: Re: مجموعة ساورا الغنائيه الموسيقية فهل من مرحب
Author: ريهان الريح الشاذلي
Date: 09-24-2006, 02:22 AM
Parent: #32
مرحب بيكم ومرحب بكل الجمال الذي تنثورونه
|
Post: #35
Title: Re: مجموعة ساورا الغنائيه الموسيقية فهل من مرحب
Author: Abubakr Osman
Date: 09-24-2006, 02:40 AM
Parent: #1
مرحب بالفن الجميل
تحية للهادى وربيع وبقية النواضر
وللمؤسسين طارق ابو عبيدة وابراهيم الماحى
|
Post: #36
Title: Re: مجموعة ساورا الغنائيه الموسيقية فهل من مرحب
Author: عبدالغني كرم الله بشير
Date: 09-24-2006, 02:47 AM
Parent: #35
ساورا....
الجميلة، المغذية، كم فتحتم نوافذ على ثراء بلادي...
كم، وكم...
كم اخرجتم الصوت المعتق، ونفختم الروح في الحكايات القديمة...
كم، وكم...
إنها ثنائية (الأصالة والتراث)...
لقاح الامس والغد، في حفل (المعاصر)...
هل (من مرحب)!!! وهل غبتم الذاكرة (وهل يغيب المبدع الحقيقي عن الذاكرة)...
بل رحبوا بنا (فانتم أهل الدار، والطرب الأصيل، والخلاق، والمغامر)...
يامرحبا، يامرحبا...
|
Post: #37
Title: Re: مجموعة ساورا الغنائيه الموسيقية فهل من مرحب
Author: نادر
Date: 09-24-2006, 02:58 AM
Parent: #1
من أجل صباح
نشقى أيام وليالي
نحمل أحزان الأجيال
نكوكب هذا الليل جراح
من أجل رغيف
نحمل صخرتنا
في أشوك خريف
نعرى نحفى ونجوع
ننسى أنا ما عشنا فصل ربيع
ننسى أنّا خطوات
ليس لهن رجوع
مرحب بساورا في س.أونلاين
|
Post: #38
Title: Re: مجموعة ساورا الغنائيه الموسيقية فهل من مرحب
Author: ساورا
Date: 09-26-2006, 01:28 AM
Parent: #37
شكرا عظيما للكل ساورا
|
Post: #39
Title: Re: مجموعة ساورا الغنائيه الموسيقية فهل من مرحب
Author: راشد يحى مدلل
Date: 09-26-2006, 04:31 AM
Parent: #1
مرحباً
ابقو داخلين
ففى القلب متسعاً وهيطاً لكم
|
Post: #40
Title: Re: مجموعة ساورا الغنائيه الموسيقية فهل من مرحب
Author: Abd-Elrhman sorkati
Date: 09-26-2006, 04:41 AM
Parent: #1
مرحبا بالحلوين
هنيئا لنا بكم
وفكرة الباسويرد الواحد دي حلوة وليها مغزي
|
Post: #41
Title: Re: مجموعة ساورا الغنائيه الموسيقية فهل من مرحب
Author: gessan
Date: 09-26-2006, 05:17 AM
Parent: #1
(البوست دا حقو يكون بالبنفسج والاسود)..
------------
ساورا ..
كيفك ..وكيف احوالك..
وعاملة شنو؟؟
وين إنتي ؟؟
وبرنامجك شنو؟؟
والجديد شنو؟؟
قبل فترة شوفتك في التلفزيون "السودان" "سهرة محمود درويش تحديداً"..
واليوم داك كنتي ناقصة "الصوت النسائي":
"حُبنا أن يوضع الكف على الكفِ..
ونمشي ..
فإذا جعنا تقاسمنا الرغيف.."..
"وطني ما أجملك"..
ويومها تذكرت الصديقة "ياسمين" ..
التي أيضاً خطفتها الغربة البعيدة ..
كما آخرين قبلها ..ومن أعضائك المبدعين..
اها بعد ياسمين جيبتي منو؟؟
المهم ..
مرحبيكي كتير ساورا ..
وتعالي ورينا الحاصل عليكي شنو؟؟
وفي "نوتك الموسيقية" في شنو؟؟
خالص تحياتي لكي فرداً فرداً فردا..حتى جمهورك ذاتو ..
-------------
"يا تومة من وجعي العنيد ..
