Post: #1
Title: سجيمان.. سجيمان عايزين سجيمان
Author: عزيز عيسى
Date: 09-18-2006, 02:41 PM
Parent: #0
عزيزي الأخ الجميل والمبدع دوما الدكتور عادل سى جي،
أسعد الله أيامك ومتعك بالصحة والعافية،
اليوم سألني أحد الأخوة من الأصدقاء المقربين ويدعي إمام محمد صالح يقيم معنا هنا في مدينة هيوستن بولاية تكساس الأمريكية سألني مستفسرا عن سجيمان.. أين سجيمان ولماذا إختفى من ساحة سودانيز أون لاين وقلت كتاباته الساخرة في الآونة الأخيرة.. وهو نفس السؤال الذي يسألني عنه بأستمرار العديد من الأخوة السودانيين المقيمين في أمريكا الذين يجدون في كتابتك الساخرة المتواضعة متعه خاصة ولما تضفيه من روح الفكاهة والمرح والبهجة على النفوس متنفذا حقيقيا متميزا وإستراحة يستجمون بها لكي تبعد عنهم آلام الغربة وهمومها وعدم الشعور بالبعد عن الوطن. فهم في أشد الحاجة لمثل هذه الكتابات.
وعلى الرغم من أنني أعلم وأقدر ظروفك فيما تعانيه وتلاقيه من مضايقات، إلا أنني بدوري متمثلا في شخصي الضعيف أترجم لما يكنه الجميع لك من حب وتقدير في رسم البسمة والبهجة على وجوههم وشفاهم ولما تتمتع به من موهبة وملكة فذة في السرد الممتع في مجال الكتابة المرحة.
ولديهم رجاء خاص يناشدونكم إنت وبقية الأخوة من أصحاب الأقلام الفكاهية المرحة بمواصلة كتاباتكم الجميلة لأنها بالنسبة لهم بمثابة البلسم الشافي في زمن إختلط فيه الحابل بالنابل وتولدت فيه الصراعات حول القيم والآراء والمفاهيم وتغيرت فيه المشاعر والأحاسيس وأصبحت فيه الشمس مظلمة وظلت البسمة عملة نادرة من الصعب الحصول عليها.
فهل إستجيبتم لهذه المطالب بمواصلة الكتابة لتعيدوا البسمة على الوجوه.
ولك من الود أخلصه،
|
Post: #2
Title: Re: سجيمان.. سجيمان عايزين سجيمان
Author: سجيمان
Date: 09-19-2006, 11:38 AM
Parent: #1
عزيزي عزيز عيسي
يسعل منك الخير ويسعل من البيسعل مني..... انا بخير... والتزم جانب الصمت واراقب الموقف عن كثب.....انا في السودان... والانترنت بالنسبة لي مشكلة كبيرة.... يعني لو داير اصل اقرب محل اركب وانزل اركب وانزل وبعد داك اصل عطشان وكرعي موجعاتني....اقعد اخد نفسي..وادخل النت ما توهط عديل النت يقطع.... وبعد ساعة يجي... ما توهط عديل الكهرباء تقطع ...وتجي بعد ساعات..... اقوم اتنفض وارجع اهلي..... اها دي حالة كتابة عليك الرسول؟.....
تحياتي مرة اخرى لكل من يسعل عني......ويمكنهم متابعة كتاباتي المؤدبة جدا عبر موقع جريدة الصحافة في ملف ونسة...و موقع جريدة السوداني في الملف الساخر....
|
Post: #3
Title: Re: سجيمان.. سجيمان عايزين سجيمان
Author: عبد المنعم سليمان
Date: 09-19-2006, 03:03 PM
Parent: #1
سجيمـــــان
وانحنا قاعدين نكتب من هاواي .. واي يو سينق ذات ذاتوووو ياخ .
ما قاعدين معاك في الحفـــره ال اخترناها انا وانتا دي ..
انتا داير الجنا انا الجبرني شنو ما عارف ذاتووووو ياخ .
|
Post: #4
Title: Re: سجيمان.. سجيمان عايزين سجيمان
Author: سجيمان
Date: 09-20-2006, 06:41 AM
Parent: #3
عبد المنعم سليمان
| Quote: ما قاعدين معاك في الحفـــره ال اخترناها انا وانتا دي .. |
يعني نحن الاتنين في حفرة واااااحدة؟؟......يا اخي شوف حتى الحفر بقت زحمة
|
Post: #5
Title: Re: سجيمان.. سجيمان عايزين سجيمان
Author: عزيز عيسى
Date: 09-20-2006, 11:20 AM
Parent: #1
العزيز سجيمان،
Quote:
انا في السودان... والانترنت بالنسبة لي مشكلة كبيرة.... يعني لو داير اصل اقرب محل اركب وانزل اركب وانزل وبعد داك اصل عطشان وكرعي موجعاتني....اقعد اخد نفسي..وادخل النت ما توهط عديل النت يقطع.... وبعد ساعة يجي... ما توهط عديل الكهرباء تقطع ...وتجي بعد ساعات..... اقوم اتنفض وارجع اهلي..... اها دي حالة كتابة عليك الرسول؟.....
|
وحاة الرسول دي حالة أحسن ليك منها تركب وما تنزل تاني.
