عام باتساع الحلم، مظاهرات المهدي اليوم.. انتفاضة بكرة.. حاكم جديد.. وماذا بعد؟

.
.
اتابع ما يتناوله اعضاء البورد اليوم.. وعناوين هايفة لا ليها اول ولا اخر.. ملت الدار سقم.
اشك كثير في المام اصحابها بما يدور اليوم هناكـ..
.
.
سؤال:
هل فعلا سيدهم الصادق يهمه امر الوطن؟
هل فعل هوا واعضاء حزب الامة بامكنهم قيادة الوطن الي بر الامان؟
.
.
وين كان الصادق واتباعه عندما كان يموت الالاف.. في الجنوب، الشرق، واخيرا دارفور..
باختصار ياسادة.. كان يرفه بنوادي مصر الساهرة، كان كان يمارس لعبة التنس في نواديها الفارهة.. لحدي ماوقع واتكسرت احدى اعضاء جسمه..
والشعب هناكـ كان بيموت..
واين كانو اتباعه؟
كان يقيمون بافخم الشقق المفروشة بمدينة نصر، مساكن رابعة العدوية ومساكن الضباط وعباس العقاد.. لا شغل لا مشغلة، ويمارسون الانانية علانا والتكتل المحزن.
والشعب هناك كان بيموت.. والبعض يفترش الحلم وسادة.
وهل فعلا ياسيدهم.. يهمك امر الشعب؟ يهمك ارتفاع الاسعار ..
ام هي مدخل سري اخترته بعد فشلك الزريع للوصول الي كرسي السلطه..
اهنئك يا سيديهم.. فقد تمكنت من اللعب بعقول الكثير منهم.. فصدقوك وقالو انها الثورة!!
وانكـ المهدي المنتظر!!
يا لعجبي..
فيا سيدهم حاول مارس زيفك في برك ضناك او قول مارس خوفك في ملامح الليل المدد احلامنا، جوع.
عزراً سيدهم:
فنحن جيل مختلف لا نؤمن بكم ولا باذيالهم... ولا نؤمن بقراءة الكف.
.
.
سؤال تاني:
ما هو الفرق بينكم وبينهم؟
قول لي:
كيف تقدر تخلق في الناس معاني العشم..
وانت بتكفر زول لانو بيسف سعود، يتعاطي الفرح المريسة لا يؤمن باصنامكم؟
ديمقراطية شنو الجايين تتكلمو لي عنها
كدي خلونا من كلام المثقفاتية، المحصفاتية.......... وهلم جر.
ببساطة انتو ما الممكن تحققو.. ابسط احلام الشعب العريض. انتم يا سادة تؤمنون بما لا نؤمن به.
تؤمنون بالهكم المهدي، الصادق وما تبقي من رفات.
فدعونا لحالنا وكفى خداعاً ونفاق..
.
.
ولي عودة.. ان عدتم
.
.
راني السماني

الحبيب رانى شكرا على سخافاتك
ياخوى هوى مافاضين ليك نحنا

سلامات الطفل "المعجزة" محمد عادل

Quote: الحبيب رانى شكرا على سخافاتك ياخوى هوى مافاضين ليك نحنا

ولكن انا فاضي ليكم

اسئلة لست للاجابة!!