هل أزهرت شجرة حديد ؟؟"..
|
Post: #42
Title: Re: مجموعة ساورا الغنائيه الموسيقية فهل من مرحب
Author: elsawi
Date: 09-26-2006, 10:03 AM
Parent: #41
مرحبا بأعضاء فرقة ساورا الغائية .. وترحيب خاص بالأخ والصديق الهادي جمعة .. ولينطلق عبق النشيد ..
|
Post: #43
Title: Re: مجموعة ساورا الغنائيه الموسيقية فهل من مرحب
Author: Sayed Bekab
Date: 09-26-2006, 10:50 AM
Parent: #1
ساورا الأبداااااااااااع
شرفتوا و نورتوا و رمضان كريم التحية لكم جميعا و ياحليل زمان وايام زمان وين ناس اشرف دهب و هشام كمال التحية لكل مبدعي بلادي
|
Post: #44
Title: Re: مجموعة ساورا الغنائيه الموسيقية فهل من مرحب
Author: خدر
Date: 09-26-2006, 11:01 AM
Parent: #43
تعظيم سلام ساورا
|
Post: #45
Title: Re: مجموعة ساورا الغنائيه الموسيقية فهل من مرحب
Author: fohamer
Date: 09-26-2006, 11:52 AM
Parent: #44
الف مرحب ساورا
ورونا ماالجديد في ساورا
سالي
|
Post: #46
Title: Re: مجموعة ساورا الغنائيه الموسيقية فهل من مرحب
Author: Safa Fagiri
Date: 09-26-2006, 12:41 PM
Parent: #45
"غنينا أغاني
السمرات
ورسمنا عيونك
في الغيمة.."
يا سلام...
يا ألف مرحب
بساورا
وفي أنتظار
عقود الغيم...
|
Post: #47
Title: Re: مجموعة ساورا الغنائيه الموسيقية فهل من مرحب
Author: awadalla agabna
Date: 09-26-2006, 02:30 PM
Parent: #1
مليون مرحب بأصالة الفن السوداني
مليون مرحب بمن يحيي التراث السوداني
مليون مرحب ساورا
و عبركم التحية لكل مبدعي بلادي
دمتم ( هنا ) و ( هناك )
و كم نحن في شوق لكم لتبدعوا عبر هذا المنتدى
الشكر للإدارة
( جيتونا شرفتونا و ديارنا ياهو دياركم مرحب حبابكم عشرة )
|
Post: #48
Title: Re: مجموعة ساورا الغنائيه الموسيقية فهل من مرحب
Author: الق هاشم
Date: 09-26-2006, 11:51 PM
Parent: #1
يا سلالالالالالالالالالالالالالالام ياخي.....
يا صاوي علي كل هذا الجمال .....
ويا ريت اي زول جميل حافظ قصائد اغنياتهم يجي بهنا...
والله شلتوا يا عسلين تعب الغربه كلها بصوتكم العذب دا ياخي ...
يا ساورا يا عسلين حد العسل زاتوا...
انا بحبكم جدا....
وعصفور بيناتنا
وعصفورة
واحساسك علبه الوان
وسحرتنا المطرة المسحورة..
وغنينا اغاني الدوران..
ويا منسيه معاي
في الشارع
ويا متكيه علي
ابوابي المهجورة..
العارف باقي القصيدة يجيبا لي ...
ويا استاذ الصاوي
لو عندك هذة الاغنيه الجميله
لو تكرمت بانزالها ..
اكون شاكرة حتي اللامدي...
|
Post: #49
Title: Re: مجموعة ساورا الغنائيه الموسيقية فهل من مرحب
Author: gessan
Date: 09-28-2006, 04:44 AM
Parent: #1
ساورا ..سلام..
تم طرح عدد من الاسئلة في البوست دا ..
لو تمت الإجابة عليها ..حتخلونا معاكم في الصورة ..
وحنقدر نعرف الكثير عن ساورا ..
------------------
فى الجلسة العاشرة والاخيرة
من محكمة طفلة العصافير الموسمية
قال العاشق:
وكنت قد مِتُ واقفاً
قبلها افكر ألا أموت
إذ فاجأتنى طفلة العصافير الموسمية
قبّلتنى وانتشرت
صادرت كل البنات من حلمى
عبأت ذاكرتى فى أساورها..وانصرفت
قالت الارض الميتة وهى تلفظ أنفاسها :
طفلة العصافير شريرة.. مراهقة
شهدت ضدى فى محكمة الجدب السرية
باعت نباتى الطيب لعشاقها سراً
رهنت خصوبتى مقابل البيوت المستطيلة
ماتت الارض الطيبة وهى تشهد ان طفلة العصافير
شريرة..مراهقة..وجميلة
قال الليل:
هى صُغرى أقمارى
هى نبض الضو المسافر
بين الارض وبين الله
هى كبرى اسرارى
امتزاج الدم ..إلتقاء ساكنين
تغسل الطرقات من الحزن
تتوضأ بالحزن
تقرأ للنيل تاريخ الزنج مع الغزاة
نحن نعود لأول ارضٍ صادفنا فيها سرب الورد
وهى تعود لأول طين شهد انبثاق الورد
-(أتمنى أن اكون قد كتبتها صحيحاً..)-
غنتها ساورا ..وهي من كلمات الدرامي والمخرج مجدي النور ..
