هل ابناء الشهادة العربية هم السبب

Post: #1
Title: هل ابناء الشهادة العربية هم السبب
Author: محمد عادل
Date: 09-10-2006, 08:03 AM

ندما كنا نسمع سابقا بمظاهرات فى جامعة الخرطوم نجزم بنسبة 90% بان الحكومة اسقطت
عندما اتذكر ثورة اكتوبر كيف خرج طلاب الجامعة ضد عبود
وعندما نتذكر شعبان 1973
ونتذكر يوليو 1976
ونتذكر الانتفاضة 1985
كانو هناك ابطال ورجال لايهبون الموت ينسون كل شى الا الهم الوطنى
اننا اليوم نعيش واقع غريب وخاصة من ابناء الشهادة العربية الذين يجهلون جهل تام عن السودان ويخشون الخروج فى المظاهرات ويخافون سماع صوت البنمبان يخافون بان يجلسو ان يستمعو لاركان النقاش
هل السبب فيهم هم ام فى التربية ام لغياب الحس الوطنى فيه
لماذا دائما حضور الجامعات فى المسيرات ضعيف للغاية
هل هم السبب الرئيسى فى عددية الطلاب للخروج للمسيرات السلمية

Post: #2
Title: Re: هل ابناء الشهادة العربية هم السبب
Author: محمد عادل
Date: 09-10-2006, 08:14 AM
Parent: #1

دعانى صديق عزيز على منذ ايام المدرسة بان اذهب معة يوم الى الجامعة
فذهبت معة وعرفنى على زملائة الذين يدرسون معة واثناء نحن جالسون وجت ركن نقاش مدور وكولن ساخن
وذهبت واستمعت له بكل اذن صاغية وعجبت بالمتحاورين ويدعون الطلاب الى الخروج الى المسيرة الاربعاء
وشاركت فى هذا الركن وشكرونى المنظمين
واثناء العودة لازملاء صديقى سالت احدهم لماذا لايشاركون ويستمعون لهذا الركن فقال لى احدهم يازول ياخى نحنا مالنا طنش تعيش تنتعش حسه نحنا فاضين خلينا نكمل ونستنا دا
قلت ليهم تونسو بتقولو شنو قال لى يعنى شنو كيف يعنى
قلت ليهم اه يوم الاربعاء طالعين قال لى انت ماجادى اطلع وين
عشان ننضرب نحنا يوم الاربعاء ذاتنا ماجاين الجامعة
قلت ليهو انت شهادة عربية قال لى اى من وين من الامارات
سالت الجنبو فكانت بنت من وين انتى قالت لى من الدمام
قلت ليها حتشاركى يوم الاربعاء قالت لى هوى انا مالى مال زيادة السكر ولا البنزين
انظرو لهؤلاء اليسو هم السبب
هل هؤلاء جيل الغد

Post: #3
Title: Re: هل ابناء الشهادة العربية هم السبب
Author: نهال كرار
Date: 09-10-2006, 08:23 AM
Parent: #1

الأخ عادل

ماسطرته يداك في هذا البوست إهانة وتجريح لا حد له

Quote: اننا اليوم نعيش واقع غريب وخاصة من ابناء الشهادة العربية الذين يجهلون جهل تام عن السودان ويخشون الخروج فى المظاهرات ويخافون سماع صوت البنمبان يخافون بان يجلسو ان يستمعو لاركان النقاش
هل السبب فيهم هم ام فى التربية ام لغياب الحس الوطنى فيه
لماذا دائما حضور الجامعات فى المسيرات ضعيف للغاية
هل هم السبب الرئيسى فى عددية الطلاب للخروج للمسيرات السلمية

ما بها تربيتهم ؟؟ ممكن تشرح لينا ؟

هل نسي المغتربون وأصحاب اللجوء وطنهم ؟؟ هل قلة وطنيتهم ؟؟

إن أجبت بـ لا

فسيكون كل ما سطرته هنا مجرد تجريح واتهامات لا أساس لها من الصحة لتقرها وكأنها حقائق !!!!

أنتظر منك إعتذار واضح عن ماألحقته بنا من إهانة

وبكل أسر المغتربين

Post: #4
Title: Re: هل ابناء الشهادة العربية هم السبب
Author: محمد عادل
Date: 09-10-2006, 08:26 AM
Parent: #3

الاخت نهال كرار
اى اهانة تقصديها
انى لم اسئى شخص ياستاذة

Post: #5
Title: Re: هل ابناء الشهادة العربية هم السبب
Author: Dina Faisal
Date: 09-10-2006, 08:33 AM
Parent: #4

Quote: عندما اتذكر ثورة اكتوبر كيف خرج طلاب الجامعة ضد عبود
وعندما نتذكر شعبان 1973
ونتذكر يوليو 1976
ونتذكر الانتفاضة 1985

Quote: تاريخ الميلاد: 3/3/1985

Post: #7
Title: Re: هل ابناء الشهادة العربية هم السبب
Author: محمد عادل
Date: 09-10-2006, 08:37 AM
Parent: #5

الحبيبة دينا لا ارى شى يضحككى
نعم مولود عام 1985
اوكى لم اعش اكتوبر ولا شعبان ولا يوليو
وعندما اتت الانتفاضة كان عمرى شهر
ولكنى اعلم كثير عن تاريخ السودان وحكومانه ياستاذة

Post: #8
Title: Re: هل ابناء الشهادة العربية هم السبب
Author: Sobajo
Date: 09-10-2006, 08:38 AM
Parent: #5

Quote: عندما اتذكر ثورة اكتوبر كيف خرج طلاب الجامعة ضد عبود
وعندما نتذكر شعبان 1973
ونتذكر يوليو 1976
ونتذكر الانتفاضة 1985

شلتيها من طرف كيبورديني يا دينا ...!!

Post: #10
Title: Re: هل ابناء الشهادة العربية هم السبب
Author: Dina Faisal
Date: 09-10-2006, 08:45 AM
Parent: #8

Quote: شلتيها من طرف كيبورديني يا دينا ...!!

شيل الصبر يا سوباجو

الجايات اكتر من الرايحات

Post: #6
Title: Re: هل ابناء الشهادة العربية هم السبب
Author: Al-Shaygi
Date: 09-10-2006, 08:35 AM
Parent: #1

أنت يا وليدي خريج وين؟؟؟؟
كدي أولاً وقبل أن تتنطع هنا مقيماً ومحللاً
أمشي أدخل ليك معهد أتعلم فيه الكتابة وبعدين تعال نرد عليكك.
الإملاء والنحو والصرف ولا شوف ليك لغة تانية أكتب بيها، عشان ما تضيع وقتنا في فك طلاسم ما تكتب.

الشايقي

فاوضني بلا زعل

Post: #9
Title: Re: هل ابناء الشهادة العربية هم السبب
Author: محمد عادل
Date: 09-10-2006, 08:38 AM
Parent: #6

مابدخل والذيك ديل انا اصلا مابتكلم معاهم ياسيد
مكسب
والشئ التانى عشان ماتضيع وقتك داخل مالك

Post: #11
Title: Re: هل ابناء الشهادة العربية هم السبب
Author: نهال كرار
Date: 09-10-2006, 08:48 AM
Parent: #1

Quote: اى اهانة تقصديها
انى لم اسئى شخص ياستاذة

Quote: كانو هناك ابطال ورجال لايهبون الموت ينسون كل شى الا الهم الوطنى

وبعدها كتبت

Quote: اننا اليوم نعيش واقع غريب وخاصة من ابناء الشهادة العربية الذين يجهلون جهل تام عن السودان ويخشون الخروج فى المظاهرات ويخافون سماع صوت البنمبان يخافون بان يجلسو ان يستمعو لاركان النقاش
( ياااي خالص )

Quote: هل السبب فيهم هم ام فى التربية ام لغياب الحس الوطنى فيه

Quote: لماذا دائما حضور الجامعات فى المسيرات ضعيف للغاية

Quote: هل هم السبب الرئيسى فى عددية الطلاب للخروج للمسيرات السلمية

آآه , يعني قلة خروج الناس في مظاهرة يوم الأربعاء كانت بسبب ابناء شهادة عربية !!!

ياااا سلام !!

في زول قال ليك انو نحن ناس سذج ؟؟ ولا دا استنادا على ما كتبته

افتكرت انو البخافوا من أركان النقاش و سماع صوت البنمبان !!!!

ما ممكن يجوا يردوا على هذا السخف والتجريح

مستنية أعرف تربيتهم مالها ؟؟

وبرضو مستنية اعتذار واضح وصريح لكن أبناء شهادة عربية

ولكل أب كادح وأم كادحة تحملوا مرارة الغربة

وربوا ابناءهم أفضل تربية وزرعوا فيهم حب الوطن والوفاء له

Post: #12
Title: Re: هل ابناء الشهادة العربية هم السبب
Author: Sobajo
Date: 09-10-2006, 09:04 AM
Parent: #11

انا اقوليك حاجة يا محمد عادل ...

ممكن انا اكون نص شهادة عربية ... يعني سمي شهادة عربية ...

امضيت سنيني الاولى في الغربة مع العائلة ...

