|
منو القال اسرة المناضلة الحبيبة مريم الصادق تقدمت باسترحام لافراج عنها
|
منو القال بانو اسرة الحبيبة المناضلة الدكتورة مريم الصادق تقدمت باسترحام لرئيس الجمهورية او لاى جهة حتى يتم اسقاط الحكم بالامس عندما كنا فى زيارة لمريم فى السجن مع الاب القائد الحبيب مبارك كنا نمزح معها فقلنا لها اية رايك لم تم اصدار عفو رئاسى عنك هل تدرون ماذا قالت مريم قالت انا مابطل بعفو انا قاعدة هنا فى السجن دا الا يصدر اعتذار من الرئيس ولقد ضحكنا جميعنا ولكن لم يصدر اى استرحام من اسرة الامام الصادق او غيرهم من اسرة ال المهدى ونتحدى اى حد يقول غير ذلك وحتى مريم رفضت انها تخرج من السجن الا برفقتها الاخت الحبيبة مروة مامؤن اية رايكم
|
|
|
|
|
|
|
|
Re: منو القال اسرة المناضلة الحبيبة مريم الصادق تقدمت باسترحام لافراج عنها (Re: محمد عادل)
|
.. .
Quote: بالامس عندما كنا فى زيارة لمريم فى السجن مع الاب القائد الحبيب مبارك |
القائد الحبيب مباركـ اوع يكون دا الخم الناس بالاصلاح والتجديد ودقس ليهو كم واحد كدا ورجع للحظيرة ممتلئ !!
Quote: قالت انا مابطل بعفو انا قاعدة هنا فى السجن دا الا يصدر اعتذار من الرئيس ولقد ضحكنا جميعنا |
اها ولو حسي طلع القرار الجمهورى دا حقيقة تعملوا شنو!! بترجعوها ولا بتدسوا ريسنكم فى الرمال
Quote: ولكن لم يصدر اى استرحام من اسرة الامام الصادق او غيرهم من اسرة ال المهدى |
انا لانى زول حقانى لم يؤكد ذلك الا الصحفيين الكدابيين ديل مره يقولو فى مظاهرات والدم سال ركب ومره يقولو فى استرحام حيرونا زيكم
Quote: ونتحدى اى حد يقول غير ذلك |
انا بقول فى قرار جمهورى واتحداكـ
Quote: وحتى مريم رفضت انها تخرج من السجن الا برفقتها الاخت الحبيبة مروة مامؤن اية رايكم |
يا شيخ ..
حيرتو الشعب السوداني الفضل
| |
|
|
|
|
|
|
Re: منو القال اسرة المناضلة الحبيبة مريم الصادق تقدمت باسترحام لافراج عنها (Re: محمد عادل)
|
اقول للذين يتطاولون في هذا البوست اول حاجةبالمنطق هو لو زول بيطلب استرحام كان طلع في المظاهرات وعارف انو ممكن يحصل ليهو مصيرالشهيد صديق وبعدين هي لما طلعت من بيته كانت ناسية انها عندها تيمان رضع.. عموما احب اوري الكيزان انو مريم دي قبل كده كانت بتكاتل في الشرق مع جيش الامة وتركت بتها البترضع ..وقعدت في الخلاء سنين.. ومريم دي حبوبته مقبولة القالت لي الانجليز هاكم اكتلو ولدي زى ماكتلتو اخوانو.وكان هذاىالصبي جدها الامام عبدالرحمن والانجليز كانو ضاربنو رصاصتين في طلقو وقالو ليهادا ميت ميت.. أأتخشي مريم على طفليها من الجوع لعدم الرضاعة..وانتم جوعتم كم طفل سوداني وكمان بتزيدو ليهم سعر السكر ..قال استرحام.. بعدين هو الرحمةمن منو منكم انتو, انتو بتعرفو رحمة كدي الاسترحام دا دايرنو لي الشعب السوداني دا ارحموه وفكو دربنا وجعتو قلبنا.. قال استرحام استرحام من فاقد الشئ.. بعدين حاتكون في نسخة لبوست الاميرة لناياحبيب عادل
| |
|
|
|
|
|
|
Re: منو القال اسرة المناضلة الحبيبة مريم الصادق تقدمت باسترحام لافراج عنها (Re: محمد عادل)
|
مغالطات جمعة ما عندها معنى فقط داير يشغلكم فى مساحة ضيقة وده أصلا شغله الحقيقى ، هو فقط يؤكد أنه أمنجى كريه ،،،،،،،،،،
ونقلا عن موقع منطقة الحلاوين إليكم مقطع من قصيدة طويله لشاعر قرية صافية الحلاوين جدنا الشيخ العارف بالله عبدالله بلولة ( رحمه الله ) إمام و خطيب مسجد قرية صافية السابق ، وقد أعجبتنى جدا لان فيها تصوير دقيق لحالنا ألان مع ألانقاذ و قططها الثمان :-
Quote: وها نحن فـي زمن مربح *** يُصلى صبحه قبـل الرغيبــا تلكم فيه كلُّ غبِ وعسّـىٍ *** وأسكتَ قولُهُ اللبــقَ النجيبــا يقود ذا البصيرة فيه أعمى *** فتلك مصيبةُُ تَحـْدُوا مصيبــة يرى كلُُ من الناسات فيـه *** لـه فـي كـل مجتمـع نصيبا عزيز القوم في ذلٍ وصمـتٍ *** وصار الدُّون لِلأْ عْلـىَ خطيبـا وعـمَّ الناسَ خبطُُ أَبْلهــىُُّ *** فما تَدْرى من المخطئ المصيبـا زنيم الأصل في عيش رغيد *** وصـدر القـوم أولاه النجيبـا فما بال الحياء أبُيـد حتـىَّ *** كأنـه لـم يكـن أو قـد أُعيبــا ولا للناصحين قبولَ نُصـحٍ *** ولا للنهـى و الأمـرِ مجيبــا فيـا رَبَّـاهُ غوثـاه فـرج *** هموماً وأبدل الجدبَ خصيبــا وأحْمِ حِمَانا من مكر الليالي *** وحـول عُسْرَنـا يُسـراً قريبــا وسامحنـا وعاملنا بخيرٍ *** وجَنِّبْنَــا القلاقــلَ والْمحِيبــا بجاه المصطفى خير البدايا *** إمـام الرسل أحظاهـم نصيبــا عليه الله صلَّى ما تغلَّـى *** حمــام أوْ أجـاب العندليبــا أو المنشئ عبدُ الله قـالا *** أبـى التأريـخ إلا أن يجيبــا |
| |
|
|
|
|
|
|
|