Post: #1
Title: المدرسه ..{توجد صوره}
Author: Aymen Tabir
Date: 09-02-2006, 04:03 AM
صوره شخصيه
علويه محمد تابر عيسى
|
Post: #2
Title: Re: المدرسه ..{توجد صوره}
Author: Aymen Tabir
Date: 09-02-2006, 04:05 AM
Parent: #1
بطاقة شخصيه
الاسم : علويه محمد تابر عيسى
الميلاد: حلفاية الملوك
التعليم : قيمة الوعي وتحصيل الخبره والايمان بفكره والثبات من اجلها
الخبرات العمليه : مشوار طويل من الصمود والثبات .. خلاصة الوعي الجماهيري والانتماء لصوت المسحوقين - حرفية الخطاب الجماهيري واستيعاب لغة الشارع.
ابحاث ودراسات : نحن - ابناءها وبناتها حلمها ورصيد صبرها الطويل وهي تضيء عقولنا بقيمة الفكره
مشاركات ومؤتمرات : مد الشارع - اكتوبر - ابريل - كل مظاهره وندوه واجتماع
|
Post: #3
Title: Re: المدرسه ..{توجد صوره}
Author: Aymen Tabir
Date: 09-02-2006, 04:09 AM
Parent: #2
حكايه
صبيه تنتمي للفقراء ...شلوخها المطارق ..خطوط عزه واصالة انتماء..تحلم بالثورة منذ زمان ليس بقليل..يملاها عشق هذا الوطن ..لا بتخاف لا بتهاب ..لا زول ولا سلطه ولا الدنيا لو وقفت قصاده..
تب ما بتقيف بين بين ..
من الناس وبيهم ...تحبهم ويحبوها تديهم من صباحه لي عشيه ..
الصاح صاح والغلط غلط ..تب ما تبدل راي وساعة الجد بي مية راجل
صداحه .. وضاحه ..تعشق الشعر والغناء ..
ما احلى صوتها..!!
تغني :
انحنا فوق عزنا .. القبايل ما بتهزنا
الحزب الكبير حقنا ..القبايل ما بتهزنا
عبدالخالق العظيم مننا .. القبايل ما بتهزنا
الشفيع ..
جوزيف ..
تحاور الاجيال كل حسب وعيه ..بلغته وتمرده ..تمازحهم.. تجادلهم فيبسطون لها اسارير العشق والانتماء ..
تناضل في صفوف الاتحاد النسائي والحزب الشيوعي السوداني نهارا ..وتقيم الليل ترتل القرأن وتترحم على موتاها..وتحصننا ونحن نيام ..
اعتقلت ..
شردت ..
عذبت ..
طوردت ..
فلا وهنت ولا لانت ..
مثلت المرأه السودانيه والشبيبة السودانية في مهرجانات ومؤتمرات عالميه..
موسكو ...برلين ...عدن
مازالت تناضل بوعي متقدم بصلابه وثبات..
تناضل ..وتناضل ..وتناضل
|
Post: #4
Title: Re: المدرسه ..{توجد صوره}
Author: Aymen Tabir
Date: 09-02-2006, 04:12 AM
Parent: #3
رساله خاصه
امي الحبيبه
علويه بت ود تابر
انا الموقع ادناه اعلن وبصوت عال فرحي بانتمائ اليك ..فخري واعتزازي بانتسابي اليك ..
متعك الله بالصحه واطال في عمرك ...لي .. لهم.. لهن ..ولهذا البلد الامين .
آمين ..
ولدك
ايمن
|
Post: #5
Title: Re: المدرسه ..{توجد صوره}
Author: Aymen Tabir
Date: 09-02-2006, 04:16 AM
Parent: #4
انتباه:
وهاهي الآن تدافع عن البيئة..
حيوا معي علويه تابر
الام
المناضله
الصامده
المدرسه
|
Post: #7
Title: Re: المدرسه ..{توجد صوره}
Author: طارق أحمد خالد
Date: 09-02-2006, 05:08 AM
Parent: #1
Quote:
امي الحبيبه
علويه بت ود تابر
انا الموقع ادناه اعلن وبصوت عال فرحي بانتمائ اليك ..فخري واعتزازي بانتسابي اليك ..