وعندما رجعنا بصورة نهائية للسودان ، وجدت نفسي اكثر وطنية من اقراني في المدرسة،

فعندما كنت في الغربة لم اكن احتمل كلمة واحدة عن السودان ،

وكانت العبارة الشهيرة في المدارس السعودية في ذلك الحين (طالعني برة )...

بمعنى ان نلتقي خارج سور المدرسة و غالبا في اخر اليوم الدراسي لتصفية الحسابات ..

وكنت من اكثر الاجناس استخداما لهذه الشبه جملة ...

فكلما اسمع اتعليقا يسبني او يسب بلدي .. تراني انطق بها .. (طالعني برة ) ....

وليس بالضرورة ان اكون منتصرا في كل مطالعة ... ولكن على الاقل كنت احس بالوطنية و الانتماء ...

وكم كانت المفاجأة كبيرة عندما التحقت بالمدارس السودانية و المجتمع السوداني ...

اقبح ما يمكن ان تسمعه عن الوطن :

- انعل ابوها بلد ...

- ياخ دي بلدا يرفعولها علم ...

- السودان القرف ...

- ..... الخ ... الخ ....

ولكن هذه المرة هل لي ان (اطالع) كل الشعب برة ...

كي اقتص لوطني ...

اصابني التبلد كذلك ...

مع عدم استثاغتي لهذه التعابير الجارحة ...

فارجو ان تراجع تحليلك يا بوحميد ، ولتبحث عن شماعة اخرى تعلق عليها الفشل ...

احترامي ...

بيلو

Post: #14
Title: Re: هل ابناء الشهادة العربية هم السبب
Author: فيصل نوبي
Date: 09-10-2006, 09:09 AM
Parent: #11

Quote: كدي أولاً وقبل أن تتنطع هنا مقيماً ومحللاً
أمشي أدخل ليك معهد أتعلم فيه الكتابة وبعدين تعال نرد عليكك.

الشايقي
براحة عشان ما تقع في الحفرة

نهال
سلامات
Quote: (ياااي خالص)

ده الذ بوست يقابلني

Post: #13
Title: الشايقي /نهال /محمد
Author: lana mahdi
Date: 09-10-2006, 09:06 AM
Parent: #1

Quote: أنت يا وليدي خريج وين؟؟؟؟
كدي أولاً وقبل أن تتنطع هنا مقيماً ومحللاً
أمشي أدخل ليك معهد أتعلم فيه الكتابة وبعدين تعال نرد عليكك.
الإملاء والنحو والصرف ولا شوف ليك لغة تانية أكتب بيها، عشان ما تضيع وقتنا في فك طلاسم ما تكتب.

الشايقي

غريبة يا الشايقي كأنو هو الخريج الوحيد البيغلط في الكتابة هنا و ما تقول لي ما شفتا بوستات متخمة بالغلطات الإملائية و النحوية و إلا لما كتب محسن خالد (إصلاح الكتابة في المنبر) قبل اشتراك محمد عادل.
النصيحة لمن تكون مخصصة تستحق الوقفة.
نجي لمحمد
التعميم مضر يا أخي الحبيب الناس ما واحد و هنالك من تربوا بداخل السودان و نفضوا يدهم تماماً عما يدور حولهم من أحداث في الوطن.
التربية يا نهال الحبيبة أعتقد محمد قاصد بيها التربية الوطنية فمخك ما يمشي لبعيد

Post: #19
Title: Re: الشايقي /نهال /محمد
Author: نهال كرار
Date: 09-10-2006, 09:20 AM
Parent: #13

Quote: التربية يا نهال الحبيبة أعتقد محمد قاصد بيها التربية الوطنية فمخك ما يمشي لبعيد

لنا العزيزة

مخي مامشه بعيد

بغض النظر عن القاصده لازم يجي ويورينا تربيتهم مالها ؟؟

سواء الوطنية ولا غيرها ؟؟

قصده شنو؟

هل قصده ان أباءنا وأمهاتنا في الغربة أقل وطنية من غيرهم في داخل السودان ؟؟

يا لنا الأخ عادل كلامه واضح جدا

وانا لسه مستنية أعتذار عن كل السخف والتجريح والإهانة الكتبها في حقنا

Post: #15
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 09:10 AM
Parent: #1

يا خوانه بالواضح ومن غير زعل ناس الشهاده العربيه حناكيش .

لكن انتو ما تلوموهم لومو السبب الخلى اسرهم تطلع بره.

Post: #17
Title: Re: هل ابناء الشهادة العربية هم السبب
Author: فيصل نوبي
Date: 09-10-2006, 09:16 AM
Parent: #15

Quote: يا خوانه بالواضح ومن غير زعل ناس الشهاده العربيه حناكيش .

لكن انتو ما تلوموهم لومو السبب الخلى اسرهم تطلع بره.

ده جاي يكحلها

Post: #16
Title: Re: هل ابناء الشهادة العربية هم السبب
Author: Tabaldina
Date: 09-10-2006, 09:12 AM
Parent: #1

..
.
بالله شوفوا ..
Quote: اننا اليوم نعيش واقع غريب وخاصة من ابناء الشهادة العربية الذين يجهلون جهل تام عن السودان ويخشون الخروج فى المظاهرات ويخافون سماع صوت البنمبان يخافون بان يجلسو ان يستمعو لاركان النقاش

آها دايرين ترموا فشلكم وفشل مسيرتكم فى اولاد الشهادة العربية
يا زول انا قلت ليك قبيل
بليز قرو اب وكمان وصيتك ما تأكل الكبدة النيئة
بتعمل ليك هلاوويس
انت زول حسب بروفايلك من مواليد 1985 يعنى فيررى يونغ
وجاى تتكلم عن تواريخ لم تشهدها فى حياتك والاغرب حديثك عن كررى والشكابة

بعدين اولاد الشهادة ديل على الاقل اهلهم رجعوهم السودان وهم فى السودان
الان مش فى كايرو ولا AU ..
انت فى ذمتك بتعرف شنو عن السودان ..كدى ورينا؟؟
علبة البنبان شكل كيف دائرى ولا بيضاوى ولا مربعة!!؟
اركان النقاش بقت تخوف !!
ابدا بس لانو المتحدثين جهلاء وما فاهمين بقولو فى شنو ..زى كلامك دا !!
وكمان عايز تتكلم فى تربيتهم وحسهم الوطنى !!
ياخى انت مسيرتكم ما قدرتو تشحذو ليها التنظيم داير الوليات الصغار ديل يموتو
عشان خاطركم ..!!

______________

غايتو انصار الزمن دا عندهم محن
دى 17 سنة .. فاهم يعنى شنو 17 سنة من العولمة
وبعد دا شتان بين طالب الامس واليوم

يا جماعة دى شنو البلاوى البتتحدف علينا اليومين دى!!

Post: #21
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 09:21 AM
Parent: #16

الاخ تبلدينا

انت لو داير تنبز الزول لكن ما تسئى للانصار

واولاد الشهاده حناكيش هل عندك شك فى ذلك.

Post: #22
Title: Re: هل ابناء الشهادة العربية هم السبب
Author: lana mahdi
Date: 09-10-2006, 09:24 AM
Parent: #21

الحبيب محمد جمعة
لا عليك
الإساءة للأنصار ح تعمل ليهم شنو يعني؟؟؟!
nothing

Post: #18
Title: Re: هل ابناء الشهادة العربية هم السبب
Author: lana mahdi
Date: 09-10-2006, 09:18 AM
Parent: #1

**

Post: #24
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 09:31 AM
Parent: #18

الاخت (الحبيبه لانا)

زى ده لازم يتعلم عشان يعرف الكتابه والاسس والقواعد واحترام الاحزاب

اساليهو عن حزبو شنوووووووووووووووووووووو.

Post: #25
Title: Re: هل ابناء الشهادة العربية هم السبب
Author: Tabaldina
Date: 09-10-2006, 09:46 AM
Parent: #24

..
.
يا ود جودة
Quote: الاخ تبلدينا
انت لو داير تنبز الزول لكن ما تسئى للانصار

حتى هنا كلامك سمح وليس به ما يعيب وكنت ساخبرك
بأننى لم اجمع الانصار انا اشير لواحد من كوادره فى هذا الزمن.

هنا
Quote: زى ده لازم يتعلم عشان يعرف الكتابه والاسس والقواعد واحترام الاحزاب

كدا غلط ..
احذرك عن الحديث عن التعليم غيره
اما ما اكتبه هنا عليك الاستفادة منه ومجاراتنا - إن استطعت -
ما عايز احترام الاحزاب ..لانها لم تبق لها شئ من احترام
دى وجهة نظرى : تعال اضبحنى وارمينى فى الحزام الاخضر
اسس وقواعد شنو ..البتتكلم عنها ما تختار ليك جمل ما متوافقة
انت ود متين هنا .. ولا دا ما انت المتصور مع بقال فى بوست _ المحمدات )
Quote: اساليهو عن حزبو شنوووووووووووووووووووووو.

