جامعه النيلين تواصل الإحتضار

--------------------------------------------------------------------------------

ان تفوز قائمه طلاب المؤتمر الوطنى با تحاد طلاب جامعه النيلين للمره الخامسه على التوالى... لا شى يدعو للدهشه على الاطلاق فالفعل هذا يمكن ان يصنف فى خانه المالوف والمتعود عليه وهو من زاويه نقديه يمكن ان يمثل تعبير عن حجم الوعى المسيطر على طلاب جامعه النيلين والذى يمكن ان يقاس ضمنيا بنتيجه الانتخابات.
اذا التصويت لقائمه المؤتمر الوطنى خيار عقلانى للغايه ومستنتج سلفا.
ولان الجدليه جدليه وعى ومستوى الوعى فى تلك الجامعه لا يمكن ان يطرح بدائل غير هذه مهما حاول.
وقديما قال هيغل ان وعى الناس يحدد تاريخهم. وانا استلف ذات المقوله ولكن بسيناريو اخر واقول ان وعى الناس بالضروره يحدد خياراتهم.
ولان العقليه المسيطره على طالب جامعه النيلين عقليه غريزيه وليست عقليه معرفيه, وشتان ما بين العقليتين. فالاولى تطرح بدائل ارتجاليه والثانيه تطرح بدائل عقلانيه. كان بالضروره ان يقف طالب جامعه النيلين مع جلاده فى ذات الخندق ويتماهى مه ويسلمه مفاتيح الاتحاد لدوره اخرى.
وهو لا يدرى انه بفعله الشنيع ذاك يكون قد اتاح للتاريخ ان يقول كلمته.
وان كنا نتحدث بلغه الامانى لقلنا تمنينا يومذاك ان تحدث لطالب جامعه النيلين طفرى تمكنه من الارتقاء لمستوى الصف الوطنى. وتمكنه من ان يعبر عن مدى ضجره من سياسات المؤتمر الوطنى بطريقه حضاريه وديمقراطيه ويلغى بقائمه المؤتمر الوطنى فى مزبله التاريخ النقابى.
ويسجل فى ذات الاثناء هذا الموقف فى صفحات التاريخ باحرف من نور.
ولكن على ما يبدو اننا كنا نضاجع فى احلام ظلوط ليس الا.
وعلى ما يبدو اننا كنا نراهن على راكوبه خربه فى خريف ضارى.
او فى احسن الاحوال كنا نراهن على على حصان اعرج فى ديربى شاق وطويل للغايه. وهو بالضروره رهان خاسر لان عوامل النجاح لا يمكن ان تكتب له.
اذا طالب جامعه النيلين وعلى الدوام ظل يمارس قطيعه متعمده مع ما يجرى فى هذا الوطن المحزون. ولا يحاول حتى ادخال ما يجرى فى بؤره اهتماماته لان الموضوع عموما لا يمثل اهميه بالنسبه له.
وكذا ظل طالب جامعه النيلين يغرد خارج سرب الصف الوطنى. وهو بذلك يكون قد اختار عمدا ان يتموضع فى ذات مربع المؤتمر الوطنى المعبر الحقيقى عن امانيه واشواقه.
والناظر لما جرى بعقليه متفتحه لا يمكن الا ان يخرج بان ما حدث فى انتخابات جامعه النيلين ما هو الا تؤاطو تاريخى ما بين هذا الجيل من طلاب جامعه النيلين والمؤتمر الوطن .فالمؤتمر الوطنى انتهازى الطرح والاطروحات وطالب جامعه النيلين هو بالضروره انتهازى الخيارات. وكل منهم يجمل للاخر قبحه ودون حياء.
والمؤسف حقا ان طالب جامعه النيلين عندما يمارس حقه الديمقراطى يحيد ذاكرته تماما ولا يجهد نفسه باستدعاء ما فعلته حكومه المؤتمر الوطنى بانسان هذا الوطن. ولايستدعى حتى نتائج السياسات التخريبيه التى انتهجها هذا النظام والتى انعكست سلبا على التعليم ومؤسساته.ولا يستدعى طالب جامعه النيلين سياسات التعريب العجول التى جعلت الطالب السودانى على الرصيف تماما اكاديميا وعلميا اذا ما اردنا مقارنته برصفائه فى الدول الاخرى .
ولكن طالب جامعه النيلين اعتاد ان يرهل ذاكرته عن عمد ويرفع بتلذذ سادى شعار شاهد ما شافش حاجه مع انه الاكثر تضررا من رفع هذا الشعار.
اذا الانتخابات مضت بخيرها وشرها وفضحت بوضوح ان انصار الوعى القديم لا يمكن الرهان عليهم على الاطلاق. ونحن كدميقراطيين لا نملك الا ان نحترم خياراتهم.
ولاننا ابناء فكره احترام الاخر نقول لطلاب المؤتمر الوطنى مبروك التوالى الخامس وان ما حدث لا يمثل الا مشهد ومن مسلسل طويل ما بين قوى الاستناره والظلام.
ولا نملك الا ان نقول لطلاب المؤتمر الوطنى كسبتم هذه الجوله لاننا وانتم تعاركنا فى ارضيه انتخابيه تجيدون التحرك فيها بامتياز. لا لشى سوى قله الوعى والاستناره.
وان التقينا واياكم فى فضاءات بها قليل من الوعى لكان لنا حديث اخر وانتم اعلم بذلك.

