بورداب و ثوار الداخل .. طمئنونا علي الزميل فتحي البحيري !

منذ أن كتب هنا:
وتلقيت تهديدا الآن من جهاز الأمن : لو داير تحافظ على حياتك وحياة أولادك بطل البتعمل فيهو دا و نحن لا نعلم عن أخباره شيئا!

نهيب بالأخوة و الأخوات" بورداب الداخل " و بأصدقاء سودانيزأونلاين , و بالإخوة شركاء و شريكات و قادة و قائدات مقاومة الشعب السوداني لسلطة الجبهة/الإنقاذ/الوحدة .. أن يسعوا للإطمئنان علي أوضاع الأخ فتحي و كذا أوضاع أسرته و أصدقائه و من ثم طمأنة الجميع هنا و هناك عليه !

أرفعوا أياديكم عن فتحي البحيري
فإن غد لناظره لقريب !!!

يا سيدي او يا سيدتي الفاضل او الفاضلة ..
فتحي بحيري ( كذاب ) ..
وبالمنطق ..
في زول ( ساكينو ناس الأمن ) ..
وبهددوا في ( حياة أولاده ) ..
ويجي يقعد في ( مقهي انترنت ) .. ويكتب ( ألحقوني ) ..

حقه نحترم عقل المشاهد ..!!

حميدة

Quote: فتحي بحيري ( كذاب ) ..

فتحي البحيري ليس بكذاب هو مناضل جسور و قوي و شريف و ما في كضاب غير كيزانك ديل

أخجل و إختشي ياخ النطمئن عليو الأول و بعدين تعال قول كلامك القبيح و المقزز

كيزان كذابييييييييييييييييييييييين


مرتضى جعفر

مرتضي جعفر ..
طبعا كعادة ( الثوار المناضلين ) أمثالك ..
لازم تجي تقول كلامك دا ..
طيب تدفع كم يا مرتضي جعفر لو قلت ليك ان السيد فتحي بحيري يجلس سالما غانما ..
في وسط الخرطوم ( الآن ) ..

سؤال ..
ألم تتهموا فتحي بحيري من قبل بأنه عميل للجبهة ( كوز يعني ) ..
والارشيف موجود يا سيدي ..

Quote: أخجل و إختشي ياخ النطمئن عليو الأول و بعدين تعال قول كلامك القبيح و المقزز

يا سيد جعفر ..
هذا رأيي ( والله يكضب الشينة ) ..
لا يجوز لك ان تصفه بالقبيح او الجميل ..
والرأي ايضا لا يمكن تصديقه او تكذيبه ( وجهة نظر ) ..
اذن انت لم تتعلم من نضالك ان تستوعب الديمقراطية في ابسط صورها ( الرأي والرأي الأخر ) ..
فبرضو حتكون أنت ( كذاب ) ..
بس للاسف ما بتكذب علي زول .. بتكذب علي ( روحك ) ..

بالمناسبة ..
ذكرني هذا الاسكتش للمناضل ( فتحي البحيري ) ..
ما قام به زميله الآخر في النضال الاستاذ الصحفي ( ابراهيم بقال ) ..
في شائعة اعتقاله من قبل قوات الامن ..!!


للذكرى ..
ضبط المناضل في مقهي المريديان ( تحت وابل الكوندشن ومغطسين ليهو رأسو في كباية عصير ) ..

التحية للحبيب فتحي البحيري و نتوقع من بورداب الداخل طمأنتنا
لنا

الأخ فتحي البحيري مناضل صلب، ومواقفه مشهودة.
طمئنونا عليه وعلى أسرته الكريمة.

نعم مرتضي , لنا, و خالد عويس .. لنطمئن علي زميلنا الثائر الشريف فتحي,

حميدة غايتو بنشتري منك دي:

Quote: ( والله يكضب الشينة )

شكرا المعز وكل المتداخلين
شكرا لكم جميعا
ومع تثميني وتقديري لكل الأراء والمداخلات إلا أنه يجب توضيح الحقائق التالية

(ونأسف لاننا لا نملك قنابير )