ومحل ما تودي خليها تودي.
| Quote: تحياتي مرة اخرى لكل من يسعل عني......ويمكنهم متابعة كتاباتي المؤدبة جدا عبر موقع جريدة الصحافة في ملف ونسة...و موقع جريدة السوداني في الملف الساخر.... |
تحياتك واصله.
إت يا سجيمان ماك خابر الناس ديل عايشين في بلاد الواق الواق
وجريدة الصحافة والسوداني ديل إلا تصرهن في مخلاية
وترسلن ليهم. 
|
Post: #6
Title: Re: سجيمان.. سجيمان عايزين سجيمان
Author: فاروق حامد محمد
Date: 09-20-2006, 11:46 AM
Parent: #5
سجيمان التعبان
ياخي بدل ما تنزل وتركب وتركب وتنزل ... ركب ليك نت
في بيتكم ..... ولا انت ساكن انجولا في حي الله كتلا ؟؟؟؟؟؟
لأمر يهمك أرجو ارسال ايميلك وتلفونك على المسنجر
أو ايميلي الموجود مع التلفونات لدي الجنرال.
تحياتي لك وللأسرة الكريمة.
|
Post: #7
Title: Re: سجيمان.. سجيمان عايزين سجيمان
Author: سجيمان
Date: 09-21-2006, 02:41 AM
Parent: #1
الأخ فاروق حامد الترطيبة
الرجاء مراجعة المسنجر
|
Post: #8
Title: Re: سجيمان.. سجيمان عايزين سجيمان
Author: عواطف ادريس اسماعيل
Date: 09-21-2006, 02:59 AM
Parent: #1
سيجي .. العزيز
وينك ليك وحشة والله المنبر بدونك كوم رماد لا فيه طب لاصيدلة يا سيجي لا ...
الحكاية شنو بتتعزز علينا ولا أيه ؟ أنا شفتك بعيني شايل اللاب توب طالع ونازل وتقول ما عندك
انترنت يا واد بطل حركات واتحفنا بمواضيعك اللذيذة والله نحنا في الغربة دي عايزين نقرا المضحك
المبكي يعني ما عازيين بكاpure عشان نموت من الحزن ولا ضحك pure عشان قلبنا ما يموت عشان كدا
حلفناك بالرسول ترجع وتكتب قلت شنو ؟ تحياتي لبت حيمورة .
|
Post: #9
Title: Re: سجيمان.. سجيمان عايزين سجيمان
Author: سجيمان
Date: 09-21-2006, 07:08 AM
Parent: #1
عواطف
| Quote: أنا شفتك بعيني شايل اللاب توب |
اللابتوب يا عواطف شاشتو اتكسرت!!!!!!!!!
|
Post: #10
Title: Re: سجيمان.. سجيمان عايزين سجيمان
Author: عبد الله عقيد
Date: 09-21-2006, 07:27 AM
Parent: #9
سجيمان
سلامات
| Quote: اللابتوب يا عواطف شاشتو اتكسرت!!!!!!!!! |
اظنك ختيتو في حوش البقر
(في المزرعة بتاعتك.. السمعنابة تحت تحت)..
|
Post: #11
Title: Re: سجيمان.. سجيمان عايزين سجيمان
Author: فاروق حامد محمد
Date: 09-21-2006, 07:30 AM
Parent: #9
Quote: Quote: أنا شفتك بعيني شايل اللاب توب
اللابتوب يا عواطف شاشتو اتكسرت!!!!!!!!! |
كسرتها بقرة ولا غنماية!!!!!؟؟؟؟؟؟؟؟؟؟؟
وبعدين ............
دي شحدة عديييييييييييييييييييييييييل كده
عايزنا نرسل ليك شاشة لابتوب من أبوظبي
|
Post: #12
Title: Re: سجيمان.. سجيمان عايزين سجيمان
Author: سجيمان
Date: 09-22-2006, 07:31 AM
Parent: #11
| Quote: عايزنا نرسل ليك شاشة لابتوب من أبوظبي |
تعرف فتشت ليها هنا ما لقيتها....كلو كلو.....شفت النصيبة دي..
|
Post: #13
Title: Re: سجيمان.. سجيمان عايزين سجيمان
Author: عزيز عيسى
Date: 09-22-2006, 07:51 AM
Parent: #1
سجيمان،
خليك من الشاشة عايزين نرسل ليك لاب توب
لكن قالوا ناس المطار بفتشوا أجهزة الكمبيوتر
ولازم تدفع 40 دولار رسوم تفتيش.
الكلام دا صحيح؟
طيب لو ما لقوا حاجة مخالفة بيرجعوا لينا القروش
ولا دي كيف نحلها؟
|
|