Post: #1
Title: دراسة 9ر83 من المائة من السودانيين يرفضون التدخل الدولي في دارفور
Author: Frankly
Date: 09-03-2006, 05:22 AM
Parent: #0
الاحد3سبتمبر2006م
دراسة 9ر83 من المائة من السودانيين يرفضون التدخل الدولي في دارفور
الخرطوم: كونا
قالت دراسة أجراها مركز دراسات الشرق الأوسط وافريقيا بالسودان ان 9ر83 بالمائة من السودانيين يرفضون التدخل الدولي في اقليم دارفور فيما يوافق 1ر16 عليه.
واوضحت الدراسة التي نشرت هنا أمس ان الذين قالوا لا للتدخل الدولي يرون ان التدخل يعني تعقيد قضية دارفور وادخالها في بوتقة الامم المتحدة مؤكدين ان تجارب الأمم المتحدة في افريقيا اتسمت في كثير من الاحيان بالفشل وان التدخل الدولي الآن قد يؤدي الى مواجهة مع القوات الحكومية التي لن ترضي بهيمنة قوات الامم المتحدة على الاقليم.
ويرى المؤيدون للتدخل الدولي ان القوات الحكومية اصبحت طرفا في الصراع وان القوات الافريقية فقيرة وغير قادرة على القيام بمهام الحماية للمدنيين مشيرين الى ان الامم المتحدة طرف اصيل في حل الصراعات الدولية باعتبار السودان جزءاً من الاسرة الدولية وان مشكلة دارفور فرضت واقعا اقليميا ودوليا يتطلب جهدا قوميا ودوليا واقليميا لتجاوزها.
وحول فشل قوات الأتحاد الافريقي في مهمتها في دارفور أوضحت الدراسة ان 2ر74 بالمائة من العينة التي اجريت عليها الدراسه اجابوا بنعم و 4ر19 بالمائة اجابوا بلا وان هناك 4ر6 بالمائة كانت آراؤهم مختلفة.وعن القوات الافضل والامثل للتعامل مع نوعية الصراع بدارفور كانت اعلى نسبة للقوات السودانية 50 من المائة و 8ر10 للقوات الافريقية و 2ر7 للقوات الأممية و 8ر10 لخليط من القوات السودانية والافريقية و 8ر17 لخليط من القوات السودانية والاممية والافريقية فيما امتنع 5ر3 عن الاجابة.وحول امكانية ان تؤدي طرق معالجة الحكومة للمشكلة الى انفراج الاوضاع بدارفور اجاب 2ر32 من المائة بنعم و 9ر54 بلا .
يذكر ان مجلس الامن الدولي اصدر الخميس قرارا بتدخل قوات دولية في اقليم دارفور الغربي المضطرب تحت الفصل السابع من ميثاق الامم المتحدة الذي يخولها استخدام القوة.
ورفضت الحكومة السودانية القرار رغم انه اشترط موافقتها على نشر القوات الدولية الا ان مساعدة وزيرة الخارجية الأميركية لشؤون المنظمات الدولية كريستين سيلفربرغ قالت ان ''موافقة الخرطوم غير ضرورية لنشر قوات الأمم المتحدة في دارفور بعد صدور قرار مجلس الأمن الدولي''.
وقالت سيلفربرغ ان القرار 1706 ''يدعو السودان الى الموافقة ولكن ليس هناك ما يتطلب موافقة السودان''.
الرأي العام
|
Post: #2
Title: Re: دراسة 9ر83 من المائة من السودانيين يرفضون التدخل الدولي في دارفور
Author: Bashasha
Date: 09-03-2006, 05:35 AM
Parent: #1
الارهابي فرانكلي:
لمان نظام ارهابي دموي، يسطو علي السلطة بليل، يكتل بالملايين عشان يستمر في السلطة، طبيعي جدا، النتيجة تكون كم او تمانين او كم تسعين!
السودانيين مااحرار عشان مايقولو رايم بي حرية في النظام.
لوكانو احرار اوخيروهم مابين التدخل او ذهاب النظام، لاجمعو علي ذهاب النظام الاتي بالتدخل الاجنبي.