(ملحوظه)كتب هذا المقال إبان فوز طلاب المؤتمر الوطنى فى بدايه هذا العام باتحاد طلاب جامعه النيلين.وانا اعيد نشره ..لفتح حوارات جاده لازمه القوى الوطنيه داخل الجامعه وفشلها المستمر فى إنتزاع الاتحاد لخمس اعوام متتاليه.وكذلك اهدف من خلاله الاستفاده من تراكم خبرات كتاب البورد والذين نشطوا فى الفعل السياسى داخل الجامعات السودانيه وخارجها.ولان العام الدراسى على الابواب اتمنى ان نخرج بافادات تساهم فى فوز القوى الوطنيه بالاتحاد فى هذا العام الدراسى..مع العلم ان جامعه النيلين هى احدى الجامعات القليله التى يسيطر على اتحادها طلاب المؤتمر الوطنى بعد ان استطاعت القوى الوطنيه الظفر بمجموعه من الاتحادات الجامعيه اخرها جامعه الجزيره...والفرصه مفتوخه للنقاش....

اتمنى ان يكون من بين كتاب البورد من عاصروا اخر اتحاد وطنى فى جامعه النيلين واتمنى وجود اعضاء من اتحاد التحالف والذى يعتبر اخر اتحاد يعبر عن القوى الوطنيه.

عمري دا كلو ومن أكلت الكسرة ما قريب
سمعت بيقولو الزول دا بيتكلم ساكت لكن زول يكتب ساكت بس الا انكان بحر دا...

اها فرضنا فازوا الكيزان
ما معناها ناس النيلين دديل دا خيارهم.. موش الانتخابات حرة ونزيهة يعني كان ما جابو الشيوعين
يكونو ما عندهم وعي.. غايتو كدا ضايغين وكدا ضايعين..
مالذي يعيب انه الكيزان يسمكو ولا الشيوعين ولا ناس الجو الرطب
لو اصلا الانتخابات كانت نزيهة..
البخلي انه الكيزان يكونو ما وطنيين شنو
والشيوعين ولا ناس الجو الرطب وطنيين..
مالو منطقك عاجز كدا

Quote: ولا يستدعى طالب جامعه النيلين سياسات التعريب العجول التى جعلت الطالب السودانى على الرصيف تماما اكاديميا وعلميا اذا ما اردنا مقارنته

اها النديك نيوز الفرع دي عمرها كله بالعربي..ما اتعربت ولا يحزنون من يومتها معربة..
اتخيل ناس الفرع يعملوا مظاهرة عشان حصل التعريب..صيبتهم شنو؟

الجامعات التى تدرس باللغة الانجليزية
كانت الخرطوم الجزيرة جوبا.. الفرع والاسلامية والقرآن الكريم
المعاهد العليا.. باللغة العربية..
التعليم الخاص الاحفاد والى الان تدرس باللغة الانجليزية..

