Post: #1
Title: ( البعرس / البتعرس ) .. ( خــم ) ..البوستات .. ( أساسي ) مثــــال
Author: tmbis
Date: 09-22-2006, 08:11 AM
البــــــــورد .. ده ما فيهو
بتاعين ...
( علـــــــــــم نفس ؟؟)...
ودراسة حــــــالات
|
Post: #2
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: tmbis
Date: 09-22-2006, 08:39 AM
Parent: #1
( خــم ) ..البوستات:
ساعــــــــأت قليلة .. ويهل علينــا شهر رمضان الكريم .. بجانب الامساك عن الطعام والشراب والمفطرات بأنواعهــا ، نتجنب بقدرالأمكان .. مزالق ما يعصف بالنفس من الهوى .. لغو الحديث التجريح .. وبالمقابل .. نقلع عن الكثير من العادات السيئة الأخرى التي ربما كنــا نمارسها في الأيام العادية ..
بجانب الدروس والعبر والامتثال للمولى عز وجل .. مانجنيه من حكمة مشروعية الصيام في الأحساس بالآخر ، لما نمر به من جــوع ، وعطش ولو كانت خلال ساعات يسيره خلال اليوم سرعان ما نشبع تلك الشهوة .. بمــا لذ وطاب مما تجود به الموائد من الأطباق الشهية والمشروبات المتنوعة.. بينما يفتقد بعضهم لجرعة ماء يروي بها الظمآ..
بصراحــة:
الفترة الماضية .. حاولت كثيراً الإبتعاد من جو البورد .. وما اصبح يصيبني منه ، بالمقابل لي الكثيرمن البوستات ، والمداخلات ـ لم أوفيها حقهــا من مداخلات ربما لدخولي مرحلة عملية جديدة متزامنة مع بعض المشغوليات الحياتيةـ تعرفت على البعض وبالمقابل لم استطع التواصل معهم بينما تواصلت مع آخرين .. اقنعني البعض بوجهات نظرهم فيما يطرح حتى ولو لم اتداخل معهم .. بينما ظل البعض الاخر في مكانه إذا لم يتقهقر في طرحه..
لم تحسم الكثير من القضايا الحيوية من وجهة نظري الخاصة جدا وبالمقابل ظهرت إفرازات مردها الوضع الراهن بالسودان وسوء الحــال ..
على كل ..
أرسل اعتذاراتي لكل من لم استطع أن اوفيه حقــه في الردود .. وادين بكل الشكر لكل من مر على دياري .. وتداخل معي مختلفاً .. أو متفق .. وهذا ليس بمثابة ( خــم ) لكل البوستات بقدرما هو ( اشارة ) واضحة لعدم تمكني من الرجوع لهذه البوستات .. واتمنى ان يجد لي البعض العذر..
V
..
|
Post: #8
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: Frankly
Date: 09-22-2006, 04:21 PM
Parent: #2
العزيز علاء الدين
رمضان مبارك كريم
وتصوم وتفطر على خير
| Quote: أرسل اعتذاراتي لكل من لم استطع أن اوفيه حقــه في الردود .. وادين بكل الشكر لكل من مر على دياري .. وتداخل معي مختلفاً .. أو متفق .. وهذا ليس بمثابة ( خــم ) لكل البوستات بقدرما هو ( اشارة ) واضحة لعدم تمكني من الرجوع لهذه البوستات .. واتمنى ان يجد لي البعض العذر.. |
وأنا كمان
تحياتي كمال
|
Post: #12
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: tmbis
Date: 09-25-2006, 07:15 AM
Parent: #8
العزيز جدا كمــال
رمضان كريم وتصوم وتفطر على خير يا حــاج ..
...
|
Post: #3
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: معتصم الطاهر
Date: 09-22-2006, 08:51 AM
Parent: #1
تمبس
رمضان كريم
سلام
ةتحيات
يا أخى أنا أختلف معك حد الحب
وأحبك حد الاختلاف
اذن اتفق معك ..
وقد توقفت عن المداخلات مع البعض نهائيا
حتى أصوم عن اللغو بقية عمرى ..
