Post: #1
Title: محجوب شريف الضل الوريف أمنحنا الثبات يا غيمة وقامة بطعم الوطن
Author: hanadi yousif
Date: 09-17-2006, 07:46 AM
يا غيمة ما تعبت من الهطول
يا كل الفصول
يا حرف ازلي
يا نيل
ياشموح يا خريف
ياجروف
يا ثورة يا ثروة
في انتظارك
|
Post: #2
Title: Re: محجوب شريف الضل الوريف أمنحنا الثبات يا غيمة وقامة بطعم الوطن
Author: hanadi yousif
Date: 09-17-2006, 07:48 AM
Parent: #1
فديتك يا مديد القامة
يا شعباً سديد الرأي
وقلبي عليك يا حجراً حنين دفاي
أقبل وين أفوتك وفى حماك حماي
أسيب عزاي أسيبه وكيفن ألقى عزاي
فى وحشتي وسلواي عيونه وبحة الغناي
نخيلك تمره ضوَّ صباي
ونيلك فى جواي هامد هميم جرّاي
وقبضة إيدي مسكة رمحك الرماي
أطالع فى صحارى الليل
مطالع صبحك الضواي
فديتك لو بقيت منفاي
فديتك لو بقيت مرساي
كدا بتمنحنا الثبات
|
Post: #3
Title: Re: محجوب شريف الضل الوريف أمنحنا الثبات يا غيمة وقامة بطعم الوطن
Author: hanadi yousif
Date: 09-17-2006, 07:54 AM
Parent: #2
يا شعبا تسامي
ياهذا الهمام
تفج الدنيا ياما
وتطلع من زحاما
زي بدر التمام
تدي النخله طولها
والغابات طبولها
والايام فصولها
والبذره الغمام
قدرك عالي قدرك
ياسامي المقام
ياملهم رماحك
سناهاالصدام
ام در والطوابي
في صدرك وسام
ملامح كم
تسامح
تغضب لا تلام
همه وعبقريه
ذمه وفنجريه
ضد العنصريه
وتحلم السلام
فداك وفي حواك
يامدد الكلام عفوك
انت ورضاك
وبرنا ليك تام
وبحلم بهواك بي حسن الختام
دينك كم علينا
منك والدينا
واجمل مالدينا
من يوم السمايه
من قبل الفطام
منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام
|
Post: #4
Title: Re: محجوب شريف الضل الوريف أمنحنا الثبات يا غيمة وقامة بطعم الوطن
Author: hanadi yousif
Date: 09-17-2006, 07:57 AM
Parent: #3
نود يا غيمةان ستجم في ظلك الوريف
وان نستنشق رايحة الدعاش يا وطن
|
Post: #5
Title: Re: محجوب شريف الضل الوريف أمنحنا الثبات يا غيمة وقامة بطعم الوطن
Author: hanadi yousif
Date: 09-17-2006, 08:04 AM
Parent: #4
وطنا البي اسمك كتبنا ورطنا
أحبك .. مكانك صميم الفؤاد
وباسمك اغني
تغني السواقي
خيوط الطواقي .. سلام التلاقي
ودموع الفراق
واحبك ملاذ .. وناسك عزاز
احبك حقيقة واحبك مجاز
احبك بتضحك .. واحبك عبوس
بعزة جبالك ترك الشموس
وما بين ظلالك .. افتش واكوس
افتش طفولتي .. وملامح صباي
بناتك عيونن صفاهن سماي
وهيبة رجالك بتسند قفاي
احبك بتضحك واحبك عبوس
صحي بتملأ عيني وتشرف غناي
بحضرة جلالك .. يطيب الجلوس
مهذب امامك يكون الكلام
لأنك محنك عميق الدروس
مجيد المهابة ومديد القوام
شبابك تشابك .. شديد الزحام
اراهم وراهم غبار الحياة
مدائن تعاين كأم العروس
تهلل تكلل جبين الهمام
رذاذا يبلل اغاني الخليل
اصدق كلامك حقيقة وبخاف
الطريق الما يودي ليك
واعاف الصديق اللي ما يهم بيك
معاك انتظاري ولو بالكفاف
وعنك بعيد انا ابيت الرحيل
وبيك اعتزاز الصباح الجميل
جميع الاغاني اتكالن عليك
|
Post: #6
Title: Re: محجوب شريف الضل الوريف أمنحنا الثبات يا غيمة وقامة بطعم الوطن
Author: Abdalhameed Mohamed Al-amein
Date: 09-18-2006, 02:33 AM
Parent: #5
up
|
Post: #7
Title: Re: محجوب شريف الضل الوريف أمنحنا الثبات يا غيمة وقامة بطعم الوطن
Author: لمياء الجيلى
Date: 09-18-2006, 04:37 AM
Parent: #6
نسأل الله له الصحة والعافية .. ليعود ويغرد فى براحات الوطن العظيم .. مناضلاً ضد الظلم والقهر .. كسراً للقيود والزنازين
مساجينك
مساجينك
مساجينك
مساجينك
نغرّد في زنازينك
عصافيراً مجرّحه بي سكاكينك
نغنني ونحن في أسرك
وترجف
وأنت في قصرك
سماواتك دخاخينك
مساجينك
مساجينك
مساجينك
برغمك نحن ما زلنا
بنكبر بي زلازلنا
بنعْشق في سلاسلنا
ونسخر
من زنازينك!
مساجينك
مساجينك
مساجينك
حكايات الهوى الأول
بنحكيها
بدايات الغنا الطول
نغنيها
حقيقه وليس تتأول
حتخجل من عناوينك
مساجينك
مساجينك
مساجينك
للسودان عواطفنا
وبالسودان مواقفنا
ولما تهب عواصفنا
ما حيلة قوانينك؟
مساجينك
مساجينك
مساجينك
محجوب شريف كوبر 1982
|
|