Post: #1
Title: مريم مرقت ، والباقين ... لسة
Author: بكري بشير
Date: 09-09-2006, 06:45 AM
خبر مفرح خروج الدكتورة مريم ، لكن الفرحة ناقصة ، عشرات المواطنين الشرفاء لا زالوا في المعتقلات ولم يحظوا بنفس التغطية الإعلامية التي حظيت بها دكتورة مريم.
الأمر من كده الغرامات التي أوقعت بحقهم، هم وأهلهم لا يملكون حق طعمية(وجبة اليوم)، ومعظمهم طلبة وسمكرجية وخريجين عطالة. أعرف أسرة أعتقل منهاالأب وأبناؤه الإتنين، أها ديل يجيبوا إتاوات من وين يدفعوها للحكومة؟ وكان عندهم حقو يخلوها للسكر البقى غالي واتقبضوا عشان ممغوسين من زيادتوز
حقو نبطل الفرح (نص كم) ونوفر (المشاعر الجياشة) دي للإحتفال بسقوط اخر حجر من المعتقلات ( على رؤوس الطغاة طبعا).
|
Post: #2
Title: Re: مريم مرقت ، والباقين ... لسة
Author: lana mahdi
Date: 09-09-2006, 06:49 AM
Parent: #1
ومروة مامون كمان مرقت فحقو ما نتسرع في الأحكام
الجهود شغالة لإطلاق سراح البقية
بالمناسبة صديق الصادق المهدي لا زال مسجوناً
لنا
|
Post: #3
Title: Re: مريم مرقت ، والباقين ... لسة
Author: بكري بشير
Date: 09-09-2006, 06:55 AM
Parent: #2
شكرا يا لنا على المرور
كلنا مريم ، وكلنا رانيا، وكلنا (الباقين).
|
Post: #4
Title: Re: مريم مرقت ، والباقين ... لسة
Author: Tabaldina
Date: 09-09-2006, 07:43 AM
Parent: #1
..
.
| Quote: عشرات المواطنين الشرفاء لا زالوا في المعتقلات ولم يحظوا بنفس التغطية الإعلامية التي حظيت بها دكتورة مريم. |
شرف السيادة يختلف عن شرف الغلابة..
|
Post: #5
Title: Re: مريم مرقت ، والباقين ... لسة
Author: بكري بشير
Date: 09-09-2006, 03:17 PM
Parent: #4
ياتبلدينا
شكرا ليك على مرورك
تتعدد الاسباب والشرف واحد، دروب النضال المرقت مريم الصادق هي زاتها المرقت (الباقين).ما أظن في فرق، الكورجة بتاعت يوم الأربعاء لمت الناس بدون فرز، وكانت مثال لوحدة وطنية صادقة .في نص الكورجة ديك اتذكرت قصة (الغازات ) بتاعت بشرى الفاضل، مرقوا من البص كوع ده في بوع التاني ن مابتفرزوا، أها ده كان حال الشارع، راكب في البص البودي على شار ع الشمس والهمبريب.ينضرب واحد يتالم التاني،البنبان يغشى نخرتك جارك يعطس.
الأميرة لنا
إن شالله كلامي اتغهم زي ما طلع مني!!!!
|
Post: #6
Title: Re: مريم مرقت ، والباقين ... لسة
Author: محمد عادل
Date: 09-09-2006, 03:28 PM
Parent: #5
ياجماعة مريم كانت رافضة الخروج الا يطلق سراح الحبيبة الاميرة مروة مامؤن
وبالمناسبة قضيتكم ماتبقى ال الصادق
لودا قضيتكم لسة صديق الصادق فى المعتقل اوكى
واولاد سيد صادق واحد زيهم وذى باقى الانصار يا احباب
|
Post: #7
Title: Re: مريم مرقت ، والباقين ... لسة
Author: Dr_Bringy
Date: 09-09-2006, 04:50 PM
Parent: #6
هذا بالضبط ما تريده حكومة الإنقاذ
سياسة فرق تسُد
إطلاق سراح القادة وترك الباقين داخل السجن سوف يقلل احتمال المساندة الجماهيرية لاحقا
فليكن شعار أبناء المهدي والقيادات العليا "نحن آخر من يخرج من السجن" حتى تفوتوا عليهم الفرصة
|
Post: #8
Title: Re: مريم مرقت ، والباقين ... لسة
Author: Waly Eldin Elfakey
Date: 09-09-2006, 05:22 PM
Parent: #7
اولا مرحب بيك يا دكتور في المنبر ده
الزول لمن يجي المفترض يفتح ليه بوست كده
عشان الناس يرحبوا بيه...
بعد داك يشوف ليه شلة يتلم عليها
عشان ناس محمد عادل ديك ما يجوا يحمروا ليك
عموما نتمني ان تستمر الضغوط حتي يفرج عن اخر واحد معتقل
حتي تتنسم بلادنا عبق الحرية
شكرا
|
Post: #9
Title: Re: مريم مرقت ، والباقين ... لسة
Author: معاوية كرفس
Date: 09-09-2006, 06:52 PM
Parent: #1
.