1- الرقم ليس له علاقة بأحد أعرفه
2- الصوت الذي حادثني مرتين ليلة أمس ليس صوت حامد شقيقي وقد طولت معه في الكلام قدر استطاعتي لاتبين الصوت أو اكتشف أن في الأمر مزحة دون جدوى وقلت له أنني سافتح بلاغ ، لو كان شخصا يمزح لما وسعه إلا أن يتوقف عند هذه النقطة ويعلن عن نفسه . لو كان في الأمر أي هدف آخر غير إيقافي عما أفعل لما استمر الكلام في المهاتفتين بهذه الوتيرة التي لا هم لها إلا أن اتوقف عما أفعل على حد تعبيره
3- التوقيت يا سادتي التوقيت لقد جاءتني المكالمة بعد دقائق معدودة من إنزال بوست جاهزية أهل دارفور بالعاصمة لمسيرة الأربعاء
4- يبدو أنهم تمكنوا من توريط حامد ، في لحظة ما ، في الامر إذ حاول زعم أنه هو كان مهاتفي ولكن صوت الامس لم يكن صوته
5- أيا يكن من أمر فإن التهديد كان قائما ويظل قائما وقد حاولوا اسكاتي ولما فشلوا هاهم يحاولون الخروج من المأزق
6- شكرا للذين استثمروا هذه الحادثة للتذكير والتاكيد على ضرورة التأمين وربما أعود لهم لاحقا
7- النتيجة النهائية أنهم تنصلوا عن تهديدهم وهذا في حد ذاته جيد

Quote: 3- التوقيت يا سادتي التوقيت لقد جاءتني المكالمة بعد دقائق معدودة من إنزال بوست جاهزية أهل دارفور بالعاصمة لمسيرة الأربعاء

دي بالضبط كانت مصدر " القلق الروسي " الذي انتابني , , مسيرة الأربعاء 04, Sep ,

حمدا لله علي السلامة ! So far ,
و..

Quote: 5- أيا يكن من أمر فإن التهديد كان قائما ويظل قائما

!..

Quote: النتيجة النهائية أنهم تنصلوا عن تهديدهم وهذا في حد ذاته جيد

يعني ( الحبة ) ما جاتك .. ودا المهم ..
دمت سالما دوما ايها ( المناضل ) ..

أنا كذاب ياحميد الكــــــــــــــــــــــــــــــــ (لك نظر !!)
كنت متخيلني ما حاجي


الله لا يسامحك يا عدو الشعب وبوق الكذابين

Quote: الكــــــــــــــــــــــــــــــــ (لك نظر !!)

ممكن تكون ( الكوز ) ( الكلب ) .. الخ ..
ما مشكلة يا سيدي ..
كما قيل ( ليس بعد الكفر ذنب ) .. وانت فتحي بحيري ( يعني ممكن الواحد يتوقع منك اي حاجة ) ..
مقبولة ..
لكن يا عزيزي .. مش واسعة شوية حكاية تهديد جهاز الأمن لسعادتكم ..
كلنا يعلم ان حكومة الجبهة حكومة استبدادية ..
قتلت وبطشت وعملت البدع ..
لمن جات عندك انت يا فتحي يا بحيري ( خجلت منك وضربت ليك تلفون ) ..
حسب علمي يا فتحي انك لا تمثل مثقال قوة ( سياسية او عضلاتية ) ..
يعني ناس يجوهم بالدرب .. وناس يضربوا ليهم تلفون ..
وهل ضربوا تلفون للناس الكانوا في المظاهرة .. ولا لاحقوهم في الشوارع واعتقلوا منهم من اعتقلوا ..
يا فتحي يا عزيزي .. انا لست ضدك ( قد لا ترتقي او لا ارتقي انا لخانة العدو للآخر ) ..
ولكن اريد منك ( الاحترام ) ..
احترام عقلي يا بحيري ..
كونك تبيع لي خلاطة مولينكس وتقول لي دي حتربي ليك الشفع .. بتكون ( غشيتني ) ..
ولمن تختزل مجهودات الاحرار المناضلين في شخصكم الكريم ..
وتجي تعمل لينا فيها ( بطل ) وناس الأمن ساكينك ..
أكيد أكيد يا بحيري .. حأضحك فيك ..

علي العموم ..
تسلم من كل شر ..

Quote: يا عدو الشعب وبوق الكذابين

عارف يا بحيري ..
عباراتكم دي بتذكرني بمسلسل ( لا آله ألا الله ) ..
بتاع الفراعنة داك .. ( مسلسل قديم ) ..
تتذكر الكاهن الاسمه ( يويو ) ..
كان بجي داخل بقول ليهم ..
( يا ايها الاوغاد ) ..
( لقد صبئت هذه البتاعة ) ..
( ايها الوغد الكذاب ) ..
( عدو اخناتون ) ..


ياخي انت راجل ( تحفة ) والله ..!!
الله يخليك لي ..