ولو فلتت كلمة يكون هو الشيطان
لكننا مرات نحتاج لحمل سيف الكلمة لصالح الحق
وتحية تانى
للحولك
وأساسي كتاباته الأدبية ممتعة
وكذلك عبد الله عقيد ( مثلا)
و أبو ساندر ومحسن خالد ( مثلا آخر)
وأختلف معهم ولكنهما أصحاب رأي
وهذا لا يمنع الاختلاف معهم
وأن تحب ما يكتب .. لأنهم بصراحة .. ( كتاب)
أعذرنى للكتابة عن الحلوين فقط ..
|
Post: #14
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: tmbis
Date: 09-25-2006, 07:37 AM
Parent: #3
باشمهندس معتصم الطاهر ..
Quote: وقد توقفت عن المداخلات مع البعض نهائيا
حتى أصوم عن اللغو بقية عمرى .. |
..لكن يا باشمهندس لو كلامك ده صحيح .. كيف ح تقدر تختلف معاي حد الحب .. ؟؟ وما تجيني توضح لي وجهة نظرك ؟؟
كده الحب بكون من طرف واحد
تعرف فكرت كتير اني اوقف مداخلات مع البعض نهائيا .. لكن لقيت المقابل ليها التوقف .. ( التجاهـــل ) برضو ما بيدي مساحة كويسه أنو الواحد يصل لي منطقة حب .. أمنة .. وبالمقابل الاختلاف المبني على اسس واضحة تراعي الحقوق .. مقبول بيهو .. أما الاختلافات التانية ( الهبطرش ) برضو مقدور عليها ..
Quote: وأساسي كتاباته الأدبية ممتعة
وكذلك عبد الله عقيد ( مثلا)
و أبو ساندر ومحسن خالد ( مثلا آخر)
وأختلف معهم ولكنهما أصحاب رأي
وهذا لا يمنع الاختلاف معهم
وأن تحب ما يكتب .. لأنهم بصراحة .. ( كتاب) |
( احبـــك ) في كل من كتبت عنهم .. ولكل نكهته الخاصة جدا وطعمه .. المميز ، واختفاء البعض منهم يولد الاحساس .. بالهزيمة التي نخافها.. حتى بالرغم من اختلافي اناايضا مع بعضهم ..
رمضان كريم يا هندسة ..
وتصوموا وتفطروا على الف خير
وتحياتي للجمبك مني ومن الحواليني ..
|
Post: #4
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: esam gabralla
Date: 09-22-2006, 08:53 AM
Parent: #1
يا اخونا
حتخم البوستات بس و لا حاجات تانية برضو؟
قالو فى واحد بيبدا يخم الرماد ... بيقيف من الخم رابعة العيد
ما تخمنا, عملت لى شنو فى البتاع؟
|
Post: #5
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: Tumadir
Date: 09-22-2006, 09:02 AM
Parent: #4
| Quote: أرسل اعتذاراتي لكل من لم استطع أن اوفيه حقــه في الردود |
انا اسمى مكتوب؟؟
ياأخى لا عليك ..
لكن من باب المعرفة والصداقة يجب ان اوضح لك انك اليومين ديل متحامل على غير ما استحق
ويبدو ان تجمع بينى وبين من اتفق معهم على بعض الرؤى ويختلفون معك اختلافا كبيرا ..بطريقة غير عادلة لى لا تضع وزنا -على اثرها -
لما بيننا من صداقة ولا تقيم مقدارا
(للناس البيننا) انا وانت والذين نعزهم كثيرا ...وما توانيت من تجريحى والجفاء ..ولم ابادلك الجفاء بمثله ابدا ...راجع كل البورد و"بأرشيفو"
واسأل نفسك بينك وبينا
بديك فرصة لغاية رمضان ما يعبر ..وبعد داك بحددها معاك
الله يهدى السر.
|
Post: #6
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: خدر
Date: 09-22-2006, 04:12 PM
Parent: #5
Quote: قالو فى واحد بيبدا يخم الرماد ... بيقيف من الخم رابعة العيد
|
عصام
عرفتو ليكـ
سافر السودان اول الاسبوع صاح ؟ 
تامبا
وانا بقراء في بوستكـ ده الحيره ضربتني
شكلك امام جامع كده
بعدين ماتخمنا ساي
وين اساسي في الموضوع ده اسه ؟
رمضان كريم يا حلو
|
Post: #7
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: عصام أحمد
Date: 09-22-2006, 04:16 PM
Parent: #6
تمبس رمضان كريم وتصوم وتفطر علي خير..
