Post: #1
Title: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 08-30-2006, 12:38 PM
بكرة من الصباح الخرطوم ترجع زي ما كانت واكثر هدوء من ذي قبل !!!!!
بكرة من الصباح اي زول في شغلو وكأن شئ لم يحدث...
بكرة من الصباح الأم تقوم من بدري تسوي الشاي لي وليداتها والأب الكادح يمشي يشوف معايشو ورزقو ..
بكرة من الصباح كل الكانوا في المظاهرات حا يمشوا جامعاتهم عادي مع المكابسة في المواصلات ..
بكرة من الصباح اي زول كان بيكورك في زيادة السكر سيكون اول من يذهب لي دكان البرقاوي طالباً رطل سكر وبي التسعيرة الجديدة !!!
بكرة من الصباح اغلب المتظاهرون من اصحاب السيارات وفي طريقهم للخرطوم سيغشون محطات البنزين ويكبوا جالون جالونين بي التسعيرة الجديدة ..
بكرة كلللل الناس الكانت في المظاهرات حا تدفع في المواصلات وبي التسعيرة الجديدة ..
نعك بكرة وكأن شيئاً لم يكن في الخرطوم فكيف سنسميها إنتفاضة ؟؟؟؟؟؟
وبكل أسف يستغلها وكالعادة مناضلو الكيبورد ويكتبون وكأنهم في موقع الحدث فمنهم من هو متواجد في الدوحة ومنهم من هو متواجد في امريكا ومنهم من هو متواجد في السعودية والامارات و و و ..
وحتى المتواجدون في الخرطوم يكتبون ويقولون نحن الان في قلب الحدث ولا ادري ان كانوا يحملون اللاب توب ام هي تكنولوجيا الجيل الثالث من الموبايلات !!!!!
ليس هذا بإخماد للعزائم ولكن هو وضع للأمور في نصابها فلا تضحكوا علينا ..
نعم لدينا اخوان يعتقلون وندعو بفك اسرهم وان يرجعوا لأهلهم سالمين غانمين ولكن ان نقرأ مئة عنوان عن إنتفاضة وهمية من ثوار كيبوردات فهو شئ غير معقول !!!
ما تجوا تشبكوني انها الشرارة الاولى وما تجوا تقولوا لي يا عمر يا تقيف معانا يا تسكت وما تكسر عزيمة الناس ويا عمر انت شن عرفك بي النضال و و و و و و و
ما هكذا تكون الانتفاضة ولن ينقلب هذا النظام في وجود هذه المعارضة المتهالكة و في ظل وجود ثوار ومناضلين لا يجيدون الا فن الكتابة !!!!!!!
|
Post: #2
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 08-30-2006, 12:42 PM
Parent: #1
فاتني ان اقول اننا إن شاء الله سنستيقظ غداً لنجد ان رئيس البلاد هو عمر البشير وسنجد قوم هم اضعاف من قاموا بمظاهرات اليوم يهللون ويكبرون وربما يتراقصون بعد خطاب يلقيه الرئيس إما في إفتتاح كبري أو تدشين شارع ظلط أو بئر بترول ..
وفاتني ان اقول باننا سنعود في اقل من يومين في هذا المنبر لعناوين من هي تراجي و اين السحاقية المغربية ويا علوية عايزة اغنية راجل المرا ده حلو حلا ومبروك عيد ميلاد هناية وتهانينا لي هناي ..
انها زوبعة بورد وانتفاضة عنواين ليس اكثر فهل من مراهن ؟؟؟
|
Post: #23
Title: Re: من يتحدّى؟؟ مظاهرات اليوم زوبعة في فنجان !!