الاميرة عارفانى كان حزبي شنو!!
ممكن تاخد سيرتى الذاتية من صلاح جلال .. ذكره الله بالخير
ولا اقول ليك خليها للوقت المناسب..
فى ذمتك سمعت بصلاح جلال .. سؤال برئ !!

بجيكـ تانى؛

رسالة للاميرة
هناكـ فرق بين الإساءة والنقد
وعلى ما يبدو ان النقد هذه الايام صار مؤلماً
والشعور بالفشل والانكسار اكثر مرارة وايلاماً

Post: #27
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 09:54 AM
Parent: #25

تبلدينا

(1انا من الناس البضبحو لان انت عارف الانصار كويس

2) انا اتكلم عن التعليم ونص وخمسه لان ماممكن تلقى ليك فرصه فى ولد
مواليد 86 وتتفسح فيهو انت مفروض تقول ليه رايك مش تردعوا طوالى انت لوكان
ردعوك ما كنت فى المنبر لحدى هسى.

3) خليها للوقت المناسب.

Post: #28
Title: Re: هل ابناء الشهادة العربية هم السبب
Author: Tabaldina
Date: 09-10-2006, 10:16 AM
Parent: #27

..
.
Quote: تبلدينا

(1انا من الناس البضبحو لان انت عارف الانصار كويس

2) انا اتكلم عن التعليم ونص وخمسه لان ماممكن تلقى ليك فرصه فى ولد
مواليد 86 وتتفسح فيهو انت مفروض تقول ليه رايك مش تردعوا طوالى انت لوكان
ردعوك ما كنت فى المنبر لحدى هسى.

3) خليها للوقت المناسب
.
طريقة الرد بالنقاط
هذا ما يسمى بالرد على طريقة د.مصطفي محمود
1/ التجاهل
2/ التجاهل
3/ التجاهل
ما علينا نرجع للموضوع
وللرد على معاليكم ايها الانصارى المتذاكي
1/ ما فهمت اى حاجة - السبب الجملة ركيكة ..
بس بحذرك لو قلت انت زول ضبح سوف تصنف ارهابياً - هنا-
ثانياً انا ما بعرف ولا بقدر اضبح لانى متحضر جداً جداً
بس للاسف عندى 15 مليون بينهم 5 مليون انصارى يمتدون من قبائل
الرزيقات/المسيرية/ الكبابيش/ الحوازمة / الحمر .. ودا شهر ما عندك فيهو نفقة
لو لو لقونى واقهع زى الشهيد محمد طه .. حيقضوا على الاخضر واليابس
ما انحنا برضو اولاد عشائر وقبائل وذوات .. وكل له بيته
2/ تعليم شنو ونص شنو!!
انا قلت ليك انت موجه تربوى ولا مدير مرحلة
بالمناسبة عندك مشكلة فهم - فى الحتة دى - راجعها وتعال تانى
طيب الولد دا انتو ما تجيبوا ليهو راسو ..
ليه تخلوهو زى الطيرة مبارى السيرة .. ما يتكلم سااى
وانت زاتك ما تهضرب سااى ..سمح زاتك ود متين !!؟ مش ديك صورتك مع بقال
3/ ما عرفت صلاح جلال مش .. بتعرف بابو نمر وفضل الله برمه وبكرى عديل
4/ انحنا كن ردعونا ولا خلونا المنبر دا منبرنا ونحن سيادوا
زى شعاراتكم بتاعت السودان .. دا منبرنا..
5/ خليها للوقت المناسب
شنو هى !!؟
ركز ياااخ ..
عليك الله ركز .. واختانى ..
ما فاضين للجنيرس والبرالمه..

دربكـ اخضر؛

Post: #54
Title: Re: هل ابناء الشهادة العربية هم السبب
Author: محمد جمعه جوده
Date: 09-11-2006, 08:12 AM
Parent: #28

/ انحنا كن ردعونا ولا خلونا المنبر دا منبرنا ونحن سيادوا
زى شعاراتكم بتاعت السودان .. دا منبرنا..

تبلدينا

انت الظاهر عليك بتتكلم زى الشفع شنو المنبر منبرنا ذى الشافع دى حلاوتى

وده كراسى . والقاليك انا صغير منو ربنا يضع قدرتو فى اضعف مخلوقاتو .

الصادق المهدى لمن كان قائد عارف عمرو كان كم انت بتتكلم من غير منطلق

وشكلك تبلديه وفاضيه كمان .

Post: #73
Title: Re: هل ابناء الشهادة العربية هم السبب
Author: Tabaldina
Date: 09-12-2006, 08:35 AM
Parent: #54

..
.
Quote: انحنا كن ردعونا ولا خلونا المنبر دا منبرنا ونحن سيادوا

انتو مش بتقولو البلد بلدكم
اها انحنا المنبر منبرنا..
زعلان ومضايق مالك..

Quote: والقاليك انا صغير منو ربنا يضع قدرتو فى اضعف مخلوقاتو .

الصورة بتقول كدا يا ود جودة.. دا مش انت مع بقال دا ولا انا غلطان

غايتو ما عرفت الشفع منو
Quote: الصادق المهدى لمن كان قائد عارف عمرو كان كم انت بتتكلم من غير منطلق

اها وانت عمركم كم لمن دخلت المنبر!!
Quote: وشكلك تبلديه وفاضيه كمان .

مظبوط شكلى تبلدية
بس فاضية دى ما عرفت ليها من الله خلقك شفت تبلدية
فاضية ..
اما عفوس .. او قنقليز .. او ظل .. وبالعدم مليانة موية
انت ما قلت من دارفور والفاشر كمان ما بتعرف التبلدى فاضى ولا مليانة

____________________

بالمناسبة انت اللماك فى حزب الامه شنو!! مش احسن ليك العدل والمساواة

دربكـ تبلدي؛

Post: #20
Title: Re: هل ابناء الشهادة العربية هم السبب
Author: Tabaldina
Date: 09-10-2006, 09:21 AM
Parent: #1

..
.
Quote: ده جاي يكحلها

نوبي يا اخوى
الاسبوع الناس دى كملت قلم الدلال زاتو!!

Post: #23
Title: Re: هل ابناء الشهادة العربية هم السبب
Author: فيصل نوبي
Date: 09-10-2006, 09:25 AM
Parent: #20

Quote: نوبي يا اخوى
الاسبوع الناس دى كملت قلم الدلال زاتو!!

عليك الله كان شربو ليهم بتاع من بتاعات البحر السياحية ما أخير ليهم من عمايل الاسبوع ده

شايف البطل غاتس لي نصو

مشتاقين يا تبلدي يااااااااااااااخ

Post: #26
Title: Re: هل ابناء الشهادة العربية هم السبب
Author: Tabaldina
Date: 09-10-2006, 09:53 AM
Parent: #1

..
.
Quote: الاخت (الحبيبه لانا)

انت يا يا نوبي ..
مش فى مسلسل زمان اسمو لانا الأميرة القادمة من المجرة السابعة
حاجة كدا بتاعت خيال علمى ولا انا ماكل كبده نيئه !!

تكون تهيؤات
تهيؤات ..

شوق مطر ...قادم

Post: #29
Title: Re: هل ابناء الشهادة العربية هم السبب
Author: Ahmed Mohammed Osman
Date: 09-10-2006, 10:36 AM
Parent: #1

ياخ دا الذ بوست اقراهو في حياتي

محمد عادل
من الخطاء تعميم الحنكشة او عدم التربية (الوطنية) علي ابناء المهجر والذين يدرسون في الخارج
لذا وجب عليك الاعتذار لكل من مستهم عباراتك الجارحة ،، ومن ثم التوضيح للاخت نهال لما اصابها
من تشويش بفضل عباراتك

بعدين ياخوي المعرضة ككلها قاعدة برة
القيادات ياربي تكون اتحنكشت وبقت ما قادرة تدير المسيرات
والمظاهرات؟؟؟

Post: #30
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 10:42 AM
Parent: #1

انت بتقصد منو يا محمد؟ لكن ناس الشهاده العربيه حناكيش تقدر تثيت عكس ذلك؟

Post: #31
Title: Re: هل ابناء الشهادة العربية هم السبب
Author: عمر الفاروق
Date: 09-10-2006, 10:45 AM
Parent: #1

والله يا دينا فيصل كرهتينا زاتو ...
تشيلي الردود من طرف كيبورداتنا وتمحنينا ..!!!
اسة نكتب شنو ؟؟؟
ابطال الديجيتال تنفع ؟؟؟

Post: #53
Title: Re: هل ابناء الشهادة العربية هم السبب
Author: Dina Faisal
Date: 09-11-2006, 06:17 AM
Parent: #31

عمر الفاروق

والله ما تزعل,, هاك دي

Quote: لما جات الانتفاضة كان عمري شهر

Quote: اتذكر لما جات الانتفاضة

Post: #32
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 10:54 AM
Parent: #1

قرقرقرقرقرقرقرقرقرقرقرق

Post: #33
Title: Re: هل ابناء الشهادة العربية هم السبب
Author: Hadia Mohamed
Date: 09-10-2006, 10:54 AM
Parent: #1

انا بعرف انهم سبب التدنى فى المستوى العلمى لكن كمان فى الحس الوطنى دى جديدة.

