حفل استقبال: لنرحب بهذه المجموعة (محمد - اسماء – رشا ) ...

محمد عبدالسلام الصافي
الشهير بالوالي ... ابن فداسي وود جيرانا واحد المتابعين لهذا المنتدي منذ فتر طويلة ويعرف الجميع

اسماء الأمين الياس
زميلة دراسة وقبل كل ذلك فهي ابنة قريتي فداسي شهدت معنا كل الاوقات والاحداث الجميلة والمؤلمة


الدكتورة رشا سالم ( ما عندها علاقة بي تمبس )

ارحب بها مرة اخري هناعلي طريقتي فهي (بت الجيران) قبل ما تمبس يدخل الروضة ..

وهم اضافة متميزة ... اتمني ان يسهموا في اثراء البورد وان يصمدوا في هذا الجحيم


وتاني واحد فيكم يقدر يعمل معاي مشاكل ...

الاف التراحيب والامنيات باستقرار لدفع هذا المنبر الي الامام

سلام باسماء ورشا سالم ومحمد حللتم اهلا وتنتظركم جموع المنبر


فاردين الايدي وزارعين الزهور نلتقيكم علي اسرجة بنفسجية


الشكر لجعفر بشير قلما اقف عنده دائما جاد موضوعي مهموم

بحركة الفكر الحر والتنوير

شكرا عزيزي صبري علي هذا الترحيب الدافئ ...
وشكرا لقلمك

أخي جعفر لك التحية

و معك نرحب بهم جميعأ ..

مرحبا بهم جميعا..

الف مرحب باصدقاء جعفر بشير

محمد

اسماء

رشا

واكيد اضافة للمنبر ما دام اصحابك.

Quote: وتاني واحد فيكم يقدر يعمل معاي مشاكل ...

يا بختك يا عم من ادك
عقبالنا ما نقدر نجيب اصحابنا وناس لحاتنا.

تحياتي.

تراجي.

حللتم أهلا ونزلتم سهلا

الف مرحب بهم
و طالما جيرانك و اصحاب يا جعفر
فهذا يكفي لنتوقع منهم كل جميل

تحياتي و اعجابي بجهودك العظيمة في كل الساحات الاسفيرية

Quote: الدكتورة رشا سالم ( ما عندها علاقة بي تمبس ) ارحب بها مرة اخري هناعلي طريقتي فهي (بت الجيران) قبل ما تمبس يدخل الروضة ..

..
يا جعفـــر..
حسع كان خططناها وشكيناها من جديد ووزعناها اقليميا وخطوط طول وعرض بتطلع أنت ربحان اتنين / صفر .. دي ما اختلفنا فيها يعني محمد واسماء ممكن يعززو ليك موقفــك ..
لكن دكتور رشـــا ما عندك طريقة ( صلبطــه ) لا خطة اسكانية محلية هنا .. ولا اقدمية .. بعدين أقول ليك حاجة .. انا لما كنت بقرا في ( الخلــوة ) وبعديها حولوني ( كمبوني ) رشا دي ما كانت في .. يعني في الحتة دي أنا بتفوق عليك بي عامل الخبرة ..
.
.
مرحب بي محمد واسماء و( البرلومة )د. رشــا

شوف يا تمبس انا حارفع القضية للخال (صديق الموج طبعا) ... وكت جابت ليها صلبطة وشكل .. نحنا جيران مما ولدونا لعبنا مع بعض ومشينا المدرسة سوا تقول لي نشكها ونوزعها تاني وخطوط طول وعرض والنشرة الجوية والمطرة مغرقة البلد ... والحكومة تتفرج والحركة الشعبية ما جايبة خبر ... اها من هسي شوف ليك طريقة مع خالك صديق الموج ولا مع جماعة من اعضاء مجلس بورداب الرياض .. ولو عايز نصيحتي النتيجة (3/.) .. ووفر مجهودك لمعارك تانية ..

والله يا جعفر بشير ماخليتني تميت باقي تسبيحي كويس بعد صليت المغرب
انت ود حلتنا زمان دي ما اختلفنا فيها
صاحب راشد اخوي قلنا مافي عوجة
لكن دحين يا ود امي تقول لعبت معاك في الحلة دي نقيف فيها الف احمممممر
ياخي انا صغيرة وجاهلة وانتوا لمن دخلتوا المدرسة انا بتعلم في الحبيان
اها عاد بعد ده مضطرة انزل صورتي في لبروفايل عشان الناس براهم يحكموا
وانا من هسه في صف تمبس لأنه طلع النصيحة وقال اني صغيرة
من دربي ده بمشي اكوس لي طريقة انزل بيها صورتي ... ارجاني بس شوية

عارفة يا دكتورة

الكلام ده كان زمااااااااااااااااان قبل ما تتورطي في سودانيز اونلاين ... ويبقي في مجلس خيلان هم البيحكموا في المواضيع وطبعا الملفات كلها بتكون موجودة ...