متعك الله بالصحه واطال في عمرك ...لي .. لهم.. لهن ..ولهذا البلد الامين .
آمين ..
ولدك
|
طارق
تحية لك يا إبن خالي و تحية للوالدة علوية
|
Post: #8
Title: Re: المدرسه ..{توجد صوره}
Author: Aymen Tabir
Date: 09-02-2006, 10:07 PM
Parent: #7
ابن عمتي الحبيب
طارق احمد خالد
سلامات يا هندسه..
مشتاقين ..
طارق وانا باشاهد الفيديو النزله بكري في البوست ..بكيت يا طارق بكيت شديد وكنته مبسوط شديد ..
في بلاد غير بلدنا الشقيه .. الفي عمر علويه بجنوا ثمار تعبهم واحلام شبابهم بقدروهم الناس وبوروهم انو تعبهم الطويل ما وقع واطه وانو نضالهم وصمودهم الطويل هو الصنع نعمة الحياه الامنه البتعيشه اجيال الحاضر.
وفرحته انو رغم التعب والمرض لاهانت لا كلت لا ملت لسه واقفه زي نخله شامخه بتفتش عن الخير للناس .
طارق
محتاجين نديهم حقهم لو بنقدر ..بتمنى اوثق لابوي ومشواره النقابي الطويل وتجربة ابن ادريس في الحزب ..تاريخ صمودهم ما مفروض يضيع ويدفن ..
ابقى بخير وسلامي الشديد لعمتي فاطمه تابر
|
Post: #9
Title: Re: المدرسه ..{توجد صوره}
Author: Tragie Mustafa
Date: 09-02-2006, 10:23 PM
Parent: #8
شكر يا ايمن على كلماتك
وانت تعرفنا على وجها مشرق آخر من بلادنا
التحيه معك للرائعه علويه تابر.
تراجي.
|
Post: #10
Title: Re: المدرسه ..{توجد صوره}
Author: Aymen Tabir
Date: 09-02-2006, 11:29 PM
Parent: #9
العزيزه تراجي
شكرا لمرورك وتحيتك لعلويه تابر
تراجي
علويه واحده من قدامى المؤسسات للحركه النسويه ناضلت في صفوف الاتحاد النسائي وكانت من رائدات تجربة جمعيات ربات البيوت تلك التجربه الفريده في تخفيف معاناة المواطن وتوفير السلع بسعر التكلفه والتي كانت خطوه عمليه انذاك في الوقوف ضد غلاء الاسعار
مره تانيه لك الشكر
مع مودتي
|
Post: #11
Title: Re: المدرسه ..{توجد صوره}
Author: Aymen Tabir
Date: 09-03-2006, 10:37 PM
Parent: #10
UP
|
Post: #12
Title: Re: المدرسه ..{توجد صوره}
Author: حسن الطيب يس
Date: 09-03-2006, 11:16 PM
Parent: #11
الإبن أيمن
التحية لك و للست الوالده
ربنا يحفظك ويخليك دخرا لها
وربنا سوف ينور طريقك مادمت بارا
لوالديك و هذه الأم وليس هنالك
أصدق حروفا من ذلك
التحية وطول العمر والعافيةو الرحمة و
المغفرة لكل أم و أب
كن علي ذلك الدرب تفوز ببر أولادك
واصل
|
Post: #13
Title: Re: المدرسه ..{توجد صوره}
Author: Muhib
Date: 09-03-2006, 11:32 PM
Parent: #12
ياسلام ..لوحه جميله...
|
Post: #15
Title: Re: المدرسه ..{توجد صوره}
Author: Aymen Tabir
Date: 09-04-2006, 00:57 AM
Parent: #13
Muhib
| Quote: ياسلام ..لوحه جميله... |
شكرا لمرورك الكريم وتحاياك
نعم يا صديقي انها لوحة جميلة حافلة بانواع مختلفه النماذج والخطوط فقط عكر مزاج روعتها ذلك المشهد المتكرر لمعاناة اهلنا ونحن نراهم محاصرين بالوحل والطين .