بعدين يشهد التأريخ للفراعة بانهم اكثر الطلاب وطنية واقرب الطلاب للسفارة الامريكية
حين كان شعار داون داون يو اس ايه هو المفضل ايام اليسار كان ضد
الامبريالية وكدا.ز قبل يمشو هناك يضربو الولفير الراسمالي يرطبو..
ويبقو اي كلام...
و كما ان الفرع خرج للسودان عدد من الادباء والشعراء والساسة الاماجد
واكثر جامعة فيها حركة ثقافية وادبية.. يشهد الله
كان قعدت في الحوش ساكت وحمت من ركن نقاش لركن نقاش تبقى بروف عديل كدا..


فبالله ما تكتب ساكت..
فكر بعدين اكتب وخليك في القضايا الكبيرة التى تهم الطلاب..
سيبك من كيف طالب مسيحي يقرا كورس علم النفس الاسلامي والكلام دا ضد حرية المعتقد..
وانه اسلامية المعرفة كلام فاضي.. وانه بيان ما مسقفة..
كلام لا بيودي لا بجيب
اقعد ورينا جيلكم بيفكر كيف مشاكلو شنو.. وبيتطلع لشنو..
خليك من الفارغة..

تنشيبة
الجدليه يتماهى يتموضع شوف الكلام المكان مكان دا ياخي رجعتنا ربع قرن
عندما كنا بنفتكر الكلام المكان دا ياهو البخلي الناس تقول انك مسقف..
الحقيقة بيضحك الناس فيك.. لا غير..ابقى عنقالي ساكت يا جنى..
وخلى الصخب..

المثقفه الصاخبه جدا/بيان
اولا شكرا على المرور...وثانيا عندما ادنت طلاب جامعه النيلين وهم يصوتون لطلاب المؤتمر الوطنى فذاك بحسبان ان طلاب جامعه النيلين هم الاكثر ضررا من سياسات حكومه المؤتمر الوطنى. ويظهر ذلك جليا فى المناخ الاكاديمى داخل الجامعه حبث لا كتب ولا مراجع ولا استاذ مؤهل.ولا حتى حمامات نظيفه لقضاء الحاجه..هذا جزء يسير من معاناه طالب جامعه النيلين.ولو سألتى اى طالب فى جامعه النيلين عن هذه الازمات لقال لكى بصحتها.
اذا غير المنطقى بعد كل هذه المعاناه والتى بالضروره سببها حكومه المؤتمر الوطنى ان يصوت طلاب النيلين للكيزان الا اذا كان مستوى الوعى عندهم صفر وهذا ما قلته..
ثانيا/ عندما تحدثت عن التعريب لم اقصد جامعه النيلين حصريا ولكن كنت اقصد التعريب كسياسه دوله.وما سببته من ازمه للتعليم.ولكن يبدو انك دايره تمسكى لى زله.
ثالثا/فيما يختص بالمفردات فذاك حيز شخصى اتمنى ان لاتحشرى فيه انفك...لانه حينها يمكن ان انعتك بالمتتطفله وانا لا اريد ذلك.
رابعا/موقفك من ما طرحته من مواضيع فى هذا البورد موقف مستنتج سلفا.لان مثل هذه المواضيع تمثل عندك مجرد ترف فكرى.ولكن عندى انا هى مواضيع جوهريه.

مسألة الحمامات من زمنا
زممممممممممممممممان ايام نميري
مافي مؤسسة تعليمية فيها حمامات
في التعريب جبتا سيرة جامعة النيلين واتكلمت عنها
ولم تتحدث عن سياسة التعريب في السودان. ودا امر مختلف