لكن طبعا اكيد انا ما قلت انو انت قدري ... (وخط رجعة طوييييييل اذا فهمت كدة) .. بس قلت كنا جيران ولعبنا مع بعض ومشينا المدرسة سوا عشان اقول لي تمبس انت عرفتك دي عرفة من متين ...

اها انت اصغر مني بعشرين سنين .. (نكابة بتمبس)
رايك شنو ..

العزيز نصار

شكرا لحضورك الجميل وترحيبك الاجمل ...
وشكرا لقلمك الذي يحال ان بصنع من هذا المكان شيئا ما ..

مرحب محمد.... اسماء.... والدكتورة رشا ... يابختك ياجعفر اصبحتم اغلبية

الاخ العزيز جعفر
نرحب معك بمحمد و اسماء و رشا
اها,
عاوزين زول يرش الحوش


كل الود
غادة

تحياتي استاذة غادة عبدالعزيز خالد

والشباب ما قصروا رشوا الحوش وفرشوا البيت رمل وشوية (ورود) وطلعوا الكراسي ...

شكرا بهاء ...

وعندنا طبعا باب انتساب لفداسي مفتوح

نرحب ب
محمد عبدالسلام
أسماء الأمين
الدكتورة رشا سالم

حتى يعدلوا كتف المنبر الميل يمينآ

والعقبى لآمنة
يا أبوها

سلااااااااااااااااااااااااااااااااااااااااام و وسع يا جدع..


ألف ألف ألف مرحب بيك يا أسماء في البورد, و الله ليك وحشة..
وينك و كيفك و أسئلة كثييييييرة نتلاقى بيها في الماسينجر!

الوالي..محمد عبد السلام..ألف ألف مرحب بيك و منور البورد..

رشا سالم.. مية مليون مرحب.. نحن أهل تمبس ديل كلهم أهلنا!



جعفر..

Quote: وتاني واحد فيكم يقدر يعمل معاي مشاكل ...

يااااا دوووب..!!

يعني انت من زمان كان في زول قادر يسألك.. (وش مبرطم قدر كده!)



تمبس..

Quote: وبعديها حولوني ( كمبوني )

و أنا أقووول شايفاك وين!!

الاخوة
محمدين محمد اسحق
عبد المطلب خضر عبد المطلب
Eng. Mohammed al sayed

شكرا شكرا جزيلا لحضوركم الجميل

Tragie Mustafa

هم فعلا اضافة متنوعة ومميزة للمنبر فقط اتمني ان يجدوا الوقت الكافي للتواصل .... غير الاجندة الخفية (اولاد الحلة) ..


أبو ساندرا تحياتي

والله يا ابوساندرا السودان كلو كلان مايل يمين لكن بعد التجارب الحالية دي ماعندو حل غير انو يستعدل..
شكرا لوجودك

مساكم خير
الاخو/ة/ات
صبري الشريف
محمدين محمد اسحاق
عبدالمطلب خضر
تراجي مصطفي
محمد السيد
نصار
بهاء بكري
غادة عبدالعزيز
ابو ساندرا
سناء خالد
لكم الود وكل الامنيات الطيبة ......
وسلامي لناس دفعتي محمد واسماء

التحيات الزاكيات لأسماء ومحمد ورشا
والتحايا الخاصة جداً ليك يا جعفر ولنضال
وتعال نعزمهم لأحسن استقبال في الحملة القومية التي دشنهاحزب المؤتمر السوداني
إثر زيادة السكر والمحروقات.
يلا يا هميم
إيدك معانا إنت و جيرانك وأصحابك
ويلا نبشر بمسيرة الأربعاء

ولك الود حتى منتهاه

منعم عمر

سناء خالد

والله من زمان اولاد الحلة قاعدين لكن في الشكل هم زاتهم بشاكلوني ... اها قلت شوف اولاد الجيران ...

طبعا ده ذكرني حفل استقبال البرليم ...

مراحــب

بي محمـد وأسماء ود رشـا,

والنصيحـة يا جعفر رشـا دي عرفناها عن طريق تمبـس,


ليكم التحية


أحمـد الشايقي

احمد الشايقي تحياتي ...