هو في تجسيد للغزو الاجنبي اكتر من ذهنيتك دي، او نظامك ده؟
اغلف قالو، اوشايل موسو يطهر!
|
Post: #3
Title: Re: دراسة 9ر83 من المائة من السودانيين يرفضون التدخل الدولي في دارفور
Author: hanadi yousif
Date: 09-03-2006, 05:51 AM
Parent: #2
دي على وزن البشير كان نزل امتحان براه بجي الطيش
اخر مرة كان فاز بسبة100%
|
Post: #4
Title: Re: دراسة 9ر83 من المائة من السودانيين يرفضون التدخل الدولي في دارفور
Author: إدريس البدري
Date: 09-03-2006, 06:10 AM
Parent: #3
حتى لو وصلت النسبة 183 في المية ..أمريكا الدايراهو بتسويهو
مو هيك؟
|
Post: #5
Title: Re: دراسة 9ر83 من المائة من السودانيين يرفضون التدخل الدولي في دارفور
Author: Adil Isaac
Date: 09-03-2006, 06:24 AM
Parent: #4
| Quote: قالت دراسة أجراها مركز دراسات الشرق الأوسط وافريقيا بالسودان ان 9ر83 بالمائة من السودانيين يرفضون التدخل الدولي في اقليم دارفور فيما يوافق 1ر16 عليه. |
مركز دراسات شنو يا خينا! انت بتصدق الوهم دة? دى ذى حكاية جامعة القران الكريم معترف بيها من اصحابها فقط. قول لى ناس حكومتك يقنعو بقية وزراء حكومة الوحدة الوطنية فى الاول- ناس سلفاكير ومنى - وبعدين الناس التانين. عالم وهم ومصقوعة بسجارة خضراء دينية.
|
Post: #6
Title: Re: دراسة 9ر83 من المائة من السودانيين يرفضون التدخل الدولي في دارفور
Author: إدريس البدري
Date: 09-03-2006, 06:32 AM
Parent: #5
| Quote: عالم وهم ومصقوعة بسجارة خضراء دينية. |
|
Post: #7
Title: Re: دراسة 9ر83 من المائة من السودانيين يرفضون التدخل الدولي في دارفور
Author: shammashi
Date: 09-03-2006, 07:50 AM
Parent: #6
| Quote: 9ر83 من المائة من السودانيين : |
يا سيدي قووووووول 84%
يعني لو تعدادنا خمسين مليون معناها اتنين واربعين مليون رافضين القوات دي.
طيب
الاتنين واربعين مليون ديل لو كل واحد شال ليهو عكاز مش حنلحق الجماعة ديل أمات طه؟؟؟
دا طبعا غير القرود والملايكة والطير الابابيل البتجي تقاتل معانا.
طيب الجقلبة في شنو؟؟؟
خلوهم يجوا عشان نوريهم يلموا جدادم كيف ولاد الكلب.
|
Post: #8
Title: Re: دراسة 9ر83 من المائة من السودانيين يرفضون التدخل الدولي في دارفور
Author: هجو الأقرع
Date: 09-03-2006, 08:23 AM
Parent: #4
حقوا تمشى تقش ليهم الدرب ، من الشوك والحفر ، وحاجات تانيه
|
Post: #9
Title: Re: دراسة 9ر83 من المائة من السودانيين يرفضون التدخل الدولي في دارفور
Author: هجو الأقرع
Date: 09-03-2006, 08:28 AM
Parent: #8
اخى كمال ، اكيد 17 فى الميه الباقى دي جماعة البوردهنا ، لكن صوتهم عالى بشكل، القوات الاجنبيه محتاجه للترابله الفرص محدوده.
|
Post: #11
Title: Re: دراسة 9ر83 من المائة من السودانيين يرفضون التدخل الدولي في دارفور
Author: Frankly
Date: 09-05-2006, 07:55 AM
Parent: #9
أخي هجو الأقرع
| Quote: اخى كمال ، اكيد 17 فى الميه الباقى دي جماعة البوردهنا ، لكن صوتهم عالى بشكل، القوات الاجنبيه محتاجه للترابله الفرص محدوده. |
تعرف هناك حاجة اسمها
"وهمة المنبر"
وهي أن البعض هنا يتصور بأنّ ما يكتب في المنبر هنا يؤثر في الشارع السوداني أو في الرأي العام لسسودانيين في مختلف مشارب الأرض
يا أخي الأعضاء النشطين في هذا المنبر لا يتجاوز عددهم ال300 عضو على أكثر تقدير
وأطثر مقال يتم مشاهدته لا يتجاوز عدد مشاهديه العشرة ألف لأيام مع مراعاة عدد المشاركين في المقال الذين يعودون لقراءة ما كتبه المتداخلون الأخرون يعني إذا تداخل في المقال 20 شخص وكل شخص منهم عاد للمقال أكثر من عشرة مرات فيكون العداد 200 ولو عقب أحدهم علىكاتب المقال أو أحد المتداخلين وعاد للمقال عشرة مرات فيكون العدد قد وصل لألفين وهكذا ترى أن هذا العدد القليل جداً بالكاد يرثر في الرأي الداخلي للمنبر فما بالك بالرأي العام السوداني
يجب أن لا نضخم الأمور أكثر من مقدارها الحقيقي
تحياتي كمال
|
Post: #10
Title: Re: دراسة 9ر83 من المائة من السودانيين يرفضون التدخل الدولي في دارفور
Author: هجو الأقرع
Date: 09-03-2006, 08:44 AM
Parent: #4
هيك ، لكن مساعدتك ليهم ما بتضرهم، افتح لهم الباب .