Post: #34
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 10:58 AM
Parent: #1

الاخت هاديه ما جديد لكن انتى سمعتى يا داب.

Post: #35
Title: Re: هل ابناء الشهادة العربية هم السبب
Author: lana mahdi
Date: 09-10-2006, 11:15 AM
Parent: #1

الحبيب محمد جمعة جودة
هون عليك
البوست دة شماعة للبعض فدع المعلقات تكثر
السيد الصادق بيكرر مثل :"الفشا غبينتو خرب مدينتو"
شفتا المدن الخراب الكترو؟بس ياهو السبب
لكن برضو بقول ليك
nothing
خلي معنوياتك فوق و السواي مو حداث
لنا

Post: #38
Title: Re: هل ابناء الشهادة العربية هم السبب
Author: محمد عادل
Date: 09-10-2006, 11:33 AM
Parent: #35

الاخوة الاحباب والاميرات الذين مرو من هنا
ان لم اقصد الاساءة لاحد هنا
وانى يانهال عندما قلت التربية ليست تربية الاسرة التربية التى تفهميها انتى
ياصديقتى انى اقصد التربية الوطنية اين دوره عندهم ياسيدتى وليست التربية التهذيبية
انى ياسيتى اعرف كثير من اصدقائى شهادة عربية ومعظمهم يخافون من شى يسمى سياسة
واية رايك مرة واحدة زميلة معاى فى القاهرة عارفة قالت لى شنو
قالت لى السودان عندو نشيد وطنى
تقصد ياستاذة نشيد العلم
ضحكت فيها فقط فقلت له نعم
قالت لى ممكن تكتبو لى
مرة سالت زميل عمرو 26سنة اكبر منى ب4سنوات عن وزير دفاع السودان فلم يعرفوه
اوكى ياستاذة
الحبيب تبلدينا منو القال ليك بانو مظاهرة الاربعاء فشلت القال ليك منو
المسيرة نجحت بكل مقايسة واسالن ناس جهاز امنك وناس الشرطة
شوف حشد الشرطة لجنودها واستعداها التام واستدعاء الاحتياط المركزى
عمرنا كلو نحن ناس حزب الامة ماخفنا
وعمرنا كلو مافشلنا

Post: #36
Title: Re: هل ابناء الشهادة العربية هم السبب
Author: محمد جمعه جوده
Date: 09-10-2006, 11:19 AM
Parent: #1

والله يا لانا ما عارف اقول ليك شنو

سوف لن نشترى هذا العام شجره سيكونون الانصار هم الشجره

والله اكبر ولله الحمد هى الثمره.

[email protected]

Post: #37
Title: Re: هل ابناء الشهادة العربية هم السبب
Author: lana mahdi
Date: 09-10-2006, 11:26 AM
Parent: #36

الحبيب محمد جودة
والصبر على الشدائد و المشاق قدرنا
وفوق دوماً و في الأمام دوماً
لنا

Post: #40
Title: Re: هل ابناء الشهادة العربية هم السبب
Author: محمد عادل
Date: 09-10-2006, 11:42 AM
Parent: #37

لنا الناس ديل
ماعندهم موضوع

Post: #39
Title: Re: هل ابناء الشهادة العربية هم السبب
Author: الطاهر ساتي
Date: 09-10-2006, 11:41 AM
Parent: #1

Quote: ان لم اقصد الاساءة لاحد هنا

الا لابناء الشهادة العربية ....!!

Post: #41
Title: Re: هل ابناء الشهادة العربية هم السبب
Author: نهال كرار
Date: 09-10-2006, 11:45 AM
Parent: #1

بالله يا جماعة الـ عندوا ذرائع تانية عاوز يرميها في ابناء شهادة عربية ما يقصر ويجي يكبها هنا

Quote: هم السبب الرئيسى فى عددية الطلاب للخروج للمسيرات السلمية

وتحديدا مسيرة يوم الأربعاء الماضي

Quote: ناس الشهاده العربيه حناكيش

Quote: سبب التدنى فى المستوى العلمى

مين يزود

أصله لازم بين كل فترة وتانية تكون في شماعة تتعلق فيها كل الأخطاء

Post: #42
Title: Re: هل ابناء الشهادة العربية هم السبب
Author: Mustafa Mahmoud
Date: 09-10-2006, 11:46 AM
Parent: #41

if
you do not mind i would like to put this post here
thanks in advance

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
from ustaza lana mahdi

1-التجاهل
2- التجاهل
3- التجاهل

for all posts written by ingaz gang
members in this board

for all who are supporting the ingaz gang mafia islamaist theives
dr mustafa mahmoud

Post: #43
Title: Re: هل ابناء الشهادة العربية هم السبب
Author: lana mahdi
Date: 09-10-2006, 11:57 AM
Parent: #41

Quote: أصله لازم بين كل فترة وتانية تكون في شماعة تتعلق فيها كل الأخطاء

قبيــــــــلك يا نهال
قلنا قصة ال(شماعة) دي
بس من منظور تاني!
لنا

Post: #44
Title: Re: هل ابناء الشهادة العربية هم السبب
Author: نهال كرار
Date: 09-10-2006, 12:11 PM
Parent: #43

هسي يا لنا كلام الأخ صاحب البوست دا كلوو مقنع ؟؟

ابتداء من العنوان

Quote: هل ابناء الشهادة العربية هم السبب

السبب في شنو ؟؟

وبعدها كمية التجريح والإتهامات بعدم الوطنية وقلة عدد المشاركين في المسيرات وووو

دا كلو بثبت انه أبناء شهادة عربية بقوا شماعة لكل مشاكل السودان , ابتداء من تدني المستوى التعليمي , وقلة الخروج في المظاهرات وانعدام الحس الوطني وأي حاجة

Post: #45
Title: Re: هل ابناء الشهادة العربية هم السبب
Author: lana mahdi
Date: 09-10-2006, 12:20 PM
Parent: #44

أعتقد يا نهال لم تقرأي مداخلتي الأولى برغم أنها معنونة لك ضمن من هي معنونة لهم و إلا لما جاءت مداخلتك الأخيرة على شكلها الحالي.
التعميم مخل نعم
لكن كثر جداً من أبناء الشهادة العربية إنصرافيون غير مهتمين بقضايا وطنهم(دة شي ما داير غلاط)
و عدد كبير من أبنائنا بالداخل على نفس القدر من الإنصرفية و الإلتهاء عن هم البلد
بوستات عديدة ناقشت الأمر
ومحمد عادل مداخلون عديدون أيدوا رأيه
فلماذا جعله(شماعة) وحده؟؟؟

Post: #46
Title: Re: هل ابناء الشهادة العربية هم السبب
Author: نهال كرار
Date: 09-10-2006, 12:44 PM
Parent: #45

Quote: لكن كثر جداً من أبناء الشهادة العربية إنصرافيون غير مهتمين بقضايا وطنهم(دة شي ما داير غلاط)
و عدد كبير من أبنائنا بالداخل على نفس القدر من الإنصرفية و الإلتهاء عن هم البلد

طيب يا لنا مادام الحال دا موجود سواء أبناء الخارج أو الداخل ليه التحامل على أبناء شهادة عربية وتحميلهم كل المشاكل والتدني الحاصل في السودان !!

المشكلة هنا ليست في التعميم بس يا لنا

يعني حتى لو كتب بأن بعض أبناء ....الخ , حيكون في مشكلة برضو

المشكلة هي بأننا تعودنا في السودان أن نجد شماعة لكل عيوبنا وأخطاءنا ومشاكلنا

علشان كدا لحد هسي بنرجع لي ورا بدال ما نمشي لي قدام

وعلشان كدا 17 سنه ولسه ما قادرين نشيل الإنقاذ من الحكم

Quote: ومحمد عادل مداخلون عديدون أيدوا رأيه
فلماذا جعله(شماعة) وحده؟؟؟

وهنا مشكلة تانية يا لنا

أولا 2 فقط أيدوا رأي صاحب البوست والأغلبية هاجموا تجنيه على أبناء شهادة عربية

وثانيا هو ماشماعه يالنا , هو صاحب البوست هو البتحمل الكتبه وبتحمل نتيجة تجنيه

هسي حيبقى هو الضحية ونحن الجناة !!!

Post: #47
Title: Re: هل ابناء الشهادة العربية هم السبب
Author: lana mahdi
Date: 09-10-2006, 12:55 PM
Parent: #46

Quote: هسي حيبقى هو الضحية ونحن الجناة !!!

منو هو و منو إنتو؟؟ّ!!
مصرة تكومي؟؟؟
وليه اللهجة الغريبة دي و النفس الحار؟
يا حبيبة لولا إنك من ناس الشهادة العربية لما كانت الغضبة المضرية دي
لأنو هذا الجيل مواضيع كثيرة مثارة حوله في المنبر لم أر لك غضبة كهذه.
ولا زلت أصر على التعامل وفق ما هو مكتوب مش وفق ما هو متخيل

Post: #48
Title: Re: هل ابناء الشهادة العربية هم السبب
Author: نهال كرار
Date: 09-10-2006, 01:16 PM
Parent: #47

Quote: منو هو و منو إنتو؟؟ّ!!
مصرة تكومي؟؟؟

هو صاحب البوست , ونحنا دي بترجع لأبناء شهادة عربية

وين التكويم هنا يا لنا , قصدي واضح جدا

Quote: يا حبيبة لولا إنك من ناس الشهادة العربية لما كانت الغضبة المضرية دي
لأنو هذا الجيل مواضيع كثيرة مثارة حوله في المنبر لم أر لك غضبة كهذه.

