Post: #1
Title: كشف النقاب عن هوية الشخص الذي قام بتهديد د. زهير السراج
Author: وائل طه محى الدين
Date: 09-14-2006, 03:36 AM
نقلاً عن صحيفة: السوداني
العدد رقم 308 الخميس 14 / سبتمبر 2006 م
بعد كشف الملابسات: التهديد بالقتل لزهير السراج مداعبة خشنة
كشفت تحريات الشرطة والأجهزة الأمنية النقاب عن الشخص الذي بعث برسالة تهديد بالقتل للزميل د. زهير السراج عبر الهاتف الجوال بعد ساعتين من نبأ مقتل رئيس تحرير صحيفة (الوفاق) الأستاذ محمد طه محمد أحمد الأربعاء الماضي. وتنازل السراج عن حقه في البلاغ المفتوح تحت المادة (144) -تهديد بالقتل- واتضح أن الرسالة كانت على سبيل المداعبة، وأن صاحبها شخصية معروفة في المجتمع. وتعود التفاصيل إلى تلقي زهير السراج رسالة عبر جواله بدون أن يظهر رقم مرسل الرسالة تهدده بالقتل (الدور جاء عليك)، وذلك بعد ساعتين بعد اعلان مقتل محمد طه، وأثناء تأدية الزميل زهير السراج لواجب العزاء في فقيد الصحافة بمنزله، وقام زهير على الفور باطلاع الحضور على الرسالة وتوجه من هناك إلى قسم الشرطة لفتح بلاغ ضد مجهول، وفرضت الشرطة والأجهزة الأمنية اجراءات أمنية مشددة على منزل الزميل وأسرته واستغل البعض أجواء التوتر وألقى برسالة تهديد بالقتل أمام منزل زهير. واعتذر صاحب الرسالة التي كشفت الشرطة والأجهزة الأمنية هويته وتحديد رقم هاتفه الجوال، وقال إنه لم يدر بخلده أن تفضي هذه الرسالة إلى آثار وخيمة، وأنه لم يتابع تداعيات المسألة، وكانت أسرة زهير السراج عاشت فترة عصيبة وحالة من التوتر بعد تلقيه التهديد وسط أجواء الترقب التي عاشتها البلاد والوسط الصحفي عقب مقتل محمد طه. وأبدى السراج تقديره وشكره للشرطة والأجهزة الأمنية وشركة الهاتف الجوال بعد تمكنهم من الوصول لرقم جوال مرسل الرسالة وفك طلاسم القضية.
|
Post: #2
Title: Re: كشف النقاب عن هوية الشخص الذي قام بتهديد د. زهير السراج
Author: Hussein Mallasi
Date: 09-14-2006, 03:40 AM
Parent: #1
Quote: واستغل البعض أجواء التوتر وألقى
برسالة تهديد بالقتل أمام منزل زهير. |
بتاع رسالة الموبايل عرفوهو .. و ديل!!
|
Post: #3
Title: Re: كشف النقاب عن هوية الشخص الذي قام بتهديد د. زهير السراج
Author: abuguta
Date: 09-14-2006, 03:50 AM
Parent: #1
| Quote: التهديد وسط أجواء الترقب التي عاشتها البلاد والوسط الصحفي عقب مقتل محمد طه. وأبدى السراج تقديره وشكره للشرطة والأجهزة الأمنية وشركة الهاتف الجوال بعد تمكنهم من الوصول لرقم جوال مرسل الرسالة وفك طلاسم القضية |
اخى وائل
بتاعين الامن لو اصلا شاطرين خليهم يكشفو لينا..صاحب الموتر الكان جارى خلف
عربية الجناة..دا هو الوحيد البعرف القاتل...
تحياتى لك ول زهير السراج
|
Post: #4
Title: Re: كشف النقاب عن هوية الشخص الذي قام بتهديد د. زهير السراج
Author: bayan
Date: 09-14-2006, 04:10 AM
Parent: #3
السودانيين وعوارة التلفون والمزاح الثقيل وزوال العقل
الزول دا لو سجنوه كان بيتوب الناس البتضرب
تهظر هظارات بايخة..
في واحدة ضربت لواحدة قالت ليها انا زوجة زوجك الثانية
اها المرة جاتها حالة نفسية
وانتظرت زوجها رادمة عشفها خلاص ماشة
بعداك طلع انها كذبة ابريل
وانه صاحبو قال لزميلتو في المكتب تعمل كدا
عشان يهظر مع صاحبو..
بعداك لم تصدق الزوجة
وافتكرت صاحبو عايز يمرق صاحبو بالكضب
جابت ليها مجلس عائلي
وحليفة في المصحف
من الزميلة و الصديق
والى الان الزوجة تعبانة..
دا كلو لانه اكيد لم يدر في خلده..
لو يوم مسكت الحكومة حاقفل كل شركات التلفون في السودان
واصادر كل التلفونات الثريا..
عشان يرجع تاني الشمار بالقوالات..
من بيت البكا والاعراس ..
وعشان ناس السودان يبطلو العوارة
بتاعة التلفونات والثقالات.
نوع وين يا حبي وعاملة كيف؟
تلقاه حيوان بيعرفك ويمكن يكون اخوك ود امك وابوك
بيهظر بعد تشاكلو..
غياتو
المفروض الزول دا يؤدي حق المجتمع
وتعيبو للشرطة بلا عفينا بلا لمة..
لكان عظة. وعبرة لمن يعتبر..
اسع القلق العاشتو الاسرة دا هين؟
|
Post: #5
Title: Re: كشف النقاب عن هوية الشخص الذي قام بتهديد د. زهير السراج
Author: Hussein Mallasi
Date: 09-14-2006, 04:18 AM
Parent: #4
| Quote: والى الان الزوجة تعبانة.. |
ليه .. هو اصلو حصل شنو يعني!!
____
 
|
Post: #6
Title: Re: كشف النقاب عن هوية الشخص الذي قام بتهديد د. زهير السراج
Author: ماهر أبوجوخ
Date: 09-14-2006, 07:11 AM
Parent: #1
الاستاذ المناضل الجسور وائل طه
تحية طيبة ومرحب بيك (متأخرة بعض الشيئ) في منبر سودانيز أون لاين
وتحية من بعدك لجميع المداخلين في هذا البوست.
من الضرورة هنا الاشارة إلي أن هذا الخبر بهذا البوست هو أحد الاخبار التي منعها الرقيب وطالب بحذفه من الصحيفةالتي لم تصدر يوم الخميس ... إقرؤا الخبر جيداً فربما كان يحمل في داخله وبين سطوره (حزام ناسف) أو (فخخ)بعناية ... أو ربما أشياء أخرى ما حجبت ما كشفت لنا .... !!!
وافر الشكر والتقدير
ماهر
|
|