الاب الحبيب مبارك المهدى لم يخيب ظنى فيك ابدا

نعم
الشهامة فيك يامبارك المهدى والاصالة ماغريبة عليك
خليت حرفى يتكلم يفيض الليلة يكتب فيك
كريما انت من اصلك ود ناس بكرموا الضيف
وجود عاد ماصلو فيك وماسكت سحابة صيف
تجود هطال مثل مطرا سحابة العينة مابتفيق
دحين كنت ماموجود براك ناس حزب الامة تعمل كيف
اصلو ابوك يامبارك كان بحر فياض ملاذ محتاج مناة الناس
انت بشوشا دائما لاكشار لا فشار لا وسواس
انت دوما بتصدر القاسيات بتكون قدام لانك الراس
وحاتك يامبارك مابتشيل عشا الضيفان
اياديك بيضاء ممدودة تزيل الكبرة والاحزان
اصيل اصلك سلالة عزك مكمل انت يانسان
الله اكبر ولله الحمد

نعم لم يخيب ظنى فية ابدا
فقد كان بالامس فى مقدمة صفوف الجماهير
كان بالامس يقف معا فى وجهة الطغاة والعسكر
كان يهتف معا امس
كان يقف معا والغاز المسيل للدموع يضرب امامنا لم يجرى بل ظل صامدا
اقولها للتاريخ
لم ارى زعيم اى حزب سياسى سوى السيد مبارك امس
نعم لم تخيب ظنى فيك ابدا

محمد مع احترامي ليك مبارك ده ماعندو فرق من ناس الجبهة ديل يعني حمام ساي مش لطخ يدو معاهم

الاخ محمد خالص تحياتي
ياخي حرام عليك تشبيه الاخ مبارك بناس الجبهه فلو بس عشان مشاركتو في الحكومة فاتهامك دا سيطال ناس كتيرين بل والى يوم الليله حتي بعد الزيادات دي اذا كان في جهاز السلطه التنفيذيه او التشريعيه وبعد دا ما بنشك فى وطنيتهم ..الا اذا كنت تحمل ادانه لمبارك في قتل او تعذيب احد..
ياخي كان تحفظ ليهوحقو النضالي حتي لو كان فقط وكت قال للكيزان لا عندما طلب او امره البشير بعدم السفر لامريكا فكان سفره فكان عزله..
كدي هسه خلينا في المظاهرات والنتوحد جميعا ضد الجبهة .
ولك عزري ما وددت ان يكون اول لقاء معك هكذا وانا بالمناسبة لسه مادخلت الفورمه يعني برلوم في المنبر واتابع كتاباتك باعجاب
ولك ودى..

مبارك الفاضل يدعـو المعـارضة لمـواجهة زيادة الأسعار

كشف رئيس حزب الأمة الإصلاح والتجديد مبارك الفاضل المهدي، أن قرار الزيادات الأخيرة على أسعار المحروقات والسكر خططت له الحكومة من خلال تقرير رسمي بعثت به الى البنك الدولي في 22 مايو 2004م. وانتقد الفاضل، خلال مؤتمر صحافي عقده امس بالخرطوم، الزيادات في اسعار المحروقات والسكر، مبينا ان الحكومة عمدت الى هذه الزيادات منذ وقت سابق، وأنها ليست بالمفاجئة. وقال ان الحكومة ممثلة في وزير المالية ومحافظ بنك السودان خططت من خلال تقرير ومستند رسمي رفعته الى البنك الدولي في وقت سابق يشير الى أنها ستعمل على وضع رسوم على البترول والسكر، الى جانب اجراءات اخرى.