مشكور علي حضورك ...
لكن تمبس ده زول بتاع عكلتة ساكت .... وداخل لفت في الموضوع .. يعني انت ما عارف كم الاجتهاد والوساطات العملناها عشان بت جيرانا (الصغيرونة) تدخل البورد ... اها تمبس يقوم يخرمج لينا التخطيط كلو ...

اها يا جعفر الصورة ونزلناها وبعد ما الناس القروا كلامك يشوفوها
بجي اسحبها عشان تبطل تعمل فيها دفعتي ...

سلام اخوي جعفر والاف السلامات ناس البورد
والف شكر لجميع المرحبين
تحية خاصة جدااااااااا للاخت العزيزة سناء ولنا حديث واحاديث
اتمنى ان يوفقنا الله في اثراء البورد بالمفيد

جغفر العزيز .......... ياخوي انت ماشي مننا وين يادفعه , هجمت بنت الناس ساكت

يا حبيب والله قولوني الكلام ساكت .... ما قاصد كدة ... بعدين اخوك شكلو كدة امي في مسالة البنات والعمر دي ..

لكن تمبس صاحبك ده حيرنا زاتو .. اها قلنا زمان هو بمشي بعيد مننا حبة لكن هسة جاء حلتنا كمان

الأخ / جعفر بشير
فداسي الحليماب
من زمان ونحن مقتنعين بأن هذه القرية المتفردة هي مفرخة العباقرة
والمبدعين والشرفاء.
فمرحبا بمحمد وأسماء ود. رشا.

لكم جمعيا تحياتي

عماد خليفة

الصديق ابو الجعافر تحياتى وينك ...


صديقى وقريبى الوالى لك التحية والف مرحب بيك حبااابك

الاخت والقريبة والجارة اسماء تحياتى لك وللاهل والف مرحب بيك

الاخت رشا الف مرحب بيك حبابك

جعفر وتمبس حقو بعد كده تلمو مواعينكم وتتخارجو

الاصدقاء الجميلين حتما وجودكم اضافة نوعية للمنبر

لكم ودى واحترامى

Quote: جعفر وتمبس حقو بعد كده تلمو مواعينكم وتتخارجو

والله يا بكــه انا كنت بصدد لمليم مواعيني لكن كمان صحبك ده عايز يجردني من حق الجيرة كمان وبالمناسبة كان فتشتو ليكم كويس احتمال يطلع ( مغترب في فداسي ) ..

Quote: و أنا أقووول شايفاك وين!!

بس ده اناذاتي يا سنــاء ..
بعدين زي ما شايفه محاولات جعفر بتاعت التجنيد الالزامي دي واضحة جدا ولحدي الآن حسب اجندتو السرية طلع بي محمد واسماء .. وبيني بينك د. رشـا لحدي الآن بين .. بين مرات بتجي ( دايخــه ) من ريحةالحاجات المخيفة بتاعتهم دي .. وبيني بينك احتمال ( تبيع ) في اي لحظة
علشان كده إذا حصلت لي اي زنقــة انا ود خالة سناء خالد طوالي لــزم

Quote: إذا حصلت لي اي زنقــة انا ود خالة سناء خالد طوالي لــزم

أجي يا تمبس


انت ما أصلك ود خالتي

Quote: إذا حصلت لي اي زنقــة انا ود خالة سناء خالد طوالي لــزم أجي يا تمبس انت ما أصلك ود خالتي

والله ياهو الفضل كمان ... نحنا فتحنا باب قلنا انتساب .. بس
جابت ليها كمان قرابة.

--------
خلاص يا بكة يا حبيب
انا لحد هنا وقفت وممكن اتخارج بس تمبس ده ما تدوهو فرصة

Quote: والله يا بكــه انا كنت بصدد لمليم مواعيني لكن كمان صحبك ده عايز يجردني من حق الجيرة كمان وبالمناسبة كان فتشتو ليكم كويس احتمال يطلع ( مغترب في فداسي ) ..

الجميل تمبس انت اخد نصيبك الصغير

والشالو جعفر مردود (بس ياريت يقتنع)

Quote: أجي يا تمبس

سناء خالد مافى ضحكة كبيرة

ياتمبس قلنا حقك بس

Quote: خلاص يا بكة يا حبيب انا لحد هنا وقفت وممكن اتخارج بس تمبس ده ما تدوهو فرصة

لكن ياجعفر عايز ياخد حقو وحق غيرو

يكون جايى من فوق عشان يصل لى حتة الانتساب دى