الأخ بكري هل اطمع بالترحيب بهؤلاء فـى منبرك الحر وهم البشير /على عثمان/صـلاح قوش/الترابى/نقـد/ف

الاخوة والاخوات اعتقد أن هـذا المنبر يسمى المنبر الـحر.الحـر .الحر من حرية الرأى.لايـصح انا نـنهى عـن خلق ونأتى بمثله.اذا كانت الحجة تـقارع بالحجـة.فيما الخوف .واذا كنا نطالب بالحـريه لنا ولسوانا ليس فـى السودان فقط بل فـى العـالم اجمـع لماذا لا نبـداء بتطبيق هذا الشعار عـلى انفسنا هنـا اولا فـى هذا المنبر وتوجـد لائحه لضبط المنبر.لماذا الضـجـيج والوصـايا كأنـنا اطفال.لماذا ترك النقاش فـى قضـايا الـوطـن الملحـه الاساسيه.والنقاش حـول نتقبل هذا الكوز عـضو ونرفض هذا الامنجى.مبـدائيا انا ارحـب بالحـوار المـفيد والمثمر مع اى كائن كان.الترابى /البشير/نـقد/على عثمان/صلاح قوش/فاطمه/االميرغنى/الصادق/وردى/حـماده/حـميد/اى شـخص عنـدو نظريه او رآى سواء كان اسلامى/مسيحى/لادينى.اى نظريه سياسيه كيزانيه/اتحـاديه/امه/شـيوعيه/بعثيه/ناصريه .اى جنى احـمر .الحوار مفتاح المعرفه بالاخـرين.لماذا سياسة اقـصاءالآخـر.كل االمطلوب هو الثقة بالنفس والقناعه.ويجـب أن نحاور حتى الشيطان ان كان يملك معرفه.واخيرا اقول مرحبا بالحوار المـفـتوح مع كل الثقافات والمفاهيم والاجناس فـى هذا الـكون.معرفة ألآخـر تتـم بمحاورته.واود أن اذكر الذين ينتمون الـى الاحزاب السودانيه وهـم أعضاء بالمنبر أن القيادات الحزبيه مازالت تـتحاور نقـد يحاور الترابى.الصادق يـحاور سلفاكير.وبالعكس الكل يتحاور اعتقـد انها ظاهرة صـحيه فـى السياسه السودانيه.واتمـنى ان يـصل الجـميع الى برنامج الحد الادنـى من الوفاق

ياصباح شنو جاية مسخنة كده شابكانا حوار واحوارهم

انتى الكيزان ديل ادوكى (...... )

انتى منو عشان ترحبى بالصفوة الكيزانية ( الاتكونى احمد نجاد )

خليكى منطقية شوية وهدءى اللعب

القوات الدولية جاية ,,, حاورينى انا لا عمر البشير ولا صلاح قوش ؟؟؟؟


من الوزن الثقيل :

( الكورة فى القووون تصفقوا تطلع الاوت تصفقوا ياكافى البلاء كورتكم دايما اوت )


ايمن هارون

الحرية لنا ولسونا نعم
ولكن احاور صلاح قوش في شنو؟ في عدد ضحاياه؟
يا جماعة الحرية للاحرار نحنا زاتنا ما احرار خلي كلاب جهاز الامن.
ياعني هل يعقل يجي يوم اقوم اتناقش مع هجو كلب الان في مدني العزبني وسمعني كل المفردات البزئية في الدنيا،
لا اعتقد انو في علاقة بين ان اناقش نقد واناقش صلاح قوش نقد صاحب رأي سياسي وله كتابات يعني ممكن اناقش نقد في كتاب الرق اختلفنا او اتفقنا- لكن ما المفيد في النقاش مع رجل امن يعزب ويعتقل وينتهك حرمة الانسان " بالعقل كدة"
بعدين مؤهلاتهم شنو في النقاش؟
ديل يخشو السجن لما ارتكبوه وليس اي مكان اخر
مودتي

Quote: الحرية لنا ولسونا نعم ولكن احاور صلاح قوش في شنو؟ في عدد ضحاياه؟ يا جماعة الحرية للاحرار نحنا زاتنا ما احرار خلي كلاب جهاز الامن.