لك الود
|
Post: #14
Title: Re: المدرسه ..{توجد صوره}
Author: Aymen Tabir
Date: 09-04-2006, 00:49 AM
Parent: #12
Quote: الإبن أيمن
التحية لك و للست الوالده
ربنا يحفظك ويخليك دخرا لها
وربنا سوف ينور طريقك مادمت بارا
لوالديك و هذه الأم وليس هنالك
أصدق حروفا من ذلك
التحية وطول العمر والعافيةو الرحمة و
المغفرة لكل أم و أب
كن علي ذلك الدرب تفوز ببر أولادك
واصل |
العم الكريم حسن الطيب يس
في البدء تقبل شكري وتقديري لدفء كلماتك الطيبات فلك التقديري
سيدي
هذا العطاء وتلك القيم الساميه لا ينكرها الا جاحد لا يعرف قيمة الانتماء والتقدير - كان من اجمل ما تعلمت منها تقدير الآخر ومنحهم حقهم كامل وبلا حدود- احترام مواقفهم واراءهم .
لك الشكر مرة اخرى وصدقني رغم ما اكتب هنا الا انني احس بانني لم اعطها حقها الكامل .
لك الود
|
Post: #16
Title: Re: المدرسه ..{توجد صوره}
Author: Hadia Mohamed
Date: 09-04-2006, 01:11 AM
Parent: #1
ايمن السر سلامات
والتحية لعمتكم الاستاذة علوية تابر هى علم معروف فى مجال التعليم والعمل العام
قابلتها فى القاهرة وجأتنى معزية فى والدتى وكانت نعم السند لى من ضمن عدد من النساء الفضليات وعرفت منها انها تلميذة والدتى وكانت الاستاذة علوية من اوائل المعلمات فى حلفاية الملوك , الاهتمام بالرائدات وتقديم الشكر والتحية لهن اقل ما نقدمة.
تحياتى لك والاسرة الكريمة بمتشجان
|
Post: #17
Title: Re: المدرسه ..{توجد صوره}
Author: بكري اسماعيل
Date: 09-04-2006, 01:46 AM
Parent: #16
الأخ أيمن تاج السر
لك وللخالة علوية ولكل مدرِّسات الأجيال تحية وإجلال
أطال الله في عمرها ومتعها بالصحة والعافية ..
|
Post: #20
Title: Re: المدرسه ..{توجد صوره}
Author: Aymen Tabir
Date: 09-04-2006, 02:13 AM
Parent: #17
بكري
سلامات
شكرا جزيلا على مرورك وتحيتك لعلويه ودعواتك
ربنا يطول في عمرهم جميعا ويديهم الصحه ..
بكري بالمناسبه انت خريج بحري او شمبات الثانويه لانو "ايمن تاج السر" دي بعرفوها اولاد الدفعه ?
لك الود
|
Post: #18
Title: Re: المدرسه ..{توجد صوره}
Author: tmbis
Date: 09-04-2006, 01:54 AM
Parent: #16
..
..
.
الصديق أيمــن تابر..
سلام لهــذه الخالة المدرسة وبها تكتمل لوحة الشرف ..
كانت كلماتها قوية وصادقــة..وحتما ستجد طريقها ..
|
Post: #21
Title: Re: المدرسه ..{توجد صوره}
Author: Aymen Tabir
Date: 09-04-2006, 02:26 AM
Parent: #18
Quote: الصديق أيمــن تابر..
سلام لهــذه الخالة المدرسة وبها تكتمل لوحة الشرف ..
كانت كلماتها قوية وصادقــة..وحتما ستجد طريقها .. |
الصديق العزيز تمبس
سعيد جدا لمرورك .. واكيد سلامك وسلام كل المروا من هنا حيصل علويه تابر ..حيفرح قلبها ويسعد ايامه ...زي ما فرحته قلب خالتنا من مظاهرة الاربعاء ..
