تظاهرات الابيض لعلى عثمان !! ام الاثنان!!؟

جاء فى الاخبار ان شرطة مكافحة الشغب في الابيض فضت المظاهرة التى انطلقت فى المدينة منددة بالاسعار وبالحكومة، وفرقتها بالبمبان وبابشع مما فعلت فى الخرطوم ، الشئ اللافت للنظر انو نائب الرئيس على عثمان موجود فى الابيض اليومين ديل ووصلو حس المظاهرة،وبالمناسبة على عثمان محمد طه موجود هذه الأيام في الابيض.مما حدى بالحكومة هناك باعتقال بعض عناصر حزب الترابى ومجموعة من الطلاب الشرفاء بعد اصابة اكثر 15 فى التظاهرة نقلو المستشفي.
ياربى ناس الابيض ديل يكون صحوا من غفوتهم ولا دى حركات طلاب؟
بعدين على عثمان دة مالقى الا يمشى اليومين ديل الابيض ، ظنيتو ماشى يخرف هناك !!
بعدين الزول دة بقى لافى الاقاليم دى بكراع كلب الحاصل شنو؟

..
تحية للاهلنا في مدينة الابيض الباسلة ، وتحية للشرفاء طلاب جامعة كردفان وهم يعلنون إنحيازهم

لقضايا الجماهير ، ظلت الابيض تعلن رفضها لحكومة الجبهة وسياساتها منذ قيام الانقلاب المشؤم

وكانت مدرسة خور طقت الثانوية وطلابها هم رأس الرمح في كل المواجاهت التي تمت مع الانقاذ .

فتم تصفية المدرسة وإغلاقها وتحويلها لمعسكر دفاع شعبي ..ومن ثم تحولت الى إحدى كليات جامعة

كردفان وهاهي سيرة خورطقت تعود مرة أخرى مخرزا في عين السلطة الغاشمة ...

..

زيارات على عثمان للاقاليم هذه الايام لاتخرج من غطار الخلاف الموجود داخل السلطة فقد سبقها

بزيارة خارج السودان الى تركيا وقد اعلن من قبل السلطة بان هنالك خلاف في وجهات النظر بين علي

وعمر وهي زيارات للتقوي على الجانب الاخر في السلطة ، وايضا كانت هنالك لقاءات لعلي عثمان

بقطاعات داخل المؤتمر الوطني مثل الطلاب المحسوبين من زمرته ، البشير ايضا يطوف ومن معه يطوف

على الوحدات العسكرية و القطاعات داخل المؤتمر الوطني المحسوب عليه ......

على كل ستظل كردفان ومدينة الابيض عصية على الجبهة الاسلامية بتخلقاتها المختلفة رغم سياسة

الافقار والتدمير التي نظمتها السلطة ضد هذه المدينة الباسلة وضد مواطنيها الشرفاء الاحرار


لك التحية محمد احمد سنهوري



.

لك التحية محمد احمد السنهورى
اذا كان كردفان ولا دارفور نحنا بالنسبة لاى نظام حاكم ينظروا لينا على اساس اننا حظيرة او مخزن (stock) ، فى حالة الحروب او الانتخابات ، وما تلقى ليك مسؤول جاى عشان يفتتح مشروع او مصنع ناكل منه عيش زى ما يحصل فى حتات تانية ،

نحنا يجونا عشان يعبونا ويرسلونا للعدو ، ما نحن ناس حروب وموت بالبلاش ، فى حالة السلم وظروف الرخاء ما عندنا قيمة ومافى حد يتذكرنا ، لكن فى حالة الزنقة يفتكرونا ويجوا يعبونا ، لكن نحنا صحينا نحنا مع قضايا الوطن العادلة . وزمن الناس تشتغل درق ... انتهى