عافى منك يابت الفضل ,,, اشباه الكيزان ديل انا عارف بقلع ليهم ريش


مودتى

ايمن هارون

العرب في جبجبة ورقيص بتين فاضيين للبنان ولا فلسطين ؟؟؟؟ (( فيديوا ))

صبوحة

وفاق بعد دخلتو الزون ما دايرين

خلينا نحرق بس

الاعضاء الشرفاء
فوتوا الفرصة على الامنجية والكيزان بمقاطعة بوستاتهم
لا تعليقات ولا مداخلات ولا تعيروهم اى اهتمام مواصلة
لانتفاضة شعبا المناضل ضد سياسة الكيزان وامنهم
عاش نضال الشعب السودان
السقوط لحكومة الفقر الذل الجوع
معا ضد الامنجية والكيزان
معا من اجل منبر حر ديمقراطى خالى من اى كوز وامنجى

مـرحب بألأخـت هـنادى .
اولا: اعـجبـنـى كثيرا أن ارى إحـد بنات مـدنـى بهـذة الثـوريـه والحـماس.
ثانيا: لك مـطلق الـحق فـى اختيار مـن تحاورى طبعا.
ثالثا: ما أعنيه بالحوار.هـو الحـوار الذى ينـتج مـعرفة بالآخـر ويخـلق جـدل
مـعـرفـى مهـما كان.لأ أعـنى الحـوار البيزنطى او المشاكل .بالتحـديد اعـنـى
الـحوار الفـكرى.وبمناقشة الـفكر يـمكن تـعرية جـوانب الخـلل.
رابعا: اعـتقد أن سـودانيزاونلاين منـبر عـام ليس حـكرا لليسـار او
المثقفيين بدليل وجـود كيزان وغير مثـقفيين ألأ اذا كانت هـنالك نية لكنسهم من
المنبر.
اخيرا اتمنـى ان يكـون الترابى سـخـصيا عـضـو هـنا ليخـتصر لى الطريق بدلا أن تناقش عـضو بالمـنبر ويـحاور بنفس مـنهـج الترابى وينكر انه كـوز

Quote: اعـجبـنـى كثيرا أن ارى إحـد بنات مـدنـى بهـذة الثـوريـه والحـماس

فى البداية سيبى العنصرية ياصباح هنادى تبقى من مدنى ولا من دارفور المهم هى مناضلة سودانية ...

Quote: ما أعنيه بالحوار.هـو الحـوار الذى ينـتج مـعرفة بالآخـر ويخـلق جـدل مـعـرفـى مهـما كان.لأ أعـنى الحـوار البيزنطى او المشاكل .بالتحـديد اعـنـى الـحوار الفـكرى.وبمناقشة الـفكر يـمكن تـعرية جـوانب الخـلل

اعتقد ماكتبتيه اعتبره جزء من الحزلقة اللغوية التى توجد فى قاموس هرجلة العوام (بالدس )..

Quote: اخيرا اتمنـى ان يكـون الترابى سـخـصيا عـضـو هـنا ليخـتصر لى الطريق بدلا أن تناقش عـضو بالمـنبر ويـحاور بنفس مـنهـج الترابى وينكر انه كـوز

ياصباح ماتلعبى على عقولنا انتى لوعايزة تحاورى الترابى اعملى ليكى منبر خاص تحوارى الترابى ولا بن لادن ليس لنا شان ,,


من الوزن التقيل :

مراجعة قسم الحاجات الخاصة للعناية ومتابعة الحالة


لك منى تلويحة

ايمن هارون

ياخليل اشكرك على المشاركـه.أود أن اوضـح لك .
ماقلتـه أن الاحزاب تتحاور وتجـتمع وتناقش كما نسمع فـى الجرائد والاخبار لقاء بين الترابى ونقـد .والصادق مع الميرغـنى وغيرهم من القيادات وتمنيت لهم الوصول الى مـرحلة الحد الادنى من الوفاق .ولكى اكـون اكثر دقـه أن قيادات الاحزاب خـصوصا الصغيره تتزلـل للكيزان للوصـول لمـناصـب .
واتمـنى لكم السلامـه ويحرق عـدوكـم.