وفي مواضيع كثيرة مكررة في البورد يا لنا , إذا رديت على بوست حول موضوع أثير قبل كدا زي ما قلت فدا معناه اني شفته وماشفت غيره , وما أظن اني أو أي عضو هنا بقرا كل البوستات المرت منذ بداية البورد !!

ليه مصرة انك تشخصني الموضوع وكأن الغضبة دي بتتعلق بصاحب البوست الماحصل قريت ليه بوست غير الليلة

وماعرفت انه الأخ أنصاري إلا في البوست دا ومن ردود الآخرين عليه

Quote: ولا زلت أصر على التعامل وفق ما هو مكتوب مش وفق ما هو متخيل

شنو هو المتخيل يا لنا ؟؟

Quote: لأنو هذا الجيل مواضيع كثيرة مثارة حوله في المنبر لم أر لك غضبة كهذه.

يا لنا أرجعي لجملتك الأخيرة وأحكمي منو البتعامل وفق ما هو متخيل

Post: #49
Title: Re: هل ابناء الشهادة العربية هم السبب
Author: محمد عادل
Date: 09-10-2006, 04:04 PM
Parent: #48

الاخت الحبيبة نهال
ياسيتى نعم ان معظم ابناء الشهادة العربية انصرافيون
لايفقهون فى السودان ولا الوطن اى شى ومستعد اجيب ليك دلائل وقائع شهادتة بعينى لم تحكى لى ياستاذة مكسب
انا ياميرة معاشر معظم ابناء الشهادة العربية وعارف طبعهم وماعاوز اتحدث عن سلوكياتهم لانى مامسؤل عنها اوكى
ولست ولى امر احدا منهم
وممكن افتح حسه بوست عن سلبيات ابناء المغتربين فى الخارج ولكن هذة ليست من شيمى
وانى اعرف طبائع السودانيين جيدا ياستاذة
والشى الثانى ياستاذة انا بحمل الطلاب المغتربين اشياء كثيرة وسلبياتهم كتيرة لغاية منهم المابعرف يتحدث اللهجة السودانية خالص
وذى ماقلت ليك هناك عددية كبيرة منهم لاتعرف من هو وزير دفاعها فمابالك بموضوع مسيرة ضد الاسعار
حسه كدا امسكى اى واحد من ابناء الشهادة العربية اساليهو عن وزير الخارجية منو
واساليهو عن اخر اغنية لنانسى عجرم
ياخى مرة واحد سالنى قال لى انت الفنان البتسمع ليهو طوالى دا الاسمو حمد الريح دا
فنان سودانى ولا نوبى اى يقصد اهل النوبة الفى اسوان
فمابالك هل يعرف وردى ودالامين
وانا لم اقصد الاساءة لاسرهم على عدم التربية التهذيبية بل التربية الوطنية

Post: #50
Title: Re: هل ابناء الشهادة العربية هم السبب
Author: محمد عادل
Date: 09-10-2006, 04:04 PM
Parent: #48

الاخت الحبيبة نهال
ياسيتى نعم ان معظم ابناء الشهادة العربية انصرافيون
لايفقهون فى السودان ولا الوطن اى شى ومستعد اجيب ليك دلائل وقائع شهادتة بعينى لم تحكى لى ياستاذة مكسب
انا ياميرة معاشر معظم ابناء الشهادة العربية وعارف طبعهم وماعاوز اتحدث عن سلوكياتهم لانى مامسؤل عنها اوكى
ولست ولى امر احدا منهم
وممكن افتح حسه بوست عن سلبيات ابناء المغتربين فى الخارج ولكن هذة ليست من شيمى
وانى اعرف طبائع السودانيين جيدا ياستاذة
والشى الثانى ياستاذة انا بحمل الطلاب المغتربين اشياء كثيرة وسلبياتهم كتيرة لغاية منهم المابعرف يتحدث اللهجة السودانية خالص
وذى ماقلت ليك هناك عددية كبيرة منهم لاتعرف من هو وزير دفاعها فمابالك بموضوع مسيرة ضد الاسعار
حسه كدا امسكى اى واحد من ابناء الشهادة العربية اساليهو عن وزير الخارجية منو
واساليهو عن اخر اغنية لنانسى عجرم
ياخى مرة واحد سالنى قال لى انت الفنان البتسمع ليهو طوالى دا الاسمو حمد الريح دا
فنان سودانى ولا نوبى اى يقصد اهل النوبة الفى اسوان
فمابالك هل يعرف وردى ودالامين
وانا لم اقصد الاساءة لاسرهم على عدم التربية التهذيبية بل التربية الوطنية

Post: #79
Title: Re: هل ابناء الشهادة العربية هم السبب
Author: Mohammed Mustafa El-Tahir
Date: 09-13-2006, 07:25 AM
Parent: #46

الأخوات والإخوة (البورداب)...

الســـــــــــلام عليكم ورحمة الله - تعالى وبركاته -،
لفت انتباهي سوء المفاهيم والإنطباع الســـيء والتعميـــم "وهي عادة سيـــئة تعد من أهم معوقـــات السيــاسة الراشــدة في بلادنا والعالم" في الحديـــث عن أبنــاء الشهــادة العربيــة!!

أولا) الإلتفات وعدم المشــاركة فيما يتعلق بالقــضايا الوطنية مشكـــلة تصيب عددا مقدرا من بنـات وأبنــاء كلا الشهــادتين (العربية والسودانية).

ثانيا) ما أعلمه هو أن الحس الوطني أعلى عند أبناء الشهــادة العربية (في القياس) عنه لدى أبناء الشهــادة المحلية (السودانيــة). وذلك لعدة أسباب، أهمها:-
(1) إختــلاط أبناء المغتربين بمن هم في أعمــارهم من الجنسيات المختلفة (مما يؤدي إلى أن تكون البيئة الجامعة لهم مســرحا لصراع "نفسي/ إجتماعي من جهة، وعاطفي/ تعنصري من جهة أخرى" يفرض عليهم فرضا من خلال تعصب كل جنسيــة لبلدها).
(2) البعد المســافي والإبتعاد الجغرافي والحنين البيئي يرفع من وتيرة التعصب والعصبية عند بنات وأبناء المغتربين، ويجعلهم في أهبة الإستعــداد لمنازلة كل من تســول له نفسه التطاول على الوطن الأم.
(3) الصــراع الذاتي بين العادات والتقالبد والثقافة الخاصة بمنطقة الإغتراب والوطن الأصل يدفع بنات/ أبناء المغتربين للهوس بمعرفة كل ما يمت للوطن بصلة (تاريخه، أخباره، تطورات أحداثه، إلخ...).
(4) الدراسة الأكثر إنفتاحا والأشمــل والإتصــال بكل ما يخص البلدان الأخرى (أكاديميا/ إعلاميا) يفرض على بنات وأبناء المغتربين ويدفعهم على التعرف أكثر على الوطن للمقارنة بين ما يتعلق به وما يتعلق بما يدرســه عن الدول والمجتمعــات الأخرى (لتكون له ســلاحا للتصارع التنافسي والتعنصري مع بنات وأبناء مواطنو المنطقة والوافدون عليها - من أمثالهم من الجنسيـات المغتربة الأخرى -).

إذن فإن إطــلاق صفة الجهل أو عدم/ قلــة الوطنية فيه نوع من التجريح والإهانة لبنات وأبناء المغتربين، وتقليل من قدراتهم وذاتهم ومؤهلاتهم!! فبدلا من أن يتم احتضانهم والترحيب بهم من أبناء وينات جلدتهم، يفاجئوا بهذا الصدود والتقليل من قدراتهم!!
وأعترف أن كثيرا من أبناء وبنات الشهــادة المحليــة (الســودانية)، يضعون نفسهم في مواقف عداء - غير مبرر - مع بنات وأبناء المغتربين. وربما يعزى هذا إما إلا حقد/ حســد على (بنات/ أبناء) المغتربين، أو لجهل بعلمهم ومؤهلاتهم وقدراتهم، أو ســوء مفاهيم!!

