مفكر استراتيجى ما ناقش حاجة......الزول دا منو

امس فى برنامج بلا قيود
زول اسمو يسين عابدين
مدير مركز دراسات المستقبل

وصف بالمفكر الاسراتيجى لكن يطرشنى فى مفكرين الانقاذ الاستراتيجيين من حسن مكى حتى الزومة
الزول دا ما سمعتا بيهو
العندو معلومة يورينا الكارثة دا منو

قاعد ساعة اسمع فى الزول دا وهو يخرمج
بقول امريكا دايرا تغير نظام الانقاذ بالانتخابات ودا ما بيحصل لانو كل الانتخابات الحصلت فى السودان غير نزيهة ولو قامت انتخابات الان المعارضة ما حتفوز وحيفوز المؤتمر الوطنى

وتانى يقول الانقاذ اصلو ما بادرت بعداء لامريكا يقوم المذيع يقول ليهو شعارات امريكا قد دنا عذابها يرد الاستراتيجى الكلام دا ما ضد امريكا الكلام دا مقصود بيهو الجبهة الداخلية وشعار للحشد فقط


غايتو قدر ما مقدم البرنامج يستعدل ليهو الكلام ما قدر يطلع منو بعقاد نافع

الزول غايتو قصدو يدافع عن الانقاذ لكن ما عندو قدرة

و يا جماعة مركز دراسات المستقبل دا تبع منو بالضبط

يا قريبي ... ياسين حاج عابدين ؟ ياشيخ ؟ كيف لا تعرفه ؟؟ اليس هو الذي كان جالسا علي مفتاح الكهرباء فطفاها سنينا وكان عند بنك معلوم فصار لا اعرف واليوم مفكر استراتيجي بشنب ونطارة ( اخر مرة رايته في التلفزيون قبل سنوات بدون شنب كان يتوعد خلق الله بقطوعات في الكهرباء كثيرة )... اليوم هو في مكان لا يودي و لايجيب .. لا فيها كهربا يقطعها ولا فلوس بنك فلذا كان البارحة يلجلج كثير فيما هو ليس له معرفة ولا علم
بالمناسبة " ايه يعني مفكر استراتيجي ؟؟ افلاطون كان مفكرا ساكت!! مسكين لم يعيش زماننا ليصير استراتيجيا

قريبى ابوبكر
مفكر استراتيجى دى بلوة من بلاوى القنوات الفضائية
فى الحروب الاخيرة ظهر هولاء الاستراتيجيون
وطبعا اخوانا فى شمال الوداى واخوانا فى شرق المتوسط بيحبو الالقاب
ناسنا فى السودان قالوا اشمعنى
نحنا برضو عندنا حسن مكى ومضوى الترابى وزولنا دا ذاتو


ابوقاتا
صحبنا شلبى متقمص دور العريس السعيد

سيد احمد
تحياتى

يطرشنى انا برضو ما سمعت بيه
لكن كنت قايل نفسى براى

وختم كلامو بعبارة سازجة
بان امريكا لاتنوى غزو السودن
ولا السودان ينوى غزو امريكا
شفت الدكترة كيف؟؟؟



التحايا لشلبى
وقول ليه اصحى يابريش

الاخوة المتداخلين
بالجد في الفترة الاخيرة صرت اسمع كثيرين يقال عنهم انهم مفكريين استراتيجين فلا اجد مفكرين ولا حتي استراتيجين.

استراتيجى