Quote: ماقلتـه أن الاحزاب تتحاور وتجـتمع وتناقش كما نسمع فـى الجرائد والاخبار لقاء بين الترابى ونقـد .والصادق مع الميرغـنى وغيرهم من القيادات وتمنيت لهم الوصول الى مـرحلة الحد الادنى من الوفاق .ولكى اكـون اكثر دقـه أن قيادات الاحزاب خـصوصا الصغيره تتزلـل للكيزان للوصـول لمـناصـب . واتمـنى لكم السلامـه ويحرق عـدوكـم.

حتعملى فيها موضوعية عشان تكسبى ود الاحزاب انتى عارفة الكيزان افضل من اشباه الكيزان ...

من الوزن الثقيل :

الحصة الجاية هى ( شرح مفصل لعبارة اشباه الكيزان من هم وما المهمة التى يقومون بها وماهو المقابل ) كراس وقلم واستيكة ,,


ايمن هارون

الاخ عصام احمد اشكرك على المرور.واحتـرم وجهة نظرك لمقاطعة هذا البوست

العزيز أيمن هارون..



رمضان كريم..

وتصوم وتفطر على خير..

خاصة رمضان القاهرة الممتع..

Quote: الحصة الجاية هى ( شرح مفصل لعبارة اشباه الكيزان من هم وما المهمة التى يقومون بها وماهو المقابل ) كراس وقلم واستيكة ,,

...


أنا شخصيا لا أقبل الحوار مع أى مجرم..

سياسى أو غيره..

خاصة لما أتذكر التفاصيل العملوها فى الغير..

وفينا..

مش دكتاتورية أو أقصاء للاخر..الخ

ولكن لانه تركيبتهم النفسية غير قابلة للنقاش..

وهم لما بيعملوا جرائمهم دى..

بيعملوها وهم عارفين أنهم مرضى نفسيين..

وبيفرغوا فى شحنات خاصة..

والحوار معاهم..

حوار طرشان..

وبعدين مافى مجرم بيعترف بأنه كتل فلان..

أو أعتدى على فلان/ة جنسيا..

الاقتراح بتاع صباح ماوآقعى..

وفيه مبالغة..

لكين من عشمها..

دايرة تجرب كل الحلول الممكنة..

..

ولكن..

السبب الخلانى أدخل هنا..

هو معرفتى الشخصية بصباح حسين..

ومن القاهرة..

سنين طويلة..

والاعرفوا عن صباح هو..

أنها من أشرس من وقف ويقف ضد الانقاذ..

بدون أى أحتمال للتراجع..

وقفت مع الحركة الشعبية فى أحلك الظروف..

ومع قضية جبال النوبة أيام التطهير العرقى..

وهسه مع دافور..

مش كدا وبس..

حتى بتها الصغيرة..

علمتها تكتب عن دارفور وتطلع فى المظاهرات..

الحاجة التانية البعرفها عنها..

هى أنها فضلت أنها تتعمق فى الغربة..

أمعانا فى رفض الانقاذ..

بدل ما ترجع السودان..

وتهادن..

وتآخد ليها وظيفة..

وتنسى الفواتير وعذابها..

..

بالتالى..

ورغم أختلافى مع صباح فى الدعوة الى الحوار مع المجرمين..

ألا أنى شايفة أنه الاختلاف معاها فى الرأى..

ما بيخليها كوزة أو شبه كوزة....

لانه المسافة بين صباح والكيزان..

مسافة السما للارض..

..

الحاجة التانية ياأيمن..

الخلتنى أدخل هنا..

هى أنى قريت ليك باستمرار...

وتداخلت معاك كتير..

وكتبت ليك من قلب..

لانه المحطة والواقفين فيها وآحدة..

والظلم وآحد..

وقبيح جدا..

وبيخلى الانسان مرات يطلع من طوره..

يعنى غضب مشروع ولا غبار عليه..

ومحل أحترام..

لكن ما حصل قريت ليك سطر وآحد فيه تهريج..

ودا الازعجنى..


..

وجهة نظرك فى رأيى سليمة..

وأتفق معاك..

بدليل أختلافى مع بيان فى دعوتها لبكرى...

عشان يدى وآحد من بتاعين الامن باس ويرد..

ولكن بصرآحة..

أنا منزعجة من أسلوب حوارك فى البوست دا..

ما بشبهك كله كله..

..

حصل ليك شنو؟

...

تعديل لاخطأ فنية...