ولقد زاملت -أنا- شخــصيا أحد أبناء الشهــادة العربية (والذي درس كل المراحل الدراسية "من المرحلة الإبتدائــية - وحتى الثانويــة، بالإضــافة إلى 3 سنوات من الدراسة الجــامعية بكلية الطــب) في الإمارات، قبل أن يعود لإكمــال دراسته في جـــامعة أمدرمــان الإســلامية!! وقد انضم هذا الزميــل - من تلقاء نفســه - إلى تنظيم الطلاب الأنصــار حزب الأمــة، وناضل معهم*(أذكـــر: في جــامعة أمدرمــان الإسلاميــة: أو التي يسميهــا طلاب الكيزان "القيادة، فرع أمدرمان")، قبل أن ينسلخ عنهم (لإختــلاف في الفكــر) وينضم إلى رابطـــة الطــلاب الإتحــاديين الديمقراطيين (في نفس الجــامعة).. ومن المثير للإهتمـــام أن صديقي هذا أصبح الكادر الخطابي (من كادرين فقط) لرابطــة الطلاب الإتحــاديين الديموقراطيين، ودون تأهيل مطول - نظرا لإضطلاعه وعلمه وثقافته بالسودان وكل ما يتعلق به -، بل وصار مشاركا في دورات تأهيل الكوادر الأخرى الحديثي الإنضمام لتنظيمه!! (أذكــر: في جــامعة "القيادة فرع أمدرمــان" = المعقل الرئيسي للطلاب الإسلاميين والمتشددين والتكفيريين" جــامعة أمدرمان الإســلامية)... ولم يحد عن مبادئه رغم الإهانات والضرب والإصابات والمؤامرات التي أجبرته على الإعادة في الكلية وأخرته عــاما كاملا عن أبناء دفعته، بل كان دائما سباقا في المنابر والنشاطات.
ولقد شهدت على محاولات عديدة لطلاب المؤتمر الوطني الذين ضغطوا عليه وحاولوا إغرائه بكل السبــل والإغراءات المادية والأكاديمية للتحصيل والتأهيل الأكاديمي الطبي، إلا أنه كان دائما فاضحا ومصارعا ومناطحا لهم في أركــانه!!

فهلا كففتم أيديكم اخواتي وإخواني البورداب (بنات/ أبناء الشهادة المحلية "السودانيــة") عن اخواتكم وإخوانكم (ممن أنعم الله عليهم بحمل لواء السودان في الخارج، وابتلاهم بالغربة عن الوطن والأهل)؟؟!
هلا مددتم أيديكم لهم واحتضنتموهم - خاصة وأن الكثيرين منهم ابتعدوا عن أمهاتهم وآبائهم في سبيل طلب العلم في الوطن -، فإن لم تفعلوا فلا تلوموهم إذن في الإنصراف عن كل ما تشاركون فيه!!

ولكم المحبـــة والتقدير والحب والإعتذار أخواتي/ إخواني (سودانيو الشهــادة العربيــة)..
ولكم الود والإجــلال والإحتــرام والعــذر أخواتي/ إخواني (سودانيو الشهــادة السودانية)..

*وللتأكد فالرجــاء العودة إلى كشوفات العضوية في دار حزب الأمــة - القومي - بأمدرمان (2001-2002)..

ودمتــــــم.......

Post: #51
Title: Re: هل ابناء الشهادة العربية هم السبب
Author: Ahmed Mohammed Osman
Date: 09-11-2006, 01:51 AM
Parent: #1

سوال مهم واتمني الاجابة عليه يا محمدد عادل....
في اي المدارس درست الثانوي والمتوسط والابتدائي؟؟؟؟

رجاء عدم التجاهل

Post: #52
Title: Re: هل ابناء الشهادة العربية هم السبب
Author: Bakhaf
Date: 09-11-2006, 04:33 AM
Parent: #51

هاهاهاهاهاهاهاهاهاهاهاها

وها انتم تقسون على صبي في عمر ابنائكم

يحق له بحكم تجربته الفطيرة ان يخطي ليتعلم

لكن ما هي اسبابكم وانتم تخطئون حينما تقسون عليه وتقتلون روح المبادرة فيه

براحة ده قدر اولاد اولادكم

حاولوا تقوموه بدل الدرش ده

امشي اقرا وخريج وين وما ادراك !!!!!!!!!!!!!!!!!!!

صاحب البوست

حتى وان افترضنا جدلا ان ابناء الشهادة العربية فيهم تلك الاوصاف التي سطرتها

ابناء الشهادة العربية لا يتعدون الـ 5% من من يدخلون الجامعات سنويا
اين هم الـ 95% المتبقية

؟؟؟
!!!

Post: #55
Title: Re: هل ابناء الشهادة العربية هم السبب
Author: Dina Faisal
Date: 09-11-2006, 08:47 AM
Parent: #52

صاحب البوست

Quote: ياسيتي

ياستاذة

مكسب

اوكي

دي شهادة شنو؟؟؟؟

Post: #58
Title: Re: هل ابناء الشهادة العربية هم السبب
Author: saif massad ali
Date: 09-11-2006, 09:02 AM
Parent: #55

الاخت لنا وصاحب البوست محمد عادل الانصاري الحر مريد مبارك الفاضل السيد بن السيد

لماذا نتظر من ابناء الشهادة ان يكونوا وطنيين وهم يعاملون كالاجانب من قبل الدولة ولا اقول ليكم الاجانب يعاملوا احسن منهم

تدفع اسرهم دماء قلوبها من اجلهم فهل تنظر منهم ان يخرجوا معك في مظاهرة وانت لا تدافع عنهم

لم اسمع ولا سياسي واحد تلكم عن حالة هؤلاء اقصد ابناء الشهادة العربية

حتي داخل الجمعات مهمشين من جانب زملائهم ودونك والطرف التي تطلق بشانهم

خلي حزب الامة والسيد مبارك الفاضل ان يقدم لنا ورقة عن هؤلاء ليتطرق لمشاكلهم ومعاناتهم وحلولها

ومن بعدها يعمل لهم انتقريشن مع الطلاب ويحملوا هموم الوطن ويطلعوا في مظاهرات

Post: #60
Title: Re: هل ابناء الشهادة العربية هم السبب
Author: محمد عادل
Date: 09-11-2006, 09:09 AM
Parent: #55

ياستاذة
عاوزة تعرفى دا شهادة وين
دا الشهادة السودانية سنة 2002
بنسبة 71%
مكسب

Post: #61
Title: Re: هل ابناء الشهادة العربية هم السبب
Author: محمد عادل
Date: 09-11-2006, 09:16 AM
Parent: #55

الشقيق سيف مساعد
ياحبيب مفروض الواحد يكون مهتم بشئون وطنو لانو دا وطنو ودا المكان القاعد فيهو اية رايك
ياحبيب سيف انا قاعد فى مصر لكنى مهتم بالشئون المصرية وانا مامصرى لكن دا من المفروض اهتم بظروف البلد الفيها فمابالك فى وطن اجمل جنسيتة
اية رايك ياحبيب سيف بانو اولاد السودان بعد مرات بتعاملو ذى طلاب المغتربين
من المفترض بانو الحزاب السياسية والشخصيات الوطنية يكون ليهم دور فى حل مشاكل ابناء المغتربين ودا شى جميل ياحبيب سيف

Post: #63
Title: Re: هل ابناء الشهادة العربية هم السبب
Author: Tabaldina
Date: 09-11-2006, 10:09 AM
Parent: #55

..
.

Quote: دي شهادة شنو؟؟؟؟

looool@ Dina

دى الشهادة (السودانية) لغير الناطقين بها !!

Post: #56
Title: Re: هل ابناء الشهادة العربية هم السبب
Author: محمد عادل
Date: 09-11-2006, 08:53 AM
Parent: #52

ياحبيب
درست الابتدائى فى مدارس المجلس الافريقى لتعليم الخاص
مدارس منظمة الدعوة الاسلامية اى مدارس الجبهة
والثانوى ايضا ياخوى

Post: #62
Title: Re: هل ابناء الشهادة العربية هم السبب
Author: Bakhaf
Date: 09-11-2006, 09:36 AM
Parent: #56

؟؟؟؟؟؟؟؟؟؟؟؟؟؟

وما علاقتي بمكان دراستك

!!!!!!!!!!!!!!!!!!!!

راجع المداخله وركز

Post: #70
Title: Re: هل ابناء الشهادة العربية هم السبب
Author: Dina Faisal
Date: 09-12-2006, 02:00 AM
Parent: #56

Quote: مدارس منظمة الدعوة الاسلامية اى مدارس الجبهة

طب ما تقول كدة من زمان

اسمع,, امشي للحبشي بهناك دايرك

Post: #57
Title: Re: هل ابناء الشهادة العربية هم السبب
Author: محمد جمعه جوده
Date: 09-11-2006, 09:01 AM
Parent: #1

اكرررررررر

ابناء الشهاده العربيه حناكيش.

Post: #59
Title: Re: هل ابناء الشهادة العربية هم السبب
Author: Dina Faisal
Date: 09-11-2006, 09:08 AM
Parent: #57

Quote: ابناء الشهاده العربيه حناكيش.

وابناء الشهادة السودانية برضو حنا كيش بحذف (حنا) وقيام (كيش) مقامها

Post: #72
Title: Re: هل ابناء الشهادة العربية هم السبب
Author: محمد جمعه جوده
Date: 09-12-2006, 07:12 AM
Parent: #59

الابنه دينا

انتى ما تزعلى لانو انا بقول فى حقائق مفروض تثبتى لى ليس بحناكيش.

Post: #64
Title: Re: هل ابناء الشهادة العربية هم السبب
Author: عمر الفاروق
Date: 09-11-2006, 10:11 AM
Parent: #1

ابكر ادم هارووووووونا ...
شهادة أربية ....
تمبوووووووووووووووووووووول...

