.. . بما أننى فى نهاية شارع المطار .. فأننى اتسأل أخبار المسيرة شنو!! هل تحركت ضد الزيادات!! هل القيادات يقودن المسيرة!! هل اعترضت الحكومة على مظاهرة سلمية لا اكثر ولا اقل ؟ _______________
السؤال لجمال الصادق وصباح احمد وملاسي وفرح وآخرون باعتبارهم فى قلب الحدث..
.. . قال الفاروق فى بوست المدعو محمد حسن العمدة ( الخرطوم والقوات الخاصة )
Quote: يا جماعة كدي ورونا الاخبار دي بتنجتوها من وين و لقاطعينها من رسانكم. معاي اتصال مباشر بالمنسجر من الخرطوم من حوالي ساعة و مستمر لحدي هسع. سالت زولي من اخباركم دي قال يطرش ما سمع بيها,عارف انوا ناس حزب الامة عندهم مطاهرة لكن اخباركم دي فيها حبة شمار و كسبرة
ونحن نقول منذ الاثنين الاول من اغسطس 2005م لم تغادر القوات الخاصة مواقعها ومراكزها تتزداد وتنقص حسب الحدث الغريب انو الحركة فى وسط الخرطوم ( شارع البلدية- ميدان بيطار والتاكا- ابوجنزير - شارع المطار - عبيد ختم )
عادية واقل من طبيعية..
_____________
الساعة الان 01:30 pm - بتوقيت راديو الرابعة - أين اولئكـ وقاداتهم !!
09-06-2006, 06:31 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
.. . يقول محمد عبدالرحمن ( بوست جديد) ان المظاهرات مشتعلة فى امبدة والجماهير قاربت ش القصر..
اتصلت بأبن عمتى م.غندور بالمنطقة المذكورة مستفسراً ومطمئناً .. فاذا به يدهشنى بانه لاصحة مما ذكرت الاغرب انه اخبرنى بوصول اتصال له بحرق مكاتبهم ومراكزهم ومظاهرات فى نفس منطقته وختم حديثه دعنى ابحث فقد تكون هناك قصاصه ورق قد احترقت ولم ننتبه لها.. بسبب الاشاعات او لاجراء احتازى تم السماح للطلاب بالعودة لمنازلهم رغم ان الساعة الان 02:00 ظهراً بتوقيت امدرمان
_____________________
الغلابة - امبده - دوماً هم متصدرى الموت والقتل وهم الذين يعانون الأمرين والقادة فى خارج اللعبة ليآتوا لقطع شريط الاحتفال والغاء بيان الحكومة ..
09-06-2006, 06:55 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
عاد صديقي الذى استعار عربتى المتواضعة لقضاء حوائج الزمن عاد ليخبرنى بأن الدخول للخرطوم فيه صعوبة وازدحام لتوقع انفراط امنى من الشماسة والغوغائية.. وقوات الامن تحاول اغلاق المداخل والمخارج ..
احد اخوتى واصدقائي؛ اتصل بي من المملكة يخبرنى بأن ساعة الصفر لم تحن بعد!! ووصانى بالصبر فالقادة سيخروجون ويعضضون المسيرة
_____________________
ولا زال السؤال قائماً أين القادة !!
09-06-2006, 07:19 AM
ajaj
ajaj
تاريخ التسجيل: 07-27-2002
مجموع المشاركات: 971
Quote: ياتبلدينا ياخى المسيره جابوها بالصور فى البورد وكمان ناس المسيره قاعدين فى الكراسىوبسمعوا فى كلمة الصادق المهدى وشكلهم كده منتظرين اوزعوا عليهم الحاجه الباره فاحتمال يااخى اتصالاتك دى تكون قبل مااشربواالحاجه البارده وابدوا اسيروا لانو الناس قالوا المسيره دى قفلت شارع المورده واحتمال لغاية اسى اكونوا قفلوا النيل زاتو . . .
صدوح .. والله ذكرتنى بالندوة .. ما حبيت اعلق حفظاً لماء وجه البعض بس ذكرتنى بحفل سودانيز اون لاين فى المتحف يعنى احتفاليتنا- مع بكرى ابوبكر - كانت اكبر او بحجم احتفالية التنظيم وخلى انصاري بغادى للبحر يجى يغالطنى ..!!