له ولساورا آلاف التحايا..
|
Post: #50
Title: Re: مجموعة ساورا الغنائيه الموسيقية فهل من مرحب
Author: عبير خيرى
Date: 09-28-2006, 05:09 AM
Parent: #1
.
أهلاً أهلاً ساورا
أدخلي لي جوة وهاك ..
Quote: ساورا .. أفيقي من ثباتك
توسمنا خيراً فيما جاءت به قبل ستة عشر عاماً وأنها ستكون ملكة المفردة واللحن المقدس وزادت الآمال بأنها ستكون أداة من أدوات الإرتقاء بالفن السوداني إلى العالمية ، على يقين بأن قدراتها الفنّية كبيرة وطاقاتها لا تحدد بزمان أو مكان ، ساورا الغنائية .
جئتها في الأسبوع الفائت بلهفة المشتاق المعانق في برنامج بمركز ثقافي تقدمها أحد المسئولين في كلمة قصيرة إمتدت للخمسة وأربعين دقيقة أشعر الناس فيها بأنه سيكون ختام البرنامج وإختلت قليلاً موازين الإحساس حتى جاء مقدم البرنامج بأن قدم ساورا فعدت إلى إحساسي المشتاق قليلاً وما أن إستعدته كاملاً ببدء عملها الأول حتى كان الإحباط الكلّي بأن هذا الأول كان الأخير أيضاً .
خرجت من هناك واسترجعت ذكريات ساورا الأولى الطفلة الشقية عمرها الآن ستة عشر عاماً إلا قليلا ، هي الآن رغم سنها عجوز أنهكتها خطوط الحياة وأخفت معالم شبابها وإزداد الوجع عندي .
أعتب عليهم –القائمين على أمرها- نومهم العميق رغم علمي بمعاناتهم ولكن عزاءكم في هذه المعاناة أنكم لستم وحدكم من يعانون كل الفنانون من مختلف المجالات الفنية يعانون وهذا حال السودان الذي لا يرعى الفنون ورغم ذلك هناك الكثيرون من نجحوا بعد معاناة سنين في أن يوصلوا أهدافهم وفكرتهم للجمهور بمختلف مستوياته الفكرية ، ساورا يا من تعملون بها ليست أقل ممن نجحوا وهي الأكبر سناً.
أحسب أن هناك سوء إدارة إدارية وهي لا تعتمد على فرد أو إثنين بل تعتمد على كل أفراد المجموعة وأحملهم مسئولية تأخر ساورا في الوصول إلى أهدافها والوصول بنا إلى نشوة الرقي السمعي .
العوائق المادية لم ولن تكن سبباً في نجاح فن ما ، هناك كثيراً من الأسباب الأخرى والتي تهملها ساورا كلياً وأهمها مواصلة ساورا مع جمهورها مهما كان حجمه ، أين ساورا من جمهورها في مدني – مثلا- وأين هي من جمهورها هنا ، وأين ساورا من جمهورها بالخارج .
هناك مجالات كثيرة يمكن لساورا أن تنثر فنها الراقي فيها ليصل لأكبر عدد من مستمعيها ولفت نظر غيرهم لها ، كثير من مواقع الإنترنت تتشرف بأن يكون على قائمتها الغنائية أغنيات ساورا وهذا مجال يستوجب وقفة طويلة وتجربة الفنان هشام كمال في هذا المجال خير دليل .
رسالة خاصة جداً : أفيقي من ثباتك يا ساورا فنحن في أمس الحاجة لاستنشاق فن نظيف بعد أن تلوث جو الفن السوداني .
|
وجاية يا هشام
|
Post: #51
Title: Re: مجموعة ساورا الغنائيه الموسيقية فهل من مرحب
Author: هشام كمال
Date: 09-28-2006, 06:31 AM
Parent: #50
العزيزه عبير
اتفق معاك فى جزئيات كتيرة
لكن لاحظت فى أسئلة كانت من باب اولى ان تسأل لجهات غير ساورا وصدقينى اختيار الطرق الساهلة اسهل من الاختيار نفسه .عموما لى عوده ليك
خالص الود و التقدير
هشام
|
Post: #52
Title: Re: مجموعة ساورا الغنائيه الموسيقية فهل من مرحب
Author: HAMZA SULIMAN
Date: 09-28-2006, 04:52 PM
Parent: #51
وعصفور بيناتنا
وعصفورة
واحساسك علبه الوان
وسحرتنا المطرة المسحورة..
وغنينا اغاني الدوران..
ويا منسيه معاي
في الشارع
ويا متكيه علي
ابوابي المهجورة..