تخريمة :
زول مواليد 1985 وصاحبو عمرو 26 سنة ويجي يقول ليك :
الذي يكبرني بي اربعة سنوات !!!!!

يا زول انت في حصة الرياضيات كنت بتلّب بي الشباك ؟؟

Post: #65
Title: Re: هل ابناء الشهادة العربية هم السبب
Author: Tabaldina
Date: 09-11-2006, 10:33 AM
Parent: #64

..
.
Quote: يا زول انت في حصة الرياضيات كنت بتلّب بي الشباك ؟؟

قرقرقرقرقر @ عمر الفاروق
يا اخوانا البوست دا بقي باسطة بس !!

_______________

يا عمر ياخى ما تحكها ما فرقت
كلها اربعة شهور وتكتمل السنة..

دى اعتبار ما يكون!!

Post: #66
Title: Re: هل ابناء الشهادة العربية هم السبب
Author: رأفت ميلاد
Date: 09-11-2006, 11:07 AM
Parent: #65

دينا فيصل
إزيك

يا بخاف إزيك
ياخوى كل واحد هنا كبير
ومسـئول عن قلمه

Post: #67
Title: Re: هل ابناء الشهادة العربية هم السبب
Author: رأفت ميلاد
Date: 09-11-2006, 01:23 PM
Parent: #66

Quote: الصادق المهدى لمن كان قائد عارف عمرو كان كم

ما ده الغتس حجرنا لى هسه!

أها يا دينا دى ختفتها قبالك

Post: #68
Title: Re: هل ابناء الشهادة العربية هم السبب
Author: Waly Eldin Elfakey
Date: 09-11-2006, 02:56 PM
Parent: #67

الاخ محمد عادل التعميم في طرحك اخل بالطرح

ثم ثانيا لنكن موضوعيين فالنناقش الطرح حتي لو
كان سلبيا بالمنطق و لا نستغل... البوست لاطروحات اخري
لم نستطيع التعبير عنها في مكانها
مثل طرح انه الصادق المهدي غطس حجر البلد مثلا....

بخصوص ابناء الشهادة العربية ليس كلهم بالطبع

و لكن ليس الاباء وحدهم من يشترك في تربية الابن فللمجتمع و الدراسة
دور كبير...
في كل دول العالم عدا الدول العربية
هنالك مدارس خاصة للاجانب تتيح لابنائهم دراسة مناهج بلدهم
خاصة فيما يتعلق بالتاريخ والجغرافيا و التربية الوطنية
ولكن الحاصل اننا نواجه طلابنا في الجامعات ونفاجا بانهم
لا يعرفون تاريخ السودان لانهم لم يطلعوا عليه
ولو يدرسوه....
ولا يعرفون جغرافية السودان لانهم لم يدرسوها ولم يتطلعوا بل
ان بعضهم لا يعرف حتي مدن السودان...
دع عنك النشيد الوطني وغيره...

بدلا من شخصنة الاشياء يجب ان نواجه بعض الايجابيات في الطرح ونناقشها
لماذا معظم ابنائنا ممن درسوا في دول الخليج
لا يعلمون كثيرا عن السودان...
بعيدا عن موضوع المسيرات و المظاهرات
و النشاطات السياسية وانا لا اؤيدها علي الاطلاق
بصورتها الراهنة في السودان.... واهتمام الطلاب بها اكثر من اهتمامهم بالتحصيل الاكاديمي...
يجب ان يهتم الاباء الاماجد بدول المهجر الخليجية... والتي انوي الهجرة اليها...
يجب ان يهتموا بايجاد بدائل.. حتي يعرف ابنائهم تاريخ وجغرافيا السودان

لا اؤيد الراي القائل بتدني مستواهم الاكاديمي بالجامعات فهو امر غير حاصل
من واقع ممارستي للتدريس الجامعي ...
لكم خالص ودي

Post: #69
Title: Re: هل ابناء الشهادة العربية هم السبب
Author: Sobajo
Date: 09-11-2006, 03:30 PM
Parent: #68

Quote: مكسب

Quote: ياحبيب ...

Post: #71
Title: Re: هل ابناء الشهادة العربية هم السبب
Author: Bakhaf
Date: 09-12-2006, 04:31 AM
Parent: #69

رافت ميلاد
سلامات واحترامات

Quote: يا بخاف إزيك
ياخوى كل واحد هنا كبير
ومسـئول عن قلمه

عُلِم

تمام يا زول

Post: #74
Title: Re: هل ابناء الشهادة العربية هم السبب
Author: Ahmed Mohammed Osman
Date: 09-12-2006, 09:39 AM
Parent: #1

Quote: درست الابتدائى فى مدارس المجلس الافريقى لتعليم الخاص
مدارس منظمة الدعوة الاسلامية اى مدارس الجبهة
والثانوى ايضا ياخوى

دي مش شهادة عربية برضو؟؟؟؟

ابناء الشهادة السودانية ياخوي
هم ال
-البشتركو 6 في كتاب (نصو مشرط)
-البجلدوهم لما يبقبقو في ......
-اكلهم فته فول كااااااااااااربة
-في الابتدائي في طابور تفتيش اظافر وقشاف برد
-مواصلاتهم (ملح/يا عم)
-نظافة الفصل عليهم بالدور (كندادة اخر اليوم : قش ورش)
ديل ياهم ابناء الشهادة السودانية

فهل لا زلات تصر انك شهادة سودانية؟؟؟

Post: #76
Title: Re: هل ابناء الشهادة العربية هم السبب
Author: محمد عادل
Date: 09-13-2006, 02:56 AM
Parent: #74

اشكر الشهادة السودانية انها علمتنى الاشياء دا
ال
-البشتركو 6 في كتاب (نصو مشرط)
-البجلدوهم لما يبقبقو في ......
-اكلهم فته فول كااااااااااااربة
-في الابتدائي في طابور تفتيش اظافر وقشاف برد
-مواصلاتهم (ملح/يا عم)
-نظافة الفصل عليهم بالدور (كندادة اخر اليوم : قش ورش)
ديل ياهم ابناء الشهادة السودانية

ومصر بانى شهادة سودانية
لو لا الهادة السودانية ماكنا
عاش السودان حرا مستقلا

Post: #75
Title: Re: هل ابناء الشهادة العربية هم السبب
Author: Ahmed Mohammed Osman
Date: 09-12-2006, 09:41 AM
Parent: #1

Quote: دى الشهادة (السودانية) لغير الناطقين بها !!

تبلدينا
لووووووووووووووووووووووووووووووووووول

Post: #77
Title: Re: هل ابناء الشهادة العربية هم السبب
Author: بكري اسماعيل
Date: 09-13-2006, 03:33 AM
Parent: #75

الأخ محمد عادل

طابت أوقاتك بكل خير

بعيداً عن الهتر والإستهزاء ...
عندما دخلت جامعة الخرطوم كنت أنت ماتزال في مرحلة الأساس إن لم تكن لم تدخل الأساس بعد وكانت جامعة الخرطوم كما ذكرت تشهد مظاهرات داوية ضد السلطة والعناصر الإنصرافية التي تتحدث عنها هنا ليست قاصرة على أبناء الشهادة العربية .. يا عزيزي أبناء الأحياء الراقية بالعاصمة يعيشون حياة رغيدة وأكثر رفاهية ونعومة من أبناء المغتربين المفترى عليهم ..
ما جعل مظاهراتكم تفشل يا عزيزي ليس طلاب الشهادة العربية بل بلوغ الطلاب بل وعموم أفراد الشعب مرحلة من اليأس وعدم الثقة في الأطروحات الهزيلة التي تقدمونها أنتم أيها السياسيون الجدد ، كما أن عدم الوعي الذي أصاب الطلاب في الآونة الأخيرة لهو أول الأسباب في تردي الحس الوطني لديهم فشتان ما بين جامعة الخرطوم التي درست فيها أنت وبين جامعة الخرطوم التي درس فيها من قبلك ...