__________________
بختك يا بكرى ابوبكر حجمك حجم زعيم
09-06-2006, 08:09 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
تبلدينا انت ليه بتكذب يا اخي البلد مولعة نار في الخرطوم والصادق المهدي بي نفسو طالع مظاهرات وقائدها هو بي نفسو وهذه الاحبار جائتني من اتصال هاتفي بالخرطوم مع شخص عندي معه عمل وقال لي والله ما قدرت اعمل حاجة لأنو في مظاهرات تقيلة والشرطة مانعة الناس تدخل الخرطوم جوة وقال لي ناس الحكومة كتلوا الناس كلها مع العلم ان هذا الشخص مع الحكومة.
ابوفتحية
09-06-2006, 08:34 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
.. . ابوفتحية مالك يا زول منفعل !! انا وين بكذب .. انا قلت انا دخلت المظاهرة ما قاعد اديك الخبر بمصداقيته .. وعشان ما تزعل صورة هاكـ المظاهرة هنا قدام بنك امدرمان الوطنى فى زمتك بتتذكر الإنتفاضة
ولا تزعل ..
09-06-2006, 08:47 AM
Alfarwq
Alfarwq
تاريخ التسجيل: 03-05-2002
مجموع المشاركات: 1552
.. . يا جماعة انا متوكل على الله .. يا نوبي .. انا متحرك بشارع المطار وحتى المك نمر ويساراً الى شارع الجامعة الى كبري النيل الابيض القديم ورغم انى متجه للمهندسين لكن لازم اجى بشارع الموردة امام دار الانصار ومنه لشارع العرضة حتى ود البشير ومن ثم حمد النيل .. الى المهندسين وساعود بالبكبري الجديد والحرية لو اختفيت فى المنطقة دى معناتو البلد جايطة.. وكن ما ظهرت حتى السبت العفو والعافية.. اكيد تكون جاتنى رصاصة طايشة..
فى امان الله والعفو والعافية؛
09-07-2006, 07:05 AM
محمد عبدالرحمن
محمد عبدالرحمن
تاريخ التسجيل: 03-15-2004
مجموع المشاركات: 9059
Quote: . يقول محمد عبدالرحمن ( بوست جديد) ان المظاهرات مشتعلة فى امبدة والجماهير قاربت ش القصر..
اتصلت بأبن عمتى م.غندور بالمنطقة المذكورة مستفسراً ومطمئناً .. فاذا به يدهشنى بانه لاصحة مما ذكرت الاغرب انه اخبرنى بوصول اتصال له بحرق مكاتبهم ومراكزهم ومظاهرات فى نفس منطقته وختم حديثه دعنى ابحث فقد تكون هناك قصاصه ورق قد احترقت ولم ننتبه لها.. بسبب الاشاعات او لاجراء احتازى تم السماح للطلاب بالعودة لمنازلهم رغم ان الساعة الان 02:00 ظهراً بتوقيت امدرمان
_____________________
الغلابة - امبده - دوماً هم متصدرى الموت والقتل وهم الذين يعانون الأمرين والقادة فى خارج اللعبة ليآتوا لقطع شريط الاحتفال والغاء بيان الحكومة ..
ياتبلدينا
تحياتى ...
هذا ماذكرته اعلاه نقلا عن ابن عمتك م غندور ..واليك ادناه ماذكرته جريدة السودانى التى بالطبع اوفدت صحفيين ومصوريين لتغطية الاحداث ..