Author: ادريس خليفة علم الهدي
Date: 08-30-2006, 04:35 PM
Parent: #2
أولا : احترم هذا المنبر الذي اتاح لك الفرصة لكي تعبر عن رأيك سلبا أم ايجابا وكما قال علبة الصلاة والسلام (من رأي منكم منكرا فليغيره بيده فان لم يستطع فبلسانه وان لم بستطع فبقلبه وذلك أضعف الايمان) وهذا المنبر هو أضعف الايمان ونوع من نضال الكي بورد الذي سمح لأمثالك من محدودي النظر وعدم قراءة التاريخ القراءة الصحيحة واستعجال الامور بأن نصبح ثاني يوم ونجد الدكتاتورية قد ذهبت .. وردا لقولك لا تقل لي أن هذه شرارة وغيرها من كلامك المهزوم أقول لك نعم هذه شرارة رضيت أم ابيت .. اشتري محمد أحمد البنزين في اليوم الثاني من طلوعه الشارع أو السكر لأبنائه بالسعر الجديد ليس معني ذلك أنه راضخ انما لكي تسير حياته وحياة أبنائه وهو يواصل كفاحه ... أرجو منك أن تدع الانهزامية والر}ية تحت الأرجل . امبراطجوريات وليس انقلابيات سادت ثم بادت .. درس في التاريخ : الثورة الايرانية مع تأييدنا لها أو اختلافنا مع توجهها حينما قامت بعد دكتاتورية الشاه المطلقة لم يكن زوعمائها أو محرضيها كانوا في داخل ايران بل كانوا في فرنسا .. الثورة الكوبية ايضا التشيلية ايضا وغيرها من حركات التحرر .. ما عاد الوجود المكاني هو المقياس انما الصبر والمواقف علي المبادئ طال الزمن أم قصر لا يصح الا الصحيح وفي هذه المرحلة الزمنية بين النضال وتحقيق الهدف يسقط قاصري النظر ومستعجلي الامور ..
يا صديقي لا تستهين بمحمد أحمد هو أدري بتسيير حياته اليومية ونضالاته المستقبلية.
وقفة :
احترم هذا المنفذ .. ومن يكتب به .. والنضال له أشكال عده .. هل تطلب منا أن نترك الكتابة عن ما يدور في وطننا ونتفاعل معه أم ما هو رأيك فيما يحدث لإهلنا .. وبالعربي الفصيح نخلي ليك البورد لتنسر سمومك واحباطاطك وانهزامياتك .. نعم غدا محمد
أحمد سوف يأكل ويشرب ويواصل النضال .
|
Post: #24
Title: Re: من يتحدّى؟؟ مظاهرات اليوم زوبعة في فنجان !!
Author: ادريس خليفة علم الهدي
Date: 08-30-2006, 04:44 PM
Parent: #23
طلب أخير منك .. ماهي رؤيتك للنضال وبأي شكل .. حتي نري الغد المشرق .. ونحن في انتظارك ..
والي الغد
في أمان الله
|
Post: #4
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 08-30-2006, 12:47 PM
Parent: #1
ويبدو ان ابراهيم بقال الان في احدى المخابئ في قبو إما في الشقلة أو سوق ليبيا !!!!
تتذكروا الفيلم ده يا شباب ..؟؟؟
|
Post: #5
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 08-30-2006, 12:50 PM
Parent: #1
| Quote: وبكل أسف يستغلها وكالعادة مناضلو الكيبورد ويكتبون وكأنهم في موقع الحدث فمنهم من هو متواجد في الدوحة ومنهم من هو متواجد في امريكا ومنهم من هو متواجد في السعودية والامارات |
انت يا زول رحلت ولا شنو ؟؟؟
الكلام ده ما ليك انت !!
|
Post: #6
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 08-30-2006, 12:55 PM
Parent: #1
هل اصبحت الانفاضات بهذه السهولة ؟؟
وهل اصبحت الدولة بهذه الهشاشة ؟؟؟
ولّى عهد اخوان القرشي من الطلاب واصبح الطلاب الان ينتظرون حفلاً لكاظم الساهر أو إيهاب توفيق ..