تقبل تحياتي
عصام
|
Post: #18
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: tmbis
Date: 09-25-2006, 08:37 AM
Parent: #5
تماضـــر..
انا حاسس اني عايز ارد ليك رد طويل .. وفي نفس الوكت خايف افقد ( سوائل ) لانو شكلي ح اتعكلت معاك شديد جدا ..
قولي واحد ..
Quote: لكن من باب المعرفة والصداقة يجب ان اوضح لك انك اليومين ديل متحامل على غير مااستحق
ويبدو ان تجمع بينى وبين من اتفق معهم على بعض الرؤى ويختلفون معك اختلافا كبيرا ..بطريقة غير عادلة لى لا تضع وزنا -على اثرها -
لما بيننا من صداقة ولا تقيم مقدارا
|
انا ما ( متحامل ) عليك .. لكن ( مستهدفك ) .. طالما تفكيرك اصبح مشوش بالطريقة دي .. واسلوب ( الوخذ ) الوصفتيهو لي المرة الفاتت ما نفع لما سبق وجربتو معاك من اول ..
طيب
احسن يا تماضر أنو الواحد لما يكون في فهم خاطي جايط ليه وفي راسو يوصلو لي المكان المفترض يصل ليهو والا يعفص عليهو ويقول مرر ..ما خلاص الزول ده بقى عامل كده ..
بعدين ما عارف مسالة متحامل عليك دي لفحتيهامن وين ؟؟
لانو ما يتخيل لي انو زي ما قلتي اتصرفتي معاي تصرف بيخليني اتحامل عليك وبالمناسبة يا تماضر نفس الكلام الكتبتيهو في البوست الخلاك تعتقدي اني متحامل عليك .. وفرضتي فيهو انك ( شان ... ليك مثلا علاقة بي ناس اختلف معاهم انا اما قادر افرق او ما قادر اتعامل مع المسالة دي ).. ده اعتقاد خاطئ جدا .. ما من الشروط الاساسية لي اتفاقي مع اي حد انو لازم يتلاقى معاي في وجهة النظر .. نفس نماذجك دي يا تماضر في شخصيات كتيرة جدا .. بينطبق عليها ما ينطبق عليك .. والحاجات ماشة معاهم وما فكرت لحظة اني ح اختلف معاهم ولا ح يختلفو معاي طالما انو كل واحد فينا بيعاين لي الفي يد التاني بشكل كويس .. لكن بتنتهي الصلاحية دي .. لما أنت او هو أو أنا مواقفنا تكون ( هـــلامية ) .. وأقوله ليك بي وضوح اكتر .. لما الشخص ( يكون تاثيري ) ..
انا ما مشيت ( محمبك ) من البوست بتاعك .. وهو السبب الخلاك تكتبي لي الكلام ده .. بالعكس ان افضلت اني ابعد لاني ما راح اللقي الشئ العايزو .. لانو لما البوست اتفتح كنت بفتكر انو الكلام فيهو ح يكون بي شكل مفتـــوح جدا .. وعلى درجة عالية من الجراءة والمسؤولية في نفس الوكت .. ونبتدي تأسيس مشروع ( الاعور اعور في عينك ) لكن ممكن نجيب ليك ( عدسات لاصقة )..نحن بنناقش في قضية أو قضايا دخلت اللحم الحي من فترة واصبح الفرز فيها أو في التعامل حسب اللون .. والجنس .. يا أنت في .. يا أنا في حل وسط مافي أو على الاقل كتار جدا اصبحو يروجوا للفهم ده وسطنا .. ومتحركين وسطنا بي كل حرية .. وكل الكلام البنقراو وبيدعو ليهو عدد كبير جدا من الناس الواعية هنا وعلى درجة عالية من المسؤولية .. بالمقابل ليه الازدواجية .. وعدم الوضوح طالما انو دي رؤية واضحه ومشروع ممكن نبتدي بيهو مشاريع تانية كويسة ..