ضحكتني قصة حيز شخصي دي
ياخي انت مفرد لي بوست بحاله متطفلا على بكلام دبش وعبيط جدا..
وتجي تتكلم عن الحيز الشخصي.ز ياخي انت قلت اني ما مسقفة
ولليلة ما وريتنا المسقف هو منو؟
وكيف عرفتا اني ما مسقفة دي..
وكمان قلت اني مسقفة ضخب
تعرف انا كاتبي المفضل هوراKundera, Milan سمعتمو يا جنى
اها عنده قصة سمحة اسمها The Joke
وكم قصة كلها مكرسها للسخرية من عينتك دي عاملين تقدميين
وديمقراطيين وهم ولا قريب من الحاجة دي..
يعني مستوى الوعي يكون صفر لو فاز الكيزان ويكون كامل لو فاز الحزب الشيوعي
ماذا سيتغير؟
هل حتتعمل حمامات ولا كتب جديدة؟
الاتحادات دي قمة انجازها حفل الاستقبال وحفلة التخريج
واسبوع ثقافي..ورحلة عيد الفطر والاضحي...ورحلتنا الى الشمالية
يعني شغل طلاب.. ما ادارة...
ولا بيقدروا يعملوا اي حاجة عشان يجبو كتب ولا اساتذة
لانه دا ما شغلهم..
قبل دا العميد اضربنا ادانا اجازة 9 شهور..
الكلام دا ايام نميري نفس المشكلة
الكتب و الاساتذة والمقر والحمامات الخ الخ
فبالله روق وشوف التأريخ.. لانه التأريخ في السودان
ما بدا سنة 1989
بدا بدريييييييييي

سلامات
االعزيز بحر
مشكلة النيلين دي دايره ليها قعدة عديل كده
يعني
ايام الانتخابات
بتكون الجامعه فاضية من الطلاب
وده انا عايشته
اما الايام العادية الانتو ما حضرتوها
ايام الاعتقالات والقبيض
والرفع
فحدث ولا خبر
يعني يامعلم
الناس الشغالة في النيلين وخايفة على روحها
والناس الما عندها موضوع
والناس الفاقد التربوي
وناس الناضجين
وناس قريعتي راحت نا
جابونا نقرو
ومع كل الزخم والعدد الضخم للطلاب
اكبر عدد من الناس
الصوتو في الانتخابات من سنة 1998ولغاية اللية كان
زي اربعة الف طالب من عدد
36 الف طالب
اها شفت كيف
جاييك يا خالدنتناقش براحة
وكت اصلا ما في طريقة نعمل اي حاجة تانية

سلامات
االعزيز بحر
مشكلة النيلين دي دايره ليها قعدة عديل كده
يعني
ايام الانتخابات
بتكون الجامعه فاضية من الطلاب
وده انا عايشته
اما الايام العادية الانتو ما حضرتوها
ايام الاعتقالات والقبيض
والرفع
فحدث ولا خبر
يعني يامعلم
الناس الشغالة في النيلين وخايفة على روحها
والناس الما عندها موضوع
والناس الفاقد التربوي
وناس الناضجين
وناس قريعتي راحت نا
جابونا نقرو
ومع كل الزخم والعدد الضخم للطلاب
اكبر عدد من الناس
الصوتو في الانتخابات من سنة 1998ولغاية اللية كان
زي اربعة الف طالب من عدد
36 الف طالب
اها شفت كيف
جاييك يا خالدنتناقش براحة
وكت اصلا ما في طريقة نعمل اي حاجة تانية

سلامات
االعزيز بحر
مشكلة النيلين دي دايره ليها قعدة عديل كده
يعني
ايام الانتخابات
بتكون الجامعه فاضية من الطلاب
وده انا عايشته
اما الايام العادية الانتو ما حضرتوها
ايام الاعتقالات والقبيض
والرفع
فحدث ولا خبر
يعني يامعلم
الناس الشغالة في النيلين وخايفة على روحها
والناس الما عندها موضوع
والناس الفاقد التربوي
وناس الناضجين
وناس قريعتي راحت نا
جابونا نقرو
ومع كل الزخم والعدد الضخم للطلاب
اكبر عدد من الناس
الصوتو في الانتخابات من سنة 1998ولغاية اللية كان
زي اربعة الف طالب من عدد
36 الف طالب
اها شفت كيف
جاييك يا خالدنتناقش براحة
وكت اصلا ما في طريقة نعمل اي حاجة تانية

العزيز/محمد
شكرا على التوقيع فى دفتر الحضور.واتفق معك من مسببات عدم فوز القوى الوطنيه ضعف التصويت وعدم حضور الطلاب يوم الانتخابات مما يفتح الباب للتزوير.حيث يحضر الكيزان طلابهم فى الجامعات الاخرى ويتم استخراج بطاقات لهم باسماء طلاب فى النيلين.

