Post: #1
Title: سؤال من يحب فيكم السودان؟
Author: sharnobi
Date: 09-04-2006, 09:13 PM
وبحكم اننى من رواد هذا المنبر
ومصنف
من فيكم يعشق هذا السودان
ولماذا
هل لأنه وطن عربى اسلامى؟؟
ام هل لأنه وطن افريقى؟
ام لأنه وطن يحتوى الجميع؟؟
هل نجتمع جميعا لوطن خير ثوابته التنوع والاحترام للآخر
وهل..
وهل
ام اننا ممعنون ومغالون فى فى الاختلاف
سؤال برى جدا فى زمن كالح
|
Post: #2
Title: Re: سؤال من يحب فيكم السودان؟
Author: النذير حجازي
Date: 09-04-2006, 09:20 PM
Parent: #1
دكتور صلاح تحياتي,
سوداني الجوة وجداني بريدو
أنا احب السودان لأنه وطني وأحب السودانيين لأنهم شعبي ولا تبديل للسودان أو السودانيين بأي بلد أو أي جنسية أخرى، ولك وللسودان وللسودانيين كل الحب.
|
Post: #3
Title: Re: سؤال من يحب فيكم السودان؟
Author: sharnobi
Date: 09-04-2006, 09:22 PM
Parent: #1
اذكرت مقطع لقصيدة القدال
نلعب عسكر وحرامى
مين فينا اليبقى حرامى
ومين فينا اليبقى العسكر
ناس.. مين اليبقو العسكر
وناس فلان اليبقو حرامى
بس نلعب عسكر وحرامى
ملحوظة الحرامية هم جمهور الشعب الذين يحاولون عبر مسيرة التاريخ تأسيس دولة المؤسسات التى تمثلهم
والحرامية.. لا اجد عناء فى تعريفهم
|
Post: #7
Title: Re: سؤال من يحب فيكم السودان؟
Author: الزوول
Date: 09-04-2006, 09:48 PM
Parent: #3
السلام عليكم
الأخ شرنوبي
لك التحية..
أحب هذا الوطن..الجميل ..القبيح ...أعشقه وأكرهه
أطرب ان سمعت غريباً يمدحه
أغضب إن سمعت قريباً يمدحه
وأكاد أموت حزناً..وغيظاً إن سمعت من يذمه
كل هذا ولا أعرف لماذا
ولكن....
وهل يُعلل الحب ؟
.....
قال شاعر لا أذكر اسمه...
حملت جـبال الحـب فيـك وإنني *** لأعجز عن حمل القميص وأضعف
وما الحب من حسن ولا من سماحة *** ولكـنه شـيء به النـفس تكـلف
........................
وما الناس إلا هالك وأبن هالك *** وذو نسب في الهالكين عريق
|
Post: #4
Title: Re: سؤال من يحب فيكم السودان؟
Author: sharnobi
Date: 09-04-2006, 09:31 PM
Parent: #1
النزير
السودان
الوطن
نحلم به سودان خير
وطن المؤسسات
الاحترام
وطن كل الديانات
والاجناس
وطن شريانه نيل يتفرع من الشرق والغرب والجنوب ويمتد للشمال
وطن السمرة
وطن الغناء الخرافى
وطن
نبنيه بارث تاريخ ممتد 8 الف سنه
لا بعنجهية ولا انتماء مقدس
وخواء فكرى وانتماء مزيف
وطن
المزج
حين يعترف الجعلى بان حبوبته هى ريا الشلكاوية
ويعترف الشايقى بانو اصوله نوبية
وهكذا
وهكذا
وطن اسمو من ملامحه
|
Post: #6
Title: Re: سؤال من يحب فيكم السودان؟
Author: النذير حجازي
Date: 09-04-2006, 09:44 PM
Parent: #4
تعرف يا شرنوبي أم المصائب فى السودان هو تأريخ السودان الملفق، وتلصق واضعوه بالعرب، وتصنيفه إلى زنوج وعرب وقبائل ما أنزل الله بها من سلطان، فيجب محاربة القبلية وإلغاء كل ما يدعو إليها وإلى ربطنا بالعرب من جميع المقرارات فى المدراس أولاً ثم سن قوانين رادعة لمحاربتها وتبقى جنسية واحدة وجهة واحدة وهي السودان وطن الجميع ولا يهم من أين أتينا أو ما كان أصلنا فنحن سودانيون وحسب.
|
Post: #5
Title: Re: سؤال من يحب فيكم السودان؟
Author: sharnobi
Date: 09-04-2006, 09:43 PM
Parent: #1
كيمان مفروزة من يوم اول
الهم كوم
هم من يحلم بوطن
وهم من يستغل بانه ينتمى لوطن
فى كل المجتمعات
وعبر التاريخ
صراع ما بين الشر والخير
بمفهوم نسبى
لمصلحة من؟
للحاكم بامر الله
ام بمن يحلم ان يعيش محترما فى حدود انسانيته
لماذا انا (محمد احمد) مضطهد فى ارضى التى ورثها من اجدادى
لى نخل
وساقية
ومخمس
وكنداكة
ولى بقر
ومساحة رعى
ولى الفضاء
السماء
من فيكم
يجبرنى ان اصلى غربا وقبلتى جنوب
ولاى نوبى
اسود المنابع
احب ا اكون على مسمى
السم
سودانى
|
Post: #8
Title: Re: سؤال من يحب فيكم السودان؟
Author: sharnobi
Date: 09-04-2006, 09:49 PM
Parent: #1
| Quote: فنحن سودانيون وحسب. |
|
Post: #9
Title: Re: سؤال من يحب فيكم السودان؟
Author: sharnobi
Date: 09-04-2006, 09:57 PM
Parent: #1
الزول
مصطلح زول او سول تذكرنى لحظة حصاد الذرة لمن الترابلة
يعلمو تمثال لانسان يسموه الزول لارسال رسالة للطيور باننا ها هنا
وكلمة زول بقت سودانية
Quote: [ أحب هذا الوطن..الجميل ..القبيح ...أعشقه وأكرهه
] |
وفعلا بنحب هذا لوطن بلا مقدمات
|
Post: #10
Title: Re: سؤال من يحب فيكم السودان؟
Author: sharnobi
Date: 09-04-2006, 10:07 PM
Parent: #1
سؤال برئ
لمن يدافع عن من يغتالنا نهارا
لماذ نحن نصارع ونناضل من اجل وطن
هل كان خيارنا سلك الطرق التى تؤدى للموت
اسهل من ان نجلس تحت حذاء السلطان
هل هو غباء منا ان اخترنا طريق النضال للعام
ووكان غباء ان لم نفضل الخاص
واصبحنا زمرة للسلطان
هل سال احدكم لنفسه بصدق هذا السؤال
اعطونا وطن
خير ديموقراطى
فلن تجدوا من يناكف السلطان
ولن كون هنالك
توقيف او اعتقال
ولا جهاز امن
ترتزقون منه
|
Post: #11
Title: Re: سؤال من يحب فيكم السودان؟
Author: عصام عبد الحفيظ
Date: 11-19-2006, 07:07 AM
Parent: #10
|
Post: #12
Title: Re: سؤال من يحب فيكم السودان؟
Author: فيصل محمد خليل
Date: 11-19-2006, 07:20 AM
Parent: #11
حيث لا عشق يا سودان الا النسور الجبال
|
|