سؤال للمناضلين وغيرهم عليكم الله مودننا وين ممكن نعرف!!

ابلد زول (انا) عن قصد وتعمد في كل ما يخص السياسة!

ما بفهم فيها ولا بفهم ولا عاوز افهم!

بتذكر عهد نميري طشاش طشاش وشاركت في الانتفاضة الكنت بعتبرها في عمري داك مجرد هيصة وزوغانات من البيت!

والديموقراطية بتذكرها كويس وبتذكر انو الناس فيها بقو كلامهم كتير في (الشارع وفي البكيات وفي الاعراس) والجرايد كتيرة.

وعيش مافي وكنت اقوم ثلاثة صباحاً اشيل كيس المخدة(نضيف طبعاً مافيه اي ريالة والله) واكابس في الشوارع واسك من طابونة لي طابونة ومرات القى ومرات اجي راجع البيت خالي الكيس ومرات شايل دقيق (يوزعوا في الطابونة بدل العيش) وصفوف بنزين وناس يبيتوا بالايام عشان جالون...(وواحد يتزقي) ويقول قوات نظامية (حتى ناس الكديت) والتلفزيون على مساخته بقى كلو جمعية تاسيسية و برضوا غلاط ومشاكل!!
والمظاهرات بقت موضة ماهي برضو ديموقراطية (وشعاراتنا كانت لذيذة لذة تعبر عن الديمقراطية) إجازة اسبوع ننسى الموضوع والجكسي عايز بيبسي.

وكتير

وبعدها وانا في رحلة في بورتسودان سمعت بالانقلاب واول مافكرت فيه ياربي يكون في مظاهرات تاني !!

وجات مرحلة مابعد الديموقراطية والخطابات الثورية ويوسف عبد الفتاح ساكى ناس البهايم بي هلكوبتر.

وتمشي في الشارع تلقى واحد يقول ليك والله احسن وواحد يقول خلاص عملوها وبرنامج ساحات الفداء وشباب يؤيد وشباب يفكر في المخارجة.

وسافرت وقضيت سنين عددا برة السودان وجيت والفلم مدور زي ماهو وكل زول شايل طار وطارات حايمة وشعارات وشعارات مضادة والساقية لسة مدورة.

الصادق طلع عن طريق الشرق والمرغني في مصر ونميري رجع والصادق رجع والمرغني وجون قرنق رجع ومات والناس لسة في حالهم.

والله مافاهم حاجة والبقراء كلامي ده حايعرف لكن برضوا بسأل مودننا وين؟؟

وغير غيرهم برضوا!

مضى نصف الزمن..

مودننا وين..

تعرفوا من بلادتي المذكورة انفاً حا افتكر انكم عاجزين عن الإجابة ووالله والله في ناس كتار عاوزين إجابة!!

ماتخلوني انتظر كتير.

للكوسة في بلادى شئون


بتخلي المسنود فرعون


يتفرعن فين مهما يكون


وتخلي الجاهل أستاذ


والأعرج لاعب جمباز


وتخلي الأحول هداف


والكورة الآوت ف الجون


للكوسة ف بلادى شئون


لو تعرف واحد ف الشرطة


راح تخرج من أجدع ورطة


والراجل إللي إنت ظلمته


تلاقيه متلقح مسجون


أو تعرف شخصية كبيرة


شغالة ف البنك مديرة


راح تاخد من غير ضمانات


كام قرض بمليون مليون


وهروبك طبعا مضمون


ويا عيني لو تعرف نايب


ف المجلس مش نايب خايب


راح تبني أبراج وهمية


أوراقها مظبوطة أكيد


وفلوس الناس المهرية


هتجيلك م الجيب للإيد


بعديها تروح المستشفى


وتقيد نفسك مجنون


أحكامك تسقط ف ساعتها


بعديها ترجع موزون


ويا عيني لو تعرف شيخ


فجنابك طاهر علطول


وصيامك طبعا مقبول


وإذا فرضا حبيت تتجوز


تتجوز من غير مأذون


وإذا ساكن ف عمارة جديدة


وحبيبك راجل مسئول


فسيادتك من غير ما تقول


يركب لك فورا تليفون


ولو إنت عندك عربية


ونمرها سودة بنسرين


هتعدي أجدعها كمين


وهتكسر أوضحها إشارة


ماهو نمرك سودة جبارة


ولا تعرف أيتها قانون


ولو إنت بتعرف فرّان


أو واحد بياع جرنان


راح تاخد طلبك وهتمشي


من غير ولا دوشة ولا دور


والناس الغلبانة هتاخد


طلباتها بعدك وتغور


ماهو كله غيرك بيهون


ولو إنت زميل الحلاق


راح تحلق أولها زبون


وإذا كنت بتعرف دكتور


هتعيش متطمن مسرور


وهتسلك فى لجان الشفوي


ومجال تعيينك موفور


وهتطلع ف التليفزيون


بالبدلة وفيها الببيون


تتكلم وبكل بساطة


عن شرف المهنة المدفون


لكن لو شاعر غلبان


قلت اللي ف نفسك علطول


هيقولوا مين قال لك قول


ويهاجمك مليون إنسان

ما عارف شاعر الشي اعلاة شنو لكن عجبني

والله كان نفسى أكون مناضل عشان أغيظك
لكن أنا زيك فى السياسة

Quote: ما بفهم فيها ولا بفهم ولا عاوز افهم!