اكاد أجزم ان معظم الطلاب الكانوا مشاركين في المظاهرات كانوا داقين سيستم * !!!
ــــــــــــــــــــــــــــــــ
* داقين سيستم ده مصطلح جديد بيقولوهو الشباب لي الولد البيكون لابس بنطلون الجينز والبنطلون ناصل لحدي ركبينو ..
|
Post: #7
Title: Re: من يتحدّى؟؟ مظاهرات اليوم زوبعة في فنجان !!
Author: Nasr
Date: 08-30-2006, 01:01 PM
Parent: #1
نحن خاشين الفلم دا
في زمن نميري قالو ما قالو عن الشعب الجبان والطلاب الما عارف أيه وعن إنطفأء جذوة أكتوبر
ومع ذلك فقد فعلوها في مارس أبريل 1985.
شعب معلم, بكرة يا ما تشوف
وتتمحن
بس أقعد في الكنبة وأخد الدرس في إنتفاضات الشعوب
|
Post: #8
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 08-30-2006, 01:07 PM
Parent: #1
| Quote: ومع ذلك فقد فعلوها في مارس أبريل 1985. |
المشكلة إنو 1985 دي عملوها الناس القاعدين اسة في الحكم ديل !!!!!!
يعني بقا غير الكيزان ماف زول بينتفض !!!!!!!
|
Post: #29
Title: Re: من يتحدّى؟؟ مظاهرات اليوم زوبعة في فنجان !!
Author: عثمان حسن الزبير
Date: 08-31-2006, 03:30 AM
Parent: #8
Quote: المشكلة إنو 1985 دي عملوها الناس القاعدين اسة في الحكم ديل !!!!!!
يعني بقا غير الكيزان ماف زول بينتفض !!!!!!! |
يالك من كاذب ومزور للتاريخ ولكن هذا ليس بجديد عليكم
|
Post: #9
Title: Re: من يتحدّى؟؟ مظاهرات اليوم زوبعة في فنجان !!
Author: Khalid Kodi
Date: 08-30-2006, 01:07 PM
Parent: #1
نعم سيظل الامر مكذا الى أن يعى الجميع أن انهم يواجهون نظام فاشى،
وعليهم إستخدام أدوات هدم قيم هذا النظام.
الى أن يدركوا أن الصراع ليس صراع مناورات سياسية إنما صراع حول الوجود ونموذجه مايجرى للناس فى دارفور.
الى ان ترتب القيادات السياسية الشمالية أولويات الصراع وتتوقف عن تزييف وعى الناس بطبيعة مايتعرضون له، يظل أمثالك يتبجح على الشعب السودانى.
تحية لكل مناضل شريف خرج فى تظاهرات اليوم ولانامت أعين الجبناء.
|
Post: #10
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 08-30-2006, 01:11 PM
Parent: #1
| Quote: تحية لكل مناضل شريف خرج فى تظاهرات اليوم ولانامت أعين الجبناء. |
أجزم بأن معظم من كانوا في مظاهرات اليوم يغطون في سبات عميق وبين اليقظة والأحلام وبكرة يا ربي البس شنو للشغل ؟؟
|
Post: #11
Title: Re: من يتحدّى؟؟ مظاهرات اليوم زوبعة في فنجان !!
Author: Nasr
Date: 08-30-2006, 02:19 PM
Parent: #1
يقول الفاروق
"المشكلة إنو 1985 دي عملوها الناس القاعدين اسة في الحكم ديل !!!!!!
يعني بقا غير الكيزان ماف زول بينتفض !!!!!!!"
وهذا لعمري كذب صراح
لم أر واحدا من الأخوان لا في التحضير للإنتفاضة ولا في مواكبها ومظاهراتها.
