Post: #4 Title: Re: جامعة الخرطوم تعلن الحرب علي الحكومة Author: Mustafa Mahmoud Date: 08-30-2006, 11:49 AM Parent: #3
قصيدة: أُغنية للشوارع (هاشم صديق)
إتعلمت منك يامُدَرِسَّة يا شوارع كيفن أجمع وعي وفكرة وتبقى مبدأ وكيفن أدرس كيفن أحسب قبل أبدا وكيفن أطرح كلُ خاين فى بلدنا من عددنا وكيفن أسمع وكيفن أقرا. *** إتعلمت منك يا مُدَرِسَّة يا شوارع كيفن أسأل لما تغلبني المعاني وياتو مرجع من دروسك بلقى فيهو المعنى تاني وكيفن أصمُد لما تجتاحنا العواصف وكيفن أحمل راية إسمك بيها صابر وديمة واقف.
*** إتعلمت منك يا يا مُدَرِسَّة يا شوارع كيفن أضحك للبنادق لما تعدل طلقة طلقة وكيفن أبصُق فى المشانق لما تَختَا وكيفن إختار البعجبك وكيفن أرفض وكيفن أبقى. والليلة مالك يا مُدَرِسَّة يا شوارع؟! ساكتة مالك؟! هيجي .. موجي إتحركي .. إتكلمي عيدي عرسك يا شوارع وبي دمانا إتحنني وما تحزني ما تحزني ما تحزني الدم حريرتِك والهتاف إيقاع رقيصك والغضب كُل الغضب تاجك ضريرتك *** ساكتة مالك يا شوارع يا مُدَرِسَّة والكلام حقك كتابنا وسيفنا ده البعرف خلاصنا ساكتة مالك؟! والكلام أصبح رخيص جوه الدفاتر للبزيفوا والمنافقين والعساكر وللزمان كان فى صفوفنا وباع قسمنا وفاتنا ناكر *** يا شوارع يا مُدَرِسَّة زيدي درسك وعلمينا وأبقي ديمة المعنى فينا خير يدفق ونور بيشرق فى البوادي وفى المدينة وقولي لي تاريخنا سجل: ولو غلطنا تاني صححنا وصحينا ولو زمان سوونا مُتنا حِصة من درسك حيينا بس يا شوارع فتحي وإتكلمي وإتفجري وهُزي المدينة. *** يا شوارع يا مُدَرِسَّة ياما إتعلمنا منك التجارب هي الإجابة والمباديء معنى حاسم وماها ترنيمة كتابة والخزاين فى قصُور السادة خيرك وإنتي خيرك للغلابة والشرف حقك إسمنا وليهو بنخوض الحرابة ولسة قولي وعلمينا الدروس الليلة واجبة وإنتي فى دروسك أمينة إتحركي وما تخذلينا إتكلمي وماتخذلينا هزي سيفك وخلصينا من لصوص آخر الزمان الهاصو فى جامع المدينة وريحينا يا شوارع يا مُدَرِسَّة يا أمينة
Post: #5 Title: Re: جامعة الخرطوم تعلن الحرب علي الحكومة Author: عصام أحمد Date: 08-30-2006, 02:56 PM Parent: #4
Post: #6 Title: Re: جامعة الخرطوم تعلن الحرب علي الحكومة Author: Mustafa Mahmoud Date: 08-30-2006, 02:57 PM Parent: #5
لهذه المدينةِ المقهورةِ ،
المكْسورةِ ،
الحزينهْ ...
إلا ادَّعى ، بأنه المُمَثِّلُ الشخصيُّ ،
والناطقِ باسْم اللهْ ..
فهلْ من المسموحِ ،
أنْ أسأله تعالى ..
هل أنت قد أعطيتهمْ وكالةً
مختومةً .. مُوقَّعَهْ ؟ ..
كي يجلسوا على رقاب شعبِنَا
إلى الأبدْ ....
هل أنت قد أمرتهمْ
أن يخربوا هذا البلدْ ؟
ويسحقونا كالصراصيرِ ،
بأمر اللهْ ..
ويضربونا بالبساطيرِ ،
بأمر الله ...
فإنْ سأَلتَ حاكماً منهمْ
مَنِ الذي ولاكَ في الدنيا على أمورنا ؟
قال لنا : يا جَهَلَهْ ..
أما علمتمُ أنني ..
أصبحتُ صِهْرَ اللهْ
Post: #7 Title: Re: جامعة الخرطوم تعلن الحرب علي الحكومة Author: wesamm Date: 08-30-2006, 03:30 PM Parent: #6