Post: #1
Title: يااخوانا مطلوب زول شاطر فى الانجليزى لترجمة طلاقات وحرامات الرئيس ووزير دفاعه لبوش وعنان!!!!
Author: السنجك
Date: 09-20-2006, 02:11 PM
يااخوانا مطلوب زول شاطر فى الانجليزى لترجمة هذه الحرامات والطلاقات بتاعت الرئيس لبوش وعنان وكوندليزا رايس وبقية الرؤساء لانها مهمه لشرح وجهةنظر السودان والمازق الفيه السودان وكنا معتمدين على الخضر هارون سفيرنا فى واشنطون لكن للاسف الاستاذ محمد المكى ابراهيم طلعوا لينا كيت ( فى مقال فى سودانايل) طلعوا مابعرف عربى ولاانجليزى وبستخدم كلمات انجليزيه غلط وحتى فى العربى سعادة السفير ماعارف اسمه ذاتو خدر والا خضر بكتب اسمه غلط
فنحن دايرين واحد متطوع لترجمة هذه الكلمات
السنجك
|
Post: #2
Title: Re: يااخوانا مطلوب زول شاطر فى الانجليزى لترجمة طلاقات وحرامات الرئيس ووزير دفاعه لبوش وعنان!!!
Author: nour tawir
Date: 09-20-2006, 10:32 PM
Parent: #1
نحن فى الخدمة..
لاننى مترجمة فورية..
ولى خبرة وشهادة فى ترجمة المؤتمرات الدولية..
واللغة الفرنسية اذا لزم الامر..
ولو أنها مش professional زى الانجليزى..
|
Post: #3
Title: Re: يااخوانا مطلوب زول شاطر فى الانجليزى لترجمة طلاقات وحرامات الرئيس ووزير دفاعه لبوش وعنان!!!
Author: السنجك
Date: 09-21-2006, 00:56 AM
Parent: #2
حبابك يانور
ويالا ترجمى لينا على الطلاق بالثلاثه وعلى الحرام ومعاها شرح لبوش وكوندليزا عشان يقدروا زنقة الراجل دا فى نيويورك ويفتحوا ليه فرقه
بعدين قالوا الليله رئيسنا نطق بكلمه انجليزى واحده وهى no
قالها للمراسلين الصحفيين عندما سالوه بعد طلع من اجتماع منظمة الوحده الافريقيه
ابشر بالخير
السنجك
|
|