تمبس
النماذج كثيره ومتنوعه مختلفه لو كتبو الناس عنها حيكتبوا كتب - يارت يعملوا كده- لانو بلدنا مليانه بي نساء عظيمات فاهمين دورهم وما بخافوا..
ما اعظمهن
وما اسعدنا..
لك ودي تمبس 0وفي انتظارك - ايميلي في البروفايل
|
Post: #19
Title: Re: المدرسه ..{توجد صوره}
Author: Aymen Tabir
Date: 09-04-2006, 02:08 AM
Parent: #16
هاديه
سلامات
كيفك ويحي والاولاد اتمنى تكونوا كلكم بخير ..
شكرا هاديه عن كلماتك الجميله عن علويه تابر ..
دايما هي سباقه للواجب بتحب تشارك الناس في كل شي لو فرحوا تفرح ولو حزنو دموعه تسبق دموعهم..
وايه الدنيا ايه غير لمة ناس بخير
او ساعة حزن..
شكرا تاني هاديه
لك الود
|
Post: #22
Title: Re: المدرسه ..{توجد صوره}
Author: hanadi yousif
Date: 09-04-2006, 02:31 AM
Parent: #19
إتعلمنا منك يا مدرسة
يا انتماء
يا وطني يا كبرياء
التحية والمجد لنساء بلادي
|
Post: #25
Title: Re: المدرسه ..{توجد صوره}
Author: Aymen Tabir
Date: 09-05-2006, 03:01 AM
Parent: #22
بت الفضل
سلام ..شكرا لكلماتك المعبره
لا اضيف
ولكن اردد
معك| Quote: التحية والمجد لنساء بلادي |
ولك ايضا
|
Post: #23
Title: Re: المدرسه ..{توجد صوره}
Author: Salwa Seyam
Date: 09-04-2006, 02:17 PM
Parent: #1
ومن منا لايعرف علوية تابر..
نعرفها ونعرف اسهاماتها المقدرة فى معركة تحرير المرأة السودانية هي ورفيقاتها اللائى رفعن اصواتهن فى وجهة الظلم والقهر ونضالن في سبيل تحقيق حلم نبيل بسودان أفضل يختفي فيه الظلم والقمع والقهر.
لها التحية والتقدير لصمودها هى ورفيقاتها اللائى (ما كلن ولا ملن) من بذل الجهد والوقت فى سبيل تحقيق الغايات السامية في تحد يعكس عزة المرأة السودانية، ويعطي صورة حقيقية لموقف المرأة السودانية الماجدة.
|
Post: #26
Title: Re: المدرسه ..{توجد صوره}
Author: Aymen Tabir
Date: 09-05-2006, 03:09 AM
Parent: #23
سلوى صيام
سلامات
شكرا لشهادتك الضافيه في حق علويه تابر وبنات جيلها من مؤسسات الحركه النسويه في السودان .
الشهاده الحقيقيه كانت في استيعابكم للدور والمسئولية واكمال مشوارهم الطويل وتقديركم لدورهم من قبل..
فالتحيه لجيل المناضلات من امثالك ايضا
|
Post: #24
Title: Re: المدرسه ..{توجد صوره}
Author: Osman Malik
Date: 09-04-2006, 06:17 PM
Parent: #1
up
|
Post: #27
Title: Re: المدرسه ..{توجد صوره}
Author: Aymen Tabir
Date: 09-05-2006, 03:14 AM
Parent: #24
عثمان مالك
سلامات
لك التقدير لوجودك هنا وتحيتك للوالده علويه تابر
شكرا لمرورك ورفع البوست - ما عدمناك وابقى عافيه
والسلام لكل الناس بمتشجان
|
Post: #28
Title: Re: المدرسه ..{توجد صوره}
Author: Hani Abuelgasim
Date: 09-05-2006, 04:16 AM
Parent: #1
الأستاذ أيمن،
كم أسعدني وشرفني المرور من هنا،
أسماء كثيرة تمر علينا بين ثنايا الأدب الوطني والسياسي السوداني، قلما نعطي تلك الأسماء حقها، ناهيك عن أن نخلق بها أسطورة وطنية نلتف حولها جميعا كما في غاندي الهند ونلسون جنوب أفريقيا وجيفارا أمريكا اللاتينية، آلاف من قاعات العلم ومسارح الفن ومنابر الحرية سميت بأسماء تستحق أن تخلد.