عمل الأخوان علي طرشقة الإنتفاضة لسبب بسيط :أنهم كانو جزء أساسي في ديكتاتورية نميري وخاصة حينما أعلن حكم الشريعة الأسلامية في سبتمبر 1983
إذا الحكاية جابت ليها كذب قدر دا معناها الزنقة شديدة
الشعب معلم وحيعملها للمرة الثالثة
|
Post: #13
Title: Re: من يتحدّى؟؟ مظاهرات اليوم زوبعة في فنجان !!
Author: wesamm
Date: 08-30-2006, 02:57 PM
Parent: #12
فاتني ان اقول اننا إن شاء الله سنستيقظ غداً لنجد ان رئيس البلاد هو عمر البشير وسنجد قوم هم اضعاف من قاموا بمظاهرات اليوم يهللون ويكبرون وربما يتراقصون بعد خطاب يلقيه الرئيس إما في إفتتاح كبري أو تدشين شارع ظلط أو بئر بترول ..
وفاتني ان اقول باننا سنعود في اقل من يومين في هذا المنبر لعناوين من هي تراجي و اين السحاقية المغربية ويا علوية عايزة اغنية راجل المرا ده حلو حلا ومبروك عيد ميلاد هناية وتهانينا لي هنا Quote
What a sick person..
|
Post: #14
Title: Re: من يتحدّى؟؟ مظاهرات اليوم زوبعة في فنجان !!
Author: ود الباوقة
Date: 08-30-2006, 02:59 PM
Parent: #12
| Quote: ليس هذا بإخماد للعزائم ولكن هو وضع للأمور في نصابها فلا تضحكوا علينا .. |
انا برضو قلت كدا ....
ود الباوقة
|
Post: #15
Title: Re: من يتحدّى؟؟ مظاهرات اليوم زوبعة في فنجان !!
Author: shammashi
Date: 08-30-2006, 03:15 PM
Parent: #14
| Quote: داقين سيستم ده مصطلح جديد بيقولوهو الشباب لي الولد البيكون لابس بنطلون الجينز والبنطلون ناصل لحدي ركبينو |
وقام تاني جاب سيرة البحر
|
Post: #16
Title: Re: من يتحدّى؟؟ مظاهرات اليوم زوبعة في فنجان !!
Author: shammashi
Date: 08-30-2006, 03:23 PM
Parent: #15
الغريبة أبو ساق لمن قاد مسيرة الردع أيام الانتفاضة وقال سنضربهم كالعقارب كان لابس فل سوت.
|
Post: #17
Title: Re: من يتحدّى؟؟ مظاهرات اليوم زوبعة في فنجان !!
Author: Tumadir
Date: 08-30-2006, 03:33 PM
Parent: #16
| Quote: ومنهم من هو متواجد في السعودية |
|
Post: #19
Title: Re: من يتحدّى؟؟ مظاهرات اليوم زوبعة في فنجان !!
Author: ASAAD IBRAHIM
Date: 08-30-2006, 03:42 PM
Parent: #17
حتي ولو حدث ما تنبأت به
فلن يغير من الواقع شئيا
واقع ان هذه الحكومة لا تعرف الا القهر والعنف والتسلط
ماذا لو اتاحت لهم علي الاقل حرية التعبير
للتعبير عن ما اصابهم من صدمة والم جراء غلاء الميشة وارتفاع الاسعار
لماذا الضرب والقتل ؟؟؟ هل هي حكومة ام عصابة؟؟؟
مع الود لك اخي عمر
|
Post: #18
Title: Re: من يتحدّى؟؟ مظاهرات اليوم زوبعة في فنجان !!
Author: بشري الطيب
Date: 08-30-2006, 03:41 PM
Parent: #1
شكلك زمان كنت بتجي الأول
|
Post: #20
Title: Re: من يتحدّى؟؟ مظاهرات اليوم زوبعة في فنجان !!
Author: shammashi
Date: 08-30-2006, 04:01 PM
Parent: #18
| Quote: شكلك زمان كنت بتجي الأول |
الأخ بشرى
والله بالغت . ياخي دا قال كان قاعد يقفل امتحان العربي عديل كدا.