ولى عوده قروشى كملت

Quote: حيث يحضر الكيزان طلابهم فى الجامعات الاخرى ويتم استخراج بطاقات لهم باسماء طلاب فى النيلين.

فهمنا النقطة دي
الطلاب مسجلين في الجامعة ودافعين الرسوم؟
ولا البطاقات ذاتها مزورة؟

شوف خليك دقيق في كلامك..عشان نفهم الحاصل شنو..
ل

سلامات
د.بيان
الانتخابات عدد البطاقات المزورة فيها
اكتر من عدد البطاقات النصيحة
سمح
بعدين كل سنة الناس بتقبض على الاقل 4ستات شاي
مطلعين ليهم بطاقات
وقبال الانتخابات
كل سنة
الامن والبوليس بيعملو كشة في الجامعة
يعني بيكون في اسبوع بتاع افلام عنف
أو رعب
ما فرقت
يعني تفريغ الجامعة بيتم
من قبل الاجهزة الامنية
بالمناسبة
قانون الانتخابات كانفي محاولة لتعديلة
قمنا وقعدنا في الموضو ده
وفي الاخير جابو لينا قانون عاملاهو الادارة
والمؤتمر الوطني براهم
ويعني شالو القانون القعدو فيه مع الناس
وعدلوهو بي معرفتهم (غيروهو بي قانون تاني)
وجابوهو راجع
وقالو
تخشو انتخابات بيه
اوما تخشو
اها راييك شنو يا بيان
الكلام ده حاصل بي اثباتاته
وجاييكم

الزميل خالد
سلامات

واقع الجامعه قد يختلف

الى حد ما من الجامعات الاخرى

كونها تضم عدد كبير من من طلاب برنامج

الناضجين والانتساب الذين حرموا من حق

التصويت والانتخاب وحصر هذا الحق فقط على

النظاميين ممااحاق ظلما فادحا واغتصاب حقوق

نقابيه ودستوريه لاعداد كبيره من الطلاب .

معظم التنظيمات المعارضه لاتمارس نشاطها بصوره

واضحه الا مع قرب الانتخابات مما ادى الى استثمار

المؤتمر الوطني لهذا الركود من بدايه العام الدراسي

وبدايه التسجيل خصوصا النظاميين البرالمه وعبر آلياته

المعروفه داخل الجامعه ويبدأ الاستقطاب باشكاله (رحلات ترفيه

حفلات استقبال طلاب جددالخ...) وهناك كثير من الكليات التى

يتبجح المؤتمر الوطني بانها مقفوله لصالحه وللا سف هذا لحد ما صحيح

المخجل ايضا الحضور الضئيل للقوى الوطنيه اثناء انعقاد الجمعيه العممويه

وتنافسها في هذا الواقع المؤلم في عده قوائم مما يسهل تكرار فوز

المؤتمر الوطني.

العلاج اخي خالد يكمن في مراجعه حقيقيه وواقعييه للقوى السياسيه الوطنيه

بجامعه النيلين والتنسيق على غرار تجربه جامعه الخرطوم.

Quote: اها راييك شنو يا بيان

والله حزينة ومصدومة جدا جدا...
لانه من المفترض ان يتعلم الطلاب من الانتخابات قبول الاخر
وممارسة حقهم في الانتخاب دون تزوير
ليتعلموا من هذه التجربة المحدودة (جامعتهم)
الى تجربة اوسع ( وطنهم)
وهذه الهرجلة وستات الشاي
على ايامنا كانت منعدمة..
كانت انتخابات حرة نزيهة مسؤولة

وكان دستور الاتحاد يتغير بواسطة الجمعية العمومية
ولا دخل للادارة به..
يازول كان كدي
السودان دا خرب تب..
حتى انتخابات الطلاب فقدت نكهتها..