أما نحن، فعبيد حاج الأمين، له زقاق صغير أمام جامعة الخرطوم وعبدالفضيل الماظ نصب مهترئ غرب تلك الجميلة المستحيلة،
فلننطلق عرفانا لكل من بذل لأجل هذا الوطن.
لك خالص الود والتحايا لوالدتنا
|
Post: #29
Title: Re: المدرسه ..{توجد صوره}
Author: Aymen Tabir
Date: 09-10-2006, 08:18 PM
Parent: #28
هاني
سلامات وشكرا لمرورك وكلماتك الحميمه ..وعذرا لتاخر الرد لكن احباط الحاصل في البلد ما مخلي فرقه للرد..
Quote: أسماء كثيرة تمر علينا بين ثنايا الأدب الوطني والسياسي السوداني، قلما نعطي تلك الأسماء حقها، ناهيك عن أن نخلق بها أسطورة وطنية نلتف حولها جميعا كما في غاندي الهند ونلسون جنوب أفريقيا وجيفارا أمريكا اللاتينية، آلاف من قاعات العلم ومسارح الفن ومنابر الحرية سميت بأسماء تستحق أن تخلد.
أما نحن، فعبيد حاج الأمين، له زقاق صغير أمام جامعة الخرطوم وعبدالفضيل الماظ نصب مهترئ غرب تلك الجميلة المستحيلة،
فلننطلق عرفانا لكل من بذل لأجل هذا الوطن. |
هاني بتفق مع كل الذكرته عاين بس لي صورتك في البروفابل وقولي كل العظماءديل كتب عنهم كم كتاب وخلدناهم بي شنو ?
عارف احنا امة متواضعه حد الاستحياء والصمت عن ذكر محاسنها .. لكن برضو كم المشاكل الورا بعض ما ادت فرصه ..
بس بدينا نعيد تقييم حاجات كثير
شفته ذكرى استشهاد قرنق?
شكرا مره تانيه
وابقى بخير
|
Post: #30
Title: Re: المدرسه ..{توجد صوره}
Author: غادة عبدالعزيز خالد
Date: 09-10-2006, 08:21 PM
Parent: #29
الاخ العزيز
أيمن
التحية و التجلة
لللاستاذة العطيمة
علويه محمد تابر عيسى
نقف احتراما و تقديرا لها
كل الود
غادة
|
Post: #31
Title: Re: المدرسه ..{توجد صوره}
Author: Tragie Mustafa
Date: 09-10-2006, 08:37 PM
Parent: #30
العزيز ايمن تابر
بالمناسبه لم اتمكن من رؤية الفديو الا اليوم
كان اين عندي عطل فني.
المهم الف تحيه مرة آخرى للوالده الرائده علويه
ويكفينا انه في نساء مثل الاستاذه عليوه يفكرون في
حماية البيئه رغم شح الامكانيات وتجاهل الحكومات.
تقديري لها وبلغها عنا التحايا.
تراجي.
|
Post: #32
Title: Re: المدرسه ..{توجد صوره}
Author: Imad Khalifa
Date: 09-10-2006, 09:18 PM
Parent: #31
العزيز/ أيمن تابر
التحية للوالدة علويه محمد تابر عيسى ولكل نساء بلادي الشامخات.
عماد خليفة
|
Post: #33
Title: Re: المدرسه ..{توجد صوره}
Author: smilewomen
Date: 09-11-2006, 00:33 AM
Parent: #1
فخر المرأه السودانيه.
الاجلال والتقدير للوالده المربيه علويه تابر
|
|