واتهم الفاضل مجموعة (لم يسمها) في الحزب الحاكم بالاستئثار بالسلطة وصنع القرارات دون الآخرين، ونفى وجود دعم حكومي على البترول والسكر، مبينا ان الحكومة كانت تتحصل على رسوم تبلغ (3600) دينار للجوال عبوة (50) كيلو جرام قبل أن ترفع الرسوم على السكر لتصل الى (4100) دينار، بما يعادل نحو (60%) ضريبة على السكر، وأشار الى ان الزيادة على البنزين تعتبر الأعلى في تاريخ السودان وأنه لا فائدة منها، مبينا ان العائد منها لخزينة الدولة لا يتعدى (405) مليار دينار، معتبرا انه كان الأولى خفض استهلاك عربات الدولة، مضيفا انه من الخطأ ان تتحدث الحكومة عن وجود دعم للمواد البترولية في وقت يبلغ سعر طن البنزين (64 دولارا بما يعادل (21) دولاراً للجالون.



وأوضح الفاضل ان زيادة اسعار الجازولين لها آثار تضخمية لأنها تزيد سعر النقل وتؤثر بصورة مباشرة على الزراعة والصناعة، مشيرا الى انها ستزيد من اعسار المزارعين ولا فائدة منها لأن العبء يقع على القطاعات المنتجة، وأضاف ان العجز في الميزانية يجئ لسوء تقدير القائمين على امر انتاج البترول من حقل (عدارييل)، مطالبا بإجراء تحقيق فني لأسباب تأخر انتاجيته عاما كاملا، وعزا اسباب الخلل في انتاجية البترول الى سوء التقدير وعدم كفاءة القائمين على امره من التنفيذيين، الى جانب منح العطاء للشركات (الحزبية) التي تفتقر الى الخبرة الكافية، على حد قوله.



وأضاف مبارك الفاضل ان (70%) من الميزانية موجهة الى قطاعي الأمن والسياسة، محذرا من انفجار الوضع لغياب العدالة وحسن التوزيع.



، وقال ان هنالك وسائل لسد العجز في الموازنة منها خفض الإنفاق العام، مشددا على ان الخطورة تكمن في نمط الحكم، مشيرا الى ان الزيادة اعتمدت دون اقرارها بواسطة مجلس الوزراء.



وانتقد مبارك الفاضل خطة الحكومة البديلة لنشر القوات الأممية في الإقليم، مشيرا الى انها غير منسجمة مع اتفاق ابوجا وتكرس للحلول العسكرية. وأكد اتجاه قوي المعارضة الى التنسيق المشترك ازاء مواجهات القرارات الأخيرة، لكنه قال ان التطور الإيجابي الآن هو بوادر تهدئة المواجهة مع القوى الدولية من خلال رسالة الرئيس البشير الأخيرة الى مجلس الأمن الدولي.



وحول التصريحات المتهكمة لنائب رئيس المؤتمر الوطني د.نافع علي نافع حول عدم قدرة القوى المعارضة على تحريك الشارع، قال الفاضل (فلنقل انه استطاع تخويفنا، وعليه نقترح على رئيس الجمهورية ابتعاثه لتخويف المجتمع الدولي ومنعه من التدخل في البلاد).

الخرطوم: يوسف سراج الدين

بقول الكلام ده لي مبارك في وشة وعن اثبات بالدليل القاطع ده راجل بسرق عرق الناس وماعندو فرق من نافع او البشير

Dear Mohamed Adil
Gurashi Awad, the leader of Haq- modern was in the demonstration. Two leaders were in jail before the demonstration on Wed, Ibrahim Elshaikh, the leader of the Sudanese Congress, and Satiaa , the leader of the Nasserist party
Regards

الاخ ممد

كثيرين يرددون مثل كلامك هذا منذ عشرون عاما وبما فيهم ابو حريرة ذكرذلك ولما طلب منه الاثبات سحب اتهامو واعتزر ..عموما انت ممكن تمتلك الشجاعه وتقول ليهو الكلام دا في (وشو) لكن المتاكد منو عدم امكانك لاثباته بالمستند والدليل ..وفي النهاية دا رايك وزى ما بقولو العديل راي والاعوج راي.
مع خالص تحياتى وودى