Quote: والله كان نفسى أكون مناضل عشان أغيظك لكن أنا زيك فى السياسة Quote: ما بفهم فيها ولا بفهم ولا عاوز افهم!

الحمد لله

الأخ سامي عبد الوهاب مكي

والله انا زي اخوي الكاشف ما بعرف في السياسة ...

علا دايرة اعرف عشان ما ارجي لي زول يوديني ... يعني

بالعربي كده اقرر عن نفسي وما اباري الناس...

اها كيف الخطة دي معاك ؟

سامى
لك التحية

و الله كل الناس ما عارفة البلد ماشة وين لكن نصبر ولا انت رايك شنو

ويا رشا

Quote: اها كيف الخطة دي معاك ؟

السؤال دا تسالى لزول بيكون شاربها ومنهم يعنى زى

محمد حامد جمعة

حسين ملاسئ

اساسئ

وبعض الطباليين

زلا انتى رايك شنو ؟؟؟


تسلموا

الأخ العزيز سامي،

لك التحية،

قال الله سبحانه وتعالى في محكم تنزيله:

{وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَـكِنَّ اللّهَ ذُو فَضْلٍ عَلَى الْعَالَمِينَ} البقرة251

{وَلَوْلَا دَفْعُ اللَّهِ النَّاسَ بَعْضَهُم بِبَعْضٍ لَّهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيراً وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيز}الحج 40



الإنسان لا يولد مناضلاً.
لكن الإنسان يولد حراً.

وسيدنا عمر بن الخطاب قال: (متى استعبدتم الناس وقد ولدتهم أمهاتهم أحراراً).

فتعرض الإنسان ـ أو غيره ـ للظلم تجعله يناضل حتى يحقق التصور الذي يؤمن به للحريات والمساواة والعدل. ويجد في ذلك تحقيقاً لمعنى الحياة الحرة له ولغيره.

لذلك فالناس يختلفون في درجة النضال حسب بيئتهم وحسب رؤياهم وإحساسهم بالفارق بين العدل والظلم (وبين الذي يجب أن يكون والذي كائن) وحسب إيمانهم بضرورة وحتمية تحقيق العدالة.

ويزيد أسى الإنسان عندما يرى الشعوب الأخرى في تقدم، وبلده من سيء لأسوأ. بسبب ضيق الرؤى والفساد وغياب الحريات والعدل والمساواة والديمقراطية.

لكن هذه الكلمات السامية تصبح ممجوجة عندما تستخدم زريعة للوصول لكراسي الحكم - كما يحدث في السودان. ويحدث التخلى عنها في أول بادرة، ليكون الجري وراء المصالح الحزبية هو الحاكم. رغم ذلك تظل الأحزاب هي الوسيلة الوحيدة الممكنة لتحقيق الديمقراطية.

لذلك يظل المناضل مناضلاً ليس فقط في ظل الأنظمة الديكتاتورية.
لكنه مناضل حتى تحت ظل النظام الديمقراطي.

إذا الإجابة لسؤالك تكون في أن المناضل يسعي من أجل
أن تتحقق الحرية والديمقراطية والعدالة والمساواة..

وأن تكون إنسان لك قيمة
ولكلمتك معنى وصدى لدي الحاكم الذي تختاره بحريتك

وأن تشارك أنت في إتخاذ القرار العام ومصير البلاد
وأن تتحمل مسؤولية ذلك.

وأهم شيء أن تؤمن بأن الحق لا يعلى عليه.
وأننا كبشر ذرات صغيرة في هذا العالم، لكن إيماننا ونضالنا من أجل تحقيق أحلامنا لا تحده حدود.
هذا الإيمان هو الفارق بين أن نكون أو لانكون. هذا الفارق هو الذي يجعل البعض يقدمون أنفسهم شهداء للحق.

والله من وراء القصد.

الأخ الحبيب عوض الله

السلام عليكم ورحمة الله
دعني أشد على يدك
بعد إذن صاحب البوست طبعا

فقد أصبت كبد المراد

Quote: الإنسان لا يولد مناضلاً. لكن الإنسان يولد حراً. وسيدنا عمر بن الخطاب قال: (متى استعبدتم الناس وقد ولدتهم أمهاتهم أحراراً). فتعرض الإنسان ـ أو غيره ـ للظلم تجعله يناضل حتى يحقق التصور الذي يؤمن به للحريات والمساواة والعدل. ويجد في ذلك تحقيقاً لمعنى الحياة الحرة له ولغيره.

