Post: #1
Title: ياســــر عرمــان يهدد بالاستقاله؟؟!!
Author: السنجك
Date: 09-11-2006, 01:07 AM
هدد ياسر عرمان بتقديم استقالته من رئاسة لجنة الاعلام احتجاجا على عودة الرقابه ومصادرة الصحف باعتبارها خرقا للدستور وتعديا على الحريات والمؤسسات !!!
دابك فقت من الاغماءه ياياسر ياخى متين الانقاذ توقفت عن الاعتداء على الحريات وخرق الدستور امس القريبه دى ضربت مظاهرة حزب الامه وطاردت طلاب جامعة الخرطوم وقتلت منور ياياسر موظف السكه الحديد الاحالته الانقاذ للتقاعد وبعدها لاحقته لحدى مااحالته للموت ومحاكم الانقاذ حاكمت مريم الصادق بشهرين وهى مرضع ...دا كله ماسمعت بيه فوت دا كله وداير تستقيل فى رقابه دا انتوا رفعتوا الاسعار وجوعتوا الناس والغلابه ماتوا من الجوع والبعض يحتضر برضه تهدد لى باستقاله مجرد تهديد دا كان مفروض تستقيل قبل سنه ياياسر لكن اسع استقالتك ماعندها معنى واصل ياخوى واصل
السنجك
|
Post: #2
Title: Re: ياســــر عرمــان يهدد بالاستقاله؟؟!!
Author: السنجك
Date: 09-11-2006, 01:08 AM
Parent: #1
الخبر ورد فى جريدة السودانى
السنجك
|
Post: #3
Title: Re: ياســــر عرمــان يهدد بالاستقاله؟؟!!
Author: Sabah Hussein
Date: 09-11-2006, 01:18 AM
Parent: #1
ياريت وباقي الشله كمان
|
Post: #4
Title: Re: ياســــر عرمــان يهدد بالاستقاله؟؟!!
Author: السنجك
Date: 09-11-2006, 06:56 AM
Parent: #3
صباح باقى الشله غرقانيين فى العسل وكمال حسن بخيت قال فى آخر مقال ليه منتقد ناس التجمع الاعضاء فى المجلس الوطنى انهم زى راجل جا مع بين الاختين يعنى مع الحكومه والمعارضه مع الحكومه كل واحد ادوه عربيتين جداد لنج ومرتب كبير وحوافز اجتماعات لجان مابتجتمع اما ناس الحركه فالمرسيدس
والاعتياد على النعمه من الصعب مفارقته وياسر ذاته دى هرشه ساكت
السنجك
|
Post: #5
Title: Re: ياســــر عرمــان يهدد بالاستقاله؟؟!!
Author: wagdi salih
Date: 09-11-2006, 08:18 AM
Parent: #1
الاخ السنجك
امنياتنا ان يعودوا الى رشدهم
ونلملم اطراف هذا البلد المهدد
المال ................. والكلام
الفات انبلع وانصدموا المراهنين
على نيفاشا والقاهرة وابوجا
كلو ماعندو معنى لانو الشعب غائب
والقوانين المقيدة للحريات موجودة
ما يلغوها في المجلس قاعدين يسوا شنو
الدستور حبر ساكت لا حرية لا يحزنون
السلطة فتنة وبريقها صعب الا للمحصنين
بحب شعبهم . الكلام القبل نيفاشا انبلع
والوزارات في ايدهم ياتو قرار اصدروه هم
لمصلحة الشعب او اعادة المفصولين....
ذي ما بيقولوا خلونا بالله نشق طريقنا
والفيكم انعرفت ....
|
Post: #6
Title: Re: ياســــر عرمــان يهدد بالاستقاله؟؟!!
Author: السنجك
Date: 09-11-2006, 08:47 AM
Parent: #5
الفيهم اتعرفت ساكت ديل الفيهم اتعرفت واتاكدت ياوجدى
السنجك
|
|