لكم الله يا جيل هذه الحكومة
من ياتي بعدها يحتاج لعصاية سحرية عديل كدا
عشان يغير..
وشكرا انك اشركتنا في هذه التجربة..
التي بها اثباتات
لو لم تقل ان هناك اثباتات لما صدقت..
ربنا يحفظكم ويرفع عنكم الظلم والحصار..
انصحكم فقط بالموضوعية والصدق في طرح المواضيع
حتى تصلوا الى مبتغاكم.. وهو توصيل صوتكم الشاب...
واحترامي

كل المتداخلين شكرا على المواصله واسف للتاخير فى الرد..
المثقفه الصاخبه/بيان
شكرا كتير على مواصله متابعه الموضوع.ولكنى لدى ملاحظه بسيطه هى انك هنا تكتبين بذاكره قديمه شويه..وتظنين ان الواقع فى الجامعات السودانيه ذى زمان .زمن العصر الذهبى للجامعات السودانيه.وهذا ما يجعل كلامك بعيد جدا عن الاجواء التى نعيشها هنا فى السودان.هذا شئ.
وثانيا|ايضا الحظ انك تكتبين بخلفبه بوست مثقفى الصخب .وذى الدايره تصفى حسابات.وده بكون خصما على الموضوع المفتوح اصلا للنقاش.عموما ارجو بعد مداخله الاخ محمد على والاخ محمد حسين ان تكونى قد وقفتى على حجم الازمه فى جامعه النيلين...واتمنى ان تواصلى وتطرحى رؤى يمكن ان نستفيد منها ولو كان على مستوى رفع وعى طلاب جامعه النيلين .وخاصه فى ما يختص بالحضور للتصويت يوم الانتخابات مع العلم ان عدد الطلاب فى الجامعه اكتر من تلاتين الف وما يحضر للتصويت لا يتجاوز الالفين.
العزيز|محمد على
شكرا كتير على المواصله. ولدى رجاء لوكنت معاصر لاتحاد التحالف ان تسرد لنا كيفيه حققتم ذلك الانجاز واقتلعتم الاتحاد.
الصديق|محمد حسين
وين يا مان مشتاقييييييييييين.اتفق معك فى ان عدم اتاحه الفرصه لطلاب الدبلومات والناضجين لكى يصوتوا مشكله كبيره تحتاج لحل.اما بخصوص التنظيمات داخل الجامعه للامانه خطابها ضعيف للغايه ولا يرتقى لمستوى التنظيمات فى جامعه الخرطوم مثلا وهو هنا عباره عن مهاترات وكبسولات ضحك.ولكن ده برضو ما سبب يجعل الطلاب حضورهم ضعيف يوم الانتخابات.

سلامات
العزيزخالد
جاييك لي وصيف ايام النتخابات
بس في مشكلة لازم
تعرفها
الدورة الي اسمها دورة التحالف
كانت واحدة من كوارث القوي الوطنية
ما لانها كانت مسيخة
لكن لان
الجو العام كان سنه انفصال الشعبيين والوطنيين

وبالنسبة للحكومة
كان التنظيمات التانية اخير ليهم من الكيزان
عشان كده السنة ديك
كان فيها
شوية انضباط
وعدم تزوير لا للنتائج
ولا للانتخاب
وبالجد
الكيزان ما كانو فارزين صفوفهم وحساباتهم ما عديلة
وطبعا هم متاكدين
اذا سارت الانتخابات بصورة طبيعية
لا حيفوزو هم
ولا الشعبيين
ولا قوائم الاتجاه الاسلامي كلها مجتمعة
المهم
كان تكتيك سليم من الكيزان

