غضب قصيدة بمناسبة ثورة الشارع السوداني

غابت شمس الحق حزينة
هدر الغضب الكامن فينا
ودق ابواب السر الليل
السر الضاع واللحقو شليل
شليل وين راح شليل مسروق
شليل ما راح
وتفت شمس اليوم التاني صباح
في وش الليل مفتاح
الناس العانو جراح الفقر الراكب صاح
الفقرا الجدع السبحة النام الليل
الباع الدين
والكان مرتاح
اتلمو صباح
وجابو قرار السجم الاشتر
عسكر عسكرعسكر
وما بتزكر قصة جعفر
وبحر العسكر كيف اطفر
لما الغضب الفينااتفجر
وجوة الناس الفيها احساس
الظلم محكر
لابد تزكر وما بتزكر
كل البلد الباقية معسكر
دم الناس الصافي اتعكر
وما بتزكر
لانو الزكري اساسا فكرة
وين تلقاها يا شيخنا الفكرة
لمن تلقي في نص الشارع غيمة
وكل الشارع طالع يهتف
ثسقط تسقط لينا حليمة
تسقط تسقط لينا حليمة
وما تزكر


سامي طلب