Quote: اولا مرحب بيك يا دكتور في المنبر ده
الزول لمن يجي المفترض يفتح ليه بوست كده
عشان الناس يرحبوا بيه...
بعد داك يشوف ليه شلة يتلم عليها |
تعرف يا دكتور / والي
أنا كنت شايف البوست العملتو
وبترحب فيه بالزميل د/ بكري بشير
وكنت انت مستغرب إنو ما جا ولا أي شيوعي
ورحب بيه معاك .
وعملت مصهين ( أنا )
بس كانت رغبة جواي
عايز أقيس
هل الناس في المنبر دا
بتناقشك علي حسب كلامك البتكتبو
بعد ما تقراهو وتفهمو( دون أي تأويلات )
ولا بترد ليك علي حسب موقعك من التصنيفات
الموجودة في المنبر .
والتصنيف دا طبعاً قد لا تكون إخترته بحكم إرادتك
وفكرك بل قد يكون أسبقه عليك أحد المتبرعين
بالنعوت المعروفة في هذا المنبر .
أعتقد إنو دي مشكلة سودانيس اون لاين .
----------------------------------
إطلاق سراح /مريم الصادق
بخلينا نتعشم في إطلاق سراح البقية
وهو أكيد خطوة إيجابية في طريق الديمقراطية
أيضاً هو أكيد مكسب للقوي الديمقراطية
لأنو تم تجاوباً لضغوط ديمقراطية
وعقبال ما نطلق سراح كل الموقوفين
في الإسبوعين الفاتو
و نتوجها بإنو أصلاً
مافي زول يحبسو شان رايو
------------
لكم كل الود
.
|
Post: #10
Title: Re: مريم مرقت ، والباقين ... لسة
Author: Waly Eldin Elfakey
Date: 09-12-2006, 08:08 AM
Parent: #9
بكري وين انت سلامات
كرفس ازيك... اهو ممكن الواحد يعرف انك شيوعي مثلا
| Quote: وكنت انت مستغرب إنو ما جا ولا أي شيوعي |
لا ابدا والله ما مستغرب ولا اي حاجة
بس ابو بكر جاء في وقت صعب مظاهرات ومسيرات وبوستات ما تديك الدرب
تكتب البوست قبل ما تتلفت تلقاه مشي الصفحة الثانية
وبعدين انا فهمي للتصنيفات مختلف تماما
انا احترم اي انسان حزم امره واقتنع بي فكرة
و انتمي لتنظيم... المهم هو عاوز يقدم حاجة للوطن
و الحاجة دي بالضرورة يقدمها عبر مجموعة لان اليد الواحدة ما بتصفق
و اظن ده مصدر فخر لاي واحد منتمي لي جماعة... مع انه
بعضهم يحاول عدم اظهار انتمائه السياسي
و بكري انا بعرفه ما من النوع ده عشان كده
كتبت ليه بوست بالصورة دي....
وكنت قاصد انه الناس يرحبوا بيه زيه وزي اي عضو جديد
غير الاسباب ديك... برضو سبب عدم الترحيب في البوست داك بيكون لاني انا ما زول
شعبي (popular ) عشان كده كان اخلي واحد تاني اكثر شعبية يرحب
بيه...
الكلام الانت قلته هو مشكلة في المنبر لو انا فهمتك كويس
الناس فعلا بيردوا في اعتقادي لي واحد من اربع اسباب
كاتب الموضوع صديق او ينتمي الي نفس المجموعة
الموضوع يوافق هواي او يحقق احد اهدافي
موضوع مستفز جدا وقد يمسني شخصيابالسؤ
كاتب او كاتبة شعبية لها او له جماهير اريد ان اتقرب اليه ( كسير تلج ساي)
قيل ثم ماذا قال...
واحد رايحة ليه شكلة يقابل اول واحد يشاكله
ويجو الحجازين
شكلرا والي
|
Post: #11
Title: Re: مريم مرقت ، والباقين ... لسة
Author: معاوية كرفس
Date: 09-12-2006, 08:46 AM
Parent: #1
.
د/ والي
مية المية
.
|
Post: #12
Title: Re: مريم مرقت ، والباقين ... لسة
Author: Mohamed Elnaem
Date: 09-12-2006, 10:20 AM
Parent: #11
بكرى بشير انت لسه ساكى السياسى المتلاحق دا مابينتهى كدى امش شوف محمد حسبوا جايط الدنيا بالصاح و غيره كدى اتصرف معاهو لحدى مااخلص إمتحانى واجيكم...لكن ماتنسى تسألوا لى منو العرف فائض القيمه بالطريقه الجدبده دي?...ومنوا القال الإحلال و الابدال الديليكتيكى مابيفيد الجزريه....
|
|