جاييك للتفاصيل براحة براحة

شوف يا بحر يا ولدي
ما تفتكر مناداتك للناس بالالقاب دي شطارة ولا ابداء راي
لانه لو عاملتك بالمثل وطلعت ليك اسم حاضحك الناس فيك..
لكن انا بقول ادفع بالتي هي احسن خاصة مع الناس في سنكم
عسى ولعل تتعلموا حاجة
وعشان تتعلم ابجديات الاختلاف يجب ان تحترم مخالفك..
والكلام دا انا بقولو ليك لانك من جيل الابناء..
بتنسف اي قضية لما تفتكر انك تصف الاخر بصفة غير محترمة
ولسع انا مادة ليك حبل الصبر علك تتعلم..
طبعا فكرتي لازم تكون قديمة لانه انا قديمة ولا كيف؟
اخوانك الجو كتبو ديل كتبو باحترام
وبقوة من معه حق..ليه ما مشو في دربك
لانهم عارفين وفاهمين كيف تناقش القضايا الخطيرة
فلا يغرنك عوارات شيوعي البورد..ومناضلي الكيبورد آكلي والولفير الراسمالي
لانه تحت اي حكومة ديمقراطية ولا عساكر الا طبعا حكومات اليسار
لانه مافي فرق بينهم وبين الكيزان في قصة التمكين واقصاء الاخر..
براحة ممكن اكون عميدة كليتكم...لو ما بقيت مديرة جامعتكم,,
فخت الكورة واطة واتهذب لما تتكلم مع الناس الكبار
انا طلابي في بلادهم رؤساء اقسام..وغالبيتهم بيعملو في دكتوراه الان..
بعدين ما تتكلم عن الجامعة التى كنت اعمل بها لانه
ميزانيتها قدر ميزانية حكومة السودان لثلاثة اعوام
وبها مكتبة مربوطة بالمكتبات العالمية وفيها ملايين الكتب
اخر كتاب شوفته في الديسبلي اتنشر شهر مايو..
وكتب الكمبويتر بتتباع كل 6 شهور لطلاب بيجبو
آخر نسخة معدلة.. وبها اكثر من 900 بروف عالمي
ومئات الاساتذة المشاركين والمساعدين والمحاضرين
وطلابها واساتذتها من 118 جنسية..
شوفتا كيف؟
تنشيبة
لو كنت عايزة ارد بخلفيات بوست الصخب غير الموفق لدخلت ذلك البوست ولصرت الان انت مضحكة الاسافير..ذي ما قلت ليك قلنا يمكن تتعلم حاجة..

بيان
شكرا على المواصله..ولانك ضيفتى فى هذا البوست اسف......وليتواصل النقاش.

الشئ الذى يدعو للدهشه فى هذه الجامعه الحاله.ان نسب التصويت فى الانتخابات مخيبه للغايه فعدد الطلاب اكثر من ثلاثين الف وما يحضر يوم التصويت لا يتجاوز الخمسه الف وما يصوت فعليا لا يتجاوز الالف.وقد يتبادر للشخص عندما يسمع بهذه المعلومات ان ذاك مرده لان طلاب جامعه النيلين زاهدون جدا فى العمل النقابى وذلك لاهتمامهم بالتحصيل الاكاديمى اذا سلمنا جدلا ان ممارسه العمل النقابى تعيق التحصيل الاكاديمى .عموما بنظره واحده لبورت النتائج تصل لقناعه ان هؤلاء الطلاب هم ايضا لا يضعون التحصيل الاكاديمى فى دائره اهتماماتهم ومثال بسيط فى هذا العام.حيث بلغ حجم الناجحين فى الفرقه الرابعه انجليزى فقط خمسه وعشرين طالب من جمله ثلاثمائه طالب مما جعل مدير قسم اللغه الانجليزيه فى كليه الاداب يقدم استقالته.هذا يبين مدى ازمه النيلين.

Quote: شكرا على المواصله..ولانك ضيفتى فى هذا البوست اسف......وليتواصل النقاش

ابدا يا بحر
ما عشان انا ضيفتك لانه دا بوست في السهلة في منبر حوار
يعني ما عنده باب . الناس بتخش توش...
لازم يا ولدنا تتعلم حاجة.
انه تحترم كل من تحاوره..
وتحترم اختلافه معك..
والحاجة دي ما بتجي الا بضبط النفس وترويضها
نحنا في بلد بتؤمن ايمان قاطع بقصة انا وابن عمي على الغريب الخ الخ
ودي مقولة بتهلك فكرة الموضوعية والعدالة والحق..
لما تعتذر وتقول آسف
تقول اسف لانك وصفتني بصفة ما جميلة. ما حاقوليك انك قدر ولدي وشنو
لانه كدا ما بطلع من قصة المقولات الشعبية البتكرس انه كبر السن
عنصر مهم..
لا يا بحر عايزاك تقول آسف عشان انت اتعديت على بوصف لا يليق
ان تطلقه على محاورك فالزراية بالمحاور تشي بضعف الحجة..