Quote: الشرطة تفض تظاهرات للمعارضة بعدة مناطق بالخرطوم فضت قوات الشرطة والنجدة والعمليات أمس، تظاهرات نظمتها الأحزاب المعارضة المناهضة للزيادات في الأسعار، مستخدمة بكثافة الغاز المسيل للدموع في تفريغ حشود المتظاهرين الذين تجمعوا باتجاه القصر الجمهوري، وقامت السلطات باعتقال العشرات منهم. وكانت مداخل وسط الخرطوم شهدت قبيل ظهر أمس إجراءات أمنية كثيفة وانتشارا واسعا لقوات الشرطة على خلفية اعلان احزاب المعارضة خروجها إلى الشارع برغم الرفض الحكومي للمسيرة،. وتمكن المتظاهرون من الاحتشاد والتظاهر بشارع القصر وتقدمهم في مشهد لافت قادة الأحزاب المعارضة، حيث رصدت (السوداني) مشاركة الأمين العام لحزب الأمة القومي د.عبدالنبي علي أحمد، ورئيس حزب المؤتمر السوداني إبراهيم الشيخ، وسكرتير عام الحزب الشيوعي محمد إبراهيم نقد، ورئيس لجنة المصالحة بالمجلس الوطني المحامي علي السيد، والأمين العام للحزب الوحدوي العربي الناصري ساطع أحمد الحاج، والكاتب الصحفي الحاج وراق، وممثل سكرتارية منظمات المجتمع المدني أزهري الحاج، ومساعد الأمين العام لشؤون الاتصال بحزب الأمة القومي د.مريم الصادق، وعضو المكتب التنفيذي للتحالف الوطني السوداني العقيد (م) كمال اسماعيل، إلى جانب قيادات شبابية وطلابية من احزاب المعارضة. وردد المتظاهرون هتافات مناوئة للحكومة وطالبوا برحيلها، فيما حمل البعض لافتات كتبت عليها شعارات مناهضة للزيادات في اسعار الوقود والسكر واتجهوا صوب القصر الجمهوري الذي شهدت المداخل إليه حراسات أمنية مكثفة، وقامت قوات الشرطة بقذف المتظاهرين بالغاز المسيل للدموع مما حدا بجموعهم للتفرق داخل الشوارع الجانبية للسوق العربي، وقامت الشرطة بمطاردة جيوب المظاهرة التي استمرت لأكثر من ثلاث ساعات عانى منها المواطنون من انعدام المواصلات لخلو معظم المواقف من المركبات العامة، بينما أغلق اصحاب المتاجر محالهم وهرع الكثيرون للاحتماء داخل المسجد الكبير. وتشير (السوداني) إلى وقوع اصابات جراء ضيق التنفس بين الكثير من المواطنين والمارة جراء تلوث الأجواء بالغاز المسيل للدموع خاصة في أواسط الفتيات وكبار السن، بينما ظلت سيارات الأسعاف والنجدة تنقل بعضهم إلى المستشفيات. وشهدت مناطق متفرقة في احياء امبدة والسوق الشعبي بأم درمان وجامعة الخرطوم تظاهرات مماثلة، وتمكنت قوات الشرطة من احتواء تظاهرة شهدتها جامعة الخرطوم مساء الأمس.
وأبلغ الأستاذ محمد حسن عربي المحامي، عضو اللجنة القانونية للدفاع عن المعتقلين، (السوداني) أن عدد المعتقلين بالقسم الشمالي بالخرطوم بلغ حتى مساء أمس (52) معتقلاً، موضحاً أن من بين المعتقلين طلاباً من جامعة الخرطوم، مشيراً لاستمرار جهود اللجنة القانونية لإطلاق سراح المعتقلين، ومن المقرر أن يتم تقديم المعتقلين للمحاكمة اليوم بمحكمة الخرطوم الشمالية.
وأكد حزب الأمة القومي بزعامة الصادق المهدي في بيان أصدره أمس، ان قوات الأمن والشرطة قامت باعتقال مجموعة من قيادات الحزب بينهم مساعد الأمين العام لشؤون الاتصال التنظيمي د.مريم الصادق، ورئيس اللجنة الاقتصادية بالمكتب السياسي صديق الصادق، ونائب الأمين العام للحزب عبدالرحمن الغالي. وأشار بيان حزب الأمة إلى ان الأجهزة الأمنية والشرطية بولاية سنار اعترضت أمس مسيرة سلمية لطلاب جامعة سنار واعتقلت اعدادا كبيرة من الطلاب وقامت بإغلاق سوق سنار نهار الأمس، وندد الحزب بما سماه الأساليب الوحشية والقمعية من قبل الحكومة.
جريدة (السوداني
)
شن قولك ياعزيزى بعد ذلك ... هل شهدت امبدة مظاهرات ام لم تشهد ؟؟
ودى
09-09-2006, 01:20 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
Quote: وشهدت مناطق متفرقة في احياء امبدة والسوق الشعبي بأم درمان
غايتو ود عمتى ما بكذب انت اختار على العموم انا اتحركت من شارع افريقيا الى امبده ما لقيت لى علبه بونبان واقعة ولا انصارى حايم يكون اعتقلوهم كلهم ودسوا الادلة !!
انهم يبيعونهم الوهم !!
09-09-2006, 07:29 AM
Bakhaf
Bakhaf
تاريخ التسجيل: 03-06-2002
مجموع المشاركات: 2434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة