Post: #1
Title: ياجميل ياحلو ، عش معاي الحب ، أوعك تخلف الميعاد - صلاح الضي
Author: الطيب شيقوق
Date: 09-02-2006, 07:32 AM
ندعوكم اخوتى لفتح ملف هذا الرائع الجميل .
معذرة على العنوان فوق اقصد صالح الضي يا اخواناوردت اعلاه صلاح الضي سهوا.
شيقوق
|
Post: #2
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: أحمد الشايقي
Date: 09-02-2006, 07:33 AM
Parent: #1
الاخ شيخ العرب شيقوق,
| Quote: ياجميل ياحلو ، عش معاي الحب ، أوعك تخلف الميعاد - صلاح الضي |
شكرا على الجمال,
أسعدتنا جدا
أحمـد الشايقي
|
Post: #3
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: Hussein Mallasi
Date: 09-02-2006, 07:44 AM
Parent: #2
| Quote: ياجميل ياحلو ، عش معاي الحب ، أوعك تخلف الميعاد - صلاح الضي |
حتى انت يا شيقوق!!
____
|
Post: #4
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: Hussein Mallasi
Date: 09-02-2006, 07:48 AM
Parent: #3
كتب أحمد الريح:
Quote: سلامات يا ملاسي،
الزقاق المائل الواصل بين الشهداء وشارع الدكاترة فيهو محلات شرايط،
قبل كم سنة دخلت محل منها وسألت: عندكم شريط لصالح الضي، قال لي: هو بقى يغني؟
_______________________
الراجل كان قاصد صلاح الضي |
Re: حمزة سليمان و طه .. سليمان
|
Post: #6
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: الطيب شيقوق
Date: 09-02-2006, 09:26 AM
Parent: #4
الاخ حسين ملاسي
تحياتي
انت عارف مش حتى انا وبس . ده كله من صاحبك محمد المرتضى قال لى عايزين حاجة لصالح الضي وبالتحديد الاغاني اعلاه . الراجل عزيز علينا بالحيل وعملنا البوست ده وعينى فتحت طاب ولقيت نفسي في ورطة .
العيب في موقع بكرى ده انك ما بتقدر تشطب او تلغي اى موضوع نزلتو فيهو .
لك الود
|
Post: #5
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: الطيب شيقوق
Date: 09-02-2006, 09:16 AM
Parent: #2
استاذي الجميل الشايقي
تزداد المساحة جمالا وتزدان روعة باسهاماتكم . تلكم كلمات وانغام خدلت في دواخلنا نبوح بها بلا مبالاة من من هو حولنا .
نامل ان يدوم وجودك معنا في هذه الخيمة .
لك الود
|
Post: #7
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: محمد المرتضى حامد
Date: 09-02-2006, 09:42 AM
Parent: #5
بالله ياملاسي لوعندك حاجه للراجل الجميل صالح ماتتأخر علينا رغم انك شايف مهتم بواحد قلت بيغني أغنيه اسمها (عالجني ياعابدين شرف سامحني يا استاد الهلال) وأظن شاعرها كسروه في ماتش ، وليس كل الظن اثم. برضو ياحسين لو أغنية ال accident & emergency اللي قلت عليها دي عندها باقي رسّلو لي.
|
Post: #8
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: الطيب شيقوق
Date: 09-02-2006, 12:06 PM
Parent: #7
اخي المرتضى
كيفك
اخونا احمد حماد من الدمام بسلم عليك ووعد بالكثير من روائع صالح الضي غدا نشاء الله.
لك ودي
|
Post: #9
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: احمد الامين احمد
Date: 09-02-2006, 02:49 PM
Parent: #8
صالح الضى من الاصوات المنعشه التى توارت زمنا عن واقع الفن السودانى ابان اقامته بالقاهره حتى رحيله وهو من بدا مرحله الحلنقى الجميله بالخرطوم عند استقراره بهاقادما من كسلا فارتبط به كثيرا لدرجه السكن فى منزل واحد بام درمان كان معهما خليل اسماعيل فتخيلوجمال هذا المنزل .
قلت ارتبط به الحلنقى كثيرا فاعطاه دررا وعسلا وقمحا وعطرا ووردا وقتها كان وردى فى خواتيم مرحلته مع اسماعيل حسن لكنه تنبه بحسه الراقى الى اشعار الحلنقى التى صدح بها صالح فسعى وردى الى شعر الحلنقى بالتالى نضب معين صالح الضى فى الفن السودانى بسب " هجره " الحلنقى الى مرحله وردى الثانيه.اعز الناس, صوره..عصافير الخريف..اقابلك وغيرها ..
الى جانب رقى الكلمات التى تغنى بها صالح فانه يمتاز بصوت عالى يجرح القلب وحضور شديد واستغراق فى معايشه الاغنيه يندرج هنا مع الجابرى وعبدالرحمن عبدالله وابن الباديه ورمضان زايد.
|
Post: #10
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: الطيب شيقوق
Date: 09-02-2006, 03:43 PM
Parent: #9
اخي احمد الامين
شكرا ليك يا جميل يا حلو على هذه المداخلة الجميلة ونتطلع لمزيد من الابداع .
|
Post: #11
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: محمد المرتضى حامد
Date: 09-04-2006, 02:39 PM
Parent: #10
تعرف ياالطيب اخوي يروى عن الرائع محمد وردي انو عمل حفل بعد الأنتفاضة مباشرة ويبدو أنو كان عامل بروفه لأغنياته العاطفية ، لكن الجمهور ظل يطالبه بالأغاني والأناشيد الوطنية فما كان منه الا أن قال لهم : انتو يا اخوانا مايو دي نسّتكم الحب ولاشنو؟ (بالله ياملاسي مشّي لي دي وماتعكلت فيها كتير ) ، أها أنا هسّه شايف الناس مع السكّر والمحروقات (مما جميعو) ومظاهرات أيام الأربعاء نسوا الجميل الحلو الدم الشربات مكملو صالح الضي والعتب على الشاب تمبس وموسيقار البورد لؤي.
|
Post: #12
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: الطيب شيقوق
Date: 09-04-2006, 03:36 PM
Parent: #11
المرتضى يا اخوى والله كلامك كلو صاح وردى اصلا رائع وبليغ .
بس نحن ديل ما بنظاهر لاى محروقات الا الطلح د ه وكان تدخلوا فيهو نلعب الدرقة بالسيوف في ميدان الامم المتحدة.
بالمناسبة الاخ احمد حماد وعد بارسال مداخلته حول هذا الموضوع بكره انشاء الله .
|
Post: #13
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: محمد المرتضى حامد
Date: 09-04-2006, 03:52 PM
Parent: #12
ياالطيب اخوي
والله أعصابنا بقت أول المحروقات وأصبحنا في حال مع الساسه والسياسه نبحث عنّا ولا نجدنا. بس ياالطيب لازم ندافع عن الحب والجمال لآنو بيجمعونا كلنا. مش ملاحظ اننا مابنختلف على أبو داؤود والكاشف وحينما تطل السياسة نتشظى كما لو أن نجما حاد عن مداره وانفجر؟
|
Post: #14
Title: Re: ياجميل ياحلو ، عش معاي الحب ، أوعك تخلف الميعاد - صلاح الضي
Author: محمد المرتضى حامد
Date: 09-04-2006, 04:01 PM
Parent: #13
مسكين جورج ويّا
كان معبود الجماهير (واستغفر الله) في ليبريا، ظل يموّل الفريق الوطني من ماله الخاص من طقطق للسلامه ، ولما أغلق باب الرياضة ودخل من نافذة السياسة سقط من طقطق للسلامه. انت يا الطيب ( طقطق والسلامه) ديل شنو ؟
|
|