ودعنا - يا سامي - نرد السؤال على السائل والسحر على الساحر

فلا نسأل المكافحين والمناضلين والمجاهدين : مودننا وين بنضالهم وجهادهم وكفاحهم
ولكن نسأل القاعدين والخانعين والساكتين : مودننا وين بخنوعهوم وقعودهم وسكوتهم


مع محبتي للجميع

Quote: الأخ سامي عبد الوهاب مكي والله انا زي اخوي الكاشف ما بعرف في السياسة ... علا دايرة اعرف عشان ما ارجي لي زول يوديني ... يعني بالعربي كده اقرر عن نفسي وما اباري الناس... اها كيف الخطة دي معاك ؟

المشكلة نكون قاعدين نتلفت يجو يقول لينا الفلم انتهى يلا امشو محل نمشي مانعرف..

شفت المصيبة!!

سامى
لك التحية

و الله كل الناس ما عارفة البلد ماشة وين لكن نصبر ولا انت رايك شنو

ويا رشا


Quote: اها كيف الخطة دي معاك ؟

ههههههههههههههههههههه

الاخ سامي
السلام عليكم ورحمة الله وبركاته
والله أنا عايز أقول كلامك دا من زمان ...لكن !!!
{لأني أبلد منك في السياسة} .... أخترت أن اكون
متفرج فقط .
وبيني وبينك كلام ذي دا{ في السياسة} لا بودي ولا بجيب
مجرد إستعراض مهارات لغوية { حكي منمق} ... وبس ...
تحياتي
طرمبا

Quote: الاخ سامي السلام عليكم ورحمة الله وبركاته والله أنا عايز أقول كلامك دا من زمان ...لكن !!! {لأني أبلد منك في السياسة} .... أخترت أن اكون متفرج فقط . وبيني وبينك كلام ذي دا{ في السياسة} لا بودي ولا بجيب مجرد إستعراض مهارات لغوية { حكي منمق} ... وبس ... تحياتي طرمبا

من ناحية منمق (دي اهم مميزات السياسي ) إتخيل لي كدة!!

Quote: لكن هذه الكلمات السامية تصبح ممجوجة عندما تستخدم زريعة للوصول لكراسي الحكم - كما يحدث في السودان. ويحدث التخلى عنها في أول بادرة، ليكون الجري وراء المصالح الحزبية هو الحاكم. رغم ذلك تظل الأحزاب هي الوسيلة الوحيدة الممكنة لتحقيق الديمقراطية.

Quote: والديموقراطية بتذكرها كويس وبتذكر انو الناس فيها بقو كلامهم كتير في (الشارع وفي البكيات وفي الاعراس) والجرايد كتيرة. وعيش مافي وكنت اقوم ثلاثة صباحاً اشيل كيس المخدة(نضيف طبعاً مافيه اي ريالة والله) واكابس في الشوارع واسك من طابونة لي طابونة ومرات القى ومرات اجي راجع البيت خالي الكيس ومرات شايل دقيق (يوزعوا في الطابونة بدل العيش) وصفوف بنزين وناس يبيتوا بالايام عشان جالون...(وواحد يتزقي) ويقول قوات نظامية (حتى ناس الكديت) والتلفزيون على مساخته بقى كلو جمعية تاسيسية و برضوا غلاط ومشاكل!! والمظاهرات بقت موضة ماهي برضو ديموقراطية (وشعاراتنا كانت لذيذة لذة تعبر عن الديمقراطية) إجازة اسبوع ننسى الموضوع والجكسي عايز بيبسي. وكتير

شكرا يا طيب

كديستك دي بتسوي في push up ولا عيوني كعبات؟

غايتو الكديسة ذاتها دايرة تواكب الاحداث وبتسخن..

والله يا سامي يا اخوي اي شيء داير سياسة ومسايسة..

وسياسة القبول بالأمر الواقع دي انا ما واقعة لي..عشان كده بنحاول

وبعدين لينا اجر المحاولة..(هي كانت المحاولة ولا المناولة؟)

غايتو ده رأيي المتواضع مع انه النسوان ما مفروض يخشوا

في السياسة او كما قال احدهم..

اختك عاشة..

Quote: وسياسة القبول بالأمر الواقع دي انا ما واقعة لي..عشان كده بنحاول وبعدين لينا اجر المحاولة

أوافقك بإطلاق

Quote: كديستك دي بتسوي في push up ولا عيوني كعبات؟ غايتو الكديسة ذاتها دايرة تواكب الاحداث وبتسخن..

والله إنتي الفهمتيها!!

شكراً