Post: #1
Title: نكتة للصحافيين العـزابة....احذروا الطهورة الرسالية!!
Author: هشام هباني
Date: 09-10-2006, 02:18 PM
بعد الجريمة البشعة التي تعرض لها الصحافي المرحوم محمد طه وقد قتل و تم التمثيل بجثته....( من غير خوض في التفاصيل) من قبل زبانية هذا النظام المجرم .. تذكرت نكتة سودانية قديمة وهي تحكي عن (شكلة في السوق بين الجزارين بين جماعة اللحم وجماعة الكمونية..طبعا الشغل سكاكين ساكت وبعيج وقطيع شديد...المهم الشكلة حصلت وجا البوليس وشالو الناس المعوقة ودوهم الاستباليات والشفخانات وتاني يوم جابوهم المحكمة قدام القاضي.. واثناء ما القاضي شغال في المحكمةوالناس صانة صنة شديدة...كان في واحد من الجماعة المتهمين منفقع بالضحك في المحكمة..بشكل هستيري لمن زعل القاضي منو ومن ضحكو المن غير سبب..وكان اخونا المتهم مضروب سكين في خشمو نخرتو مقطوعة وشلوفتو مقطوعة,,يعني حالتو مبهدلة وتحنن.. استغرب القاضي ورفع الشاكوش: محكمة...يا اخوي المضحكك شنو..بعد ما الله بشتنك وقطع ليك نخريك وشلاليفك..مفروض تبكي وتندم عمرك كلو؟؟
وقام صاحبنا رد علي القاضي وهو ميت بالضحك: والله يا مولانا انا حكايتي ساهلة قطيع شلاليف ونخرين ما مهم لكن حبيبي الجنبي ده علي بالطلاق سيرتو ودخلتو بعد بكرة
و( عدتــو) في قفتي دي!!
اها يا جماعة يا صحافيين يا عذابة يا مناضلين كل زول ابقى عشرة علي ( عدتو) والزارعة الله في الحجر بتقوم.
هباني ظاااطو
|
Post: #2
Title: Re: نكتة للصحافيين العـزابة....احذروا الطهورة الرسالية!!
Author: ABDELMAGID ABDELMAGID
Date: 09-10-2006, 06:35 PM
Parent: #1
| Quote: اها يا جماعة يا صحافيين يا عذابة يا مناضلين كل زول ابقى عشرة علي ( عدتو) والزارعة الله في الحجر بتقوم. |
ودهبانى اخوى ...
اظهر انو مستصحفين كتار ( عدتم !!! ) بقت ( مراره !!! ) و قفة جزارة  !!!
عبدالماجد
|
Post: #3
Title: Re: نكتة للصحافيين العـزابة....احذروا الطهورة الرسالية!!
Author: عبد المنعم سليمان
Date: 09-10-2006, 06:40 PM
Parent: #1
الاخ هباني
وماذا يضير العده بعد ذبحها .
|
Post: #4
Title: Re: نكتة للصحافيين العـزابة....احذروا الطهورة الرسالية!!
Author: saif massad ali
Date: 09-10-2006, 06:43 PM
Parent: #3
الناظر
سلام
والله قصة الشغل قطيع ساكت
تلفونك بالمسنجر لو سمحت
|
Post: #5
Title: Re: نكتة للصحافيين العـزابة....احذروا الطهورة الرسالية!!
Author: هشام هباني
Date: 09-14-2006, 09:58 AM
Parent: #4
عبد الماجد وعبد المنعم وسيف
سلامات
نحن في زمان عجيب لاخيار لمفاضلات فيه بين قطع الروؤس والروس الروس حباب التيوس!!
|
Post: #6
Title: Re: نكتة للصحافيين العـزابة....احذروا الطهورة الرسالية!!
Author: عبد المنعم سليمان
Date: 09-14-2006, 10:33 AM
Parent: #1
هشام
ازييك
انشاء الله يقطعوه ويعملوا هـوت دوق وما ينفعهم . ولا ينفعهم يا ربي .
وده فتوى اكلو مشـوي تلقا هسه بطبخوا فيها .. اصلا نيء من زمان عملوا ليهو فتوى .. حتى يا هشام اسال حاج نور الله يرحموا. وقالــــــــو طااااااااااااعم .. .
|
Post: #7
Title: Re: نكتة للصحافيين العـزابة....احذروا الطهورة الرسالية!!
Author: هشام هباني
Date: 09-14-2006, 11:21 AM
Parent: #6
Quote: انشاء الله يقطعوه ويعملوا هـوت دوق وما ينفعهم . ولا ينفعهم يا ربي .
|
والله يا منعم الناس ديل حاقدين حقد عجيب....وتطوروا في الجريمة ابتدأوها بالقزاز الرسالي وانهوها اليوم بالختان الرسالي والذي يذهب بعورة العبد كلها بلا عودة!!
|
|