لكن لقيت انو الانسحاب من هناك بي محض الارادة اسلوب جميل .. ولما تحاول تحافظ على حاجات ( ناس غاليين ) عليك ولو تضغط على قناعاتك لفترة وجيزة فكرة ممكن تمشي بشكل كويس بالرغم من احتمال التأويل الحاصل ده ..
Quote: لما بيننا من صداقة ولا تقيم مقدارا
(للناس البيننا) انا وانت والذين نعزهم كثيرا ...وما توانيت من تجريحى والجفاء ..ولم ابادلك الجفاء بمثله ابدا ...راجع كل البورد و"بأرشيفو" |
تعرفي يا تماضر .. انا وأنت والذين نعزهم كثيرا انا وأنت .. لو كان واحد فيهم قال لي انت جرحت تماضر بي كلمة والله كان ممكن اصدق .. وممكن اعتقد في نفسي اعتقاد تاني ..
مستحيل يا تماضر افكر اني اوجه ليك كلمة ( جارحــة ) لاني لي سبب واحد ما اتلقيت منك كلمة جارحة ومن غير ما افتش للارشيف .. لكن برضو ممكن تصل ليك كلمة جارحة لما احس انك جرحتينا .. وما اظن انك عملتي كده معاي برضو .. ربما ما اتعودتي علي شكل المداخلة الوجهتها ليك .. لانو لي قناعاتي برضو انو انت ما الشخصية المتعود عليها في انها كانت واضحة .. وبتعبر عن شخصها .. من غير ما حد يتبنى وجهة نظره أو تتبنى ليها وجهة نظر شخص آخر..
انا شكلي احتمال اجي ارد ليك تاني لاني عطشته
|
Post: #15
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: tmbis
Date: 09-25-2006, 07:49 AM
Parent: #4
| Quote: ما تخمنا, عملت لى شنو فى البتاع؟ |
عصـــام..
رمضان كريم .. غايتو الواحد بيطلع ( ذمتو ) وبيقول الكلام البتقال لي الناس العاديين زينا كده ..
الشهر ده .. اوعه ( الكلي ) تكون قامت عليك تاني زي السنة الفاتت
البتــاع
قاعد ومعاو ( بتاعات ) تانية طالعه جديدة .. بس القدم ليهو رافع
وبالمناسبة
..
.
وصيت ليك .. لي ( طوق ) ( صيني ) اصلي من ( مكـــة ) .. ومعاهو موية الزمزم الطلبتها المرة الفاتت ..
( الطوق ) ح ارسلو ليك والمفتاح ح يكون معاي .. يعني اقفل وانت متطمن .. وليك علي رمضان ينتهي كده ..
بنديك حريتك ونقول ليك حكمك شاقي اللين
|
Post: #9
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: Shams eldin Alsanosi
Date: 09-22-2006, 05:05 PM
Parent: #1
الاخ تمبس رمضان كريم
وتصوم وتفطر علي خير
شمس الدين السنوسي
|
Post: #10
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: محمد سنى دفع الله
Date: 09-23-2006, 12:36 PM
Parent: #9
تمبس
رمضان كريم
تصوم وتفطر على خير
لك كل المحبة والمودة الصافية
وربنا اديم صفانا
عزيزي الغالي انا بينكم بإذن الله تعالى
في أخر رمضان
ادعو الله ان نراكم تامين ولامين
يابورداب الرياض وجدة والسعودية[/purple]
|
Post: #11
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: عبد الله عقيد
Date: 09-23-2006, 01:17 PM
Parent: #1
رمضان كريم
يا أسطى تمبس
Quote: البــــــــورد .. ده ما فيهو
بتاعين ...
( علـــــــــــم نفس ؟؟)...