كيف ما يجي الأول؟؟؟؟
|
Post: #21
Title: Re: من يتحدّى؟؟ مظاهرات اليوم زوبعة في فنجان !!
Author: Salwa Seyam
Date: 08-30-2006, 04:14 PM
Parent: #1
| Quote: أجزم بأن معظم من كانوا في مظاهرات اليوم يغطون في سبات عميق وبين اليقظة والأحلام وبكرة يا ربي البس شنو للشغل ؟؟ |
وماالذى اجبرهم على الخروج اليوم هل كانت نزهة ام رحلة مدفوعة الثمن !!!!!!!!
|
Post: #22
Title: Re: من يتحدّى؟؟ مظاهرات اليوم زوبعة في فنجان !!
Author: Abomihyar
Date: 08-30-2006, 04:17 PM
Parent: #1
في ذمتك؟؟؟
اليست هذه هي أمانيك ياعمر الفاروق؟؟
في ذمتك؟؟؟؟
|
Post: #25
Title: Re: من يتحدّى؟؟ مظاهرات اليوم زوبعة في فنجان !!
Author: esam gabralla
Date: 08-30-2006, 04:50 PM
Parent: #1
Quote: مسيرة اليوم قد تفشل.... قد يتخوف الناس من السير فيها و فى الذهن تاريخ الانقاذ البديع فى قمع العزل : الجنوب, جبال النوبة, دارفور, بورتسودان انتفاضات الطلاب الخ ...
قد تنجح خطة المظاهرة المضادة و تربك الناس ...
قد و قد و قد
كل هذا ليس هو المهم, نعم نتمنى نجاح المظاهرة و خروج اكبر عدد من الناس فيها بل وان تجبر النظام على التراجع عن القرارت الجائرة و هو هدف هذه التحركات ...
كل هذا وارد
اهم ما يترتب على هذه الايام هو استعادة و لو قليل من القدرة على الفعل والمقاومة, استعادة الثقة فى امكانية بل و وجوب مواجهة نظام الانقاذ, اعطاء الناس - فعلا لا قولا فقط و لا باشاعة الاوهام - بارقة امل فى ان هناك امل وان هناك ارادة وان بالامكان فعل شئ ما.
تمنى سقوط نظام الانقاذ مشروع للكل. الاشاعةو الترويج لامكانية سقوطه بنفس سيناريو سقوط مايو و عبود او بعد تظاهرة او اثنين خاطئ , حتى و لو حسنت نوايا قائليها. تكفي تجارب اشاعات القيادة الشرعية, اشاعة هذه الاوهام بان هناك ضربة سحرية ستحدث و هوووب سقط النظام ستقود الناس لانتظار هذه الضربة وليس دفعهم للتفكير فى كيفية مساهمتهم فى احداث هذا التغيير ... المساهمة كل من موقعه وحسب قدراته ...
حسم الارتباك والرسالات الخاطئة , اعنى هنا تحديدا الحزب الشيوعى, ليس اسوا من الخطا سوا الاصرار عليه ...
- طريق استعادة الديمقراطية طويل ... جدا ... سنخسر معارك كما خسرنا قبلها ... لكن هل من خيار سوى السير فى هذا الطريق؟ لا اعتقد .... |
|
Post: #26
Title: Re: من يتحدّى؟؟ مظاهرات اليوم زوبعة في فنجان !!
Author: Nasr
Date: 08-30-2006, 04:53 PM
Parent: #1
والله ذكرتنا سئ الذكر أبو ساق
شوف مع أنو أبو ساق كان "دكتورا" في العلوم السياسية في جامعة الخرطوم وعمل في الأتحاد الإشتراكي "حزب مايو" لسنوات عدة إلا أنه لم ير ما رأه حتي الشماسة في سوق الخرطوم: أنو سلطة مايو قد أنهارت.
