Post: #1
Title: ما حكم من اكل الفاصوليا مع سجيمان بعد البمبان
Author: عبد المنعم سليمان
Date: 09-07-2006, 06:18 AM
اخوتي بعد كر وفر مع (قواتنا الباسله) حامله البمبان باوامر من رئيسنا (المان) اقول بعد ان ادى رجال الامن واجبهم( المقدس ) بضرب واعتقال المتظاهرين العزل . ذهبت وانا في اشد الجوع الى مقر جريده الصحافه حيث قابلت الاخ سجيمان الذي ذهب معي الي الكافتيريا ولم نجد غير الفاصوليا والمكرونه وبعد ان استفتيت قلبي توكلت على الله وقتا يا ربي انتا البلد دي كلها( فاصوليا) كده اليومين ديل ليه. المهم بعد الاكل قابلني واحد من الجماعه اياهم وقال لي لا يجوز الاكل مع سجيمان ليله البمبان .. فسالت بعض (المكفرين) اصحاب الدييييييييين .
الاول : وكان من اصحاب الدقون الما كبيره وما صغيره لكن سرواله اطول من الجلابيه ( يا ربي رجال الدين بتاعين الحكومه ديل مخلوقين up side down ولا شنو المهم قال لي : يجوز الاكل مع سجيمان بعد البمبان ولكن بشرط موافقه ولي ال man .
قتا ليهو سمح امااااان
الثاني: دخل في الخط طوالي وكان بيزبد ويبصق علي وشو وهو بيتكلم وقال وهو بتشنج : ان الفاصوليا بكلام الكفار بييين والبيين ضد الدين كما جا في كتاب التبيان في حكم الفاصوليا مع البمبان لمؤلفه الزبير قاتل القتيلان .
وانها في حاله حصولها مع سجيمان فعليكم غداء شهرين متتاليين . او كفاره
قتا ليهو سمح وكفر الله غدواتكم.
الثالث: وكان بيتكلم عن اجماع الشيخين ( يا ربي شيخ علي عرفناو ديل رجعوا المعلم تاني ولا شنو ) المهم قال بالاجماع ان الفاصوليا من فاصلوهم حتى لا تكون فتتا ويكون البمبان للشعب .. وطالما لم تكن فته فلا حرج وعليك اطعام 59 مسكين في شارع ال60
قتا ليهو سمح لكن شارع عبيد ختف ما بنفع .
والله يا جماعه البد دي بقت غداء و غدر .
هسه يا سي جي يا اخوي خلي الاخوان يفتونا في غدوتك دي .. خاصه في جماعه من السعوديه يعني اولاد المصنع زاتووووو .
|
Post: #2
Title: Re: ما حكم من اكل الفاصوليا مع سجيمان بعد البمبان
Author: سجيمان
Date: 09-07-2006, 06:44 AM
Parent: #1
اخوي عبد المنعم
حتى الاكل داير ليهو فتوى؟؟؟؟...... والله دي شقاوة...
|
Post: #3
Title: Re: ما حكم من اكل الفاصوليا مع سجيمان بعد البمبان
Author: Yassir Tayfour
Date: 09-07-2006, 07:48 AM
Parent: #2
الاخ عبد المنعم
| Quote: ما حكم من اكل الفاصوليا مع سجيمان بعد البمبان |
عليه ان يتوضى ان أراد الصلاة؛
وان لا يلتحق بالمظاهرة لكى لا يزيد المتظاهرين بمباناً على بمبان الشرطة
والله اعلم
|
|