حاجه فى عينيك

حاجه فى عينيك تتوه
سكة الزول المسافر وتبقى زادو
تبقى عنوانو وبلادو
وانتى عينيك لما نادو !!
زى بريق فى الظلمه سافر
قلبى ساب صدو وعنادو
وكيف يعاند؟
وانتى عينيك ما حقيقه ..
راسخه فى روحو وكيانو
حاجه فى عينيك ..
بترحل ليها عينيا وتهاجر
ويبقى كل الكون مهاجر
و لما شفتك !!
زاهيه فى حلة أميره
قدلة الوزين مسيره
والصدير موج الدميره
غبت فى عينيك سرحت .
وتهت فى ليل الضفيره


مع تحياتى
حاتم الحوشابى