ولكن نرجع ونقول الغرض مرض، أبو ساق كانت له ألف مصلحة في بقاء نظام مايو لذلك لم ير عين الشمس من رمد.
وهذا حال الأرزقية ومصاصي دماء الشعب من كل ملة وفي كل العهود.
|
Post: #27
Title: Re: من يتحدّى؟؟ مظاهرات اليوم زوبعة في فنجان !!
Author: Hussein Mallasi
Date: 08-31-2006, 02:24 AM
Parent: #26
| Quote: عمل الأخوان علي طرشقة الإنتفاضة |
لكأن الاقتباس من مداخلة للخير محمد عوض!
يا Nasr؛ انت لو ما حضرت الانتفاضة و ما قريت عنها؛
مافي زول حكى ليك بيها!!
|
Post: #34
Title: Re: من يتحدّى؟؟ مظاهرات اليوم زوبعة في فنجان !!
Author: Nasr
Date: 08-31-2006, 01:05 PM
Parent: #27
حضرت الإنتفاضة وخرجت في مظاهراتها وقد حاول الأخوان المسلمون في مستشفي الخرطوم تحديدا عرقلة قيام المظاهرة. وقد قال الأخوان المسلمون حينها أنهم لم يشاركوا لانهم كانوا معنقلين.
|
Post: #28
Title: Re: من يتحدّى؟؟ مظاهرات اليوم زوبعة في فنجان !!
Author: DKEEN
Date: 08-31-2006, 03:12 AM
Parent: #1
اصبح صباح الخميس وماتغير شي..
صدق عمر وكذب مناضلي ومناضلات الكي بورد..
الجالسين في اصقاع الدنيا يهزون اردافهم ويحرضون شعباً لاحيلة له...
كل شي هنا كما كان قبل امس ..
إلا صديقي خضر حسين ..
|
Post: #30
Title: Re: من يتحدّى؟؟ مظاهرات اليوم زوبعة في فنجان !!
Author: معتصم الطاهر
Date: 08-31-2006, 06:53 AM
Parent: #1
قلت ليْ شنو يا محمد عبد الرحمن !!!!!!!!!!!!!!!!!!!!!!
|
Post: #31
Title: Re: من يتحدّى؟؟ مظاهرات اليوم زوبعة في فنجان !!
Author: bushra suleiman
Date: 08-31-2006, 07:07 AM
Parent: #1
| Quote: ومنهم من هو متواجد في السعودية |
|
Post: #32
Title: Re: من يتحدّى؟؟ مظاهرات اليوم زوبعة في فنجان !!
Author: الرفاعي عبدالعاطي حجر
Date: 08-31-2006, 07:21 AM
Parent: #1
| Quote: تشبه بهم وأن لم تك منهم ان التشبه بالرجال فلاح |
من وين الرأي الفطير ده يا استاذ عمر بن شيخ الدين الرجل المكافح ابن الطبقةالعاملة امد الله في عمره , هذا لا يشبه تاريخ وسيرة من جده كاتب راتب الامام المهدي انت يا بني من اصلاب رجال ليتك توثق العرى بهموا وتشبههم ولو صمتآ فكثيرآ أبلغ الحديث الصمت ... ودمتم من سلاسلة الابطال .
|
Post: #33
Title: Re: من يتحدّى؟؟ مظاهرات اليوم زوبعة في فنجان !!
Author: ajaj
Date: 08-31-2006, 09:29 AM
Parent: #32
اهه وطلع الفنجان مكسور كمان يعني ما فيش حتي زوبعة فيو
------------
ود الفاروق
صباحاتك ورد وفل وقراصة بتقلية مع شطة بالدكوه والليمون وجمعة ميمونة 
|
Post: #35
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 09-02-2006, 01:50 AM
Parent: #1
| Quote: يالك من كاذب ومزور للتاريخ ولكن هذا ليس بجديد عليكم |
ده كلام زول ابوهو الراحل الشاعر المرهف حسن الزبير؟؟؟؟
أول مرة اكون عايز ارد على زول ينهمني بي الكذب رد يتناسب وهذه الاساءة وابلع كلامي!!!