Post: #78
Title: Re: هل ابناء الشهادة العربية هم السبب
Author: محمد عادل
Date: 09-13-2006, 03:42 AM
Parent: #77

الحبيب بكرى اسماعيل دعنى اجاوب على السؤال الاول
فلقد فهمت من سؤالك بانى اول مرة دخلت فيها جامعة الخرطوم هل كان فى مرحلة الاساس اما بعدها
بل فى ايام الثانوى وقبل توقيع اتفاقية نداء الوطن عندما كان بطش هذا النظام فى طغيانة
نعم هناك شريحة كبيرة من ابناء الاحياء الراقية بعيدة عن الهم الوطنى لانهم تعلمو باشياء دخيلة
ولكنى عندما استهخدفت ابناء الهادة العربية الذين هم الاغلبية العظمى بعيدة عن الهم الوطنى ولايفقهون شى عن مشاكل المواطن السودانى
نكتة الايام دا حائمة فى السودان
ابو سال ولدو قال ليهو ياولدى سمعتى بزيادة البنزين
قال ليهو يابوى دا فى ياتو كتاب
وياحبيب منو القال ليك بانو مظاهرات 6/9 فشلت بل نجحت ومازال اصداها الى اليوم فى الخرطوم وياحبيب
الليلة نحنا ماطالعين تعال شوف التامينات والاستعدادت فى شوارع الخرطوم وكمية الشرطة

Post: #80
Title: Re: هل ابناء الشهادة العربية هم السبب
Author: محمد عادل
Date: 09-14-2006, 05:17 AM
Parent: #78

فوق

Post: #81
Title: Re: هل ابناء الشهادة العربية هم السبب
Author: Sobajo
Date: 09-14-2006, 07:09 AM
Parent: #80

Quote: الحبيب بكرى اسماعيل دعنى اجاوب على السؤال الاول
فلقد فهمت من سؤالك بانى اول مرة دخلت فيها جامعة الخرطوم هل كان فى مرحلة الاساس اما بعدها
بل فى ايام الثانوى وقبل توقيع اتفاقية نداء الوطن عندما كان بطش هذا النظام فى طغيانة
نعم هناك شريحة كبيرة من ابناء الاحياء الراقية بعيدة عن الهم الوطنى لانهم تعلمو باشياء دخيلة
ولكنى عندما استهخدفت ابناء الهادة العربية الذين هم الاغلبية العظمى بعيدة عن الهم الوطنى ولايفقهون شى عن مشاكل المواطن السودانى
نكتة الايام دا حائمة فى السودان
ابو سال ولدو قال ليهو ياولدى سمعتى بزيادة البنزين
قال ليهو يابوى دا فى ياتو كتاب
وياحبيب منو القال ليك بانو مظاهرات 6/9 فشلت بل نجحت ومازال اصداها الى اليوم فى الخرطوم وياحبيب
الليلة نحنا ماطالعين تعال شوف التامينات والاستعدادت فى شوارع الخرطوم وكمية الشرطة

رجاء يا بوحميد ...

حاول المرور على ما تكتبه قبل الضغط على زر (اضف رد)....

عشان نقدر نتابع معاك من غير ما تقوم نفسنا ...!!

Post: #82
Title: Re: هل ابناء الشهادة العربية هم السبب
Author: Mohammed Mustafa El-Tahir
Date: 09-20-2006, 08:06 AM
Parent: #81

الأخ/ محمد عادل،
الأخوات والإخوة (البورداب)...

لقد طرحت هنا حقيقة الموضوع وأسباب محددة وموضوعية..
فإن كنت تستطيع يا أخ/ محمد عادل النقاش بموضوعية وبفكر وبعقلانية فتفتضل، ,أما إن لم تستطع فلا داعي لفتح مواضيع انصرافية لا علاقة لها بالواقع والمنطق، وفيها مجافاة غريبة للحقيقة.

Quote:
لفت انتباهي سوء المفاهيم والإنطباع الســـيء والتعميـــم "وهي عادة سيـــئة تعد من أهم معوقـــات السيــاسة الراشــدة في بلادنا والعالم" في الحديـــث عن أبنــاء الشهــادة العربيــة!!

أولا) الإلتفات وعدم المشــاركة فيما يتعلق بالقــضايا الوطنية مشكـــلة تصيب عددا مقدرا من بنـات وأبنــاء كلا الشهــادتين (العربية والسودانية).

ثانيا) ما أعلمه هو أن الحس الوطني أعلى عند أبناء الشهــادة العربية (في القياس) عنه لدى أبناء الشهــادة المحلية (السودانيــة). وذلك لعدة أسباب، أهمها:-
(1) إختــلاط أبناء المغتربين بمن هم في أعمــارهم من الجنسيات المختلفة (مما يؤدي إلى أن تكون البيئة الجامعة لهم مســرحا لصراع "نفسي/ إجتماعي من جهة، وعاطفي/ تعنصري من جهة أخرى" يفرض عليهم فرضا من خلال تعصب كل جنسيــة لبلدها).
(2) البعد المســافي والإبتعاد الجغرافي والحنين البيئي يرفع من وتيرة التعصب والعصبية عند بنات وأبناء المغتربين، ويجعلهم في أهبة الإستعــداد لمنازلة كل من تســول له نفسه التطاول على الوطن الأم.
(3) الصــراع الذاتي بين العادات والتقالبد والثقافة الخاصة بمنطقة الإغتراب والوطن الأصل يدفع بنات/ أبناء المغتربين للهوس بمعرفة كل ما يمت للوطن بصلة (تاريخه، أخباره، تطورات أحداثه، إلخ...).
(4) الدراسة الأكثر إنفتاحا والأشمــل والإتصــال بكل ما يخص البلدان الأخرى (أكاديميا/ إعلاميا) يفرض على بنات وأبناء المغتربين ويدفعهم على التعرف أكثر على الوطن للمقارنة بين ما يتعلق به وما يتعلق بما يدرســه عن الدول والمجتمعــات الأخرى (لتكون له ســلاحا للتصارع التنافسي والتعنصري مع بنات وأبناء مواطنو المنطقة والوافدون عليها - من أمثالهم من الجنسيـات المغتربة الأخرى -).

إذن فإن إطــلاق صفة الجهل أو عدم/ قلــة الوطنية فيه نوع من التجريح والإهانة لبنات وأبناء المغتربين، وتقليل من قدراتهم وذاتهم ومؤهلاتهم!! فبدلا من أن يتم احتضانهم والترحيب بهم من أبناء وينات جلدتهم، يفاجئوا بهذا الصدود والتقليل من قدراتهم!!
وأعترف أن كثيرا من أبناء وبنات الشهــادة المحليــة (الســودانية)، يضعون نفسهم في مواقف عداء - غير مبرر - مع بنات وأبناء المغتربين. وربما يعزى هذا إما إلا حقد/ حســد على (بنات/ أبناء) المغتربين، أو لجهل بعلمهم ومؤهلاتهم وقدراتهم، أو ســوء مفاهيم!!

ولقد زاملت -أنا- شخــصيا أحد أبناء الشهــادة العربية (والذي درس كل المراحل الدراسية "من المرحلة الإبتدائــية - وحتى الثانويــة، بالإضــافة إلى 3 سنوات من الدراسة الجــامعية بكلية الطــب) في الإمارات، قبل أن يعود لإكمــال دراسته في جـــامعة أمدرمــان الإســلامية!! وقد انضم هذا الزميــل - من تلقاء نفســه - إلى تنظيم الطلاب الأنصــار حزب الأمــة، وناضل معهم*(أذكـــر: في جــامعة أمدرمــان الإسلاميــة: أو التي يسميهــا طلاب الكيزان "القيادة، فرع أمدرمان")، قبل أن ينسلخ عنهم (لإختــلاف في الفكــر) وينضم إلى رابطـــة الطــلاب الإتحــاديين الديمقراطيين (في نفس الجــامعة).. ومن المثير للإهتمـــام أن صديقي هذا أصبح الكادر الخطابي (من كادرين فقط) لرابطــة الطلاب الإتحــاديين الديموقراطيين، ودون تأهيل مطول - نظرا لإضطلاعه وعلمه وثقافته بالسودان وكل ما يتعلق به -، بل وصار مشاركا في دورات تأهيل الكوادر الأخرى الحديثي الإنضمام لتنظيمه!! (أذكــر: في جــامعة "القيادة فرع أمدرمــان" = المعقل الرئيسي للطلاب الإسلاميين والمتشددين والتكفيريين" جــامعة أمدرمان الإســلامية)... ولم يحد عن مبادئه رغم الإهانات والضرب والإصابات والمؤامرات التي أجبرته على الإعادة في الكلية وأخرته عــاما كاملا عن أبناء دفعته، بل كان دائما سباقا في المنابر والنشاطات.
ولقد شهدت على محاولات عديدة لطلاب المؤتمر الوطني الذين ضغطوا عليه وحاولوا إغرائه بكل السبــل والإغراءات المادية والأكاديمية للتحصيل والتأهيل الأكاديمي الطبي، إلا أنه كان دائما فاضحا ومصارعا ومناطحا لهم في أركــانه!!

فهلا كففتم أيديكم اخواتي وإخواني البورداب (بنات/ أبناء الشهادة المحلية "السودانيــة") عن اخواتكم وإخوانكم (ممن أنعم الله عليهم بحمل لواء السودان في الخارج، وابتلاهم بالغربة عن الوطن والأهل)؟؟!
هلا مددتم أيديكم لهم واحتضنتموهم - خاصة وأن الكثيرين منهم ابتعدوا عن أمهاتهم وآبائهم في سبيل طلب العلم في الوطن -، فإن لم تفعلوا فلا تلوموهم إذن في الإنصراف عن كل ما تشاركون فيه!!

ولكم المحبـــة والتقدير والحب والإعتذار أخواتي/ إخواني (سودانيو الشهــادة العربيــة)..
ولكم الود والإجــلال والإحتــرام والعــذر أخواتي/ إخواني (سودانيو الشهــادة السودانية)..

*وللتأكد فالرجــاء العودة إلى كشوفات العضوية في دار حزب الأمــة - القومي - بأمدرمان (2001-2002)..

ودمتــــــم.......