وبعدها انت لا تعرفني ولا تعرف اسهاماتي في الحياة
قومتها وقلت صخب..
ودا حكم غير موضوعي..وغير عادل..
الزول عشان يتعلم يعتذر اعتذار صاح لازم
برضو يتحلى بالامانة..
وجل من لا يخطئ.. وانت قد اخطأت في حقي..
وانا ذي ما قلت ليك
ممكن ارد ليك رد تاني لا تظهر في مكان عام بعده(في سوابق)
ولكن بنظر لك كطالب يجب ان نعلمه..
وارى ان لك الكثير الذي يمكن ان تقدمه
بقليل من الاجتهاد. وانك بتمثل جيل غائب في البورد..
فبألتأكيد قعدت قعدة طويلة جدا
عشان تركب موجة عداء بيان
ةتكتب كلامك الذي لم تجد فيه اي تايد
حتى من مناضلي الكيبورد من فلول اليسار آكلي الولفير الراسمالي.ز
لانه انت بالنسبة ليهم مغفل نافع وطعم..
او فلوكة اختبار.. او طبال.. يعني ما شخصية اعتبارية..
وانا الى الان اتعامل معك انك شخصية اعتبارية.
من موقع استاذ يبني اجيال ويقومها..
يجب ان تعتذر على انك كتبت بوست مجحف في حقي
انا التي كنت ادخل بوستاتك تشجيعا لك.
كطالب..
واقدم لك نصائح. علك تستفيد منها
وافتح لك محاور..
لتخرج انت بانني مثقفة صخب..
وتكتب بوست تجردني من انجازاتي..
الى الان انا متمسكة بفكرة ان اعطيك فرصة
لتقويم الخطأ..
باعتذار واضح..
والعترة تصلح المشية والطريق قدامك طويل..
ودا رجاء ما تهديد..
لانه ممكن اقوليك اخد قدلة للارشيف وشوف
اي زول بيغلط فوقي ويكرر الغلط بيحصل ليه شنو
يعني انا عاملة ليك العفو عند المقدرة..
ومدياك فرصة تراجع نفسك..

بيان
شكرا تانى على المرور.اما بخصوص موقفى منك فانا الى الان عند راى موقفك من المظاهرات كان غير مشرف.ولديك ايضا الكثير من المواقف الاخرى هى امتداد لذات الموقف.هذا ما وجب توضيخه.

Quote: بيان شكرا تانى على المرور.اما بخصوص موقفى منك فانا الى الان عند راى موقفك من المظاهرات كان غير مشرف.ولديك ايضا الكثير من المواقف الاخرى هى امتداد لذات الموقف.هذا ما وجب توضيخه

كدي وريني موقفي شنو من المظاهرات الما مشرف وليه؟
عشان كلمة موقفك دي كلمة ما واضحة..
قول لي انا قلت شنو عن المظاهرات؟
بعدين انا ما عايزة اشرفك..ولا همي اني اشرفك ولا افرحك..
انت ماشي مع الزفة ناس هناية وهناي قالو كدا
انت طوالي لفحت وطرت..
لانه راي دا مشتركين فيه ناس كتار
وناس نزلو قالو المظاهرات مزعومة
ليه مافي زول اتكلم معاهم..
اها والشعب ذاتو سمع كلامي
وما مشى المظاهرات
شوفت كيف فشلت الانتفاضة؟




ا

بيان
هذا البوست مخصص لمناقشه موضوع معين.هو موضوع الانتخابات فى جامعه النيلين وليس لدى استعداد لحرفه عن مساره.اما اذا اردت المناقشه فى موضوع المظاهرات وموقفك منها فهناك بوست اخر تعرفين جيدا اين مكانه.رجاء الالتزام بمحاور النقاش وموضوع البوست.

ومازالت الفرصه مفتوحه للنقاش..ونريد ان نسمع اراء الجيل الذهبى من الركانه امثال خالد عويس والاخرين ,خاصه وان جامعه النيلين تعتبر من الجامعات المفصليه عند الكيزان ,,وقديما كانوا يقولون عند كل انتخابات وابان حرب الجنوب,,لو سقطت كل المدن مافى مشكله بس ما يسقط اتحاد النيلين...

dear ustaz khalid
كل عام وانت بخير

ربي يصومك ويفطرك علي خير
i hope next year we are all celebrating the end of the ingaz mafia gang dictatorship
dr mustafa