ودراسة حــــــالات |
عندك كتير من بتاعين علم النفس ودراسة الحالات..
بس ياخي حالتك دي ما محتاجة دراسة ولا حاجة
دي حالة طبيعية
الليلة بعد الفطور ابلع ليك حبة اسبرو قبل ما تشرب القهوة
بعدين ياخي القهوة التقيييييلة دي قلنا ليك ما بتصلح معاك
خلي القهوة خفيفة شوية.. واشرب الشاي السادة احسن من القهوة..
بس اوصيك بي حاجة
البورد دا عمل فيك فوايد.. أقلها اتعرفت بي ناس حلوين
وعمل فينا فايدة كبيرة كونو عرفنا بي ناس زيك..
هسي شوف الأسطوات البتكلمو معاك ديل..
انت يا ود ما عارف غلاوتك...؟!
عشان كِدا كل عام وأنت بخير
والاسطوات ديل بخير
والبورد بي خير
لك المودات
|
Post: #13
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: سارة حمزة
Date: 09-25-2006, 07:34 AM
Parent: #1
الاخ تمبس رمضان كريم
وتصوم وتفطر علي خير
|
Post: #17
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: تولوس
Date: 09-25-2006, 07:58 AM
Parent: #13
| Quote: أرسل اعتذاراتي لكل من لم استطع أن اوفيه حقــه في الردود |
اعتزاراتك مقبولة ... بل المفروض يعتزرو ليك لانك زوول حنين...
|
Post: #16
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: bushra suleiman
Date: 09-25-2006, 07:51 AM
Parent: #1
لماذا كل الحروف مختنقة داخل محبرتك..
اطلقها عصافيراً تغني للفرح..
ارسمها ورودا على مناديلك الملونة..
رشها عطرا..
ودعنا نتنفس جمالا..
...
نحنا بتاعين البتاع ياحلو..وكملت الصبر كلو..ياتمبس
اهو انا قمت عرّست ..ماممكن اكون مثلاً!!
|
Post: #19
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: مريم بنت الحسين
Date: 09-27-2006, 07:07 AM
Parent: #1
تمبس ازيك.. كل سنة وانت طيب.. انت مشاكلنا واحنا ما عارفين ولا شنو؟
تصدّق محمود نادر قاعد يتكيّف لأغنية أسرار "يا الديمة نافر".. دي الشي الوحيد الطلع بشبهني فيه... دحين، انت النزلتها ولا تنقو؟
|
Post: #20
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: Mohamed Abdelgaleel
Date: 09-27-2006, 10:00 AM
Parent: #19
تامبا .. كل رمضان وأنت عافية .. تكتب من أعلى إلى أعمق ..
والحب في الإرض بعض من تصورنا .. لو لم نجده عليها لأخترعناه
وحاجات كتيره غيرو .. تقدر تتصور المريخ بدون الهلال بكون
كيف .. أو حزب الأمة بدون الإتحادي .. أو شمال بدون جنوب
أو البوسنة بدون الهرسك .. أو عبيلة بدون شواله
يعني لو كان كلو موجب ما كان حصل أي تفاعل حيوي .. ولفقدنا
متعة الحياة ومتعة الفرح .. ولفقدنا أن نكبر كلما كبرت
أحزاننا يا تامبا .. فما أجمل الاختلاف والتنوع في البشر
والطبيعة والمهم كلام يا تامبا رمضان كريم.
|
Post: #21
Title: Re: ( البعرس / البتعرس ) .. ( خــم ) ..البوستات .. ( أساسي ) مثــــال
Author: بهاء بكري
Date: 09-27-2006, 12:55 PM
Parent: #1
العزيز تمبس ......... ده اسمو بوست من القلب للقلب
اعجبتني مداخلة الاخت تماضر وردك عليها , وبالمناسبة دي بقول ليك : لقد عرفني علي الاخ الصادق شيخ الدين شقيق تماضر صديقي واخي عمر منصور شقيقك , شفت الدنيا دي ضيقة كيف , تحياتي لك ولتماضر وكل عام والجميع بخير .
|
|