اجمل ما سمعت من اغنيات فى الفترة الاخيرة
لكم الشكر والتقدير يا شباب على هذا المجهود الكبير
فى انجاز مثل هذه الاغنيات
لكم منى التحية الخاصة
|
Post: #59
Title: Re: عبير خيرى سلام
Author: ساورا
Date: 10-01-2006, 03:09 AM
Parent: #50
شكرا لك استاذه عبير, وشكرا للاهتمام والمتابعة او حتي للتذكر. شكرا لك في زمن تواري فيه من كانوا حادبين وداعمين لكل التجارب الجديدة والجريئة والذين يستنكفون الان من مجرد تلبية دعوة لجلسة استماع ,او دعوة تصلهم في مكانهم مع الشكر مقدما. هؤلا تريهم الان متحلقين ومهللين ومصفقين لملوك الساحة.
ونعتذر عن ما اصابك من احباط يوم المركز الثقافي الليبي فمنذ زمان بعيد جففت المنابر واحتلت ما تبقي منها. وهذه واحدة من اسباب معاناة ساورا, ومن يعاني يا عبير لا ينام عميقا حسب وصفك او خزازا لكن ان تبادر في بداية التسعينات فتقترح موسيقي وغناء مختلفين (وكمان) بشكل جماعي فهذا في حد ذاته يثير الاستغراب ثم يستحق اجرا دعك من الاصابة او عدمها !!!
كيف تتواصل مع جمهورك في مدني او بورتسودان او الابيض ............. الخ وحتي الخرطوم , وانت معاق ماديا العوائق المادية هي ايضا احد الاسباب الرئيسية في كثير من اشكالات ساورا . اما الادارة فهي احدي الحفر التي لم نستطع الخروج منها حتي الان.
نقدك وملاحظاتك تجد منا كل التقدير والاهتمام وسنسعي لان نكون عند حسن ظن المستمعين والمتابعين والجمهور . ومرة اخري شكرا لك .
مجموعة ساورا الغنائية الموسيقية
|
Post: #53
Title: Re: مجموعة ساورا الغنائيه الموسيقية فهل من مرحب
Author: altahir_2
Date: 09-29-2006, 09:27 AM
Parent: #1
اهلا ومرحبا باحد اهم الفرق السودانية الجادة
التحية لساورا التى اصبحت صرحا كبيرا فى سماءناالفنى
تخريمة
(سلام لصديقى ربيع عبد الماجد ويا لها من ايام
عرس صديقنا صالح محمد صالح وايام الدويم)
ضياء الدين ميرغنى
|
Post: #54
Title: Re: مجموعة ساورا الغنائيه الموسيقية فهل من مرحب
Author: جمال السنوسي
Date: 09-29-2006, 01:47 PM
Parent: #1
مرحبا بالابداع حينما ينثر الروعة عبر فضاءات الكون
تحية لكل مبدعى ساورا
وتحية خاصة للعزيز المبدع ربيع عبدالماجد
...
..
.
جمال السنوسي
|
Post: #55
Title: Re: مجموعة ساورا الغنائيه الموسيقية فهل من مرحب
Author: محمد حسين آدم
Date: 09-29-2006, 02:40 PM
Parent: #54
Quote: مرحبا بالابداع حينما ينثر الروعة عبر فضاءات الكون
تحية لكل مبدعى ساورا |
|
Post: #56
Title: Re: مجموعة ساورا الغنائيه الموسيقية فهل من مرحب
Author: عمار بيلي
Date: 09-29-2006, 03:11 PM
Parent: #55
اهلا ساورا ..
اهلا بحق من اجل صباح ..
اسمر اللونا ..
ورده ومنديل ..
اتٍ إليك ..
يوما ما ..
واخريات كن اكثر تألقاً ..
ابقوا داخلين ..
|
Post: #57
Title: Re: مجموعة ساورا الغنائيه الموسيقية فهل من مرحب
Author: Dr.Elsadig Abdalla
Date: 09-29-2006, 04:41 PM
Parent: #56
Wlecome...greetings to Rabee Abdalmagid...we spent three years in Saad sweet secondary school in Alsahafa ..welcome again..
|
Post: #58
Title: Re: مجموعة ساورا الغنائيه الموسيقية فهل من مرحب
Author: مجاهد عبد الرحمن
Date: 09-30-2006, 03:52 AM
Parent: #57
مرحبتين ساورا وبكل الجمال
|
Post: #60
Title: Re: مجموعة ساورا الغنائيه الموسيقية فهل من مرحب
Author: انعام عبد الحفيظ
Date: 10-01-2006, 03:47 AM
Parent: #1
اهلا بساورا
|
Post: #61
Title: Re: مجموعة ساورا الغنائيه الموسيقية فهل من مرحب
Author: ساورا
Date: 10-03-2006, 03:01 AM
Parent: #60
شكرا لكل الساده المتداخلين و المرحبين على الحفاوة
ساورا
|
|