Post: #1
Title: البفكنه شنو!! (عطاء)
Author: حاتم الياس
Date: 09-21-2006, 11:03 AM
Parent: #0
كل من لديه خبره فى (الكسيح)و(الشتيت) من المنابر علبه أن يتقدم بها فى ظرف أسبوع من الأن ومعها كل الأرشادات النفسية والمعنوية
على أن لاتشمل
1/ الزواج الفورى
2/ أو أى أقتراح بعلاقات عاطفية ..غاية الفتر والله!!
3/ سياسية تنظيمية..أو عمل طوعى خارج أوقات الدوام..مفيش فايده
فى ظرف مغلق وعليه عشره دمغات معنون للأدارة الفنية لنظم الكتاحة وهندسة الغبار
العنوان...
(أى شارع مافيهو غلبة)
* لاتوجد رسوم
|
Post: #2
Title: Re: البفكنه شنو!! (عطاء)
Author: lana mahdi
Date: 09-21-2006, 11:27 AM
Parent: #1
لا فكاك من المنبر ياحاتم
حسة ال حيجيبو ليك العطاءات كل عطاءاتهم ما مقنعة لأنهم حيقدموها عبر البوست دة و ليس عبر الإيميل
طالما قدموها عبر البوست فمعناتا ما نجحت مساعيهم للفكاك من هنا
إتوكل على الله و صنقر في بطن البيت/المنبر.
|
Post: #3
Title: Re: البفكنه شنو!! (عطاء)
Author: حاتم الياس
Date: 09-21-2006, 11:32 AM
Parent: #2
تم قبول عطاء الشركة الوطنية لأعمال الأسافير لصاحبتها الأميرة لنا مهدى
لنا أعملى تعديلات فى الأسعار..بتوسط ليك المدير صاحبى ههههه
|
Post: #4
Title: Re: البفكنه شنو!! (عطاء)
Author: عبد الله عقيد
Date: 09-21-2006, 11:34 AM
Parent: #1
بالله عليك يا حاتم الياس
لو جاك عطاء كاااارِب سرِّبو لأخوك معاك
خلنا نتخارج من الشيمة دي..
لك التحيات
|
Post: #5
Title: Re: البفكنه شنو!! (عطاء)
Author: حاتم الياس
Date: 09-21-2006, 11:45 AM
Parent: #4
ود عقيد..
(شيمة) بت الناس دى !!!
ده هدام راسو عديل
|
Post: #6
Title: Re: البفكنه شنو!! (عطاء)
Author: ناذر محمد الخليفة
Date: 09-21-2006, 12:03 PM
Parent: #1
بفكك الختم دا :
تلللللللللللل
|
Post: #7
Title: Re: البفكنه شنو!! (عطاء)
Author: حاتم الياس
Date: 09-21-2006, 12:19 PM
يالنبى.. بورد
تاشيرة ياتو دولة دى يانازر
|
Post: #8
Title: Re: البفكنه شنو!! (عطاء)
Author: حاتم الياس
Date: 09-27-2006, 03:38 PM
Parent: #7
والله جادين!!!
|
Post: #9
Title: Re: البفكنه شنو!! (عطاء)
Author: محى الدين ابكر سليمان
Date: 09-27-2006, 03:47 PM
Parent: #8
سلام يا حاتم
اوصف ليك فكى كارب بفك الصواميل من الراس وبفك المربوط, بس البياض بتاعو مكلف شوية.
|
Post: #10
Title: Re: البفكنه شنو!! (عطاء)
Author: Tragie Mustafa
Date: 09-27-2006, 04:06 PM
Parent: #9
حاتم الياس
سلام
قلت الروب يعني
يازول نحن مجبروين ومتغربين عشان كده متلصقين في البورد ده
انت مالك مبسوط وقاعد في السودان ,ومطبع مع الحكومه كمان
برفضك للقوات الدوليه,على كده ما عندك عوجه تب....
كل يوم بعد الفطور تظبط الشاي الما خمج وتتحكر قدام تلفزيون
جمهورية السودان وتستمتع بعبد الرحيم و البشير وناس ساحات الفداء
الاكيد رجعت تاني على راس البرامج وتتحمس بشعاراتهم اياها
وتحس بانك على وشك معاصرة زمان صلاح الدين الايوبي....
او عبد الناصر ايام 67 .....او ايام حروب العراق مع ايران
والزخم الصدعونا بيه بالمدافعه عن البوابه الشرقيه للآمه العربيه.
تقوم بعد داك تضرب الرقاق وتتسحر وتحلم بانك خالد ابن الوليد.
اه بالله زول زيك البخليه يصاقر البورد ده شنو؟؟؟؟؟
نصاقره نحن المجدوعين في بلادا طيرها عجمي
ودرجة حراراة تصل ل -45 وحاجات كثيره خليها في سرك.
لك الود ولما تلقى العلاج قول ليه...عشان افك معاك وفي ناس
مستعده تدفع البياض بس تراجي تفرتق..زي ناس ود عقيد.
مودتي.
تراجي.
|
Post: #11
Title: Re: البفكنه شنو!! (عطاء)
Author: محى الدين ابكر سليمان
Date: 09-27-2006, 09:40 PM
Parent: #9
ياخوى اتداخل علينا الاختساس, قاصد البفكنا ولا "البفكها"؟.
|
Post: #12
Title: Re: البفكنه شنو!! (عطاء)
Author: Bashasha
Date: 09-27-2006, 09:52 PM
Parent: #1
حاتم،
في غاية البساطة:
اعمل اعلان، قول ماشي، اوحتلقي روحك ملزم بالذهاب، لانو ماممكن تقول ماشي اوترجع تخش!
عشان كده ولاسباب اخري، دايما بنعلن عن غيابنا، او دي اسهل طريقة تكسر بيها حلقة الادمان!
اناغايتو حدي باقي الاسبوع ده، اومكسح، غير المعايش، عشان ما ادمن!
|
Post: #13
Title: Re: البفكنه شنو!! (عطاء)
Author: bayan
Date: 09-28-2006, 03:22 AM
Parent: #12
شوف يا ود الياس
تشوف ليك زول خمسة نجوم من آل البيت
تعمل فيه بوست مهاجمة
طوالي بكري يعطل الباسورد
اها تاني خلاص وكتين تتربس برة البجيبك راجع شنو..
بعدين بوستك دا تفش مغصتك فيه تمام
من ناس الزارعنا غير الله اليقلعنا..
واي كلام عايزين نقولو نقولو لكن انت لو ود مقنعة
تعال قول بغم.
اها كدا تكون طردوك مفشوش المغصة وشهيد كبير
من شهداء ناس قريعتي راحت..
بعداك لازم نشوف ليك جكس تحوم معها وتنسى البورد دا..
جكش نوع العايزها دكين ديك
ماتفتح خشمها بس تكون ساكتة وتسمع وتنبهر..من كلام المسقفين...
ياخي انت بتلبس انضف جزمة لمحامي شوفتها في الخرطوم.ربما
لرجل سوداني طبعا انت التاني بعد بعلنا
اكيد الجكس صف كبير واقف..
لانه في السقافة البناتية
الراجل المهذب شوف جزمته اذا نضيفة معنها زول مهذب,,
العكس بالعكس...
يا زول قول بسم الله ومشتاقين بس..
|
Post: #14
Title: Re: البفكنه شنو!! (عطاء)
Author: المسافر
Date: 09-28-2006, 03:36 AM
Parent: #13
ود الياس
ولا يهمك
سعينا لك في الإجراءات
طبعا بصورة أهلية
وما منتظرين منك توكيل
|
|