ياسيدي ما ح اثبت ليهو لكن دفع الثمن غالي عندما ذهب الي دولة عظمي وقالوا ليهو باي باي وبطل كذب وسرقت مجهود غيرك واجدعت في الصحف كذبا وذورا ونحن صرفنا النظر عنك

الاخ محمد
نطيت مالك في البداية ما قلت عندك الاثبات
بعدين كلامك الاخير دا عايز توضيح !!
لكن غايتو انا ما عارف انت بتجيب الكلام دا من وين .
لو قلنا في السودان عندك مصادرك الامنية عن اتهامك الاول
اها الدوله العظمى دي اتحصلت علي المعلومات كيف!!!!!!!!
والا الاخ موساد وما عارفين
خالص تحياتي

الحبيب
معتصم مصطفي الجبلابي
اوفيت وجزيت الف خير واتمنى بان لاتهتم بمثل هذا الكلام الذى تعودنا سماعها كثير
والعندو دليل واثبات اجينا بيهو وحبابو عشرة

يا ريت لو كنت موساد كان صفيت اي سياسي سوداني عمرو اكتر من 40 سنه وكل من ورث السياسية _مبارك او البسوس هدم اكبر حزب سوداني ولطخ يدو بدم الانقاذ

الاخ محمد خالص تحياتي
طبعا قطار العمر مابقيف وانت لو لو يعني ما تميت الاربعين لابد يو حاتصلها اطال الله عمرك وعمرنا لكن وريني لو حصلتها وشايفك بتاع سياسه انت اها حاتصفي نفسك بتنتحر يعني..عموما اخ محمد ممارسة السياسةما بالاعمار.
والحاجة التانية هو عيب الواحد لما يرث جاجه كويسه من اسلافو .ولي من المعروف انو والد مبارك ماكان ليهو في السياسة ومايل اكتر للنشاط الاقتصادي
ودي الحاجة الورثها من ابوه .ومعروف انو ابوه كان ماشاءالله ثري ودي البرد ليك بيها عن اتهامو باكل عرق الغلابه.يعني الراجل ما محتاج وعينو ملانه.اما جده لابيه هو الفاضل الي لقي ربه شهيدا عندما قتلوه الانجليز مع كل اخوته لابيه بما فيهم الامام عبد الرحمن الذي اطلق عليه تلات طلقات وارادة الله حفظتو
ليحمل راية ابيه .واظنك بتعرف الفاضل دا ولد منو .(محمد احمد المهدي)خيار من خيار..فكدي انت العيب شنو في الاسره حتي لايرثها مبارك ..التصنيف هنا يقع تحت الغيره الاجتماعية
اما عن تاريخ مبارك النضالي فهو بدا النضال ودخل عالم السياسة منذ صغره واوكلت له مهمات جسام فى فترةالمقاومه ضد نظام نميري وهو بعيد خالص من الاربعين عاما بتاعتك..
اما بالنسبة لاغتيالو. فبعقلية العنف دي انت مؤهل تماما لان تكون في الموساد
لانو بيشترط عدم توفر الانسانية لدي الواحد والتجرد من العواطف .
فعموما نهج الاغتيالات وثقافة العنف حالة غريبة عن المجتمع السودانى لم يعهدها مجتمعناالمتسامح .والفئة الوحيدة الادخلت السياسة دي هم (الكيزان)وشايف واحد تانى بيدعو لاغتيال سيد صادق في بوست اخر..
فانت لوعايز عنوان مبارك الفاضل انا حاديك ليهو وانت اتخيل لي قاعد في السودان..

في الختام اكرر سؤالي انت كلام الدوله العظمي لمبارك اتحصلت عليهو كيف
رجاءا الاجابة. عشان ما اى واحد ينجر ليه كلام من راسو ويملا بيهو البوست
ساي ..اخيرا اكرر لوعايز عنوان مبارك وكمان الاخر البيدعو لاغتيال سيد الصادق العناويين بتاعت سكنهم معروفة لكل احد ولو عايزنها حنوفرهاى لكم
مع تحياتي