استشفاع لدى محمد حامد جمعة

الأخ محمد حامد جمعة

إنزالك هذا العنوان المثير بلا موضوع "بيان هام .. فترقبوه "، كنوع من الإثارة، وصورتك الضاحكة (الساخرة)، في زمن الحزن والغم والموت والعويل.. وبوستاتك المستهتزأة المستخفة بخصومك الذين يعارضون نظام الإنقاذ، وبالتالي هي بوستات مستهزأة بأماني وتطلعات الشعب السوداني كله إلى الحرية والعدل والسلام وإنهاء الفساد..كل ذلك يدل على شخصية رجل الأمن المدرب تدريبا جيدا.. الذي يمكن أن يبتسم في وجه ضحيته ويحادثه بكل لطف وبرود، ثم يأخذه إلى العراء ليذبحه من الوريد إلى الوريد، ويمشي في اليوم التالي في جنازته.
أنت رجل خطير!!

وأنا بهذا ألاطفك فقط، حتى إذا ما وقعتًًَ (أنا) بين يديك يوما ما ، لا قدر الله، سأذكرك بهذه الملاطفة، عساها تشفع لي عندك، يا وكيل ملك الموت.

محمد، دلني بالله أين نشأت وأين تربيت ومن رباك؟ هل كانوا أناسا طيبين مثل سائر السودانيين؟؟ أم أن هناك شخصا شريرا أنشأك على هذه الشاكلة الشيطانية؟ أم أنه حدث في حياتك ما جعلك تسير في هذا الطريق الخطير المنحرف؟ أم أن الله خلقك هكذا [الله خلقني كدهٍ]؟؟

أسأل الله لك الهداية ولقومك الذين أوردوا هذا البلد وهذا الشعب الطيب المسكين موارد الهلاك.

Quote: محمد، دلني بالله أين نشأت وأين تربيت ومن رباك؟ هل كانوا أناسا طيبين مثل سائر السودانيين؟؟ أم أن هناك شخصا شريرا أنشأك على هذه الشاكلة الشيطانية؟ أم أنه حدث في حياتك ما جعلك تسير في هذا الطريق الخطير المنحرف؟ أم أن الله خلقك هكذا [الله خلقني كدهٍ]؟؟

بشير الخير الكلام دا بتاباهو بعد شوية
هسي بجي يعصرك وتبقي في واك واك
الرباهو مالك بيهو
خليك فيهو هو زاتو....

(هسي ح يجو ناس يطلعوني كوز وامنجي)
لكن ما عندنا شغلة بي اصلو ...

بعدين معلومة عامة
الغباء مافي ليهو داعي
ناس الدق والكتل في الامن براهم
وناس الكتابة والحكي براهم
هسي محمد حامد دا كان اداك كف بسوي ليك شي؟؟؟
ضارب الكندشة والفيهو كملت

كتب أحمد محمد عثمان

Quote: بشير الخير الكلام دا بتاباهو بعد شوية هسي بجي يعصرك وتبقي في واك واك الرباهو مالك بيهو خليك فيهو هو زاتو....

يا أحمد، هل يا ترى أن محمد حامد جمعة ابن عمك؟ أو قريبك بصفة ما؟ أو من منطقتك؟؟

معذرة إذا وجدت في نفسك من تساؤلي عن نشأته وتربيته شيئا!!

بعدين يا بطل، يا ما تعرضنا للعصر من قبل، ونظرنا إلى الموت في حدقتي عينيه، ولم يطرف لنا جفن. .. أرجو ألا تستخف بقدر من لا تعرفهم،

كيف الرباه ما لي بيهو؟؟ إنت فايت عليك أثر الوراثة والتربية والأحداث التي يمر بها الإنسان منذ طفولته في تشكيل نفسيته وطريقة تكفيره وسلوكه والمهنة التي يختارها؟؟ ثم أن هذه التساؤلاات تساق في معرض الاستنكار والتوبيخ لمن له ضمير وأصل، لإيقاظ الضمير إن وجد.

[QUTE]
(هسي ح يجو ناس يطلعوني كوز وامنجي)
لكن ما عندنا شغلة بي اصلو ...[/QUTE]

المثل السوداني بقول "الفيهو الحرصق براهو برقص".. حاولت الإطلاع ما تكتب لأعرف من أنت.. فوجدته محجوبا، وصورتك محجوبة.. طيب إذا كان كلامك كلام كوز ٍ(أنا بالمناسبة لا استعمل كلمة كوز هذه إطلاقا في كتابتي ولا في كلامي)، وإذا كان كلامك وتصرفاتك كلام وتصرفات "أمنجي"، ليه ما يقولوا عليك "أمنجي"؟؟ عاوز الناس تكون عندها قنابير؟؟..
أنت هنا كأنك تحاول أن تجعل من الهجوم خير وسيلة للدفاع.

[QUTE]بعدين معلومة عامة
الغباء مافي ليهو داعي
ناس الدق والكتل في الامن براهم
وناس الكتابة والحكي براهم
هسي محمد حامد دا كان اداك كف بسوي ليك شي؟؟؟
ضارب الكندشة والفيهو كملت [/QUOT]

يا لغبائي!! ويا لذكائك!! هذه الفائدة الوحيدة التي خرجت بها من مداخلتك هذه يا معلم. فشكرا لك ألف شكر.. عرفت اليوم أن ناس الدق والكتل في الأمن براهم وناس الكتابة والحكي براهم..

ويا بختكم يا ناس المنبر، محمد حامد جمعة من ناس الكتابة والحكي فقط، وليس من ناس الدق والكتل في جهاز الأمن.. ممكن يدي الواحد كف ساي، ما بعمل حاجة. لكن إذا كان غضبان عليك ممكن يوصي واحد من الجماعة التانيين ويقول ليهو أدب الزول دا..

بعدين ياجدع قلت: "ضارب الكندشة والفيهو كملت"؟؟
كندشة عدوك.. أنا لا أبدل بالسودان، لما كان سودان، جنة عدن. لكن طرودنا ناسك وحرمونا من لقمة العيش في السودان.. ولكني راجع قريبا، وسأقابلك هناك إذا أعطيتني عنوانك.. أم أنك ضارب الكندشة في بلد أجنبي أيضا؟؟