|
Post: #12
Title: Re: دراسة 9ر83 من المائة من السودانيين يرفضون التدخل الدولي في دارفور
Author: Murtada Gafar
Date: 09-05-2006, 10:15 AM
Parent: #10
| Quote: دراسة 9ر83 من المائة من السودانيين يرفضون التدخل الدولي في دارفور |
هاك الدراسة دي....برضو القوات الدولية حا تدخل حا تدخل و ألف ألف مرحب بيها
النكتة يا بشاشا إنو الكيزان و خلايا القاعدة النايمة و الصاحية بقوا يشوفوا الشعب السوداني داير شنو، أول حاجة الشعب ده عايزها و بنسة 99.9% هي إنكم تحلو عن سماو...فاهم..16 سنة بتحكم و لا هاميك الشعب السوداني عاوز أيه... هسة دي اسمها جقلبة و بس.. أكرم ليك أنك تعد ما استطعت من قوة و من رباط الخيل و ترجى الراجيك بثبات و رجالة بعدين ياخ النصر أو الشهادة ما خيارين ولا أحلى... عيبم لي
مرتضى جعفر
|
Post: #13
Title: Re: دراسة 9ر83 من المائة من السودانيين يرفضون التدخل الدولي في دارفور
Author: أحمد أمين
Date: 09-05-2006, 11:01 AM
والله يا جماعة فرانكلى لى ده طيب خلاص بصدق كلام الجماعة ديل
ده أنت ياعزيزى خارج الشبكة تماما
خليك مع ناس نصرالله والمقاومة العراقية والاممية الاسلامية الجديدة أخير ليك من جحيم أسمه المؤتمر الوطنى ديل (مصيبة)
|
Post: #14
Title: Re: دراسة 9ر83 من المائة من السودانيين يرفضون التدخل الدولي في دارفور
Author: Frankly
Date: 09-05-2006, 12:34 PM
Parent: #13
Quote: والله يا جماعة فرانكلى لى ده طيب خلاص بصدق كلام الجماعة ديل
ده أنت ياعزيزى خارج الشبكة تماما
خليك مع ناس نصرالله والمقاومة العراقية والاممية الاسلامية الجديدة أخير ليك من جحيم أسمه المؤتمر الوطنى ديل (مصيبة) |
كدي يا أحمد أمين خليك طيب زيي وقول لي إنت بتصدق منو
يعني جيب لي دراسة قالت عكس ما نقلت هنا
عشان أخلي المركز دا واصدق مرجعيتك
يلا شد حيلك وجيب لي دراسة مغيرة من مر#### ذو مصداقية غير هذا الذي بين يدينا
تحياتي كمال
|
Post: #15
Title: Re: دراسة 9ر83 من المائة من السودانيين يرفضون التدخل الدولي في دارفور
Author: Frankly
Date: 11-07-2006, 05:28 AM
Parent: #1
| Quote: قالت دراسة أجراها مركز دراسات الشرق الأوسط وافريقيا بالسودان ان 9ر83 بالمائة من السودانيين يرفضون التدخل الدولي في اقليم دارفور فيما يوافق 1ر16 عليه. |
|
Post: #16
Title: Re: دراسة 9ر83 من المائة من السودانيين يرفضون التدخل الدولي في دارفور
Author: أبو الحسين
Date: 11-07-2006, 05:35 AM
Parent: #15
| Quote: قالت دراسة أجراها مركز دراسات الشرق الأوسط وافريقيا بالسودان ان 9ر83 بالمائة من السودانيين يرفضون التدخل الدولي في اقليم دارفور |
حوالينا ولا علينا...
|
|