تعرف يا عثمان لو تاني كررت لي حكاية إني كاذب دي حا تهدم صرح بنيناهو للمرحوم ده طيلة 15 سنة هي فرتة وعيي بالراحل حسن الزبير..
|
Post: #36
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 09-02-2006, 02:05 AM
Parent: #1
| Quote: هل تطلب منا أن نترك الكتابة عن ما يدور في وطننا ونتفاعل معه |
اااي..
|
Post: #37
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 09-02-2006, 02:12 AM
Parent: #36
شموشي التمبوشي:
انت لسة ما كبرت وعقلت ؟؟؟
وما هي اخبار لقاطة التمر الغبش التعاني والجا من الجريف والجا من الجحر 
| Quote: وقام تاني جاب سيرة البحر |
وقوووووووووووووومي يا المرا موتي ..
|
Post: #38
Title: Re: من يتحدّى؟؟ مظاهرات اليوم زوبعة في فنجان !!
Author: Tabaldina
Date: 09-02-2006, 02:13 AM
Parent: #1
..
.
رأينا جعجعة ولم نر طحيناً ..
_________________
وكانت زوبعة فى فنجان _ ومقالعة فى موبايل )
|
Post: #39
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 09-02-2006, 11:13 AM
Parent: #1
الرفاعي :
ياخ سلامات وعاش من شافك وين ايامك ..
حبينا نسلم عليك ونقول مشتاقين ..
وين الحي بيك ؟
|
Post: #40
Title: Re: من يتحدّى؟؟ مظاهرات اليوم زوبعة في فنجان !!
Author: السنجك
Date: 09-02-2006, 11:21 AM
Parent: #1
انها الهجمه الامنيه المنظمه للتحبيط انه صلاح قوش وجماعته وصلوا انهم الظلاميين خفافيش الليل وزوار الفجر انهم الذين لايخجلون من انفسهم انهم الملوثون بدماء شعبنا والمعذبين لابناء وطننا فى بيوت الاشباح انهم اكلى اموال السحت وسارقى المال العام انهم قتلة اطفال ابناء دارفور انهم مطلقى الرصاص على المظاهرات انهم قتلة منور المنور بالنضال والتضحيه انهم اسد على الغلابه ونعامه مع امريكا وبريطانيا انهم وانهم وانهم وانهم ....انهم من هؤلاء ومن اين اتى هؤلاء ؟؟؟؟فلعنة اله عليهم
السنجك
|
Post: #41
Title: Re: من يتحدّى؟؟ مظاهرات اليوم زوبعة في فنجان !!
Author: السنجك
Date: 09-02-2006, 11:29 AM
Parent: #40
85 الانتفاضه عملوها الناس الفى الحكم ديل وهم ديل رجال يعملوا انتفاضه ؟؟؟ديل ممكن يعملوا انقلاب بليل ...يعملوا زى ماعمل عثمان مضوى ؟؟!! يغعذبوا الناس وهم ملثمين يسرقوا ...يختلسوا ...يرقصوا لكن لنتفاضه الجبهجيه البنعرفهم مابقدروا عليها ياخى ديل حلقوا الذقون فى الانتفاضه وقالوا الانتفاضه من نميرى للقضاء عليهم ياخى اختشوا
السنجك
|
Post: #42
Title: Re: من يتحدّى؟؟ مظاهرات اليوم زوبعة في فنجان !!
Author: عمر الفاروق
Date: 09-02-2006, 11:31 AM
Parent: #1
| Quote: وكانت زوبعة فى فنجان _ ومقالعة فى موبايل ) |
|
|